申子居酒屋

营业中

休息中

申子居酒屋午市定食經過旺角黑布街食lunch，見到依間居酒屋做緊午市定食6折優惠就去左試下👉🏻刺身 定食烏冬 三文魚，油甘魚，帶子，吞拿魚，甜蝦，三文魚子 刺身 ， 再配上雞白湯手打烏冬定食， 簡直係超好玩嘅午餐☀️其中三文魚都勁厚切，帶子超大粒，正呀！👉🏻壽喜燒定食 除咗牛肉量滿滿， 上面仲有好多粉絲冬菇金菇娃娃菜，壽喜燒甜度都啱啱好，一啲都唔會淡口，配埋生雞蛋，正正☀️2款定食都配 味噌湯，胡麻豆腐同埋 汁煮牛舌，大滿足☀️👉🏻極上塩燒牛舌芯粒粒厚切 鎖住肉汁，風味十足👍🏻

一路都好多人讚好食，今次俾佢晚市飲品買一送一嘅優惠吸引住，一試就愛上！每一樣都好好味😋🌼雜錦刺身沙律好清爽，酸酸甜甜，好適合用來做開胃菜或者解膩用😋🌼芝士玉子燒滿滿流心芝士，蛋香味濃郁🥰超夾🌼牛舌心燒得啱啱好，咬落好淋好多汁，送酒一流！必叫！！！！🌼雞內臟平時怕食內臟嘅朋友可以試試，佢個汁好入味，所以唔太會食到內臟陣腥味😍🌼燒芝士年糕/唔知咩雞腿卷兩個都一樣好好食🤤🌼梅酒/柚子酒雖然係買一送一，但係啲酒都有質素，日本酒黎，大家可以放心飲🥰

最近又去咗申子居酒屋，佢哋嘅午市套餐真係好抵食，六折優惠，真心覺得正！食物嘅口感同味道都好出色👍壽司定食配烏冬壽司新鮮得嚟，魚生切得好厚，口感滑溜，搭配啲醬油，味道真係一流🤤烏冬煮到啱啱好，彈牙又有嚼勁，湯底清淡但又有味，真係好適合配搭壽司食😋壽喜燒定食牛肉煮到嫩滑，搭配啲新鮮蔬菜同豆腐，味道好豐富，醬汁甜中帶鹹，配埋米飯食，真係好滿足🤤極上塩燒牛舌芯牛舌燒得香脆，肉質鮮嫩，咬落去好有口感，仲有唔同嘅醬可以點，勁啱鍾意食多種口味嘅朋友😋呢個真係必點👍📍 申子居酒屋 (旺角)旺角黑布街74-76號藝興大廈地下1號舖#旺角美食

旺角黑布布呢邊越嚟越多好嘢食，要數個人第一位一定係申子居酒屋，每次嚟食都保持到高水準同質素。極上鹽燒牛舌芯口感軟腍之餘帶少少彈牙，入口鮮嫩又多汁，肉味同鹽香配埋一齊超夾。重量芝士玉子外層係燒過嘅超重量級芝士，入面係蛋香濃郁嘅玉子燒，咬落仲有勁多蛋汁。關東煮居酒屋必食了小食，魚湯夠濃，食材有蒟蒻、蘿蔔、紅板魚蛋、魚餅等，每種都用晒味。日式雞鎚花蝦炸到外層脆卜卜嘅雞鎚混埋花蝦，內裡啖啖肉，雞肉同蝦肉兩層口感又夠豐富，食落香口惹味。日式醬油炒飯實而不華嘅醬油炒飯，每粒飯都浸入晒醬油，粒粒咬落都帶有醬油香味。柚子乳酪梳打青蘋果乳酪梳打居酒屋食嘢唔一定要配酒，配返杯乳酪梳打都夠晒爽。申子居酒屋 (旺角)旺角黑布街74-76號藝興大廈地下1號舖

今次去發現佢哋做緊六周年感謝祭🥳星期一至日所有午市套餐六折，真係超抵😍💫 牛肉壽喜燒🐮🫕壽喜燒嘅牛肉好嫩滑，入口即化，搭配清甜嘅蔬菜同醬汁，味道層次豐富。蛋作為蘸料，增添咗一份滑順嘅口感。💫 申子三式丼🍣申子三式丼裡面有海膽·拖羅蓉·三文魚子🥰就咁望落去已經雙眼發光🤩超多海膽超crazy!! 刺身新鮮度滿分💯魚子醬在口中爆開，海膽綿密細膩，與醋飯搭配得天衣無縫。💫一口芝士黑豚卷一口芝士黑豚卷都相當出色，外層炸得金黃酥脆，咬落去芝士嘅香味同黑豚肉嘅鮮香融合，令人回味無窮。之前來過就覺得呢度食物質素高，今次依然冇令我失望，完全冇因為做活動而減少品質。銅鑼灣/旺角區嘅上班族想 enjoy 返個開心 lunch ，可以嚟試試🤣

