玉桃軒酒家 (鱷魚恤中心)

营业中

休息中

BOOK左枱食晚飯, 非圍餐事前連打2次比人CONFIRM BOOKING  十分細心當晚上到去D枱係亂加上去 為左坐多D人點完菜, 每半個鐘上一碟  份量比平時少一半 5個人6個菜 無人食得飽叫左3個飯 吹左5次先上到2個, 再吹先上齊落單又唔話牛肉無, 等左2.5HR 捉到個經理先知無牛肉 落單條友無講周圍D人叫圍餐 大家都係你眼望我眼  都係每半個鐘上一個菜,  半間餐廳都係得個等字好彩我地唔係叫圍餐, 但係1100係無人食得飽!!想去食野既人考慮清楚除左服務生啊姐, 幫我追左3, 4次 其他人都係垃圾.

觀塘區出名好多商貿工廈，就到聖誕節好多唔同既品牌都做開倉優惠,梗係要約朋友掃下貨，買D聖誕禮物俾自己同屋企人啦😄，我地買完野，就去附近嘅鱷魚恤中心嘅玉桃軒酒家飲茶，我地之前來過,鍾意呢度嘅裝修清雅高貴，濶落光猛,攪婚宴的話，都係幾好嘅場地。中午時段，客人已經好多，我地等左一陣,先可以安排到座位。紅燒乳鴿，上次食過，皮脆肉嫩又多汁，今次再叫一隻，一樣咁好食😋我地一人一隻花膠瑤柱灌湯餃,灌湯餃夠哂足料，有原隻花膠仔、蟹柳、冬菇粒、瑤柱、鮮蝦同瘦肉，清湯底又鮮甜😋海皇脆皮腸,喺呢度嘅招牌點心,今日又Encore ,粉皮包住用蝦仁、帶子粒、红、白蘿蔔絲造嘅脆脆，好鬆脆👍🏻桂花紅豆糕清甜，有兩層，上層桂花糕下層紅豆糕，紅豆夠腍😋酒家勝在座位多，我地唔需要因為多食客等位而趕住埋單，可以傾耐D🤭

同阿媽慶祝生日，嚟到觀塘食飯就梗係你佢最鍾意食嘅玉桃軒之前離開呢度都一定食佢嘅片皮鴨兩食，今次就嗌左個套餐，有湯有龍蝦有魚先來咗個湯，好清甜，睇湯渣都用料十足，有雞腳有螺頭有火腿嚟咗個燒味拼盤叉燒肥瘦均勻而且好濃郁嘅蜜汁味超鍾意嚟到主菜上湯龍蝦，龍蝦肉比較結實，而且伊麵吸晒龍蝦嘅精華翡翠炒雙蚌，蚌好大隻，味道濃郁，西蘭花都炒得好入味，每粒西蘭花都好爽口呢一疊係我阿媽最鍾意食嘅椒絲腐乳通菜，係喺街先至食到咁有鑊氣嘅炒菜，腐乳喺每條通菜嘅中間，超正

上星期同屋企人去食午餐，乜都想食所以叫左好多食到勁飽，估唔到呢間d食物質素又幾好喎！ 特別推薦蝦餃皇同乳鴿玉桃蝦餃皇本來望到個價錢有點小貴，但佢又做到皮薄餡料大大粒！成粒蝦球放入口咁，幾彈牙，好滿足！海皇脆脆腸呢碟腸粉食落口感幾豐富，入面係脆，而腸粉本身幾滑，厚度剛好。咸水角平時飲茶最鍾意食鹹水角，呢間嘅鹹水角煙煙韌韌，餡料都幾多，鹹香味十足雖然唔夠熱，但外皮還是脆的。九製陳皮叉燒酥呢款叉燒酥又好夠熱新鮮出爐！ 酥皮好多層食落好鬆化，中間嘅叉燒帶有少少陳皮味，好食香煎韭菜腐皮卷我發覺呢度只要係包餡料嘅點心都好足料，腐皮卷亦係中間好多韭菜，點喼汁食就酸酸甜甜， 鐘意食韭菜嘅人啱晒紅燒乳鴿乳鴿係啱啱燒好的熱辣辣咁上枱，塊皮好脆，而肉質就仍然juicy推介欖菜肉碎四季豆用欖菜同肉碎 再加乾蔥爆香d四季豆，幾香口及夠鑊氣薑汁燉奶呢碗薑汁燉奶就冇乜薑味，但好香奶味，所以都幾好食好滑食左咁多都係$300，算幾抵

