淥鼎記

营业中

休息中

今晚同老公去打邊爐，去咗創興廣場5樓食放題，喺鬧市地點幾方便，以晚市無限任食價錢亦都唔貴，7:30前離場最抵～環境都幾大，蔬菜、丸類、麵類、醬汁、飲品可以去自助吧拎，我就夾左啲稻庭烏冬，午餐肉，餃子，貢丸等～飲品有綠豆水都唔錯～下下火又唔會死甜👏🏻鴛鴦鍋叫左海鮮鍋同麻辣鴨血鍋，鴨血都有唔少而且嫩滑，個人幾喜歡麻辣鍋手機落單既有羊肉、兩款牛肉、雞、魚、開胃小食，質素對得住呢個價錢侍應都好幫手，加湯，調較火力等

恢復晚市堂食真係好鼓舞🥰難得今晚收早，兩個人黎烚下烚下都唔錯😄5點半黎到餐廳，剛好踫到優惠時段，人均二百幾就食到。四款湯底可以選擇，有辣有唔辣，我哋最近喜歡養生鍋，就order咗豬骨湯底，見到食材已經好豐富，幾件大大件豬骨置於鍋中，呷一口，真係十足老火湯👍🏻肉類方面我哋最愛穀飼牛肩胛和牛小排，前者有濃厚肉味，口爽滑，後者肉片雪花分怖均勻，入口Juicy。外面自助區除了丸類、飲品、醬料、蔬菜等等之外 ，仲有少部份海鮮，例如魷魚同牛柏葉，全部食物都用蓋蓋上，衛生做得唔錯，值得一讚！CP值高！

淥鼎記打邊爐出名，原來午市仲可以嘆下茶🫖！旺角分店做緊抗疫優惠，消費滿$100，加$28可享用酸菜魚一份，認真CLS🤩!黃金鮮蝦餃蝦餃晶凝通透，蝦肉大粒爽口，用上金箔點綴，盡顯矜貴😎！酥皮菠蘿叉燒包一咬酥皮唔會碎濕濕，記得趁熱食🥰！🐻熊仔奶茶熊仔造型非常吸睛！飲落奶茶香滑順喉，🐻係奶茶🧊！唔會越飲越淡😛！酸菜魚🐟酸菜魚大大份，魚肉嫩滑冇骨，配菜有蓮藕、萵筍、芽菜、寬粉！絕無將價就貨，抵讚❤️！

味道：⭐️⭐️⭐️⭐️一間火鍋店同時有中式點心提供😍另外點野食可以直接透過Qr code 落單 非常方便📲❶小寶套餐 $228呢個set 有40多款火鍋配料丶8款前菜🙈對比平時既火鍋店選擇當然唔算多🤔所以食物以質量取勝 👍🏻當中最吸引既記莫過於有安格斯牛小排同鹿兒島夢幻豚🍲前者 肉質柔嫩 牛味唇齒留香🐂後者 肉質較普通豚肉腍身 完全無臊味🐖除左常見既魚、雞之外 仲有羊肉可供選擇🐑至於其他火鍋配料就正常發揮啦😜飲品方面 火鍋店都有幾款自家製飲品 不仿一試🍺最後 甜品就係haagen dazs 雪糕啦🍨

前幾日夜晚黎呢棟野食雞煲個陣發現呢間餐廳午市竟然有得飲茶仲要做緊PROMO $28食酸菜魚！！第2日即刻帶左媽咪黎TRY TRY🫶🏻！環境幾寬躺，安排咗我哋入包廂，望落去就係彌敦道。香芋天鵝酥好耐無食過🥹，外脆內軟。老乾媽燒賣幾特別，夠哂惹味。黃金鮮蝦餃真係有金🤭，皮唔算厚，蝦都幾爽。酸菜魚$28完全無渣留灘！勁大盤，魚既份量好多，入邊仲有齊寬粉萵筍芽菜！可以辣D同埋酸D就更加爽！熊仔奶茶人飲我又飲😝，好可愛，OK，唔算好甜。呢到服務好好，侍應姐姐會主動問你要唔要醬，加分。

