申子居酒屋

营业中

休息中

之前已經試過銅鑼灣既申子居酒屋，野食好有質素，今次帶個朋友黎旺角黑布街既分店再試下。😆😆申子既裝修都係以幽暗同深木色為主，主要行型格路線。情侶黎或者一班朋友黎都好適合。🥰🥰首先黎既係深海池魚刺身，魚肉雖然比較薄身，但勝在夠新鮮，而且口感非常爽口，魚肉結實彈牙，非常口錯。😄😄接住黎既係申子好出名既鹽燒牛舌芯。今次再食仍然保封水準，牛舌好厚身，口感柔軟，而且油脂感豐富，簡單以鹽黎調味已經足夠。主食仲有蓬鬆玉子，表面有大量既葱同埋日式大阪燒醬。玉子口感好滑溜，一切開已經有大量蛋汁流出黎，而且蛋味濃郁帶少許奶香。🥰🥰最後黎既係油揚腐皮烏冬同埋巨大蝦球。前者湯底清淡，唔會油膩，而且烏冬彈牙爽口，加上腐皮帶少許甜味，好啱我口味。而後者一上枱果陣，我地都嚇咗一跳，真係好大粒，入面有大量既蝦粒，而且蝦膠都好彈牙，外皮又炸得非常香脆，口感層次分明，好值得一試。😋😋

SHINKO 申子A light and easy lunch at Shinko 申子Tucked away in the bustling heart of Hong Kong, Shinko offers cozy and chill vibe that's perfect for gatheringsI recently had a light and easy weekday work lunch with a friend there - we order the Shinko signature appetizer to start, a trio - smoked salmon paired with creamy cheese, the sea urchin and roe with tofu provided a burst of oceanic flavor, while the syutou (salted tuna guts) with cream cheese was a daring and unique combination that worked w

兩點半去到申子😊好多人食完埋單走，我坐低嗰陣唔算太多人坐得幾舒服。樓上燈光暗暗地十足日本居酒屋。午餐有優惠凡惠顧一客唔知套餐就會送丼飯，本身以為送嗰碗飯好細，原來係正常份量，成件事抵食好多😳首先揀咗壽喜燒，佢哋壽喜燒有得揀豬同牛，壽喜燒汁配牛肉一定冇得輸🌟份量超多成都都係，佢哋嘅牛肉係比較厚身而且長，感覺質素唔錯，係貴價貨！生蛋另上咁就可以自己調校熟度😋佢哋嘅壽喜燒食落唔會過分甜，用嚟送飯啱啱好！另外嗰個飯係鰻魚玉子飯😋超大片鰻魚差唔多有手掌咁大，唔會一夾就散，味道很不錯。另外玉子厚過AirPod🫨🫨視覺效果同味道都好得！玉子簡單調味甜甜地。加多咗個牛舌心小食，佢哋嘅牛舌心超級高質！入面可以見到係粉紅色，質感厚實，咬落去勁香牛味而且爽口，喺口腔入邊咀嚼好耐慢慢細嚐😋！

申子早幾年已經出名，雖然佢比較貴，但真係有質素，用料新鮮。今日唔太肚餓就淨係叫咗幾樣嘢食。一打開鮮蟹肉粥個蓋好香，成個粥好甜因為蟹肉，粥又夠綿，份量夠哂2-3個人share 。牛舌粒好大粒，起碼有10粒，食落爽口彈牙，完全無筋位，熟度大約5成，食到停唔到口🤤串燒都唔弱，大蔥雞同埋黑豚肉都係大大嚿，唔會燒到乾晒，仲keep到juicy，皮又燒到脆口。記得之前食過芝士玉子燒都好正，今日得2個人就費事叫，留返下次人多可以再encore。

經常行過旺角黑布街食甜品，見到呢間日式料理-申子居酒屋，一直都好想嘗試，平日晚上都好多人，直到今次終於有機會會約朋友來吃午餐😚原來，店內樓高兩層，面積不算小。午市推出咗298買一送一優惠，刺身定食，宋國切魚生飯😝抵食啊！😍刺身定食有魚子、三文魚、蝦、油甘魚、帶子，配上熱烏冬及麵豉湯，感覺很好，而且味道鮮美🙂角切魚生丼有三文魚吞拿魚帶子粒，味道不錯的，看上去份量少少🤏，但還算飽足。蔥香吞拿魚軍艦軟嫩的吞拿魚肉與香蔥結合，富有層次，口感柔滑，我很喜歡。😌

