無老鍋

营业中

休息中

今日同大家介紹呢間嚟自台灣嘅「無老鍋」，今個月已經正式登陸銅鑼灣喇～全場8,000呎，設有VIP房。重點係店內嘅鴨血同麵包豆腐都係任食㗎！而且基本上可以唔洗蘸醬汁（有一樣配料除外，拉下睇），因為湯底已經好夠味。飯後每人仲有一杯水蜜桃沙冰解膩，好貼心💕✨以下為大家重點推介14款❤️❤️❤❤❤美味指數嘅必試湯底、配料、小食與飲品🤤✨✍🏻 / 湯底：鴛鴦鍋（冰淇淋豆腐鍋+無老辣香鍋）💵價錢：HK$78/位（+HK$88/枱）👉🏻冰淇淋豆腐鍋：其實姐係麵包豆腐白湯鍋再附人頭數量嘅冰淇淋豆腐（原價HK$10/粒）。冰淇淋豆腐煮大約15分鐘就食得，口感綿滑，唔錯～根據店鋪網站介紹，湯底係先用咗雞骨、豬大骨、洋蔥、青蔥、薑、蒜頭等食材熬製而成，再加入多款中藥香辛料，例如紅棗同枸杞。👉🏻 無老辣香鍋：比起冰淇淋豆腐鍋，我更推薦呢款湯底！湯底辣度分大、中及小，店員建議先由小辣開始食，因為辣度可以隨時調節。我哋由小辣食到中辣，但其實都唔會辣到入唔到口，對我嚟講啱啱好。如果你係嗜辣之人，可能大辣先滿足到你喇～根據店鋪網站介紹，無老辣香鍋湯底先由第一階段中藥香辛料熬製，再併第二階段中藥香辛料，熬出獨特口味，最後先

諗住打電話去book位 電話長期唔通 通左又冇人聽點先食到啊 期待左好耐 打左勁多日 次次都狂打 諗住通都有啲機會啊 點知冇人聽 係咩時間打先方便有人聽啊 唔通過江龍真係好難電話通

我地叫左鴛鴦鍋，係冰淇淋豆腐鍋+無老辣香鍋-但中辣都唔辣既，湯底已經有埋鴨血同豆腐，之後我地都只係加左一次。冰淇淋豆腐 $10/粒職員建議煮十分鐘，食完先開始打邊爐，煮既時間太短裡面會有d攪拌左豆腐花感覺，耐左就硬d。安格斯肥牛 $288有牛味，唔太肥唔太瘦，有口感日本黑豚肩肉 $198爽口，唔太肥，薄片，滾兩滾好快熟。招牌手工三色滑 $168瑤柱滑-成粒都係瑤柱，好香，推薦推薦！👍🏽👍🏽👍🏽蟹膏滑- 有d腥味， 有d唔知食緊咩😅蝦滑- 好似唔太新鮮， 冇好彈牙濃香豆皮（ 6件）真真真係好大件，要浸耐dd先好食，唔好期待好脆脆炸手工韭菜餃 哩個正！香口韭味濃，點埋佢既醬汁好夾！牛骨濃汁牛丸 （4粒）雖然唔係有餡，但咬落去啖啖都好juice脆炸芋圓黃金球（6件）即叫即炸，好香口，有d似食煎堆既皮，裡面有d芋泥，小甜品咁！水蜜桃沙冰同台灣一樣送既，比你消膩，fresh 下！👍🏽👍🏽同埋招牌枸杞菊花露（味道好健康，常溫，唔甜架！）食物質素都中上，鴨血、豆腐又任食，出面仲有白飯任裝添，性價比都👌