👫最近試咗淥鼎記喺旺角嘅新分店。最平嘅套餐性價比好高，以前喺觀塘店都係食佢🤪。🥢小寶套餐 $228/位（只限19:30前 21:30後）海鮮湯有大量蜆肉，越煮越甜。任食安格斯牛小排、牛肩胛、鹿兒島夢幻豚、紐西蘭羊肉片。牛肩胛脂肪較少，肉味濃郁。兩個人食咗起碼10碟🤩。另一款較推介係羊肉片，羶味重而且肉質軟嫩。自助位有幾十款配料。新鮮雲吞、水餃飽滿足料，幾有誠意😍。蔬菜、菇類都好新鮮。魚皮唔夠脆，有啲失望🥲。所有飲品任飲，除咗有紙包飲品、汽水，仲有竹蓆茅根。📍淥鼎記 (旺角)旺角彌敦道593-601號創興廣場5樓

知道淥鼎記的火鍋一向都出名cp值高原來除了火鍋 點心都一樣出色黃金鮮蝦餃飲茶必吃 蝦餃皮好有彈性 裡面鮮蝦夠爽口抹茶奶黃流沙包吃不出來抹茶味 但流沙奶黃味道突出流心紫薯這裡的流心系列都好澎湃 流心愛好者必試紫薯醬味道不算太甜高橋蘿蔔糕好多蘿蔔絲好清甜 炸得外脆內軟酸菜魚下單後店員說有抗疫優惠28有一份小的酸菜魚 當然要試不愧是招牌 酸辣度好平衡 花椒味突出 還有菊花清香鱸魚嫩滑份量不少 還有大豆芽萵筍薯粉底 超值熊仔奶茶打卡必點 熊仔用奶茶冰成 就算喝到最後一樣香濃

➡️食盡旺角之點心 — 淥鼎記—————————————————————最近疫情好轉，又多咗人出街食飯，lunch time嚟到旺角行下，發現左一間開張冇耐嘅餐廳 淥鼎記🧐 餐廳既menu非常抵食，主打特色港式點心，晚市就應該有得打邊爐，中午就一於食下點心飲下茶啦！😆一入到去，餐廳燈光非常鮮明， 裝修得幾靚，侍應亦有禮主動👌最好既係， 佢呢度嘅點心例如蝦餃係有得兩個兩個咁叫，咁就可以留肚試多幾款啦！🔸 老乾媽燒賣 （2粒）$19老乾媽燒賣真係第一次食， 辣得黎好過癮，連我平時食開十小辣都覺得好食😆🔸 黃金鮮蝦餃 （2粒）$19蝦肉大大粒爽口彈牙， 食得出係新鮮嘅蝦， 而且面層仲用咗d金色好似金箔咁做點綴，唔錯！😃🔸 黑松露赤螺三文魚酥 $36呢個特色點心又係第一次食，諗唔到三樣嘢係咁match！！ 真心推介，赤螺mix三文魚口感彈滑，個酥皮又鬆脆，配埋黑松露冇得輸😍🔸 松露叉燒腸粉 $32叉燒腸粉正正常常水準， 估唔到佢加咗松露分量都幾多😮🔸 熊仔奶茶 $24叫咗咁多嘢食當然要叫返杯凍飲啦，雖然本身就已經有茶提供， 但係個熊仔奶茶外型超吸引🤩， 仲可以倒啲奶茶幫佢浸溫泉咁🤣，好岩打卡呀

