火鍋館

营业中

休息中

雜誌介紹在北角區開設了一間火鍋名店"火鍋館",據我所知這間火鍋店在九龍尖沙咀有間總店,但每一次去到都已經沒位了,真心淡啊!現在不用了,事關在港島區也開設了新店了!現在各位火鍋同志又多了一蒲點了!! 在上星期五,我相約了五位朋友在這間名店,環境清新,又加設了很多卡位,至岩一家大細啊!但我們想靜靜地相淡公事,在廳面真的很多人,很熱鬧!原來這裏有四間房,我們訂了間細房,但也有最低消費 一千大元,沒要緊吧,反正我們也愛吃刺身的。 講到食物方面,刺身可算相當新鮮,經理帶我到刺身部看刺身,真的花多眼亂,最後也點了一隻龍蝦刺身和一條東星班,上檯的時候,真的被驚怕了!!被起了肉的龍蝦竟然還會動!很生猛!條東星班也相當鮮甜。在湯底方面則揀了花膠響螺雞湯底,雞件甚多,落足料,絕沒欺騙,牛肉就點了本地手切牛皇,一流!肥膏均勻,牛味甚重,美中不足只是太少了。火鍋配料中,這裏有很多都不是其他火鍋店能有的,在普通火鍋店中,大多數能供應的只是四寶丸,但這裏有自家製的八寶丸!!田雞,蠔,象拔蚌等等海鮮,水餃同雲吞等等的丸餃類食物都應有盡有。 最後打完邊爐,經理問我們食唔食甜品,

去之前都知道呢間野唔會平，唸住一分錢一分貨…可能有好野食! 點知賴野蕃茄豬骨湯底 = 滾水+蕃茄+排骨個d骨碎$12每位醬: 無得個檯獨享lor... "不""不"下要拎去隔黎檯.... 我不如去德興$188手切肥牛(大): 無咩特別，淋不過無味....我令願去佳寶買$48磅個d $18x象拔蚌刺身(例): 勁少又淨係得d近內臟，出面好多間二百蚊內都有半條鵝腸: 成碟白色，點食呀....鵝腸係要肥，但都唔係淨膏架嗎魚皮: 好鹹水餃, 嘜丸乜丸: 正常味道，好細粒!叫左魚麵... 叫人跟左兩次都無黎... 一個哥仔問親既答案都係:"係咩? 無理由仲未黎架wor...咁耐都未黎既?" (而家係我問你，你問返我地).... 當佢每次行外扮check 既時候，都有令一個哥仔走埋黎叫我地不如唔好要埋單啦wor!!!唔明點解會有明星撐場.... 可能收埋d 靚野俾熟客.... 咁做生意...死得la!!!

契媽在Milan住了幾個月最近返港，好耐冇食打邊爐這類香港地道菜，我們一行四人上週末晚在此飯聚。此店位處一樓，沒甚裝修亦頗為擠迫，所見的所謂 VIP 房亦只是簡單的板間房，相比之下，灣仔謙記的堪稱豪裝。湯底要了蕃茄大眼雞魚湯，的確是頗鮮甜，魚味越滾越出，美中不足的是當條魚滾散了後，魚骨亦摻入了菜蔬之中　點了雪花肥牛和本地牛皇，雪花肥牛的脂肪分佈均勻，口感香滑軟熟，牛味濃郁；亦點了蝦丸、墨丸、西洋菜丸，味道一般，咁"迷你" size 的丸都係第一次見，以蝦丸而言，與灣仔小肥牛的中蝦滑和佐敦合興的蝦丸簡直差天共地；鱔片、豬腰、豬潤等等都OK 但乏善可陳；至於我打邊爐至愛的炸腐皮卷較之小肥牛的更是令人失望 ......整體而言，只有牛肉較為出色，都好肯定不會有下次喇 .....

本地牛皇 唔錯 很有口感 有咬口service 很好 weekdays 也很full一定要make booking.本人認為一試無妨見識一下滿牆也是明星poster及親筆簽名也不錯呀

天寒地凍, 最好打邊爐上星期walk-in 無位, 要預早幾日訂檯 男友揀左佢至愛 - 肥牛雙拼, 而我加左丸, 芝士腸及金菇肥牛雙拼都OK, 而丸, 芝士腸及金菇就無乜驚喜就在個大眼魚湯好鮮甜, 加番D分啦