好耐冇寫食評啦，但今次因為冇得出國旅行所以黎到一間曾經好熟悉既餐廳，不過今次唔係再係台灣食到，而係第一次係香港食呢間過江龍。實不相暪我同朋友都好期待呢一餐，因為真係好想食返台灣風味既火鍋。首先簡單講下呢到既收費係有最低消費人頭250，而我覺得同台灣一個分別就係湯底係人頭收費，另外會有每枱88蚊鴛鴦鍋收費，我相信係因為無限添加鴨血同豆腐仲有醬油白飯等成本所以決定係香港做人頭式收費。黎到無老鍋當然要飲佢既湯底，呢到個豆腐湯同香辣鍋都係適合一開始淨飲，唔會太濃太咸，另外豆腐湯有豆香，送飯都係一流。鴨血方面我覺得比起台灣食到既散，而豆腐吸湯之後我覺得都同台灣十分相似係值得一讚既。之要講既係今餐最大既敗筆，就係呢個手切牛頸脊，呢碟牛肉係火鍋間黎講價值428聽落都係合理，但上枱之後我地見到呢一刻都呆左，碟牛竟然會咁細碟，本身隻碟都唔係大但仲可以有咁多白邊位，夾起之後感覺更誇張。成件牛肉就只係得咁大塊，係開頭湯底較濃既時候係一啲牛味都冇，去到後來湯底愈來愈淡既時候都一樣食唔到牛肉味更唔需要去諗佢甜唔甜，連油香都係一般🤦🏻‍♂️剛剛話完佢都要介紹一下比大家呢到比較出色火鍋料我地認為就係招牌三式滑，其中乾

諗住出銅鑼灣睇吓有咩食 之後見到無老鍋啱啱試業諗住試吓運氣 睇吓無訂枱有冇得食去台灣都未食過 第一次食 真係好好食無限追加鴨血同豆腐總括嚟講湯底非常夠味 食得辣嘅人可以試大辣 因為我食中辣都唔係好辣 個湯底主要係藥材麻辣鍋底每位$68 鴛鴦鍋再加$88日本黑豚手工丸$58 一般招牌川丸子 $68不錯農鄉豆皮$68 呢個可以試梅花豬肉$108 正常台灣新竹米粉$48 份量非常足夠 兩個人都食唔晒 索晒湯底啲味好正最後仲送上水蜜桃沙冰 好清爽總括嚟講湯底都唔錯 未食過可以試

好多去過台灣嘅朋友都話無老鍋好好食，難得佢黎咗香港開，一於去朝聖佢個訂位電話都真係幾難打，朋友打咗幾百個電話先訂到，俾我真係會放棄去到無老鍋，有兩款湯底選擇，為咗兩款試晒，我地選鴛鴦鍋，香辣鍋比另外那款好食，但另一邊用黎煮菜都唔錯。朋友在台灣食過，佢話香港的湯底唔夠台灣的濃郁我地叫咗：牛小排：好食羊肉：聞落好重羊味，食落唔濃牛丸：大大粒，彈口，幾好食響鈴：同平時食的差不多桂花蚌：好好好好食濃香腐皮(大約叫這樣)：同鮮竹腐皮卷層皮一樣蔬菜拼盤：有啲菜食下餃子拼盤：唔太岀色飯後，贈送了沙冰，佢竟然係最好味嘅，食落似芒果，百香果，菠蘿綜合沙冰

記得十年前居住台灣的姐姐帶我去吃無老鍋，從此愛上那風味！每次去台北，都會抽空去食～香港開店，興奮前來⋯⋯裝潢不錯，環境優雅，空間寬敞，職員有禮，服務很好👍🏻唯獨食材略遜預期，價錢亦偏向昂貴，如果能大衆化一點，將會更吸引！1. 冰淇淋豆腐依舊好味2. 瑤柱滑充滿瑤柱味3. 牛肉&豬肉卻欠缺肉味4. 白玉花枝片吃不出味道5. 綜合餃略為普通6. 冰沙也不及台灣好喝不知是否昨晚才吃完疊字火煱店，有比較下，覺得香港店無老鍋還有進步空間！