烏蠅館 (九龍中心大廈)

营业中

休息中

由舊鋪食到新鋪 烏蠅館嘅冒菜係幾好食嘅不過個辣度同鹹度真係次次都唔一樣食到我懷疑係咪叫中辣就比bb辣叫Bb辣就比大辣呢？每一次個辣度都唔係跟張紙圈嘅辣度好似廚房random 倒出嚟咁🤦🏻‍♀️呢樣真係要改善下

之前嚟食午餐都係食麻辣,今次見到原來有四川酸湯,撳入去睇吓,佢話原來屬於中辣嘅辣度,因為我平時係食開小辣嘅,但係都膽粗粗試一試午餐$50有六個餸,另外加主食要加$5，今次叫咗魚腐，貢菜，海帶，鴨胸肉，腩肉同埋豆皮先講嗰個豆皮，係好厚身，唔係好似腐皮咁薄，咬落去有啲偏硬，我個人比較鍾意食腐皮多啲另外其他嘢就冇咩特別，不過魚腐就只有一粒,覺得點解原來魚腐係咁矜貴嘅四川酸湯中辣原來我都接受到，但係佢比麻辣嗰種麻嘅程度更加犀利，係一食就會覺得嘴唇麻痹，所以如果你唔鍾意麻嘅感覺就唔好叫啦另外當然亦都係重口味嘅湯底啦整體嚟講覺得呢度嘅午餐性價比幾高

自從跟老公食辣，慢慢都食到多少少辣野，最近更愛上烤魚，放工去附近亞士厘道試下呢間冒菜！ 🐠清江魚三款魚中揀左最肥美厚肉既清江魚🔥烤魚真係要辣辣地，可以揀少鹽/少油。每日跟3款不同素菜，當日就有芋絲、雲耳、金菇。配上招牌香辣（加左辣既蒜香烤魚）辣度輕柔，蒜味突出又不失魚肉原有鮮甜清江魚大大啖魚肉又無細骨，好易食！ 烤魚汁加湯可以打邊爐，配菜種類繁多。點份鹵豬大腸，沾上辣湯鹵水味依然突出。鮮味濃香，口感軟熟。脆脆午餐肉，上檯先試一塊，炸得香口。放湯加熱食，外層唔會軟化，咸香麻香感！ 皇帝菜大大碟，灼完保持到翠綠爽口，好新鮮！ 飲品大推🍹檸檬百香果QQ有雪燕、寒天、桃膠，女仔飲真係好滋潤！ 🍍滿杯金菠蘿，一啖入口好多🍍菠蘿粒，唔太甜又清爽解膩！

川菜是中國嘅四大菜系, 香港人都幾鍾意食川菜, 特點係清鮮醇濃, 麻辣辛香。今晚喺尖沙咀嘅烏蠅館食下烤魚, 呢度嘅香辣烤魚係招牌菜, 點咗少辣嘅清江魚烤魚。食店環境都唔錯, 樓上雅座, 地方好闊落, QR code落單好方便。原爐原條清江魚上桌, 加熱約十分鐘, 魚身開邊鋪滿爐盤, , 賣相好有氣勢, 份量非常足夠, 魚身有光澤, 肯定好新鮮。魚肉鮮甜幼滑, 肉厚多汁, 加上辣椒芫茜香蔥等香料, 口感好豐富。金菇菜, 雲耳和芋絲等配菜, 吸收烤魚汁精華, 特別滋味。美味又有份量嘅烤魚, 食完都飽咗一半。小食都幾多選擇, 四川炸魷魚炸得好香口, 魷魚爽脆有嚼口。麻辣豬耳香辣爽脆, 川式韭菜豬肉水餃皮薄饀料惹味。紅糖糍粑甜脆軟糯, 香芋地瓜丸外脆內軟, 充滿芋香, 甜滑可口。