環境佈置華麗，坐位間隔坐得舒適，私隱度高。特色點心精美，色香味俱全，麻辣味道出色而唔會得個辣字。甜點選擇唔少而且做得有特色，味道甜得嚟唔會over 。服務員有禮貌而且會主動詢問所客戶是否需要幫忙，感覺有用心，唔存在一般酒樓員工嘅唔禮貌陋習。感覺上係較為有活力，兼顧到傳統及創意兩方面嘅重要性，滿足到年輕人與兩老一同享受點心嘅需要。總括而言，較一般傳統點心店有不同的特色點心，環境空間一流且私隱度高，食物性價比高，絕對可以一試再試。👍

很久沒有飲茶🫖了，最近來到了位於旺角創興廣場5樓的茶樓。甫入店，已經覺得店內裝修很別緻😍，而店員已引領我們到窗邊的卡位位置，相當舒服。用QR code下單之後，就點了以下點心：🦐黃金鮮蝦餃 $19蝦餃有兩粒，上面有金色的劃紋，呼應黃金主題。蝦很大粒新鮮，相當多汁。🥟麻婆豆腐餃 $24沒想到麻婆豆腐也可以造成餃，相當新鮮！麻婆豆腐的餡料內有豆腐、紅椒、蔥等，相當惹味，並滲出麻辣川味。🥔流心紫薯 $28紫薯味很濃，一咬下去有爆醬效果，呷上一口濃茶特別夾。🐻熊仔奶茶 x 2 $48一來到的時候，已經覺得很吸睛。熊仔冰塊很可愛，淋上奶茶，感覺像幫熊仔沖奶茶浴，絕對是打卡必點。茶味向奶味均勻，不會互搶味。🍏抹茶奶黃流心包 $30青蘋果造型，上面有百力枝，感覺很可愛。包滲出淡淡的綠茶香，裡面有奶黃流心餡，熱辣辣得來又很綿密呢。🐟酸菜魚 $28內有酸菜魚、芽菜、蓮藕、萵筍、辣椒、薯粉等，而最特別是有菊花在裡面，令到辣得來又滲出了清香的味道。魚很滑，湯底很有辣勁，絕對是惹味之選。🫖茶芥 $8茶葉茶是飲茶必備，我們點了普洱茶，濃濃的茶味，配上點心，份外寫意。 總的來說，店員服務態度良好，又會主動給我們醬

淥鼎記 (旺角)開返晚市就有得去打邊爐今次試咗佢哋嘅小寶套餐 120分鐘放題安格斯牛小排 X 鹿兒島夢幻豚 $228供應時間19:30前 或21:30後如果你想食酸菜鱸魚🐟/重慶雞煲🐔/香辣烤魚🐟/椰子雞🐔，都可以另外+$28/位。部份食物會用QR code落單，飲品同火鍋配料可以出去自取。有大概40款火鍋配料同前菜。前菜入邊有手撕雞同木耳，少少辣好開胃🌟湯底有四款鴨血麻辣湯、海皇海鮮鍋、皮蛋莞茜豆腐湯同澳門豬骨鍋本身想試鴨血麻辣，但驚好辣，最後都係嗌左海皇海鮮鍋。湯底好多蜆肉，而且食落都幾甜，有少少少辣🌶🌟肉類安格斯牛小排、美國安格斯牛肩胛、鹿兒島夢幻豚、紐西蘭羊肉片、鮮脆鯇魚、鮮雞件、手打鯪魚丸/滑。都係自己order我哋試咗🥩牛小排同牛肩胛都覺得唔錯，唔會切得太薄，肉質都幾軟嫩，上菜嘅速度都算快🌟火鍋配料菜類有另一個雪櫃另一面可以攞到常見嘅肉丸、菇類、炸魚皮、響鈴呢度仲有新鮮嘅雲吞、鴨血、鵝腸等另外粉麵有粉絲、薯粉、出前一丁鵝腸都幾好食📍淥鼎記 (旺角)旺角彌敦道593-601號創興廣場5樓

