牛気 (希慎廣場)

营业中

休息中

接待員非常好，服務也不錯，介紹也不錯，我們三個人吃了不到800塊，每人平均不用270，食物味道也不錯，食物品種也多，蛋糕 壽司 沙拉 冰淇淋 糖水，追加食物也很快就送上來，下次再來

8月31號難得放假，約左朋友去銅鑼灣行街食番餐好耐冇打邊爐啦，行過牛氣就比佢吸引左佢入去，lunch放題仲每位-40最平既set都系188，扣完加一都系167位，牛雞豬都系任食，好抵呀3位都有兩個湯底，真系估佢唔到，叫左韓式泡菜湯同蕃茄湯一坐低就出發拎野食啦，好多大路野都有齊既，丸呀，菜呀慄米羅白呢d跟住有好多種唔同既面啦，仲有豆腐，豆卜等等凍櫃又有飲品同少量甜品，泡芙跟住仲有壽司，不過出左去幾次都淨系見到玉子壽司，哈哈仲有一d熟食都幾吸引，我都忍唔住食左小小牛肉炒飯撈埋個咖哩無得輸，仲有慄米湯，碗仔翅等等我就冇試過啦最後仲有雪糕，系自己整個只，仲有甜筒比你去轉雖然只系最平既餐，但d肉都唔錯，牛豬雞全部都任食，可以不斷fill可惜我地都唔系好大食，都系食左幾盒咋佢個餃子都好出色，泡菜湯餃子，一流！！整體都ok，呢個價錢黎講算唔錯，種類多，refill得快最後仲有雪糕甜品，可以再戰

今日同屋企人嚟咗依度食午餐放題，中午嚟食，雖然係銅鑼灣嘅旺區，但係都唔使等位就可以入座。因為屋企人唔食牛，所以我哋揀咗豬肉，只需要$78港紙咋！真係平絕全城呀。放題只係包括出面放嘅肉丸同蔬菜，豬肉呢係限量嘅，每人限量一盤大概五六塊豬肉。但係出面嘅肉丸同蔬菜已經好夠食，我最鍾意係貢丸，好有豬肉味，誠意推介！除咗主食，仲有棉花糖機、雪糕機，仲有日式洋果子添，一定會驚食唔飽。呢個價錢，食其他餐廳嘅lunch都唔止啦，所以真係會多啲嚟食呀

端午節我和朋友都唔使喺屋企食飯所以我哋就相約喺銅鑼灣吃晚飯影一影節，朋友不嬲喜歡放題或自助餐但係佢自己搵咗兩間都加曬價同昨日係端午節所以又另收附加費，所以我就係openrice找一間食火鍋嘅放題！價錢方面非常親民$188起，自己任揀套餐分別唔同嘅牛肉同海鮮放題。咁我哋就選擇咗258嘅套餐蕃茄湯底自助方面種類非常多有一般火窩丸類蔬菜類熟食類糖水汽水日式小食泰國甜品等等套餐方面可以任點牛肉雞肉，不過我和朋友都是嗜好牛肉所以重點全部點了牛，沒有食過豬同雞，牛肉肉質好鮮嫩更有濃郁牛味，咁嘅價錢食到咁嘅牛肉質素可以話係物超所值

「🐱🐶唔使橫越大沙漠，越過峭壁汪洋都可以食到日本正宗牛気涮涮鍋🧸🎈」.冇錯，就算今日熱到攝氏四十四度，都無阻我哋打邊爐嘅決心💫喺香港擁有多間分店、由日本正宗日本料理師傅主理嘅「牛気」，每日提供數十款新鮮食材、飲品供各位大胃王任食任飲，大快朵頤😌😌.我哋揀咗中價位「極上美國牛小排+海鮮放題」-牛小排肉質鮮嫩，肥瘦相間，喺湯底「博多辛口地獄湯」入面輕灼10秒，牛味更為突出🥰.眼闊肚窄老是常出現，選擇太多，唯有每款都試下，滿足味蕾嘅貪心😋.總結評分：7.5/10番啅指數：⭐️⭐️⭐️⭐️

事源將軍澳開咗一間牛氣，本身住嗰頭，遲早都諗住試架啦。不過今日去咗銅鑼灣希慎嗰面，就順便試埋佢，還掂都肚餓。入場兩人，一個叫咗牛肩肉，一個叫咗海鮮。另外湯底係壽喜燒。牛肩肉好食，下次都會諗住再叫番呢個，海鮮我就麻麻地 本身唔太好海鮮。不過總括而言，會番黎再食。

朋友係牛魔王，前天佢先火鍋完，今晚又食！經open rice 訂位有25分萬里通。齊人先入，入坐開始90分鐘任食。叫了$258牛小排，星期六日假期貴$10，平時$248。有幾隻餐揀，另有牛加海鮮任食，我們無叫，兩人食3碟牛小排，1碟牛肩，1碟豬肉，兩件雞肉另加出面的菜和丸都超飽。飲品普通，果汁汽水很淡，只有可樂是正常。蟲草花跟牛肉一起吃幾好味雪糕係黑白軟雪糕，攞咗就要快食，快溶。甜品有蛋糕仔（賣相唔吸引）豆花（可試）。勝在訂位，人齊即入。入便唔full。

回暖了幾曰今天又轉涼，一不留神容易病倒。保暖以外，暖暖胃都好重要。火鍋是最佳取暖的方法，熱呼呼的，味美又可口。牛氣有多間分店，唯獨是希慎廣場分店我最常去，容易有位，環境衛生，食物質素也不錯。蕃茄濃湯偏淡，不過只要再加多幾件蕃茄，味道會變得濃濃。牛肉是最平的那種，質素不差，軟熟有牛香。豬肉卻意外的好吃，軟腍不嚡口。肉味香濃。其他配料擺放整齊，乾凈衛生。蔬菜保持著綠油油。甜品有糕點，軟雪糕和棉花糖，男女老少都喜歡。

