火鍋館

营业中

休息中

好耐都無同我高太烚下烚下，今日黎反個二人滾一滾先火煱館我同高太其實已經食過好多次基本上打邊爐都第一時間唸起依度高太最鐘意既蕃茄薯仔湯底充滿高太最喜愛既蕃茄火煱館既本地牛肉都好少会令人失望性價比幾高两個人打邊爐叫野都幾頭痕不過依度好多野都可以叫半份同雙拼依個梅菜豬肉丸好食我同高太黎親都会叫黎食蕃茄餃拼韮菜餃蕃茄控既高太又一樣最愛既蕃茄餃出面唔係好多地方有得食我地仲嗌左啲桶蠔，什菌拼盤，仲有一碟豬肉所有野食都質素好好保持到水準

打邊爐除咗個爐好緊要，啲料仲緊要。朋友介紹呢間火鍋，地點點方便。望一望menu價錢唔算平，但啲菜上到枱就有驚喜花膠雞湯有好多雞件，雞件入味又滑，花膠keep到有膠質，落料前要飲返碗湯先。牛肉油花分明，分佈平均，焯幾秒就好放入口，質感軟腍，油香四溢。仲有啲小炒小菜，送酒一流，椒鹽豆腐外脆內軟，熱辣辣，必叫！下次想試埋啲海鮮，同埋試多幾款湯底。整體人均400-500up，但以呢個地點同埋水準來講，值得一試！

平時都經常打邊爐，今次去開旺區尖沙咀山林道嘅呢間「火鍋館」，鍾意食牛所以今次點左幾款牛肉試吓，我自己就order揀咗魚同龍蝦刺身。可能因為我唔太鍾意食牛我覺得佢哋牛嘅感覺味道比較酥同埋食落去唔香牛味，唔知係咪唔係好新鮮，反正叫咗幾款牛都覺得唔好食，而且佢哋嘅牛肉比較難咬，另外佢哋嘅魚都係一樣食落去好「腥」，一食就知道唔係新鮮魚嘅感覺，最後一大碟魚我都係食咗一兩塊就食唔落，可能嘢食唔好食覺得飽飽地，成個人都冇乜胃口。叫做可以接受嘅係佢哋嘅龍蝦都算係新鮮，但係呢間好耐之前食過都未至於咁差，今次感覺真係幾失望，今次食完唔推薦呢間餐廳。

尖沙咀山林道近來好多新開嘅食店，難得仲見到一間之前食過嘅火鍋館。同幾個朋友最啱就係打邊爐，煮食嚟之前叫咗幾個小食例如係炸魚片頭同埋蒜香🧄炸豆腐頂一頂肚先。份量好多食完幾舊已經飽咗四成。但係炸魚片頭嘅味道唔算好濃厚魚味，而且個人覺得蒜香炸豆腐嘅豆腐味都唔夠濃味。叫左佢哋一啲肥牛同埋龍蝦刺身，仲有魚刺身。整體來講魚刺身同龍蝦刺身比較好食，因為都算新鮮。但係牛肉就唔算好新鮮，對比上一次食今次有啲失望，牛味唔夠香濃。

多謝 #全哥、#全嫂 嘅安排，我哋再一次嚟「火鍋館」捧場。幫襯過咁多次，#伙記 都認得我哋，服務當然唔會差。每一次都係食到大家捧住個肚走... 呢次都唔例外啦🤪 唔好以為「火鍋館」只係嚟烚吓烚吓咁boring😏 每次我哋都必定會叫啲 #小食，尤其係 #燒牛脷，#師傅 掌握嘅時間非常好，咬落去充滿肉汁、一啲都唔會乾，仲好有咬口👍🏻講到佢哋嘅 #湯底，#小秘書 就一定會揀其中一邊落 #沙嗲湯，配 #肥牛肉 同其他 #配料 都一流，啲 #蚌 又大又爽，擺落清湯煮就最啱👍🏻👍🏻雖然成晚不停食咗咁多嘢，但係我哋每次臨走都必定會叫個 #心太軟 做結尾，一叉流落 #朱古力醬 #澎澎聲 走出嚟.... 正呀🥳

10幾年前我經常去呢間火鍋店， 當時撞到好多明星，最記得有一次當時行條樓梯上去時，擰轉面見到方中信夫婦在我後邊，入到去餐廳地方全場都望住我後面嘅方中信，非常懷念！ 事隔咁耐昨天朋友再介紹又再嚟喇， 同三個姊妹點左幾樣野，樣樣都好新鮮，水準高，唔限時逐樣叫都能夠食得好飽，埋單四位收$1600！ 一口牛總共有九粒，收$228，食落無味嘅， 這個價錢可以唔叫，梅菜豬肉丸好特別好入味，吃完再吃，本人推介！這間食店招呼係好嘅，首先用椅套冚手袋同埋你啲衫，定時定候幫你斟茶，用湯殼不走湯面上嘅油， 略嫌肥油不走之後，應該換咗另一個新筒，等客人再用嗰個湯殼， 就唔使肥淋淋，臨走仲有免費小甜品！