為祝福honey工作，乘機又食火鍋。本想去九龍城，但看戲後都夜了，便再到山林道的火鍋館。因為老公也很愛此店。已經是第2次惠顧了，仍然是很好的水準﹗環境 - 中規中矩。尚算舒適。最好訂座，因為差不多天天也很滿。服務 - 好，貼心，也不會迫客人點貴價海鮮。食物 -A - 湯底 (蕃茄豬骨湯) - 不重味精，蕃茄又多，豬骨又滑，絕佳。 B - 配料(1) 雪花肥牛 - 脂肪均勻，有咬口。比上一次吃的極品和牛更好，因我個人不愛太「酥」。(2) 翠肉鯇魚 - 很鮮甜美味﹗(3) 魚皮餃併手打黃金墨魚丸 - 很好，各四粒，不多不少，適合2人。魚皮餃明顯精心包的，很好吃﹗而黃金墨魚丸內有蛋黃，正﹗(4) 牛骨髓 - 一樣不錯(5) 炸魚皮 - 推推，即叫即炸，水準之作﹗下湯也不會變「鯰」...好惹味脆口﹗(6) 皇帝菜 - 份量多，而且打邊爐最好﹗整體而言，各方水準也很不錯﹗價錢都算抵了，是很好的火鍋勝地﹗

這幾天有德國的同事來港工幹,其中一位是第一次來訪亞洲的 (東南亞不算在內) 老闆嚷着一定要讓他嗜嗜打邊爐(港式火鍋)的滋味~ 他說: 對老外來說, 吃火鍋是一件讓他們大開眼界的事! 尤其是第一次接觸香港, 一定要試!!! 無論他說什麼, 總覺得是他自己想吃多於一切...老闆着我找家好吃的火鍋店, 價錢不怕貴, 但也不要太貴. 適逄是夜正好是母親節, 想吃火鍋應該不容易找到位子, 所以早在幾天前已經預訂. 打了好幾家有幫襯的都已經full booking... 走到這裡找了找, 找來了這家從未幫襯過但好評如潮的"火鍋館".從此, 我的心水火鍋店又多一家!<<是夜菜單>>響螺花膠雞湯底 好補的一個湯底, 落足料! 我們在開始吃火鍋前每人先來了一碗淨湯, 非常清甜, 好味!本地牛皇打邊爐牛肉真的好重要!!! 這裡的可算是頂級水準!!! 果然是牛皇!!!珊瑚蚌&桂花蚌不知是否今天的來貨不夠靚, 新鮮是新鮮的, 但卻缺少了蚌類應有的甜味... 埋單時看似是老闆的伯伯問我們為什麼吃剩半碟有多, 我們跟他反映之後, 他們把兩碟蚌的價錢刪掉了, 真的謝謝啊! 鮮帶子好新

之前都成日聽呢間野個名架喇，但就無話的起心肝去試囉，今次約左一大班friends去打邊爐，咁就諗起呢間，所以即刻book位試整體黎講，食物用料係幾正既，不過正所謂一分價錢一分貨，係比一般打邊爐貴小小，但都係貴小小咋bor，抵喇，最緊要好味都係叫返平時普遍既野，無特別叫海鮮，但都好味道但最意想不到既係，佢d甜品，嘩，簡直好味過d甜品店呀，尤其是個心太軟，實在太正喇，真係好想快d又去多次先

除了佢地D牛肉出名外,大家都要試下佢地D甜品........都不錯.特別係佢個冰震芒果試管..D芒果非常新鮮GOOD AH...其他撞豆腐花,同cheese cake等等都不錯.而佢D甜品都好有心思所以大家不防一試

前兩日忽然諗起食火煱, 即刻走去火鍋館, 雖然無訂枱,但係6:00去到,佢地都肯比左張枱我地先. 呢度D員工好有禮貌又細心. 我地想飲熱嘅竹蔗水,佢哋二話不說即刻幫我哋整熱佢. 又會定時定候幫我地加湯,好醒目之前食過花胶湯底好正,今次反樸歸真,叫左個沙爹湯底,好濃沙爹味,絕不欺場. 牛肉分兩種,選了雪花肥牛,貪佢有牛肉味之餘又唔會太"淋". 一定要食牛肉粒, 好有口感 不過唔好一放落去都食,最好等＋分鐘先食就good fit .另外叫左五宝丸,魚麵,蕃茄餃同帶子, 全部都好有水準,雖然價錢都唔平,但係一分錢一分貨嘛 自己本身偏好午餐肉,雖然大家都係鑵頭貨,但係我就覺得都係宝哥味館嘅午餐肉最好食呢到老闆同圈中人應該好friend, 次次嚟都見到明星. 嚟過幾次已經見過方力申,stephy, 林峯,吳唱k 同三哥苗喬偉 有次嚟撞啱Dragon-I 係度擺annual dinner, 白行一趟

