無老鍋

营业中

休息中

🥘 推薦招牌鴛鴦鍋。冰淇淋豆腐白湯鍋 (加錢)。無老辣香鍋＊最低消費每人$250+10%＊用餐時間90分鐘台灣過江龍無老鍋本身已經難book位之前再經歷完無晚市堂食同2人一枱等咗幾個月終於食到不過都起碼要一個月前訂先有早少少嘅位湯底同台灣一樣咁入味濃郁食物我哋大多數都揀台灣直送items食物質素係ok嘅！當然價錢比係台灣食貴咗好多但無限添加鴨血同豆腐仍然係重點對比其他幾間任食台灣火鍋個人覺得呢間豆腐真係最出色👍🏻

晚上實在太難book位，同朋友特登中午請假去食無老鍋，懷念一下台灣之旅！我哋點咗鴛鴦白湯和麻辣湯底，其實湯底都有點貴，但包任食鴨血和豆腐無計啦！我哋加咗每位$10要冰淇淋豆腐，但其實我覺得冰淇淋豆腐麻麻哋，無咩特別，反而吸收左白色湯底的豆腐超好食！鴨血質地好嫩滑，無論放喺白湯定係麻辣湯都係咁好食，不過我覺得佢哋嘅麻辣湯底始終唔夠麻同辣，係比較溫和派。所以下次可以只點白湯，仲平d。火鍋配料都係新鮮嘅，有啲係台灣直送但其實都係大路嘢，打邊爐最緊要個湯底正！店員嘅服務態度亦都好好，成日都嚟問我哋使唔使加鴨血同埋豆腐，可能係平日無咁多人，佢都加好多俾我哋！另外，好懷念嘅蜜桃沙冰真係好好飲嫁！但係我記得台灣係任飲嘅，香港就係食到差唔多嘅時候，店員先至會上，同埋只可以refill一次。買單都差唔多$400一個人，台灣真係平好多...

台式打邊爐我一向都冇乜好感，湯底幾靚都好配料唔靚都係徒勞無功，絕大部份台式打邊爐夠膽直言牛肉全部美國冰鮮，海鮮就係咁先，唯一驅使到我去嘅就係帶小朋友去學吓咩叫禮貌。無老鍋完全顛覆咗我對以往台式打邊爐嘅睇法，第一：湯底完全跟台灣一樣，第二： 招牌如冰淇淋豆腐、豆皮全部台灣直送，務必令你置身於台灣一樣，第三： 牛肉質素絕對係所有台式火鍋之冠 ， 第四： 海鮮質素由於係香港取貨，絕對新鮮。 我叫鮮魷仲要有刀工，無比新鮮 ，好🉐️

無得去旅行幾年，總會特別掛住係外國先食到既美食。無老鍋真係每次去台灣既必食之選，係香港開分店固然正，想預約都唔容易，假日既晏晝嚟食，人流唔算多。店內仲有醬料自助區，無老特調醬油幾開胃，可以一試。仲有蒜泥水、白醋、香油、辣椒、香蔥等，白飯任裝。冰淇淋豆腐鍋湯底真係打邊爐既精粹，充滿鮮味又帶點藥膳果種回甘，加其他食材前先要飲番啖靚湯。吸收左湯汁既冰淇淋豆腐豆味好香。麵包豆腐同鴨血仲可以任添。上選牛小排比想像中大碟好多，脂肪分布平均，牛味好濃郁，未至於入口即溶但都值得一試。綜合丸分別有豬骨濃汁貢丸、牛骨濃汁牛丸、手工蝦丸同埋手工花枝丸。味道好濃亦相當彈牙。綜合餃分別有燕餃、蛋餃及魚皮餃。餃子皮晶瑩剔透，相當掛汁。鮮甜蔬菜盤一上碟，店員好好咁放左啲粟米落去個鍋度煮。看似普通既蔬菜，整體食落都好鮮甜。水蜜桃沙冰食到滯滯地又飽飽地既時候，店員會送上細細杯既水蜜桃沙冰。呢一小杯清甜冰爽既沙冰真係不得了，消滯得嚟又開胃，飲完之後又可以繼續大吃大喝！仲可以免費添加。埋單每人接近$500，但唔洗專登飛轉台灣，又可以試到台灣既味道，有機會的話會再嚟幫襯！