香港人... 包括 #小秘書 在內，真係好鍾意 #打邊爐🥢 雖然而家已經係一月份，理應❄️啱哂季節打邊爐💥 但係 #地球先生 似乎真係病咗，呢兩日晚飯時間都有成20.c🥴 真係得人驚！雖則如此，依然不減我哋對火鍋嘅愛戴，今晚就嚟個111聚會🥳#小秘書 啲朋友個個都 #事業心/線 👻咁重㗎，我呢個閒人唯有去剪個髮💇🏼‍♀️等大家收工啦！話就話八點開餐，最終都九點先齊人👀 不過無所謂吖，#打邊爐 最好就可以食住等👍🏻 早到嘅朋友確係識食，一早點定啲 #海鮮 等我哋。#火鍋館 我哋已經嚟過幾次㗎喇，貪佢啲火鍋料新鮮之餘，小食、甜品都一樣出色👍🏻👍🏻 不過今日最爆笑就係我哋個 #蕃茄薯仔湯底 入面，就只有蕃茄🍅同蕃茄🍅🍅🍅 原來廚房話啲薯仔無哂貨，比多啲 #蕃茄 我哋搭夠😅 唉 是但啦... 就當比個機會補充多啲維他命C囉💪🏻 有時我會諗🧐究竟我哋成班friends係咪都有特異功能、個肚有無限空間嘅呢？我哋成晚不停食食食... 就由八點食到十一點半，當中嘅肥牛、鮑魚、生蠔、龍蝦、肉丸... 通通比我哋6個人消滅得一乾二淨🤪 當中 #小秘書 就最欣賞 #火鍋館 嘅 #手切肥牛、#生蠔🥰 真係啖啖肉啖

火鍋可以說是一種文化，是一種體驗，也是一種口福！很少描述火鍋館的小M，這次終於要和大家分享一次我很7的經歷，望著google地圖，走到了一個相同地址的位置，地址是對但位置不對......溫馨提示大家找火鍋館的時候千萬不要只做google人！哈哈！ 大大個火鍋館的牌我也看不到...唉~~~ 好了~~講完故事，睇下ORDER~~ 選擇已經很多！單單湯底已經有很多不同的種類，好吸引啊！ 講真，我們人來說是偏貴的，但還好是任坐，而且服務好！ 我們六位美少女，首先點了一個清潤的湯底，如果大家喜歡藥材湯底，則有另外更加多的選擇，建議大家可以品嚐一下！ 我們選的湯底是新鮮的雪梨和蘋果再加無花果，用新鮮的材料自在希望食客可以一邊吃一邊把湯的味滾出來！而真係做得好好， 因為個湯好清！ 大家在吃之前記得記得要先飲湯~~ 火鍋館是牛肉專門店，多款牛的不同部位讓大家選擇。當然每碟計價錢的話，火鍋館還是偏貴的，但品嚐過後質素非常有保證！除了牛肉有好香牛味，而且牛的脂肪分佈好吸眼睛！記得可以混兩種牛肉，咁就可以食多一款了。 食物有不同選擇外，肉丸也很彈牙，梅菜豬肉丸有咬口！如

又開始進入冬天時候，又係香港人至愛嘅打邊爐季節！火鍋料好新鮮，選擇都幾多而且精致，價錢同樣反影精致度，不過性價比也高。海鮮款式恰到好處，算是食時令，所以今次飯局都試左唔少海鮮。打邊爐第一煲的湯底最重要，之後味道隨着火鍋料改變，所以今次揀個蕃茄湯底，味道鮮香，食左輕盈料先。

一行十人食生日飯，主角想打邊爐，朋友推薦火鍋館.由於要開三個爐，我地分別叫左2個番茄湯同一個醉雞湯番茄湯無乜特別，清清地，不過超多番茄雞有雞味，唔肥又唔韌打邊爐既精髓在於牛，呢度既牛好得，我地encore左三次水餃雲吞新鮮多餡唯獨有款泡菜餃超難食，入口好似變左咁酸既有多款魚選擇，迎合到唔同人口味碟蝦超新鮮，串住都不停想走佬生蠔又肥又大隻，食落爽口.碟豬肉片都唔錯，入口即溶豆腐異常地滑整體選擇多，食材新鮮，價錢合理

