玉桃軒酒家 (鱷魚恤中心)

营业中

休息中

難得今日放假相約媽咪到APM行街飲茶，行完街就到隔離坐鱷魚恤中心飲茶，這裏酒樓都有好幾間，但媽咪較喜歡到玉桃軒酒樓，這裏點心食物質素都比較好。蝦籽燒賣皇蝦仁和豬肉比例剛好，咬落多汁，蝦肉鮮甜爽脆。山竹牛肉球牛肉球是我最愛，不單有微微的香茜味，加上喼汁酸酸地好惹味😋蒜蓉鮮蝦春卷當中的蝦肉爽口， 配埋喼汁更好味，服務員真細心幫我們剪到細細件一啖食晒容易入口。鮮蝦菠菜餃菠菜餃，健康又美味的選擇，內裏包着鮮綠色的新鮮菠菜，餃子皮薄得呈現透明色，煙煙韌韌口感不錯👍👍👍紅燒乳鴿乳鴿外皮炸得脆卜卜，肉質鮮嫩，肉味濃厚。南翔小籠包皮薄肉厚，一咬開裏面的熱辣辣濃湯即時流出，豬肉肉質豐富，肉嫰不失咬口😋😋😋

一向唔會專登寫食評， 但實左太差。 不寫不快。 今晚一家人去慶祝中秋節，叫左十幾個餸， 上菜一碟一碟上。叫左啲白飯等到硬左都未有餸食。 個個等到呆哂， 食餐飯食左2個鐘頭，仲要催極都黎唔齊，最後要取消幾個餸先上菜。 個芝士龍蝦伊麵，又多粉將，一pat pat。☹☹呢間野， 唔係食飽你。 係等到係飽。價錢又唔係平， 服務又差。 侍應生個個都唔醒目，要多壺滾水都叫左半個鐘，同3個侍應生先有。 又專係小朋友坐個位上菜， 無野呀！😡😡咁既服務，唔會有回頭。 😡😡

上次食過灌湯餃呢次再嚟返尋味坐低就叫啦齋到玉桃炭 灌湯餃 鱷魚卹中心 玉桃軒坐低先來個 安蝦鹹水角，竹笙上素餃，陳皮叉燒酥跟住灌湯水餃四隻至愛南翔小籠包，玉桃蝦餃皇，北菇棉花雞，燒汁洋原條茄子，xo醬櫻花蝦腸。 九種味道連茶介，四人份落樓唔算貴，人均一百，抵食夾大件。竹笙上素餃 叉燒酥加啲陳皮味，鬆鬆脆脆叉燒實實淨淨，甜甜地好有味道安蝦鹹水角 內裏香脆，外薄皮軟滑， 熱辣辣保持一貫水準。灌湯餃水餃必食灌湯餃一人一隻連湯汁都飲埋，入邊啲餡，真係少啲功夫都做唔到呀!藍翔小籠包至鍾意食嘅被包餡嘅物體，正。再加醋薑，真係至佳食品。竹笙上素餃 竹笙上素加埋就好齋呀，想食齋嘅朋友就唔好錯過，味道比食一般嘅潮州粉果好好多。玉桃蝦餃皇蝦餃皇大大粒，一人一粒，就要叫兩籠， 皮薄餡靚。北菇棉花雞話就話係棉花，但係魚肚嚟㗎，不過多雞加埋成碟，幾乎跌出嚟咁，熱辣辣好好味!燒汁洋原條茄子 原條茄子好似麒麟片咁，夾住夾住啲汁醬肉碎，正到啱啱好，肉汁滲曬入啲茄子嗰度，值得再試。 xo醬櫻花蝦腸 xo醬加櫻花蝦腸粉，聽到都已經好野味，所以食過你就知道會，掛住款呀!