鴛鴦鍋 （冰淇淋豆腐鍋+無老辣香鍋）$78/位選鴛鴦鍋另加$88豆腐鍋湯底鮮甜，建議可以先飲一碗湯。較適合煮蔬菜類。無老辣香鍋選了小辣，有輕微嘅辣味，after taste 係有d麻辣，十分適合煮肉類。加湯可以選擇自己加旁邊一瓶瓶嘅清湯或叫侍應加原湯。冰淇淋豆腐 $10/粒味道一般，不過佢係特色招牌菜，可以一試。特選牛拼盤五人份 $618可以一次過試到唔同牛嘅部位，但份量較少。比較特別係有黃喉，口感爽滑，但冇乜味道，主要靠湯底。手切封門柳 $388十分推介，份量算多，牛味濃。配合無老鍋嘅湯底和醬料，送飯一流。招牌手工三色滑（台灣直送）$168有手工瑤柱滑、一品蟹滑膏&手工蝦滑最推介係瑤柱滑，比較少見和鮮甜，瑤柱唔韌。然後係蝦滑，也是鮮甜彈牙。一品蟹滑膏較一般，有一些人工嘅味道。綜合餃 $118有燕餃、蛋餃&魚皮餃燕餃較特別，比較彈牙。蛋餃餡料較少。魚皮餃正常。鮮甜蔬菜盤 $108蔬菜新鮮，比較特別係木耳花，木耳十分大塊爽口。爽脆鵝腸 $88大條、爽脆。大約有六條。綜合丸 $128有牛丸、蝦丸、貢丸&花枝丸。每一款都係水準之上。金橘檸檬沙冰酸酸甜甜十分開胃，食到飽肚時作為一個總結十分合適

♨️無老鍋岩岩開嘅時候，曾經試過打好多次電話但係都冇人聽📞但係最近因為疫情嘅關係少咗人堂食，好容易就喺佢嘅網站book到位。趁住平日放半日假順便去食🗓驟眼睇只係坐咗三份一嘅人所以即刻walk in都冇問題🙆🏻‍♀️💭冰淇淋豆腐鍋(每位$78)呢個係無老鍋嘅招牌湯底💁🏻‍♀️湯底十分之濃郁，飲落有一啲藥膳嘅味道👍🏻👍🏻見到入邊都好足料，同埋麵包豆腐同鴨血可以無限添😍個人就唔好鴨血🙈但係麵包豆腐真係好好味😋口感十分之好而且吸左湯底之後食落好juicy😌淨係食豆腐都可以食飽😆冰淇淋豆腐一人一粒，甜甜地，有啲蒸蛋嘅口感都幾滑🍦💭招牌手工三色滑($168）每次食火鍋都必食蝦滑，呢度嘅三色滑除咗蝦滑仲有蟹滑同瑤柱滑🦀瑤柱滑最出色真係啖啖都食到瑤柱絲💯蝦滑都好足料食到好多蝦肉，蟹滑就稍為遜色，唔係好食到蟹味。整體黎講呢度嘅三色滑值得一試👍🏻👍🏻💭脆炸手工韭菜餃($68）韭菜餃食得出係即炸嘅，上嘅時候仲係熱辣辣♨️餡料好足，有好多韭菜同埋蛋絲做餡料😍好脆好juicy，韭菜fans必食‼️😉💭濃香豆皮($68）豆皮比較普通就同腐皮一樣，算係正正常常，個人唔識欣賞😅就唔作評論啦💭綜合餃($118）包括左三款餃：蛋餃

呢幾日落大雨外面既天氣濕濕笠笠咁最啱就係打邊爐台灣有名氣火鍋🥘無老鍋口碑一向不錯一入門口就已經感覺到佢哋非常之有禮貌服務好到我真係受寵若驚一坐低店員已經同我地介紹湯底冰淇淋豆腐鍋 + 麻辣香鍋無老既台式麻辣鍋除咗麻辣香之外，仲有陣陣藥材味另外麵包豆腐鍋底亦都非常出色及滋補，食落勁開胃而店員久不久會來詢問是否要追加湯底食材💁🏻‍♀️可免費追加鴨血及凍豆腐，吸湯一流。另外冰淇淋豆腐是由花枝丸及豆腐造成的口感偏向軟滑清香。牛小排肉質腍身無臊味，色澤鮮紅，輕涮幾秒即可食用，肉質嫩滑帶油香。招牌手工三式滑瑤柱滑 - 吃到一絲絲的乾瑤柱的鹹香，味道很有層次蟹滑 - 蟹滑吃到陣陣蟹膏的香氣，口感質感幼滑蝦滑 - 當中貌似平平無奇既蝦滑，其實最彈牙餐廳用餐時間為90分鐘而且店員貫徹台灣一貫的風格，超級友善的態度。吃到最後還有水蜜桃沙冰一解油膩，細心十足