今日食下晝嘅時候同事話不如去飲茶食點心，本身仲以為佢帶我去酒樓度食嘢，點知原來係呢一間好高質嘅點心店！一望到呢度嘅點心真係心心眼，好吸引，而且好有特色！我好鍾意食呢一度嘅黃金蝦餃！蝦餃嘅外皮真係好薄，而且入面嘅蝦肉都好大隻好爽口！另外就係呢一度嘅醬汁鳳爪，鳳爪嘅份量都好多，而且醬汁嘅味道好香濃，食得好開胃！

環境寬敞，座位夠多，餐牌要用手機Scan QR CODE 自行落單，好方便，有多款米線餐，仲有飯餐，湯底揀選咗花膠美人鍋，非常滋潤，而且花膠數量並不吝嗇！建議未打邊爐之前飲返一碗靚湯～肉類推介有美國安格斯牛肩胛，牛肉片薄切得黎都食得出牛香，而且肉質絕不會太過肥膩。鹿兒島夢幻豚亦相對嫩身，不鞋口但味道略淡。脆鯇魚片爽口，新鮮，粗骨易食！（反而今晚食魚比較多）雖然係任食但都依然有水準。丸類和蔬菜類種類有很多，而且欣賞餐廳會用一個個膠兜裝好。魚皮同響鈴都非常脆口飲品推介竹蔗茅根，全部自家煲製，不帶冰不太甜，打完邊爐下火啱啱好！

男朋友之前去過淥鼎記觀塘分店打邊爐，大讚高質！近期佢哋喺旺角開咗新分店，仲有手工點心食，我哋都唔執輸新年嗰陣一家人一齊試😋除咗有火鍋同點心之外，旺角分店仲有日式料理，見到啲魚生飯都幾抵食！另外仲見到起碼有一半客人都會點酸菜魚(❍ᴥ❍ʋ)‎ت 粵式巧手蒸點♡︎ 黃金鮮蝦餃 $19蝦餃皮薄餡靚，好食！♡︎ 蟹子龍皇燒賣 $19燒賣大大粒好抵食！‎ت 川式點心♡︎ 麻婆豆腐餃 $24得意嘅配搭，花椒香氣十足，值得一試！♡︎ 老乾媽燒賣 $19好食好食！同樣係川辣味，好惹味～‎ت 酥脆飄香♡︎ 黑松露赤螺三文魚酥 $36好少何食點心會見到呢個配搭，略嫌黑松露味道偏淡，整體幾得意～記得趁熱食！♡︎ 香芋天鵝酥 $36裏便係芋頭肉碎餡，睇得又食得！♡︎ 蛋煎糯米夾 $32第一次食煎糯米，幾香口，唔錯！♡︎ 芝士蝦長春卷 $32食嘅時候忍唔住同周記點心比較，整體較普通，芝士味唔夠香濃。‎ت 特色小食♡︎ 花雕雞 $68雞肉都算嫩滑，花雕酒香味濃～‎ت 長長久久♡︎ 鳳凰鮮蝦腸粉 $36腸粉皮薄，略嫌餡料有點少。‎ت 主食♡︎ 福建炒粉絲 $88美味足料，食落幾辣幾惹味～‎ت 頂級日本珍珠米蒸飯♡︎ 鳳爪排骨蒸日本珍珠飯 $

新開張就遇上疫情😷，超吸引+$1食酸菜魚🤩🤩🤩點知年初四仲係新春假期欠奉，唯有試吓點心12點前有孖寶套餐，$38可於3款蒸飯揀1款，另+$10再揀1款點心蟲草花鮮蝦菜苗餃$38松露叉燒腸粉$38鳳爪排骨日本珍珠飯$38銀魚滑雞蒸日本珍珠飯$38雞非常滑，銀魚仔滿滿😋熊仔奶茶$24⋯⋯單點飲品可免去1個茶位費用😙茶位$12卡座位舒適，空間大12點前結賬離座可享免加一服務費火鍋套餐$358任食，啱大胃皇