留家廚房

营业中

休息中

一向都覺得留家廚房的薰雞很棒，所以每次同屋企人吃飯都會點。這次跟朋友來，他們點了很多之前沒試過的菜，其中的墨汁蒸肉餅真的很出眾！肉餅愛好者一定要試～無論是味道還是口感都一流👍🏻再說說他們的柬埔寨米飯好好吃（我本來就是喜歡吃瘦一點的米）

米芝蓮=好味道？其實本人覺得留家廚房的點心及小菜，並沒有特別嘅驚喜。今日一行4人先點了個4人套餐，套餐的餐前小食係苔條九肚魚（賣相並不精美，大小不一，條條都係綠色的，味道冇乜特別）蝦仁炒蛋（炒出嚟有好多蛋汁）左宗棠鷄（e個鷄要讚👍🏻一放上枱，非常香，而且很乾身，雞肉鮮嫩）例湯亦要讚（粉葛好香，最仲要係夠晒熱）反而飯就....凍凍地、米亦鬆散。講到點心、蝦餃、燒賣、牛肉、鮮竹卷（特別好食又唔覺，可以啦）二澳蘿蔔糕！咩嚟㗎？店員解釋係由大澳種嘅蘿蔔（味道不錯）至於座位e度都算寬敞，起碼聽唔到隔離枱講乜🤣唉呀！講陋咗一個菜添，水東介菜炒肥牛（e個真係炒得夠鑊氣，好香！牛肉嫩、介菜香👍🏻)

由於家中有喜慶事，後輩們特意挑選這間星級中餐廳給長輩品嚐。由於菜式花多眼亂，經理熱心為大家介紹一些較最受歡迎及值得品嘗菜式。前菜創意頭抽炒粟米，炒香的粟米和頭抽出乎意料地夾，豉油的鹹味不會搶去粟米的鮮甜，很有新鮮感！曾經飲過一些酒樓溝杏仁粉的豬肺湯，故上菜前心裡抱著沒期望的心態，但眼看這色澤皎潔的燉湯，先前的忐忑的心情即時一掃而空。乳白色的燉湯幼滑濃郁，杏汁磨得幼細，湯料很充足，每碗都有兩個菜膽瘦肉和兩塊豬肺，豬肺通透明顯處理得很乾淨，入口即溶，值得推薦！需注意此燉湯需提前預訂。醉雞吃得多，醉鮑還是第一次，鮑魚爽脆無比，整隻醉鮑裡裡外外都滲透著玫瑰露和花雕酒香，我想師傅定必花了不少心機和時間才可令厚實的鮑魚變成這酒心鮑！現今已經很少地方吃到豬腳筋，還是頭一次吃白灼的，頭抽帶甜味，豬腳筋爽脆之餘有黏黏骨膠原的感覺！炸蝦球大粒真材實料，熱辣辣肉質彈牙，配以柚子醬酸甜具創意，間中吃到柚子皮的甘甜，口感清新，就算多吃也不覺油膩！蒸肉餅配白飯一流，吃到粒粒爽口的魷魚和墨汁獨特的味道，肉餅打得彈牙，中間的蛋黃令整個肉餅更惹味甘香。廣島蠔比預期中大及肉厚，焗蠔火喉控制得相當好，肉質鮮嫩而邊位並沒有因

今晚與家人吃冬至飯，去了2011年米之蓮星級餐廳～留家廚房。我們七大一小叫了個六人餐，共有十二道菜，所以份量也很足夠，但要一提的是有個別餸菜是按人頭計的，例如豬腳凍、金蝦白菜和太史戈渣。所以人多了就不是一人一件，要開心share。至於食物質素方面，每道菜都很平均，當中金蝦白菜的蝦非常彈牙，海蔘扣鵝掌的海蔘亦發得很淋，而古法鹽焗雞亦相當嫩滑。其餘菜式與大部分的樓酒差不多，有點不明白米之蓮星級餐廳的名銜是何以得來？此外，很可惜的是經理突然走來說今天才收到我們的order，所以原本的松茸花膠燉雞湯「燉」唔切，但我們明明早已訂枱，最後只得蛇羮和豬肺湯兩個選擇，但這兩個湯的級數好像與原本的湯有所偏差吧，但不變的是照收你相同的價錢。雖然如此，但服務還真是一流的。

首先黎個太史戈渣，真係又史又渣，炸一舊冇味既野，食完都唔知係咩，只知道好熱氣。再食一個普寧豆腐，勁細件，個汁我唔識欣賞，又係非常熱氣。又黎個鮮蟹肉菜茸羹，冇技巧，基本上放豆苗起攪拌器整到一堆綠色liquid比你飲，冇湯既感覺。唯一係炸蠔叫正常。墨汁蒸肉餅，no comment，個人認為唔值$168。慢煮牛肋排，等左勁耐，冇牛味，好似食燒肉咁既味，唔太鐘意D口感。基本上成餐飯每度菜上菜時間相距好耐，由餓等到唔餓，7點食到9點幾10點...其實唔飽，但食完太夜，費是食宵夜。再黎個白玉羅漢，蠔油味唔入菜度，唔好食，普通大眾化酒樓肯定好食過佢。仲有個花彫雞，叫做不過不失。反觀隔離台食鴨、炒飯，應該好食過我以上食過既野。但我唔會再番去食。