同幾個朋友Book左晚上打邊爐 只有九十分鐘 但個半鐘都夠時間食野接受到 但冇諗過真係夠鐘就落閘趕人咁 我地仲有半鍋丸未食 又啱拎左杯雪糕想食 佢地有個女服務員走黎講 你地仲有兩分鐘 心諗你又唔早d remind 係咪應該十分鐘前都提一提先 兩分鐘 前不如唔好講 都算啦 佢又真係企係隔離計時咁 夠鐘先好笑 有個男既冇啦啦行黎話句 你地唔食我收左個鍋先 個鍋仲要未熄爐 佢都好心急咁收走佢 講真你係想人走都唔洗做到咁 我地都食雪糕其實都唔會再食丸認真 最嬲係個女既趕住收哂d碗碟咁 你咪收囉 都唔洗好似好唔gur咁 收筷子個陣收左一次成枝跌落我件衫到 再收又係咁 都算 我以為係唔小心 再收碟小食春卷 仲有淨兩件咁 一疊成件春卷倒落我件衫到 咩服務態度 仲要就咁講句唔好意思 放幾張濕紙巾係枱面就算 唔係要認真道歉咩 你趕時間執野都唔係發哂老脾咁倒野落客人到囉 點做野嫁 我覺得要去再陪訓囉 認真以後唔會再去呢間到食野 永遠blacklisted

今日一行3人去試牛氣...用apps排隊幾方便...number差唔多到先行去希慎...到左number等多十五分鐘就可以入坐...入坐前reception小姐會問食邊個餐...同埋叫咩湯底...咁我地就話要$188果個同埋三文魚味僧湯果一個...入到去食...佢就放底湯底，2碟牛，1碟豬+雞...食物質素...其實同任食果啲餐廳嘅配料唔會話差太多...不過佢補給嘅速度係唔錯...其實用餐嘅過程無咩特別...係到埋單果陣...睇一睇張單...E...點解個價錢貴左嘅...問服務員我地明明叫188果個set...點解會收貴左嘅...服務員話幫我地問下...跟住黎左一個supervisor...一黎到話...你地食係牛小排果啲牛肉喎...我地話...下...你放低又無講係咩肉...我地叫都係話加牛肉...跟住果位主管同我地講...嘩...好大分別嫁牛肩肉同牛小排...我地話...我唔係要同你分別牛嘅種類...事實上我地亦都係唔識去分...而係想問點解我地落order果陣明明係話要$188點解到頭會唔左...supervisor 女士話...牛小排同牛肩係好唔同嫁...仲走去拎兩個牛肉過黎同

食左晚餐時段$188既餐 揀左 味㬝三文魚同蕃茄湯底 個人鐘意蕃茄湯多d 濃味d 一開始黎左牛豬雞各一盤 豬肉夠薄 亦都係全瘦肉 個牛同雞都尚可 再叫肉既時候上得好快 都係即刻拎黎 其他自己拎既配菜都正常 特別覺得個餃子好食 like埋fb頌有一杯movenpick雪糕

今日終於到星期三，返多兩日工又到星期六。難得今日無咁忙，早餐又無乜食野，lunch 就同同事去樓下牛氣打個邊爐先🤤其實成日都食牛氣嫁啦，因為lunch 又平又可以食好多菜，感覺好heathy 咁😂Lunch $100蚊有找，係cwb 算幾好啦，仲要係任食任飲喎！同其他日式邊爐放題比較，我就鐘意呢間啦。次次啲肉質素都正常，唔會話比晒啲肥肉你囉，又唔會切到勁薄chi chi 咁喎！所以呢到真係唔錯的lunch 地點！

我哋當日12:50入座，店內客人不多，座位舒適。點了午市套餐，價錢一百蚊內，肉類味道不過不失，但自助沙律吧很多選擇，飲品任飲，仲有燒賣，壽司同雪糕。之前晚市食過都覺得高質，午市仲抵食！

好耐冇食牛火鍋啦。依家開到咁多間我都唔知邊間打邊間 見到希慎有一間咁就腳 聖誕節前居然又冇乜人排隊就去咗食 揀咗最普通嘅188套餐 有牛豬同埋雞第一批牛就真係好好食 好滑 好味到不得了 豬肉都唔錯 雞就麻麻哋啦 食完第一批之後再叫牛 同第一批差好遠 鞋好多。。都唔理照食 食完再叫 跟住好肯定後來再叫嘅牛嘅質素同第一批嘅完全唔一樣係鞋勁多 脂肪量都明顯少好多 雖然都有心理準備 但實際上啲質素差到咁遠 算啦去食下其他嘢 丸類有啲都幾特別嘅 但係飲品嘅選擇就好少 全部都係大陸野 甜品亦好麻麻 反而啲熟食可以試吓個咖喱飯煮得唔錯幾好食另外當時有like Facebook免費送movenpick雪糕或者魚生刺身 留意返同一台只可以揀同樣嘅嘢 188+1 算係咁啦另外坐得有少少迫 唔係咁舒服 地板亦都癡粒粒唔係好乾淨 侍應態度OK 肉類都上得幾快。總括算係OK啦

2 over 65s, 1 eight year old and myself went here yesterday for lunch. We ordered the cheapest set on the menu (188 per head before discounts for 90 minutes) and because the other 3 members of the group were either old or kid, the price was 40 bucks off each.The soup base came very quickly and I could tell it didn't have MSG. The meat served (beef, chicken and pork) were thinly sliced and of decent quality.The buffet stuff were all decent quality despite a limited selection.Overall a good value