上次品嚐完瑤柱鮮蝦灌湯餃，覺得好底食又鮮味，大大碗有大大塊花膠鮮蝦瑤柱好豐富!今日便介紹畀姊妹試下，灌湯餃我哋班姊妹都好鍾意食，也不算貴呢！而且又近地鐵，食完仲可以行下apm商場㖭，方便又享受嘅。四姊妹就每人先來一盅瑤柱鮮蝦灌湯餃啦！四碗擺上枱真係幾有氣勢㗎！淨係睇個樣已經非常之吸引，姊妹們每人一盅品嚐的時候從面上已經感覺佢哋嗰份滿足感了，花膠可以養顏 乾瑤柱湯又清甜，女人的至愛呀。當然唔少得仲有其他點心！鹹水角 竹笙上素餃 陳皮叉燒酥 南翔小籠包 玉桃蝦餃皇 北菇棉花雞 燒汁釀原條茄子 xo醬櫻花蝦腸。全部都是姊妹們最喜歡食的點心，而且唔係間間早茶都有xo醬櫻花蝦腸和燒汁原條釀茄子食架，姊妹話冇介紹錯喎，最緊要大家食得開心呢！

前幾天跟我媽在APM瘋狂購物之後在附近找餐廳吃晚餐，於是我就帶她去了鱷魚恤找她喜歡吃的中菜，鱷魚恤有很多家酒樓，最後我媽相中了玉桃軒XD片皮鴨一出電梯就看到玉桃軒推介的片皮鴨廣告牌，光看照片就已經讓人口水直流！！雖然兩個人吃一整隻好像很誇張，但我們還是忍不住要點！！結果果然沒有讓我們失望！！超好吃的！！片皮鴨有連著厚厚的肉，肉質又非常juicy！吃著吃著就整盤吃完了，哈哈哈！石窩燒汁龍躉球上菜的時候燒汁還是一直在滾的，燒汁味非常香濃，龍躉球外層脆脆，裡面鮮嫩！吃到最後下面的菜也是一直保持溫溫的，很讚！蠔皇花菇鵝掌煲我媽超愛吃鵝掌，我就超愛吃花鵝，兩者都煮得非常入味柔軟，用來配飯真的一流！椰汁香芒卷雖然已經飽到反艇，但甜點還是逃不掉的XD這個香芒卷特別的是裡面不是芒果肉，而是芒果布甸！！雙重享受！！

坐低嗰陣個電視冇開半個鐘後突然開咗個電視好殘眼 勁近我地張檯 又曬住又反光反到頭都暈埋話俾三個部長知都冇反應🤷🏾‍♀️🤷🏾‍♀️🤷🏾‍♀️hea我地 部長a:::哦 咁呀 部長b:::下 係呀部長c:::冇得架喎🤬🤬🤬問題係個 態度 hea啲客最衰隔離幾枱都不滿佢都ignore好衰呀唔怪得冇人等位啦😑😑😑食得好唔愉快呀😡😡😡***最唔明係啲點心 大佬呀 蝦腸加條枝豆((連皮))真係創意無限可唔可以唔好用枝豆去慳粒蝦 好過份😩😩😩

第一次黎鱷魚裇呢棟大廈食飯，坐lift上去玉桃軒時先發現呢幾層有不少酒家(真是大鄉里😆) 入到去裝修光猛，大紅花地毯非常搶眼，再加上水晶吊燈的襯托，感覺環境典雅，好適合舉辦喜慶和聚會！當晚都有半邊場地用屏風隔開擺百日宴，非常熱鬧! 餐牌同一般酒家一樣，有單點小菜或者海鮮，員工有特別推介海皇八寶冬瓜盅，但我地人少就索性簡簡單單叫三樣餸就夠片皮鴨員工首先將原隻鴨俾我地過目，望到鴨皮好有光澤，賣相不錯，然後企在旁邊即場切開員工的刀工很好，切得好平均，左右兩邊是鴨皮連同厚身的鴨肉，皮脆肉嫩，而中間就是一片片的鴨皮，有齊兩款口感！最值得一讚是麵粉皮用牛油紙格住，一來不會成堆皮黐住，二來拎上手較為方便! 我不客氣啦!!西施柚子蝦球鮮蝦咬落爽口，淋上酸酸甜甜的柚子醬汁，感覺好清新，加上食完片皮鴨再食呢個，可以中和番鴨皮上的油脂! 上湯浸莧菜份量挺多，用上湯煮過依然保持幼嫰，口感腍身，但不鞋口，清清地不錯!