星期六又係同屋企人共聚天侖的時間，一家人去了觀塘的酒樓飲茶，午市點心都是$3-40起，勝在即叫即蒸，新鮮熱辣。茶錢每位$10，午市還有幾款特價點心。海皇脆脆腸腸粉包著炸至香脆的素春卷，外滑內脆。南翔小籠包小籠包外皮比較厚，但裏面都有肉汁，味道不錯。鮮蝦菠菜餃晶瑩剔透的表皮透出淡淡的翠綠色，菠菜餡爽口，還有蝦仁。蝦籽燒賣皇燒賣豬肉不會太多肥膏，還有蝦肉粒在內。蜜汁叉燒飯叉燒肥瘦均勻有淡淡的蜜汁甜香，叉燒又不會燒至太乾。

同屋企人諗住提早做冬食飯，觀塘睇黎睇去卒之選左呢間玉桃軒，一早睇中個片皮鴨，原價應該係$258，去到已經轉晒餐牌同套餐，片皮鴨都加到成$500，其他小菜例牌份量好多都成兩舊水，中份量仲係雙計，選唔落手之下唯有選個四人4菜1湯套餐$1188，份量竟然都只係例牌，埋單$1300，呢個價去食私房菜都得，上菜速度差不多一碟跟一碟，最多兩碟同桌，呢度嘅枱都算幾逼下，而且冷氣不足，都幾熱下，應該都唔會有下次。

今日跟同事去觀塘工作，1點多做完，同事想飲茶，抬頭就見玉桃軒。此店在鰐魚恤中心6樓，剛好坐到有窗景的位置，可以望著觀塘站。點心都不貴，不知不覺點了近10個點心，吃的很飽。蜆介炸鯪魚球，彈牙夠香。虎皮煎釀尖椒，以為不辣，不小心吃到籽，辣的不行。鮮蝦菠菜餃，皮薄餡多。蒜香蒸排骨，多肉，不會全是骨。山竹牛肉球，軟綿綿。醬皇蒸鳳爪，肉厚皮滑，有咬口。蜜汁叉燒腸粉，叉燒多，腸粉滑。陳皮叉燒酥，好香脆。薑汁炖鮮奶，有薑味，好滑。10蚊茶位，不貴。

好耐無同屋企人出黎食飯啦，今次黎觀塘食呢間酒樓😋羊腩煲真係好正，炆到超好食，唔會話好硬，完全咬唔開個隻！同埋d羊既份量都好多，大大舊🤣用黎送飯真係一流，我就特別鍾意d湯汁，夠曬濃味！😍😍😍蠔就不得了，炸到好脆！同埋d蠔都係大大粒，完全無縮水！d蠔都係新鮮既👍👍👍牛柳粒都好惹味，同埋d牛柳都好嫩！呢度既服務都不錯，地方好大，坐既位都好鬆動，舒適既🤣🤣🤣有機會會試下呢間既片皮鴨😍

見今日假期就約埋屋企人一齊去飲午茶，今次我地就一齊去玉桃軒，上到去都好多人，好快就可以入去坐。好肚餓關係我地一坐低就拎起點心紙點心種類都唔少我自己好鍾意食咸水角，去飲茶一定會第1個叫佢炸春卷都係我既開胃菜之一，自己鍾意再點醬汁然後叫左蒸鳳瓜，醬汁好入味，而且口感不錯蒸蝦餃都會係必點之選蝦肉都大隻，真係好鍾意食蝦餃之外，我最愛既燒賣都一定要食口感好札實再叫左一份鴨腳札好入味自己1個人食一件都夠飽蒜香蒸排骨，屋企人好鍾意食，味道好香好夠味香煎蓮藕餅，真係推介，煎得好香，我地都忍唔住叫多一碟

舊同事今日來觀塘和我食午餐，於是便和她去飲茶之前吃過玉桃軒酒樓都不錯，所以便再去吃吧！兩人點了五個點心。薑蔥牛柏葉炒過的香薑蔥配料再把牛柏葉一起蒸，牛柏葉吸收了薑蔥味道，吃下去很惹味！奶皇流沙包熱辣辣的流沙包，香噴噴的金黃流沙奶黃，非常好味甜美。陳皮叉燒酥面層一層層酥皮包住陳皮和叉燒酥粒焗出來的叉燒酥，口感鬆軟。香煎上素腐皮卷腐皮卷煎得皮簿鬆脆，饀料都很健康有雲耳、紅蘿蔔和其他蔬菜絲。再沾上喼汁一起吃味道甚佳。XO醬櫻花蝦腸腸粉蒸得皮簿滑溜，再加上豉油汁，美味。