今晚同朋友特登上網，搵到呢間打邊邊。朋友唔食肉，所以諗住試佢既鮮魚湯，我地點餸時都有同職員講唔食肉。點左菜之後等呀等，等左成半個鐘都未上任何一樣。第一次催，職員無幫我地跟，只係好有禮貌咁同我地講話黎緊架黎緊架啦，到第二次問，職員話我地叫果個燉雞湯要耐點(我地唔係叫燉雞湯)，跟住先幫我地跟。一陣黎左之後，先發現魚湯底有肉~再問店員，店員話無架喎，要我地再掀開蓋再檢查，先發現真係有肉。個感覺麻麻地。之後老細都願意幫我地煮過個魚湯，呢個值得一讚，但煮完出黎既魚湯真係完全無味，有點可惜。食物方面，我地點了菜，蝦丸，魚麵，脆鯇魚片同腐竹，兩個女仔都食唔曬。蝦丸好彈牙，魚麵都超正，個人覺得係必叫之列。魚片都非常新鮮，食物質素高。但可能始終覺得湯底係打邊邊既靈魂，所以失望喔。

高質火鍋館👍👍👍～～～～～～～～～～～～～～～～～～火鍋料好新鮮，多款配料、湯底選擇，就算貴都值得。今次叫左蘋果雪梨無花果湯底，湯底真材實料。本地手切牛肉（$428）入口即化，牛肉味重。花彫醉雞中翼（$70）超入味，但唔記得影相，煲左好耐花彫味依然有。一條象拔蚌（$1040）今次叫廚師切條狀，咬口十足，非常新鮮，足五人份量。五隻牡丹蝦（$475）新鮮到上碟依然在動，蝦頭可以生食或熟食，蝦膏滿瀉。～～～～～～～～～～～～～～～～～～火鍋館地址: 尖沙咀山林道10-12號山林閣1樓

原先唔係諗住食呢間火鍋店，係因為原本想去果間蒲x島/蒲頭x，門口個MK妹勁冇禮貌！所以我嬲嬲地去第二間😤所以行吓行吓就去咗山林道，見到呢間火鍋店，雖然OpenRice上面呢度評論唔多～🧐🧐🧐但係見到佢寫住牛肉專門店，好似好Pro咁😂😂我就上咗去試啦，一上到去有個四眼哥哥好好招呼🤗🤗見到我哋有袋就即刻攞張野幫我地come係面，其實成個食嘢嘅過程中，所有樓面嘅侍應都好好照顧每一台客人。尤其是係個四眼哥哥🤓🤓，耐唔耐走埋嚟幫我個火鍋不走啲泡泡，見我想飲啖湯就即刻走埋嚟攞個湯殼幫我不落碗～其實最後我哋有食唔晒啲嘢，我想攞走外賣～佢都幫我打包得好好～～好細心💋👍🏻👍🏻👍🏻👍🏻👍🏻👍🏻真係細心到痴咗線😳，絕對值得一讚，但呢間野其實價錢唔算係好平，但見佢服務態度咁好，我都抵比既， 兩個人去食$1100。抵唔抵就自己去感受下再評論啦😛

今年老闆請食飯去火鍋館。今晚食物老闆一早發左板，所以上菜前都唔知有咩食。大大隻龍蝦刺身🐲🦐，新鮮程度好似剛剛海度捉上黎整，件件爽口，一入口就滑入食到咁！片片厚度均勻，可見師傅刀功有幾深厚！ 蝦又係新鮮，放入爐灼一灼，變色即刻食，肉身彈牙，味道鮮甜！呢度出名牛，老闆叫左雙拼-肥牛+牛肩，肥牛雪花分佈鮮名，食落口都係中上之選，牛肩吃落比較爽脆，所以我比較喜歡後者👍🏻避風塘炒蟹，蟹已經砍件，件件半隻手咁大件，蟹肉多，略嫌蟹膏唔夠（要求太多🤣）。老闆埋單個時以為已經完，點個仲上甜品，好另類，有cheese cake & 布甸，奉上唔同種類味道，任均選擇，我已經飽左食唔落，但同事話cheese cake細細件幾好味。

兩個字：好食😋😋推薦豬骨煲（記得一開始要飲湯)，豬骨大大舊，湯底好足料，有菜有粟米等，味道有點homey，同其他火鍋店的不一樣，而且我個人覺得呢個好食d🌽🥘推薦象拔蚌刺身，我平時唔食既都覺得能吃，很新鮮的說👍🏼推薦安格斯牛，係嫩牛，堅嫩💕💕推薦炸雲吞，脆卜卜而且好juicy🤤其實我地仲點左好多，張相無show到😂😂包括滑蝦芝士丸、魚滑、黑毛豬等等等，這些都是能吃的，很新鮮。不過不推薦點炸年糕?（即相入面最下的那團炸物)，偏硬便乾，獨立黎評其實唔算太差，但跟同桌的炸雲吞比則大為失色。五人吃，埋單$15xx。