下雨天又在觀塘吃晚飯平時和男朋友會到工廈區覓食今天選擇留在室內吃突然想起之前吃過一間酒家食物味道好 環境舒適 便決定再來一次點了一個蒸魚配雞的套餐另加一碟炒菜餐前小吃是木耳青瓜花生木耳醃得微酸 青瓜清新 花生香口 不錯清蒸海斑仔一條海斑仔 份量也不少海斑新鮮 魚肉嫩滑彈牙加上蒸魚豉油和蔥絲一起蒸好味道到一整碗飯都可以吃下醬油金蒜脆皮雞半隻剛剛好外層薄薄的皮又脆又香名符其實 脆皮雞 而且雞肉嫩滑新鮮配上特調的醬汁 好特別蒜蓉炒芥蘭蒜蓉味濃濃 鍋氣十足炒起來剛剛好 青青綠綠菜根爽脆 菜葉鮮甜 整體十分鮮嫩是吃過最好吃的芥蘭 絕對值得一試

屋企人中意食中菜，同佢地去酒樓晚飯，聽講呢間出名片皮鴨同燉湯，就黎揀咗呢間試下。叫咗一個招牌片皮鴨同晚飯套餐。片皮鴨會係你面前切開，皮燒得好香，小小肥多多脆。包埋塊蒸皮嚟食冇咁膩。燒味拼盤有叉燒同切雞。叉燒半肥瘦有蜜汁，切雞嫩滑，比出面燒味鋪好食。上湯龍蝦伊面，份量好足有成隻龍蝦，每件龍蝦都有炸香過，比其他酒樓有水準，推薦。時蔬珊瑚蚌，同出邊去飲嗰啲差唔多，幾爽口鮮甜。花膠燉湯好足料，一客四碗，每碗老有好多花膠，飲完會想飲多碗。成煲其他湯渣都留起俾埋你食。

今日難得一家人一齊出街食飯 所以諗住食好啲 於是揀咗玉桃軒酒家食中菜😋佢環境都好闊落 比平時酒樓坐得鬆動 嘢食方面 有得嗌小菜 亦都有套餐 我哋唔想煩所以就嗌咗一個花膠龍蝦餐 六個人食 再加多左一隻招牌嘅片皮鴨添🤣第一道菜就係片皮鴨 因為比較多人嗌 所以一去到就要預留一隻👍佢會成隻出菜 之後有職員即時幫我地切開一片片切好之後 就會連埋包皮 青瓜 醬料一齊上枱 呢個招牌果然名不虛傳 隻鴨燒得好香好脆 配埋青瓜同醬汁 唔會怕好濟👍淮杞響螺燉花膠都好足料 我哋每人都分到至少一塊大花膠同響螺肉🤤湯亦好鮮甜！另外 上湯焗波士頓龍蝦配伊面亦係呢個套餐嘅重點 佢嘅龍蝦都幾大隻 幾爽口☺️伊麵索曬啲汁 都係好滿足既一道😋燒味拼盤方面有燒雞同叉燒 兩樣肉質都唔錯 味道亦都好夠👍重有一條蒸沙巴海斑仔 新鮮魚 十分鮮甜👍另外重有翡翠炒雙蚌 同炒白菜仔 健康🤣

今早前往觀塘APM 購物，之後去了鱷魚恤中心的「玉桃軒」飲茶。酒樓人流頗多，中午前已座無虛設，看過點心紙，發覺可揀選的食物都非常豐富。點心：馬蹄牛肉腸粉 - 入口嫩滑 白灼有機菜心苗 - 新鮮嫩綠 北菇滑雞蒸飯 - 去了皮的香滑雞肉 不肥膩，配以北菇，令蒸飯相當入味 蘿蔔排骨春菜煲 - 湯底鮮甜，蘿蔔軟腍 燒味雙併飯都算不錯的選擇，燒肉皮脆肉香，切雞嫰滑。甜點： 萬壽果雪耳糖水不太甜，本瓜清香，雪耳嫩滑。 陳皮紅豆沙，火候夠，紅豆起沙，陳皮清香，非常有水準。