某日有人打比我呢個邊爐鐵粉，話要請我去打邊爐。 一聽到係無老鍋好興奮！ 幾年前去台灣食過後就無再食～因為我係下午茶時段去，所以當日人唔多～基本個湯底已好夠味～但身痕的我都係鍾意拎d調味料除咗貴少少外～食物質素無投訴我覺得全餐飯，最好食係豆腐及鴨血～兩邊唔同的湯底有有兩款口味，由於無限追加，我食咗3round~其實牛都好味，但略略切得厚咗些少～薄身d 口感更好！太厚煮熟有Fd實～貢丸 就貢丸囉😂但又真係幾彈～

我本身好喜歡食麻辣鴨血，喜歡佢香、麻又嫩滑，之前飛台灣去旅行一定會去食台灣火鍋，食足鴨血過癮，但疫情關係，無得✈️，但好彩無老鍋開到黎香港可以解癮。香港無老鍋同台灣一樣，鴨血同凍豆腐都係無限添加，正呀，啱晒我😋😋 鴨血好滑、又夠晒入味，蜂巢豆腐更加正，吸晒啲味，食到停唔到口。今次試咗以下幾款：🔸鴛鴦鍋（冰淇淋豆腐鍋+無老辣香鍋）有得揀通常都會揀鴛鴦鍋底，因為貪心想試唔同口味，無老辣香鍋其實只係微辣，夠香，少少麻，但唔會辣到要飲水果啲，啱晒唔食得辣既朋友仔，另外個冰淇淋豆腐鍋都好入味，有少少藥材味，配埋由魚漿打造既豆腐超級夾。🔸牛小排拼去骨雞髀肉牛小排係正常肉味濃，淥一淥就食得。反而雞髀肉有驚喜，出奇地好好食，好滑，放耐咗都唔嚡口，又無骨啖啖肉，好正。🔸日本黑豚手工丸因為手工做，所以食落係軟淋的，食落肉味濃郁，有肉汁。🔸招牌冰鎮烏梅汁呢個好飲，比平時港式酸梅湯好飲，無咗果陣煙熏味，而且酸酸地幾開胃，可以解打邊爐的油膩感。🔸鴨血及豆腐無限添加既鴨血及豆腐、超級好食，鴨血滑及入味，豆腐索晒啲湯汁好正，而且真係90分鐘內無限添加，成日會問你加唔加，食到我都要叫停，因為食唔到就唔想浪費。總結：除咗

無老鍋係台灣一直都好受歡迎，小弟我都係捧場客之一，去年12月無老鍋終於都登陸咗香港銅鑼灣V Point喇，想嚟食記得要先訂位呀。疫情期間，店員會非常細心地喺食客面前，消毒每個按鈕，令你食得更放心。每張枱嘅兩邊都有USB 充電位，絕對又係加分位。▪️鴛鴦鍋（冰淇淋豆腐鍋+無老辣香鍋）麵包豆腐香白湯鍋係用咗雞骨、豬大骨、洋蔥、青蔥、薑等食材，隨鍋附上每人一粒冰淇淋豆腐，豆腐係加咗啲魚漿同花枝漿而製成，魚味香濃，食落口感綿密又軟嫩，口感特別。店員建議落鍋之後唔好攪避免碰撞，大約煮10分鐘就可以享用。😋無老辣香鍋辣香醇厚，風味獨特，仲加入咗中藥香辛料，同樣係用咗雞骨、豬大骨、洋蔥、青蔥、蒜頭、薑等食材熬製而成，如麻辣味唔夠，仲可以要求店員加麻辣原湯㗎。鴨血同豆腐係可以無限Refill，啱晒鍾意食鴨血同豆腐嘅我。▪️排骨酥 $68平時我食排骨酥都係夜市即炸起嗰啲，呢度嘅排骨酥係台灣直送嚟，放湯煮我都係第一次，原來煮都好食喎，仲帶少少甜味。▪️上選牛小排 $368牛小排嘅油脂分部得好平均，牛味香濃，食完會一塊接一塊。▪️老油條 $68每次食台式火鍋，老油條我都會必點，老油條係台灣直送㗎，放入麻辣湯可以索晒