好耐都冇食過魚煲啦，今次黎到尖沙咀嘅烏蠅館到食！1.招牌香辣烤魚（青江魚）平時我就好怕食魚煲嘅，因為怕腥同怕有泥味。但依到嘅青江魚一啲都唔會腥，又冇泥味，而且魚肉夠肥，肉質夠實唔會鬆泡泡，而且佢會先煎後再落煲，所以唔怕煲我耐d肉爛晒。佢香辣嘅味道，唔會遮蓋左魚肉嘅鮮味，做得好平衝，非常之好食2.鮮淮山淮山夠晒新鮮，食落夠晒爽脆，如果鍾意食淋d，可以煲耐d等佢吸晒香辣嘅味先食，味道仲一流3.魷魚翼已經𠝹晒花，食落非常爽口，而且唔會話太縮水，所以食落都夠晒口感4.牛阪腱肉質非常靚，食落夠晒牛味，又口軟滑，岩晒打邊爐5.唐生菜好大棵，但係唔會話老，係咁e烚一烚就食到，正整體黎講，餐廳食物質素高，好岩成班人一齊食辣打邊爐啤一啤佢

<尖沙咀烤魚邊爐推介>🤩鍾意食魚又鍾意打邊爐既你, 一定要試下呢間集兩者於一身既烤魚冒菜餐廳😎 原條烤魚, 有三種款既魚可以選擇, 仲可以自選配口味 & 辣度, 梗有一款啱你口味.我選擇左<清江魚配蒜香燒> {$348}😋 ~ 呢款魚相對少骨, 而且仲好啖啖肉, 原條大大條上, 認真有份量絕對夠食. 配埋蒜香煮法, 好香好入味呀.食完烤魚, 仲可以打邊爐😍 我當然order 左至愛既韮菜餃, 另外雙拼夾埋鮮蝦雲吞, 好足料, 皮薄好味👍 仲有好多其他火鍋配料選擇, 正!呢度亦有多款甜品& 飲品可以選擇😋 我揀左<桂花桃膠>, 好香桂花味, 亦好足料好多桃膠, 夠晒養顏.🥘餐廳: 烏蠅館🍲地址: 尖沙咀亞士厘道29-39號九龍中心大厦地下G29號舖

烏蠅館🪰呢間餐廳嘅冒菜一直都好出名，好多人食！今日星期日去海港城行街之前就過嚟食一食，探一下究竟！😋😋我哋兩個人都嗌咗冒菜A餐$50 ，可以任揀六個配菜，我哋分別就揀咗肥牛🐮、雞中翼🐓芝士丸🧀、芝士腸🥓、風琴豆腐串、娃娃菜🥬、豬大腸🐖、魚腐🐟、腩肉🐽、黑豚肉🐷、金菇菜、萵筍，聽聞麻辣湯底就最有香味，所以我哋就分別揀咗小辣同埋中辣🌶️🌶️，粉麵方面，我哋就揀咗粉絲+$5 同埋 火鍋寬粉+$5，個人覺得佢$50就可以揀六個餸都幾抵，因為每一款餸都比想像中多，好似雞中翼🐔 同埋 其他丸🍢咁樣，全部都係有兩舊㗎，一次過可以食到咁多款唔同嘅配料其實都幾開心！😻😻飲品方面，我哋就揀咗兩個跟餐只需要$10嘅飲品，包括係玫瑰蜂蜜（熱）🌹+$10 同埋 可樂🥤$10，值得一提嘅係佢哋嘅可樂係玻璃樽裝，個人覺得幾有誠意！👍🏻