ㄧ直都好少到觀塘區覓食，剛好朋友轉了新工作，ㄧ於在這區找間食市聚下先。朋友在同事中打聽得來，原來「玉桃軒」的片皮鴨都不錯，ㄧ於今晚去試試。店內掛滿水晶吊燈，環境高雅，坐位又寬敞，好舒服。我睇ㄧ下餐牌，决定點隻片皮鴨兩食，但朋友話想試多款菜式，故今次只好點片皮鴨浄食啦！嘩! 隻片皮鴨烤得好靚，色澤均勻，還傳來陣陣香氣，侍應動作亦很快，幫我們將鴨肉片出，排滿碟上放到我們面前。我見朋友心急如焚的樣子，真係不敢抬慢，快快拍下照片，便馬上讓她動手包製片皮鴨來食😆。我都跟隨其後拿起餅皮夾片鴨肉再入片皮鴨三寶，即醬汁、青瓜絲和大蒜絲包起來食。鴨皮的油脂香，紮實而嫩滑的鴨肉，再配上醬汁，清爽青瓜和大蒜絲， 啖啖豐富，味美! 另外，酒樓亦好細心將餅皮與餅皮中間隔有張紙，令到攞餅皮時不會黏著，食的時候亦不用沾污手。👍石鍋燒汁龍躉球，魚肉又滑又嫩，用了燒汁來烹調，再配上石鍋內的紫洋蔥ㄧ起食，好好味。😍秘製鎮江骨煲，用糖醋燉煮十分入味，沒有油膩感，用來送飯ㄧ流。西施柚子蝦球，海蝦好新鮮彈牙，配上柚子的香甜醬汁，好配胃!酥炸廣島蠔，外脆內軟，廣島蠔又肥又多汁，沒有腥味!瑤柱海皇雜菜煲，用料有瑤柱、蝦、帶子、粉絲

先前跟家人傾談，發覺大家都好耐沒食過片皮鴨，個個又想食，所以今日揀選了朋友介紹的菜館食餐飽。店內環境高雅，檯與檯之間好寬闊，坐得好舒服。當晚我是有訂坐，不用等便可直入坐下。但我竟然忘記了訂片皮鴨，好彩機靈的侍應幫我們開茶後，便馬上問我們是否要留起當晚最後ㄧ只片皮鴨給我們，我們當然馬上訂下來啦！除了點了片皮鴨外，還點了幾款小菜，今晚要食到盡情而回~片皮鴨好快都除除送到我們面前，整隻鴨烤得好靚，脹卜卜，外皮顏色均勻，侍應用純熟的刀法，將鴨皮和肉ㄧ層層切下來，轉眼間已片好ㄧ大碟，大家都急不及待拿起熱騰騰餅皮夾片鴨肉再加上醬汁、青瓜絲和大蒜絲包起來食。ㄧ咬下去，薄薄鴨皮滲出油脂，混入甜美的醬汁，再加上爽口的青瓜和香味十足的大蒜絲，口感豐富，領人ㄧ件接ㄧ件不停食下去。除了片皮鴨外，我們還點了幾個小菜。石鍋燒汁龍躉球經炸過的龍躉球，又滑又嫩，外層沾上了燒汁，可口順喉。酥炸廣島蠔外層炸得酥脆，內層肥美廣島蠔，又多汁，ㄧ點都沒有油膩感!西施柚子蝦球大大隻海蝦，油爆過後仍然爽口彈牙，配上柚子的香甜醬汁，好清新!秘製鎮江骨煲選用ㄧ字排，肥瘦適中，甜酸度剛好，十分惹味。瑤柱海皇雜菜煲上湯內有蝦、帶子、瑤柱，

Teatime around 3pm - there was no queue and the food was served hot and fresh. The price is extremely reasonable for the quality paid. You must order the 海皇脆脆腸Crispy Rice Rolls ! 超級好味，超級趣。it’s crispy on the inside and soft on the outside , served with soy sauce. 我哋帶咗啲鳳爪。鳳爪好有骨膠原。叉燒包好送飯，好少油。潮州粉果好友餡好少肥豬肉。

晚上一家大細一齊食晚飯，就選擇酒樓吧。七點多不是很多人，不用等位，可是燒鵝已經賣曬了，真的十分搶手，下次再試吧。前菜有雲耳，花生和青瓜。就叫了一味上湯焗波士頓龍蝦，加伊麵底。伊麵很多，龍蝦新鮮，咬下去尚有上湯流出，若肉質嫩滑些更好。伊麵沾上上湯和龍蝦汁，還有葱花。還試了砂窩燒汁牛仔骨，十分惹味。尤其洋蔥和小葱頭，沾滿了燒汁。牛仔骨份量不算少，味道很濃，還吃得出甜味和咸味。砂窩上能保持熱度，慢慢吃也可。