申子居酒屋地址：旺角黑布街74-76號藝興大廈地下1號舖重量芝士玉子 🧀 $138超！級！邪！惡！😍 玉子燒本身已經夠滑🤩，中間仲夾住超厚流心芝士，一切開就爆漿，芝士味超濃但唔會膩，鍾意芝士嘅人一定會愛上！好食到忍唔住🥰encore！ 正吞拿魚春菊沙律🐟 $138清新之選！吞拿魚蓉好新鮮🥰，配埋春菊（即係日本茼蒿）同柚子醋，酸酸地好開胃，仲有啲脆脆嘅東西增加口感😏，正。 鰤魚🐟 $238 呢個係店員推薦嘅時令魚，油花好靚😜，入口即化，鮮甜得嚟帶少少爽口，配埋wasabi同醬油，超正！😆日式醬油炒飯🍚 $128炒飯粒粒分明，醬油香夠晒濃，仲有啲蘑菇粒🤣，鑊氣十足！雖然係基本嘢，但做得夠香口，食完刺身再嚟碗熱辣辣炒飯😙，超滿足！ 正荔枝乳酸梳打🍹 $68 + 西尾抹茶凍鮮奶🍵 $68兩杯飲品都唔錯，荔枝乳酸梳打好清新，甜度適中；抹茶凍鮮奶茶味濃，奶滑得嚟唔會太甜🤩，飲完唔會滯，幾適合配濃味食物！ 正

今日嚟到旺角搵食，都好一段時間冇食過日本嘢，見到呢間居酒屋，有好多好評，一於黎試下！餐廳裝修好有日本feel，有兩層，面積唔大，每張枱都比較近，好有家庭式居酒屋嘅感覺, 有啲feel👍🏻 我哋六點嚟到，幾乎已經座無虛席，好受歡迎！我哋叫咗幾樣侍應推介嘅嘢食:🍴白子豆腐 - 非常特別！但是一啲都唔腥，好新鮮！豆腐加咗辣肉碎，有少少麻婆豆腐嘅感覺，用嚟撈飯一流👍🏻👍🏻🍴廣島蠔沾麵 - 粘米湯底超級濃郁，好大蠔味，鍾意食蠔嘅一定唔可以錯過！麵都煮到軟硬啱啱好，每點一下都掛湯，非常高質👍🏻🍴芝士玉子 - 呢個燒肉只加入大量芝士，超級cheesy, 一定係芝士控嘅favourite！🍴鹽燒牛舌芯 - 串燒方面，呢個鹽燒牛舌心，超級厚切，口感十足，而且燒得啱啱好，入口爽口彈牙，又係一樣高質嘅嘢食👍🏻👍🏻👍🏻

平時食居酒屋都係夜晚先去食，原來申子居酒屋嘅午市定食咁抵食，六折優惠星期六日都照有，唔駛驚放假食無得平。我哋今次嗌咗個刺身定食，刺身份量十足同新鮮，帶子彈牙，吞拿魚油花豐富，生蝦爽口，三文魚同油甘魚都肥美，仲有三文魚籽加添口感 。個玉子又煎得啱啱好 ，唔會乾身 。最正係食完凍嘢再食到熱辣辣嘅湯麵，暖笠笠咁好舒服。醬油漬吞拿魚井都值得一試，有淮山蓉同生雞蛋配埋吞拿魚，攪勻之後啲飯變得黐黐地，幾特別。最後個極上塩燒牛舌芯真係值得encore，外皮燒到香脆，入面仲係嫩嫩地，有淡淡鹽味提香，好快就清晒 。

今日試咗兩款午市定食✨ 麻婆白子豆腐定食 $148麻婆豆腐味道鮮香，豆腐滑溜，配上肉末，辣味適中，唔會過火。白子，即魚類的精巢，口感好特別，入口即溶，令人驚喜地沒有半點腥味！✨ 蒲燒鰻魚厚切玉子丼 $148呢個玉子丼就更加驚喜！鰻魚烤得恰到好處，外脆內嫩，配上香濃的醬汁，真係一口咬落去，味道爆炸！玉子又厚又滑，淋上特製醬汁，令人食完之後唔想停口。搭配啲綠蔥，提升咗整個菜式嘅層次感。 😍✨定食仲有碗味噌湯同玉子，幾豐富！✨ 蓮鬆玉子 $98大阪燒汁同海量葱花蛋汁，啖啖肉更滿，切開超治癒嘅玉子燒包裹住蛋汁，好juicy 整體嚟講，呢間餐廳嘅食物質素頗高，不妨一試🩷

• 蒲燒鰻魚𓆜厚切玉子丼（$143）
大塊蒲燒鰻魚和厚切玉子，鰻魚肉質鮮嫩，帶有濃郁的炭烤香氣。整道菜以熱騰騰的白飯🍚為底，鰻魚和玉子疊於其上，醬汁滲入米飯，風味濃郁。配醃漬牛舌👅與味增湯。• 蓬鬆玉子🧈（$98）
蓬鬆玉子燒注重口感輕盈、柔軟，製作時通常加入高湯或味醂，使其帶有微甜和鮮美的味道。• 刺身定食烏冬🍜（$167）
新鮮的魚類（鮪魚、鯛魚等），切成薄片，搭配醬油、山葵和蘿蔔絲，展現食材的鮮甜。烏冬麵則是日式粗麵條，麵條Q彈。含小菜。