身邊好多朋友都好中意食烤魚🐟想去呢間好耐今次終於試到😋烤魚共有三款，包括珍珠斑、海鱸魚、清江魚每款各有特色，除咗大小有別仲有口感、肉質等，可根據自己喜好選擇🥰/▫️三峽烤魚-清江魚$348▫️1️⃣先選烤魚種類清江魚集鮮甜結實肥美一身🐟全條魚超多肉，重點係少骨👍🏻肉質嫩滑，大人小朋友都啱食/2️⃣後選口味招牌香辣烤魚(加入超過30種材料)可自選辣度及少鹽少油口味，食得更健康😋秘製醬汁超惹味！叫咗少辣啱啱好🔥每碟烤魚都會配每日不同嘅配菜今日係金菇、蘿蔔、雲耳/烤魚煲滾後可以開餐啦！😍㊙️先食魚、後加湯打邊爐🍲/▫️嫩滑雞柳$68▫️秘製醬汁令我同朋友諗起雞煲即刻叫咗雞柳試吓🤣果然肉質夠晒幼嫩，啖啖肉雞肉吸收晒湯底味道👍🏻/▫️四川寬粉$28▫️香辣鍋點可以唔食寬粉！寬粉口感煙韌，寬度比麵更寬能掛起更多湯汁💦同香濃湯底味道好配合煙韌控必試😋/▫️百香菠蘿氣泡$29▫️多款飲品選擇比大家解辣🤣🔥菠蘿汁係有菠蘿肉🍍加入梳打水更fresh更清新🌱/▫️滿杯金菠蘿$25▫️朋友都中意飲菠蘿系列😋呢款味道類似檸檬茶，加入有肉菠蘿汁增加口感之餘仲可以減低食物油膩感！

我發覺我真係好中意食烤魚，朋友叫我食呢間，果然冇推介錯。首先烤魚又嫩又滑，揀左海鱸魚，所以冇乜骨；而辣度就嗌左bb辣，連我有個唔識辣的朋友都食到，所以唔敢食辣都可以食呢間！餐廳仲有其他款魚，不過食開深圳酸菜魚的我就自然會想食鱸魚多d! 食完烤魚就當然要打邊爐la, 佢d 料都唔差，白鱔片好好食，鴨血同豆腐串都係烤魚必叫！索哂d 湯汁之後勁惹味，香香辣辣咁超正！本身仲想叫埋牛肉，不過見到隔離枱個樣就麻麻地，都係食番其他正路野先 XDD最後仲嗌左個酥魷魚，份量就少左d! 但好在味道都唔差，香香脆脆咁，配啤酒一流另外值得一讚係餐廳有勁多野飲，連台式手搖，加奶蓋都冇問題！超正！

唔想特突北上食烤魚的朋友，大食妹誠意推介烏蠅館俾大家一開始要三選一，簡左魚先，餐牌有列明每款魚的特點因為大食妹唔太識挑骨，所以叫左最少骨的清江魚，務求唔駛慢慢挑骨要食到啖啖肉清江魚$348魚肉好鮮嫩，蒜香味無辣好多蒜，一樣好香好惹味清江魚上前會煎下先，所以條魚食落脆脆地，浸左陣陣蒜香味又入曬魚肉，好好食一軟要加薯粉，一開始索曬個蒜香湯，好正紅糖糍粑$32平時食開的紅糖糍粑系要自己浸落紅糖醬度烏蠅館的紅糖糍粑將紅糖熱溶包系糍粑內，好特別

呢間烤魚味道一流味道好正，魚肉鮮美又多汁同埋有個蒜香味，超好食架！魚肉好鮮甜，燒得啱啱好，仲有啲蒜香味真係令人食到大滿足！份量都好足夠一定要試下呢款皇帝菜我覺得味道好鮮甜，蔬菜都好新鮮，整體都好好食鮮淮山片我覺得佢好新鮮，淮山片嘅質感好好，食落好滋味脆脆午餐肉係48蚊，好好味，好彈牙，我好鍾意食嘅一款至於豬紅，只要20蚊，好抵食，豬紅嘅質地好好，味道濃郁，好適合當成小食最後，桃膠嘅桂花味，味道好香甜，有啲口感，係個好好嘅甜品。