老實講，CP值唔高，之前講到一定要book/ 排勁耐… 可能因為疫情，所以 walk in 都得啲員工好明顯係被訓練到好似台灣咁，但其實佢地都假假地…好似背對白咁。一坐底就揀湯底，都未有時間比我消化，個職員就話「小朋友先做選擇，大人就全部都要」然後就係我面前select左鴛鴦鍋，勁無奈，因為鴛鴦鍋係要另外再加$88。叫左冰淇淋豆腐，牛肉set，響零，餃類，同滑類。味道同台灣嘅一模一樣，而且鴨血同豆腐都係無限加，如果想過下台灣癮，可以去一轉，但價錢係同台灣一樣，但唔係台幣，係港紙囉600幾蚊一個人，其實可以去食更好味嘅私房菜。

湯底其乎一樣，鴨血，豆腐份量多叫左一碟牛小排，牛柏葉，三色滑，豆皮。適合四人共享。因為兩人吃就吃不完。雖然用餐時間90 分鐘。但接近60 分鐘職員會準備免費沙冰和幫你埋單⋯⋯這一方面始終不及台灣無老鍋。人均消費$500

天氣熱辣辣，最好不過就係嘆住冷氣再品嘗美食，呢日就同朋友嚟到銅鑼灣呢間無老鍋，一於涼住冷氣打邊爐▶️冰淇淋豆腐鍋 + 無老辣香鍋 (鴛鴦鍋) - 用上大量優質食材做出鮮味湯底，滿滿嘅麵包豆腐及鴨血，仲可以無限添加。隨鍋附上每位一粒冰淇淋豆腐，豆腐加上魚漿及花枝漿製成，口感綿密▶️手切封門柳 - 厚薄適中，牛味濃郁，味道鮮甜▶️排骨酥 - 台灣直送，香脆可口，淥一淥才食酥脆依然▶️豬骨濃汁貢丸 - 豬骨味濃，食落爽口彈牙▶️水蜜桃沙冰 - 食到尾聲店員免費奉上，沙冰加上蜜桃香味，清新自然，有助消滯，店員話會不定期轉換口味總結：食物質素好，環境格局亦覺寬敞，打邊爐最適合不過，而店員服務態度亦非常好

之前去台灣食過無老鍋，味道係唔錯，香港開分店，當然要一試，對比起佢嘅麻辣湯底，我比較喜歡佢嘅白湯，配埋冰淇淋豆腐同埋油條真係好好食，當然同台灣一樣佢地嘅普通豆腐同鴨血係可以無限refill,肉類ok,當然未至於好驚艷，佢地嘅手工滑類係幾值得推介，特別係蟹肉同埋瑤柱呢兩款，蔬菜正常同台灣店一樣都會送上冰沙去清味蕾，呢個我覺得係唔錯嘅一個甜品，係仲未可以去台灣嘅日子，掛住台灣火鍋呢度都係一個唔錯選擇。

疫情之前基本上一年都會去兩三次台灣，無老鍋都係年年都會去嘅必食餐廳。但係一個疫情搞到兩三年都冇得飛，心血來潮好想食，唯有特登去呢間過江龍度朝拜一番。今日雖然係復活節長假期星期日，我哋晏晝喺冇book枱嘅情況下大概3點鐘去到，發現原來都有幾張吉枱，咁順理成章諗都唔諗就入去啦。入到去先坐低店員就拎部iPad過嚟介紹湯底，有辣有唔辣，鴛鴦鍋嘅話另+$88，既然係黎朝拜就梗係揀個鴛鴦鍋懷念一下啦！跟住就奉上熱茶一壺，清香解膩。食物方面當然唔少得嘅就係無限任食嘅鴨血同豆腐啦！豆腐就同台灣食嘅一樣，但係鴨血呢就嫌冇台灣食咁新鮮好味…冰淇淋豆腐每台跟人頭送上，依然都係食落有雲呢拿甜香，同台灣嘅係冇分別😋牛肉方面點左個拼盤，有牛肩脊，黃喉，封門柳，同埋牛小排，最好食嘅個人認為係牛肩脊，因為脂肪均勻之餘又有牛味👍另外點左手打拼盤，當中有蟹滑、蝦滑同埋瑤柱滑。見其他食評都推介蟹滑，但係個人覺得最好食嘅係瑤柱滑！入邊淡淡瑤柱，好香好食。其餘配料餃啊豆皮嗰啲呀，都係正常發揮。食到尾聲時，侍應送上水蜜桃沙冰，清一清個口再食過😝可能因為今日都唔算多人，加豆腐鴨血沖茶全部服務都好到位。冇咩挑剔可言👍除咗價錢……埋單