午市六折好抵食呀，依家指定午市套餐都做緊六折優惠, 平均百零蚊就有交易. 有兩三款前菜，湯同埋一杯茶，非常抵食😝麻婆白子豆腐定食 143形狀同味道都同之前喺Omakase食過嘅白子有出入。食過嘅白子都好似豆腐腦嘅形狀，啜落口入口即溶，口感Creamy。呢度嘅大大嚿，口感比較似啫喱狀脂肪。原本以為得面頭嗰兩舊，原來下邊仲有，真係足料。👍蓬鬆玉子 98份量超大, 切開內裏流心幼滑，口感同白子同豆腐都相似🤣

呢間居酒屋都開業咗好長時間，餐廳一向以高質素嘅食物而吸引大量顧客。今日下午，我同朋友專程嚟呢度食飯。餐廳最近推出咗佢哋嘅午市優惠，而家佢哋唔少嘅定食都有六折優惠。鰻魚飯魚肉味香濃，材料非常新鮮，非常有風味。佢哋嘅定食套餐，仲配有麵豉湯，前菜等等，製作好認真，食物非常豐富。除咗定食之外，佢哋仲有唔少受人歡迎嘅佐酒小食，例如當中有蓬鬆玉子，牛舌芯等，非常吸引。整體嚟講，今餐嘅食物質素非常之高，加上餐廳做緊優惠，所以感覺好抵食。

旺角人氣居酒屋—申子居酒屋，繁忙時間人頭湧湧，店舖內相當熱鬧🏮 居酒屋麻雀雖小五臟俱全，裝修風格簡潔企理，整體主要以幽暗風格為主調▪️ 餐牌上有各款居酒屋特色菜式；推介日式醬油炒飯，表面上看似平平無奇，但食落十分香口，米飯粒粒分明，醬油味道恰到好處，唔會太鹹太濃味；另外蔥拖羅卷份量相當澎湃，棉滑拖羅蓉，入口即化，配上青蔥調味，令口感更有層次～ 總結而言，食物種類未算太多，不過有其特色之處，而港島區銅鑼灣亦有一間分店🥢

生日飯局！貴而份量少朋友生日，想搵間似樣嘅日式餐廳慶祝，見呢間網上有唔少人打卡，裝修有氣氛，價錢中上，勁多食評讚好。諗住質素有保證，唔係完全唔好食，不過份量細，同真係好貴，貴得嚟完全唔值！ 海膽炒飯 – 海膽匿埋咗？似豉油炒飯多過海膽炒飯。 海膽份量少到要用放大鏡搵，而且完全冇海膽應有嘅濃郁感。蓬鬆玉子 – 空氣感爆棚，餡料呢？脹卜卜，睇落幾吸引。 一啖咬落去…得啖空氣！完全冇餡料，連基本高湯甜味都欠奉，純粹係煎蛋口感，有少少流心， 但值唔值過百蚊一碟呢？？真係見仁見智啦。 芝士吉列豚肉 $238 – 好食但以呢個環境係天價！賣相炸得金黃，芝士拉絲效果OK。 豚肉嫩滑，芝士濃郁，係全晚既合格菜式，但$238得幾件，好味但唔值呢個價！叫咗幾個沙律，完全係普通沙律菜，海葡萄得幾條，百幾蚊一碟份量勁少，唔知自己食咗乜蜜桃乳酸梳打 / 巨蜂乳酸梳打（買一送一）– 糖水當特飲？甜到漏，完全冇果香，似藥水溝糖水，$68一杯仲要買一送一都嫌貴！ 便利店支裝飲品好飲過佢！串燒拼盤 唔記得幾錢， – 平庸到冇記憶點。雞肉、豚肉串燒都係普通貨色，有炭香，但無乜亦冇特別調味，同街邊$20串嘅質素差

平時去親旺角都係集中菜街朗豪坊食飯。原來黑布街個邊都一樣有高質餐廳。今次介紹俾大家，就係申子居酒屋。🔶醬油漬吞拿魚丼：醬油醃製既吞拿魚鮮甜好食。加埋餐廳自家磨製既山藥同生雞蛋，撈埋一齊非常開胃，送飯一流！丼飯亦配麵豉湯同前菜，絕對抵食。前菜絕不是旦，有蛋卷、雞軟骨同已經去皮既蕃茄仔，非常好食🤤🔶蓬鬆玉子：依個蛋卷真係不得了。好多時不少餐廳蛋卷都會整到偏向乾身。但佢既蛋卷真係無改錯名，夠哂蓬鬆。一切落去，入面夾雜住拉絲芝士既蛋液就慢慢流出黎。玉子好滑，加埋鋪面既沙律醬蔥花，惹味到收唔到手🔶芝麻雞翼：雞翼炸得非常香口，熱辣辣送上，仲要皮脆肉滑，一流！