影片
以上资料只供参考，请与餐厅确认详情
行过见到装修咁靓，就同朋友去试一试，周末，竟然得一两枱客，已经觉得中伏了。硬着头皮，坐低睇吓个餐牌，点知，冇餐牌的，所有都系海鲜价，都唔知点叫。想叫个炒饭、炒河粉，全部冇价钱的，根本就冇餐牌。啲职员话，呢度系海鲜酒家，系咁㗎啦！咁啲海鲜价钱呢？都系海鲜价，每一样都要问，都有啲惊！海鲜都OK，新鲜嘅，唔会差得去边！但系小菜同炒粉面，就真系把鬼，小菜喊到不得了，炒粉面，仲衰过茶餐厅，一碟杨州炒饭，仲要收我两旧水，问过职员，佢话见我哋多人，同我哋加大半份㖞！全晚都系得一两枱，伙记就多，个个都懒懒间，叫伙计冲返壶茶，冻嘅！明明未到收工时间，就已经开始在你四周围不停拖地，开行冷气，跟住仲要熄埋灯赶你走！个厕所仲要臭到不得了！成间酒楼咁大，男厕只系得一格，仲要个职员霸住半个钟头，反锁喺入边，唔俾人用。都唔知系咪做生意嘅！
继续阅读
亲戚请食饭。成围。亲戚本身识个部长。部长之前响连锁酒楼做。之前食过一次觉得佢啲嘢都真系唔错。去间嘢要上十几级楼梯。入到去啲装修有啲渣，地下有啲湿(但当日系潮湿嘅) 但有游水海鲜缸。食两次都觉得佢蒸鱼真好食，佢真系蒸到啱啱好，啲鱼肉滑到呢！只需落好少豉油已经好好味。食咗条杉斑同瓜子都好味。另外就系个咕噜肉！真系脆皮！唔洗汁都好味𠮶嘢癫！我食咗起码十旧😂当晚仲发现，佢个豉油皇炒面都好正！食到面时已经好饱！但都竟然觉得好食，所以真系好食！面好幼但弹牙，足料，唔会太油，但唔系重豉油味𠮶只。当晚唯一觉得差啲嘅就系龙虾，因为啲肉唔弹牙，虽然个汁做得好好，配煎米底好夹。总结：嘢食系好食嘅，但抵唔抵食就唔知。
继续阅读
今日嚟到旺角食海中宝海鲜舫，啲嘢食真系好正，嗌咗芝士龙虾伊面，啲芝士好浓，每一只龙虾爽口弹牙，每一旦面都会果住啲芝士，仲嗌咗个炸子鸡，每一个部位都好多汁，个皮又薄又脆，为食嘅我左侧边嘅一块虾片，有几好味㖞哈哈
继续阅读
千祈唔好食炒海鲜，几碟一齐炒份量每枱唔平均，炒鲍鱼一碟得两只，炒圣子叫5只分粮得3只，反影海鲜分量比唔足时冇反应，经理服务态度唔得，3碟小菜，3碟海鲜，5人埋单$18xx，物非所值😡😡😡
继续阅读
在这里吃过数次晚饭 👍🏻 都是预早订咗菜式。经辉哥（经理）推介- 不时不食， 每次都没有失望最近一次吃的泥鯭粥 - 功夫多😅在酒楼吃，干手净脚而且美味。这次吃什么？ 先来一个黄皮老虎斑两味🤤🤤跟着鹅掌海参烩鲍鱼有青菜🥬伴- 冇得弹。再嚟煎海虾伴香脆萝卜糕 - 特别 😋跟着蜜桃🍑京都骨跟炸馒头 🤪之后便是姜葱芽菜炒面及泥鯭粥 - 非常有水准👏🏻👏🏻最后少不了芝麻煎堆球及合桃糊 - 也是水准之作 🫶🏻🫶🏻🫶🏻
继续阅读