🇭🇰 Mong Kok 旺角｜Shinko 申子居酒屋The exterior of this restaurant may look ordinary, but it is nothing but that! 🧐 Inside, it has some of the best interior design I have ever seen in a Japanese restaurant! 👀 In terms of food, I tried:🥘 Sukiyaki 🥘The sukiyaki is exceptional! 🥺 The soup-base is on the sweeter side and it comes with a lot of toppings and some of the best beef I have ever tried! 😆 🐟 Golden-eyed Snapper Sashimi 🐟Usually I am not a big fan of sashimi but this is an exception! ☺️ It is so fres

旺角呢間居酒屋一直都好受歡迎店內環境好適合同朋友嚟飲下Sake同朋友聚會聯誼嘅好去處午市套餐買一送一優惠配上前菜．味噌湯✨壽喜燒熱辣辣嘅湯底味道清甜將雞蛋融入鍋中可揀牛 / 豬．肉質軟腍將湯加入米飯之中．更美味✨和風牛舌丼呢度牛舌芯係招菜式牛舌丼都無令我失望加入和風醬汁．洋蔥．雞蛋份量充足✨蓬鬆玉子口感軟綿綿嘅玉子加上沙律醬．蔥花裡面流心般嘅質感．真係好正✨軟芝士黑豚卷黑豚肉裡面包著香軟嘅芝士芝士控必定一試愛上

2訪申子居酒屋 。之前晚飯食過已經知道佢係一間高質嘅日本料理， 知道中午時間會有 午市套餐供應所以今日約朋友嚟試下。見到餐牌佢嘅午市套餐 買一送一， 叫一份午市套餐送一個丼飯 好吸引，我哋叫咗個 牛肉壽喜燒及親子丼， 每份午餐佢都會跟 一個麵豉湯、沙律、前菜，好豐富，另外我地再加左個小食一口芝士黑豚卷。牛肉壽喜燒：牛肉嘅份量都唔少，牛肉軟稔加上鍋裏面多種配菜， 食得好滿足。一口芝士黑豚卷：一客有3粒，外皮酥脆， 一口咬落去 豚肉 多汁加上三重芝士口感多重享受。親子丼： 親子丼入面係三文魚同三文魚籽配搭， 三文魚色澤均勻肥美鮮甜， 加上三文魚籽盡顯鮮味。

長期系推介榜上嘅居酒屋第一次同👦🏻去吃 期待滿滿暗黑格調環境 充滿小酌氛圍兩層樓高🖤位置不算多 需提前預訂主打日式主食 小食 串燒 等下酒菜久仰其名🤩即刻點左招牌名物☀️吉列蘋果豚肉卷 $258融合了不同元素的創意菜豚肉卷裡加入蘋果 酸甜可口吉列外皮香脆 內裏鎖住肉汁雙重口感😋果然係招牌菜☀️網燒肉眼扒 $298火候控制得好好🥩保留肉眼扒鮮嫩肉質檸檬 芥末 鹽等簡單調味即可☀️極上鹽燒牛舌芯 $128超鍾意牛舌芯柔軟口感鹽燒後增添焦香外層🔥食材高質 牛味十足又一申子必點名物🌟☀️蓬松玉子 $108蓬松爽滑質地🍳加上大阪燒醬汁及葱花地道日式風味菜☀️三文魚(四切) $68新鮮海鮮食材🍣推出好多限定時令刺身仙鳳趾真蠔 愛女魚 黑鯥等整體食物質素好好👍🏻現正舉行申子感謝祭🎏有好多🇯🇵九州限定料理酒精飲品仲有買一送一優惠值得推薦的日式居酒屋體驗🏮

不論在餐牌上的種類選擇、環境上狹窄、廁所衛生環境上，全層男女顧客共用，唯一男廁格，場面震撼。因為兩人枱面細，所以分別點了兩輪菜，頭輪可能人客不多，上菜速度正常，再來點了腐皮烏冬及一燒店，時間等候超長。所以集合以上缺點，此店都是一處，不會回頭消費的地方。

旺角低調的日式居酒屋，✨濃厚的日式氛圍，彷彿瞬間去到日本。進門是幾個吧台，樓上亦有卡位，適合三五知己一起暢飲。✨環境優雅，氛圍溫馨。超吸引人lunch set活動！😙買一送一套餐，還有丼飯贈送。壽喜燒配牛舌丼，🐮牛肉壽喜燒份量十足，湯頭味道恰到好處，🥘不會很甜。配上生雞蛋，🥚用蛋漿包裹後的牛肉去拌飯，好美味。🥢牛舌丼，牛舌細滑，口感十足。小食會推薦佢哋嘅串燒，🍢選擇多樣，而且即叫即燒，熱辣辣🔥