同客食飯，看到煮角的劉晉，又見餐廳拿過米芝蓮，中高價位，總有期待。大部分菜式都要預訂，而且我們九點才入座，基本上選擇不多，所有家禽類已沽清。普寧豆腐，是炸得很香脆，滴油不沾，像食魚膠的感覺。叉燒，$180，並不是我們常吃紅色蜜汁那種，他是單純的碳燒，碟底有些似水非水似汁非汁的液體浸著叉燒。肉香和碳香也不算濃，自己還是偏好紅色叉燒。蝦醬玻璃肉，把五花腩薄切用蝦醬姜絲蒸，肥肉變成爽口唔肥膩，鹹香適合用來送飯。焗魚腸，焗得很焦香，魚腸份量好多而且每條都非常肥大，調味偏淡。瑤柱扒西蘭花，清爽無油，蠔油汁淡淡的沒有過份搶味，食味平衡。黃鱔炒飯，像一般蛋白菜粒炒飯，沒有很吃得出黃鱔味。白飯可以自選邊款米，喺呢度少少特點，有五種米可以選擇，本地大嶼山、柬埔寨、日本、台灣...$20~28一碗，用萬幾蚊一個的電飯煲在當眼處煲着，但我們來得有點晚，連靚仔也只剩最後兩碗。柬埔寨和台灣，老老實實，也沒有什麼很驚為天人。

北京小食太史戈渣聽人講要加糖但係我覺得唔加糖重滋味炸到外脆內軟流心咁朋友讚不絕口叫咗個醉乳鴿 竟然係炸嘅我以為佢攞錯咗畀我原來唔係炸得香香脆脆又有酒味真係第一次食仲要炸埋啲乳鴿肝同腎送酒一流一次過滿足曬三個願望蝦子柚皮同出面唔同做得實身送飯一流呢個雲南 野菌炒蛋竟然賣到成2xx一碟炒得夠滑野菌又甜竟然仲有蛋汁流出呢雙魷墨汁蒸肉餅真係美妙之極因為佢黑麻麻你唔知自己食緊啲乜嘢一啖食落去嘅時候除咗有馬蹄雙魷鹹蛋 其他不知明物體除咗入味再加上 自己唔知食緊啲乜嘢嗰下感覺真係勁得意又有咬口服務非常好一定會再返去

It used to be our place to go for dinner after a long day work on the way home. Sadly it moved to Wanchai some time ago and I have not been here since.Bigger place, still fully occupied. Menu has changed a bit to offer more high end choices, but we still stuck with our favourites:Smoked chicken - strong smokey taste succulent chickenBaked fish intestines and eggs - only for those who can take really fishy taste. It's all worth the 30 min wait, so full of fish intestines, served piping hot straig

咕嚕肉令我好驚喜少粉鮮豬肉厚切新鮮菠蘿每一樣都係功夫加細心連飯都講究過人用過萬蚊嘅電飯煲之前我都唔明點解要咁貴食完就知晶瑩通透係點解焗魚腸雖然唔夠肥美但係食左就知道好考功夫d蛋一層層又嫩滑羅漢齋扒柚皮亦都係好考功夫既一道齋菜可惜杏汁燉白肺唔夠杏汁少咗滑但係亦都食得出係用心機用功夫既一道好菜

只係小試牛刀，無叫太多野，叫左叉燒包、春風得意腸、菜苗餃！ 叉燒包個子細少，賣相亦唔夠好。包皮唔夠香甜，包皮頂有少少潮，濕濕地口感好。叉燒餡調味可以，有粒粒叉燒肉，但係餡料份量太少！菜苗餃餃皮太厚，師傅手工比一般酒樓尚有不如！味道尚可…但餃皮大大影響左成個口感。春風得意腸，呢個讚，用腸粉皮包住鮮炸春卷，入口外軟內脆，兼春卷內餡調味出色，正 !可能位置同裝修關係，收費唔平。但以呢個收費同級數，叉燒包同菜苗餃呢D咁基本既點心都做唔好，就有少少另人失望了！食評既好評好多都係食佢既小菜，不過連點心都做唔好…

這是我在七天之内第二次選擇這家食店晚飯，上一次是由食家友人安排十多人吃私房菜式，今次則我個人訂枱與两位新加坡訪港友人，在大堂散座晚飯，叫了五個接近“潮汕”的菜式。是晚最特別的是菊花魚云𡙡，拆肉魚云好鮮好滑，尤其是魚唇部份，十分配合個“忌廉”湯底，加上些菊花，好香滑，有口感，不過湯上枱時的温度如果熱一些，相信會更好。預訂的潮式炊大鷹鯧魚，味道做得非常好，上次已評過，值得番叫，可惜四個人未能食晒這條二斤多重的魚，要打包回家。古法鹽焗雞色香味全，用鲜雞做，肉輭滑有雞味。此外，鳯凰焗魚腸和蝦籽普寧豆腐均保持水準，上次已評過。至於服務方面，是晚客人不多，應該可以好一些，出菜時間安排也可以改善，飲完個湯後，唔好一次過出齊所有菜，顧此失彼，部份菜式吃時温度已失，大大影響味覺效果。