今次嚟咗烏蠅館食烤魚，我哋叫左個中辣既特色泡淑烤魚湯底😊湯底用左發酵半年既泡菜黎做湯頭料浸住最肥美肉滑既清江魚🤩我唔客氣啦😍(值得一讚係餐廳有少鹽少油啲既選擇 我地都有嗌左 咁就可以食得健康又盡興啦😙)🐟清江魚 （$348）食落肉質好嫩 一啲腥味都冇😛魚皮連埋魚肉好容易用筷子就一大舊起左出黎😗勁滿足😋湯汁滲晒落去啲魚肉到🥹頭啖湯辣得好過癮😍加埋好開胃既酸味🤪越食越想食啊！🐮精選牛板腱 （$128）有個咁惹味鮮甜既魚湯😍又點少得牛肉啊🐮所以我地叫左牛板腱😍脂肪比例較少啲牛油味就冇咁搶湯底個味😛依到既牛肉好有牛味 連埋個湯既辣同麻香真係雙重享受啊😄🐥嫩滑雞柳（$68）打得邊爈 雞件當然都唔少得😃但最估唔到既係竟然會有懶人最鍾意既雞柳嗌😆雞柳超嫩口 而且冇雞皮 所以唔會太過heavy😝雞件沾埋啲湯juicy得黎又幾刺激😋🍜四川土豆粉 （$28）依到既特色之一土豆粉好彈牙🦷有別於普通既紅薯粉 佢有啲似比較唔痴口既烏冬😊但就因為佢唔會太易痴底同埋比較冇咁粉 就岩曬烤魚既湯🥣一啖湯加一啖粉既感覺好爽 ☺️ 暖胃得黎又好食🥰🍵桂花烏龍茶 （$18）食左咁多重口味既野😲好彩依到夠曬貼心 有好多唔同種類既

🍽️食物方面：🐟蒜香清江魚💲348唔食辣嘅選擇 重味肥美 蘿蔔都好食🌶️招牌香辣海鱸魚💲298魚滑 濃味 小辣都太辣同有啲多油🥬每次好飽話叫少啲但都係加呢堆餸四川番薯粉💲28 / 海帶結💲35脆卜卜嘅貢菜/ 我fd最愛豆皮💲32 大塊滷豬大腸💲58 / 彈牙鵝腸💲98 厚度好正嘅無得輸鴨血💲78 🥤嘢飲好出色 每次都嗌兩杯🥇黑糖桃膠或雪燕鮮奶/雪梨玫瑰檸蜜/桂花寒天綠茶💲28茉莉蜂蜜💲18 / 西瓜鮮果茶💲25 /暮色戀人💲34📷打卡方面：光線充足 有足夠空間擺嘢🔈環境方面：無限時任坐 坐最入好似包場咁服務態度💯加湯會用手擋住💬其他資訊：烏蠅館 📍尖沙咀亞士厘道29-39號九龍中心大廈地下G29號舖💰收+1 人均💲336ℹ️wtsapp66335057預訂 一嚟就上得

冒菜推介，其他慎選⋯⋯已經好耐冇食過呢間餐廳，以前喺天星大廈一樓就幫襯開，鍾意食佢嘅冒菜午餐，所以同朋友嚟試咗佢嘅烤魚晚餐同火鍋。點知極度失望⋯⋯$108 既火鍋湯底，滋補菌湯火鍋似係爆鹹冇料菌湯⋯⋯蕃茄酸辣火鍋，都酸甜加少少辣，唔錯，就係撈起上嚟有100粒蒜頭有啲奇怪烤魚嫩滑彈牙，如果少d油就好，目測係咪有一寸油。Black list 食物：墨魚丸Good list: 貢菜有驚喜，爽口食左$250都仲好肚餓🥹🥹🥹寧願選返冒菜就算，但係佢地又唔比食冒菜，唔知係咩奇怪邏輯😞

臨近歲晚，係尖沙咀整完個頭，就係時候醫埋個肚啦，每次自己一個人黎尖沙咀食lunch，除咗米線，就會揀依間烏蠅館，坐得舒服之餘，仲有唔同辣度嘅湯式可供選擇，再加埋蒜蓉，岩晒重口味人士。今日過咗一點半先到，唔洗等位，但都9成滿。冇黎一排，原來已經轉左掃code落單，但個system就有啲難用，要㩒兩次先確認到訂單（留意到唔止我遇到依個問題）今次食麻辣湯中辣，紅通通嘅湯頭真係令人忍唔住要飲番幾啖先。車仔麵餸菜都依舊保持水準，係度仲可以食到啲平時少見嘅餸菜，例如：賽雞肉、土豆粉、貢菜等，即時滿足晒好辣妹子嘅需求。