又到咗同阿媽飲早茶既日子，今次決定去成棟樓都係酒家既鱷魚恤中心飲茶。阿媽揀咗玉桃軒，因為有次係果度食晚市都覺得唔錯。鮑汁花生雞腳，呢個係阿媽至愛，叫咗兩次，雞腳配上鮑汁忟得好入味，甜甜地而且d花生都好香口，食剩既鮑汁仲可以畢黎送飯。玉桃蝦餃皇，叫得做蝦餃皇當然有返咁上下，每一隻蝦餃都有差不多兩隻蝦入面，食得出蛟肉好彈牙，而且d皮蒸得好薄，即叫即蒸，咬落去勁熱要小心食唔好燙親嘴。蒜香蒸排骨好大一份，d排骨都比得幾多下，同埋蒜味都好濃。

今晚同家人食飯，因為長者同行，選中菜一定穏陣。更可況我早前曾光顧過，對於他們的出品都頗有信心。西施柚子蝦球 $148朋友推介，今日一場來到當然要點一客，蝦球大大隻，肉質彈牙，炸醬不太厚，簡簡單單配上柚子汁、西蘭花一齊炒，酸酸甜甜、口味清新。石窩燒汁龍躉球 $168晚飯當天正值寒冬，特別點了一款石窩菜式，餸菜在火熱的石窩中保持著熱辣辣的狀態，香味撲鼻而來，大大片厚身的龍躉球入口非常嫩滑，淋上香濃的燒汁，份外惹味。用來配白飯一齊食簡直一流。蠔皇花菇扣遼參 $138遼參本身其實無味, 不過一經上湯及蠔油烹調即成為上品，遼參肉壁肥厚，口感爽滑彈牙，據聞有補腎、養血、抗衰老等功效，真是美味又養生，就連老人家都啱食。上湯浸豆苗 $108好大碟，用上湯煮爽口嫩綠的豆苗，簡單又美味。今晩可謂貴精不貴多，每一度菜式都很合家人胃口，份量雖然大，不過味道不俗 ，所有餸菜都給我們吃清光。

相約了在附近上班的舊同事在這飲茶, 這裏的環境寬闊, 樓底很高, 能容納到不少的桌子, 給人一種很舒服又熱鬧的感覺二人共點了兩個點心和一個炒飯, 畢竟人數少的時候吃不到太多的東西先來一客香煎蘿蔔糕, 沒想過蘿蔔糕會如此香口, 不油膩, 煎到剛剛好, 大大塊很厚實, 沒想到平凡的外表, 卻如此美味, 這個點心真的人喜出望外蝦籽燒賣皇: 這是即叫即蒸的傳統蝦籽燒賣, 內有豬肉和冬菇, 新鮮熱辣辣, 也不錯砂鍋鮑魚雞粒炒飯: 用上了砂鍋承載的炒飯, 鮑魚粒和雞粒很多, 炒飯粒粒分明, 是用心製作的出品, 不禁令人吃完一碗又一碗順帶一提, 侍應們的服務態度亦值得嘉許, 對客戶亦照顧周到, 如此用心出品的食物配上高質素服務難怪座無虛席

心血來潮想食吓中式點心，就選擇咗嚟玉桃軒食lunch。呢度環境都幾開揚寬敞，坐位幾闊落，一D都唔迫。而且無乜柱位，婚宴擺酒一流，仲有個超级大電視，可以一邊嘆茶，一邊嘆電視，真係夠晒爽。由於我地今次人數唔多，只有3個人，所以只係叫咗點心，無叫任何炒粉麵飯。我地叫咗蝦餃、牛柏葉、鮮蝦菠菜餃、蜜汁叉燒包、香煎韮菜腐皮卷、煎蘿蔔糕、鹵水豬仔腳、 椒鹽魷魚鬚、同埋乳鴿。整體來說，屬高水準，全部食物都熱辣辣上枱，而且外觀整齊企理，唔會甩甩爛爛。值得encore。

第一次寫食評就要寫差評！同屋企人黎食晚飯，由四眼部長落菜，態度已經唔係咁好。😞嗌左杯啤酒，部長仲幫手斟酒，但係就斟左成2/3泡出黎，真係寧願佢唔斟好過。1）酥炸生蠔好普通2）片皮鴨半肉半皮，夾住食都ok，而且包住既皮都會有張蒸紙隔住，唔會痴實晒好難拎！3）羊腩煲都係一般，用gas爐係隔離慶左陣就上台，唔係好熱😑侍應方面大部分態度都好差，除左一位著黑色西裝片片皮鴨的侍應係態度好d。途中四眼部長仲係度同侍應們講住粗口話個食客，覺得服務行業就算唔鐘意個客都唔好係其他客面前講🤔唔會有下次！完