申子居酒屋午市有買一送一優惠，價錢包咗麵豉湯、沙律同埋前菜，沙律好有誠意，有蟹肉同蟹籽，好足料～ 送嘅丼飯可以自選，彈性度高！🔅申子三色丼有海膽、三文魚籽同碎蔥呑拿魚！海膽份量好多，肥美鮮甜！撈埋三文魚籽同碎蔥呑拿魚一齊食另有一番風味，口感豐富好滿足🔅鰻魚玉子丼鰻魚大大條，肥美肉厚又燒得好靚，面頭灑上大量紫菜碎！玉子厚身又香甜，配上鰻魚醬汁夾埋珍珠飯食非常正🔅極上鹽燒牛舌芯牛舌芯爽口彈牙，完全唔韌，口感一流，牛味濃厚，配上岩鹽、芥末醬同檸檬

同朋友lunch食左lunch set 牛肉壽喜燒定食送角切魚生丼～ 發現呢個lunch set 性價比好高～ 買一個餐會送多一個自選餐～ 我地叫左牛肉壽喜燒定食～ 亦都可以揀豚肉壽喜燒～ 壽喜燒配埋刺身小食同埋麵豉湯牛肉壽喜燒份量好充足個湯汁同飯撈埋一齊食非常之好食～除咗牛肉之外仲有有金針菇同唔同嘅菇類～ 角切魚生丼份量好充足～ 好多唔同嘅魚生都喺丼飯上～ 吞拿魚三文魚全部都好美味～ 丼飯都配埋刺身小食同麵豉湯～ 足料又好食～ 我哋仲叫咗極上鹽燒牛舌芯～ 牛舌芯燒得外香內滑 香口得黎煙靭煙靭非常之好食～ 美味滿足嘅一餐！餐廳嘅環境好有日式居酒屋嘅感覺，員工都非常nice!!

申子居酒屋，位於旺角黑布街74-76號藝興大廈地下1號舖。 店內樓高兩層， 餐廳主打日本料理，有壽司、燒物、鍋物、刺身，丼飯和麵類。晚餐 ～ 火炙大蝦讚岐手打烏冬$168、舞茸豚肉卷$68、廣島蠔鍋$158、 手作免治雞肉串$68、蔥拖羅卷$168、 明太子燒$88。 📍火炙大蝦讚岐手打烏冬$168 ～ 蝦大隻，烏冬煙韌彈牙，湯底有濃濃的蝦味。 📍舞茸豚肉卷$68 ～ 豚肉鹹香惹味，肉汁滿滿。 📍廣島蠔鍋$158 ～ 濃厚鮮甜的鍋底，廣島蠔口感柔滑。 📍手作免治雞肉串$68 ～ 有咬口而美味的雞肉串，配上雞蛋蛋黃， 味道更佳。 📍蔥拖羅卷$168 ～ 口感綿滑的拖羅蓉，配上青蔥，味道更飽滿。 📍明太子燒$88 ～ 燒得外層焦香，十分惹味。 申子居酒屋地點方便， 食物質素不錯。🏷️溫馨提示～ 整個用餐體驗均屬個人分享意見， 只作參考😊。

之前都聽過呢間居酒屋都幾高評價，今晚終於有機會去試吓🥳雖然佢嘅定價較為進取，但絕對係值回票價😌全部都好高質，唔怪之得平日夜晚都咁多人🫢👅極上鹽燒牛舌芯($128)呢個真係必叫❗️勁高質🤤每件牛舌芯都好厚好大粒🤩表面燒得焦脆，而內裏係軟熟唔靭但帶有嚼勁口感😋牛舌本身已經好香，所以無論淨加檸檬汁食，或者配搭蔥花、幼鹽、柚子鹽都咁好食😗🍣蔥拖羅卷($168)好澎湃嘅小卷😍拖羅蓉比得好慷慨😙因為拖羅蓉同飯嘅比例係2倍，甚至3倍😆所以真係入口即化，大滿足🤭🤭🧈蓬松玉子($108)雖然冇預期咁蓬鬆，不過都好大塊😆半熟嘅玉子好嫩滑，充滿蛋香👍🏻🫕黑松露雞肉芝士雜炊($168)估唔到居酒屋都有risotto😲大量芝士令每匙羹飯都拉絲，黑松露味又濃厚🤤仲有唔少嘅雞肉同雜菌增加口感😋😋🐷豚肉露荀卷($58)🧀軟芝士黑豚卷($48)🐥大蔥雞肉燒($48)所有串燒都好有質素😋燒得香脆但仍充滿肉汁，一啲都唔乾👍🏻就連燒大蔥都保持到爽脆😆好香好好食🤤