講明『一二二五』就更係聖誕正日。四哥夫婦已光顧了數個年頭,是晚邀約一班朋友一行11人早就訂左9:00超正料靚火鍋館,各人先在12種醬料來個大混醬後,湯底點選左滋補"花雕醉雞鍋"陣陣適中藥材香味, 跟住一定要來碟"新鮮手切牛肉"同伙計講要(大肥有根)先夠金香好味食落"有趙頭"一流所以我地食左四碟大肥有根金香靚牛,仲有爽口"魚子墨魚滑"亦是必食之選, 另外來了兩客"墨魚剌身"亦新鮮好味,再加個"黑柏葉"只要稍拖十下就食得爽脆非常。將近尾升大家要了好正的皇帝菜果真鮮嫩,是晚每人共花費$230大元, 食到高質靚料火鍋。呢間火鍋館最給引我之處就係佢地既 "牛肉", 食火鍋一定要對牛肉有要求,而佢地就做到我口味, 本人覺得食牛最正部位要講到 "抓位 , 牛肩脊" 兩個都要帶肥而要有根,噤先至可以實現到我既要求"有趙頭"呢三個字先至係正,另外而佢地D劍魚同池魚剌身都係每天由日本空運到港好新鮮兼且入口即溶正

手切肥牛-聽人講話好好食,所以去試吓真係幾好味,唔會太過肥,唔'un'2個人都食左2碟大嘅各丸類都幾好,嶺魚球,墨魚丸都幾有鮮味地方又乾淨,good

是晚同事攪慶功宴，順道慶祝２００８新一年伊始，訂了獨立房間，最低消費一千蚊，我們一行八個人。食物選擇很多，環境幾好。本來點了手切肥牛，但後來有侍應哥哥進來說，手切肥牛今天「唔夠靚」，有冇興趣試下雪花肥牛，同事看過點菜紙，雪花牛比起手切肥牛貴幾十元，我們心想：．．．不過最後也點了雪花牛。各款食物質素都不俗。正如好多朋友說，火鍋店開到成行成市，豐儉由人，吃得貴少少的，總想有較舒適的環境，好ｄｄ既服務。這間店子有好幾位侍應哥哥和姐姐服務都很好，唯獨有一位男士，不知他是否已辭工，今天是ｌａｓｔ　ｄａｙ，還是他給老闆老婆女朋友了，招呼特別，在迅雷不及掩耳之間就把湯倒出我們的鍋裡．．．我們叫停當然來不及。其實我們的要求很簡單，加湯之前問一問要不要加，就是了。最後，時間差不多９時了，那位男士進來，見我們各人也停手了，於是說：「不如幫你們埋單先，你地應承９點交番張！」無偈，我們一齊O晒咀。不知我們的樣子是否好像想「賴死唔走」？坦白說，香港地真的還有很火鍋店可供選擇。

With so many choices for hotpot nowadays, it's getting tougher and tougher to stay in the business. Read about this place in a magazine and decided to try it out with some old classmates as a reunion. Seating was reasonably comfortable and the service was quite decent as well. However we were disappointed with the lack of stock for "beef cubes" which I wanted to try the most. Surprisingly, almost everything we ordered were of good quality. The beef was just right, not too fat/thin and the t

早前看食評，感覺都幾好，之後便決定一試，約了兩個朋友，四個人一起到。叫了皮蛋芫茜湯底、墨魚滑、桂花蚌、白鱔片、豆腐、波菜餃和酸梅汁。皮蛋芫茜湯底- 芫茜和皮蛋的份量很多，所以芫茜味很香濃、可惜之後只加熱水，越食越淡味；皮蛋唔算好靚，份量補夠。墨魚滑- 載墨魚滑的容器很特別，可惜墨魚唔夠香，只有爽口，雖然唔差，但又未算好好食。桂花蚌- 新鮮爽口，味道唔錯。白鱔片- 細骨唔算多，但鱔片唔得肥美，又唔夠香，普普通通啦。豆腐- 幾滑幾有口感。波菜餃- 見個名幾特別，就決定叫來試試，可惜皮厚波菜味唔夠，味道一般。酸梅汁- 想不到返而這杯飲品味道幾好，又濃又香。價錢唔算太貴，但今次試的食物一般，可能牛肉會幾好，可惜我們唔食。