今晚一班舊同事聚會再選擇了留家厨房，因為上次聚會我不在香港，所以今晚是我第一次品嘗這家湾仔店的菜式，果然名不虛傳。我最喜歡和满意的菜式順序是: (1) 鳳凰焗魚腸，表面的蛋漿和油炸鬼焗得剛剛好，完全唔燶唔過火，又香又脆，裏面的魚腸好多，好乾淨，又香又輭熟，是我多年來食過最好的焗魚腸。(2) 潮式炊大英鯧魚，用潮州咸菜和番茄來煮，鯧魚好滑又有魚味，魚汁甜中帶㸃酸味，好醒胃，口感佳，甚正。(3) 京酥八宝鴨，鴨身夠酥夠香但好鬆化，裏面的配料特别是莲子香氣撲鼻，未吃已嚮往，配汁在鸭上枱時才渗上，可保持鸭身酥脆。其中的菜式包括黑毛豬义燒，瓜果魚尾老火湯，蝦子炸根普寜豆腐，香露蝦都做得唔錯，唯一比較失色的是留家香雲吞，餡是用臭豆付做 ，有特式，但炸得太乾。

這天專程跟同事來試一下留家廚房的菜式。一試之下，方知世界之大，天外有有。留家廚房小小的一間餐廳，裝修也不算富麗堂皇，但餸菜絕對比很多大酒店更出色。每一道菜也很用心去做，簡簡單單一碟豉油王炒粟米，也能炒得出神入化。大家也讚不絕口。更難得就係老闆在場中為我們解說。令我們知道每一道菜背後的功夫和故事。好了，不說太多。看圖開飯。必試。鮑魚夠晒彈刀。難得的就是對用酒也很講究。一般食肆通常也只用花彫。聽得多的有花彫醉雞/豬手。但這道菜完全不同，入口淡淡玫瑰的香味。酒味沒有花彫咁重，但卻更可口。據老闆說他們用了玫瑰露，糟露和味露。經過多方嘗試才能配出這樣的味道。本來我們沒點這個菜的。是老闆親自介紹。要知道越平凡的菜式，就越考師傅的功夫。這碟粟米簡直要用出神入化來形容。據老闆說關鍵在於要挑選最靚既豉油。他們選了本土的，一支要$268的靚頭抽來炒，加上一點薄荷葉，使其更為可口。大伙兒吃後也讚不絕口。鹽焗雞－香港已經好難食到正宗的鹽焗雞。巿面上九成也是浸下鹽水就算。難得這裏還會用鹽來做。老闆說他們炒熱８斤的鹽先焗一次。鹽冷卻後，雞還未熟，所以要再炒一次再焗。吃時陣陣鹽香，難得。即叫即燒叉燒落ＯＲＤＥＲ時侍

中秋後同朋友去食飯，明顯冇節日咁迫同趕，舒舒服服食餐飯，又冇咁貴。佢地出名做手工菜，前菜的煎釀龍牙豆及太史戈渣真係要心機整，簡單又好味，比起呢兩款前菜，另一味前菜普寧豆腐就較冇咁特別。重有冬瓜盅，燻雞，蒸東升斑，虎掌菌五花腩，魚湯菜。每樣餸都有水準，最特別返而係個白飯，有四種唔同地方出產的米可選擇，佢重要同個萬幾蚊嘅電飯煲煮，雖然我冇錢買個咁貴嘅飯煲但都可以有機會試下。現在做傳統手工菜的酒樓已很少，在中秋佳節同長輩食返D傳統野，確實有另一返味道

週日，兩口子有時會去飲茶，歎番一盅兩件。通常會去灣仔富聲或留家廚房，今日就先說留家廚房吧！喜歡這裡大部份點心可以逐件點(兩件起)，不用點整籠，最啱人少來，吃多幾款點心。今次點了豬潤燒賣(2 件)，叉燒腸粉，鮮蝦腐皮卷(2 件)，欖角牛肉崧炒飯。豬潤燒賣: 豬潤蒸得剛剛好，很嫩滑。叉燒腸粉: 腸粉皮既滑且彈牙，叉燒就普通。鮮蝦腐皮卷: 外皮香脆，蝦新鮮爽口。好味！欖角牛肉崧炒飯: 有欖角香味又不太咸; 飯炒得很乾身，每粒飯粒都被蛋槳包裹，粒粒金黃色; 牛肉崧很嫩滑，吃著有幸福的感覺。總的來說，這餐很滿意。:-)註: 以前留家有上湯粉果，超好味。年頭轉了menu, 換上蒸米果。雖然蒸比炸健康，但這不是我杯茶，希望遲啲上湯粉果會再登場。