海中寶海鮮舫

营业中

休息中

行過見到裝修咁靚，就同朋友去試一試，週末，竟然得一兩枱客，已經覺得中伏了。硬着頭皮，坐低睇吓個餐牌，點知，冇餐牌的，所有都係海鮮價，都唔知點叫。想叫個炒飯、炒河粉，全部冇價錢的，根本就冇餐牌。啲職員話，呢度係海鮮酒家，係咁㗎啦！咁啲海鮮價錢呢？都係海鮮價，每一樣都要問，都有啲驚！海鮮都OK，新鮮嘅，唔會差得去邊！但係小菜同炒粉麵，就真係把鬼，小菜喊到不得了，炒粉麵，仲衰過茶餐廳，一碟楊州炒飯，仲要收我兩舊水，問過職員，佢話見我哋多人，同我哋加大半份喎！全晚都係得一兩枱，伙記就多，個個都懶懶間，叫夥計沖返壺茶，凍嘅！明明未到收工時間，就已經開始在你四周圍不停拖地，開行冷氣，跟住仲要熄埋燈趕你走！個廁所仲要臭到不得了！成間酒樓咁大，男廁只係得一格，仲要個職員霸住半個鐘頭，反鎖喺入邊，唔俾人用。都唔知係咪做生意嘅！

親戚請食飯。成圍。親戚本身識個部長。部長之前響連鎖酒樓做。之前食過一次覺得佢啲嘢都真係唔錯。去間嘢要上十幾級樓梯。入到去啲裝修有啲渣，地下有啲濕(但當日係潮濕嘅) 但有游水海鮮缸。食兩次都覺得佢蒸魚真好食，佢真係蒸到啱啱好，啲魚肉滑到呢！只需落好少豉油已經好好味。食咗條杉斑同瓜子都好味。另外就係個咕嚕肉！真係脆皮！唔洗汁都好味嗰嘢癲！我食咗起碼十舊😂當晚仲發現，佢個豉油皇炒麵都好正！食到麵時已經好飽！但都竟然覺得好食，所以真係好食！麵好幼但彈牙，足料，唔會太油，但唔係重豉油味嗰隻。當晚唯一覺得差啲嘅就係龍蝦，因為啲肉唔彈牙，雖然個汁做得好好，配煎米底好夾。總結：嘢食係好食嘅，但抵唔抵食就唔知。

今日嚟到旺角食海中寶海鮮舫，啲嘢食真係好正，嗌咗芝士龍蝦伊麵，啲芝士好濃，每一隻龍蝦爽口彈牙，每一旦麵都會果住啲芝士，仲嗌咗個炸子雞，每一個部位都好多汁，個皮又薄又脆，為食嘅我左側邊嘅一塊蝦片，有幾好味喎哈哈

千祈唔好食炒海鮮，幾碟一齊炒份量每枱唔平均，炒鮑魚一碟得兩隻，炒聖子叫5隻分糧得3隻，反影海鮮分量比唔足時冇反應，經理服務態度唔得，3碟小菜，3碟海鮮，5人埋單$18xx，物非所值😡😡😡

在這裡吃過數次晚飯 👍🏻 都是預早訂咗菜式。經輝哥（經理）推介- 不時不食， 每次都沒有失望最近一次吃的泥鯭粥 - 功夫多😅在酒樓吃，乾手淨腳而且美味。這次吃什麼？ 先來一個黃皮老虎斑兩味🤤🤤跟着鵝掌海參燴鮑魚有青菜🥬伴- 冇得彈。再嚟煎海蝦伴香脆蘿蔔糕 - 特別 😋跟着蜜桃🍑京都骨跟炸饅頭 🤪之後便是薑蔥芽菜炒麵及泥鯭粥 - 非常有水準👏🏻👏🏻最後少不了芝麻煎堆球及合桃糊 - 也是水準之作 🫶🏻🫶🏻🫶🏻

好耐冇食中菜，呢間在鬧市之中既中菜館，好大間，貪佢唔洗等位，大把位，就入左去。睇菜單，都係一般傳統大排擋炒小菜，但佢海鮮多，而且有新鮮雞。招牌菜，脆雞。唔覺得脆，但食到係新鮮，肉夠彈性。聖子，幫你起埋肉，夠細心。一斑兩尾。蒸既不過不失，而蚊既見到夠鑊氣，睇相見到白煙。蟹肉冬瓜湯，我飲左3碗，都幾足料。食物價錢ok, 味道也ok. 但廁所太窄，地下有水，而且廁格明顯不足，得兩格，令環境扣分。侍應招呼周到，上菜快。

經朋友介紹，又可以預約的餐廳。旺角滿街是人，更怕食完立即俾人趕走，但這間餐廳完全沒有這問題。服務一流，人未齊，續個續個倒湯給你。地方又夠大。食物是可接受的，價錢又相宜。值得推介。

今日慶祝生日，就D親友口味酒樓最合大家.口味。「例牌」餸加「散叫」係今日嘅特式。雞係正常質素，D薑容尤為出色。蒸魚亦係多葱花合晒口美。聖子及蜆同樣用豉椒炒又係為左食椒和洋葱。中國D配菜就係好在D配料夠正，相信亦对健康甚佳。炒面荷葉飯亦很傳統風味。芝士龍蝦伊面前後就叫左兩碟，幾重芝士味。一餐14計人共昇聚分兩枱，總數吾洗2千9百，如果有openrice優惠或信用咭優惠，我就會來多一次。值得我讚嘅係安格斯牛，妻兒分別至讚嘅分別係個及菠蘿生炒骨。都係個句，祈望快些推出與openrice嘅相關優惠就至讚啦!

今日是假期，自疫情後，好耐無同家人上茶樓飲茶，突然好想，但偏偏以前飲開的茶樓排滿人，只好轉為食茶餐廳。我們突然發現一間樓上的酒樓，便上去看看是否要排隊，竟然仍有好多位，便入去試試。酒樓光猛，又乾淨，我們點了一些點心，包括我喜歡吃的叉燒飽和蝦餃，女兒喜歡的牛肉球、蘿蔔糕、青瓜海蜇，老公喜歡的XO者者粉腸，份量足，味道佳。蘿蔔糕同其他酒樓有點不一樣，外面炸得脆脆的，內裡軟軟的，很特別，很好吃。蝦餃中的蝦大隻又新鲜，好好味。真是旺角鬧市中的一大發現，我們以後又有一個新的落腳點。

對於超愛中菜的我， 每次來晚餐都有驚喜今日的米粉餅+蝦 及泥鯭魚粥 真係太好食了仲有雞都好滑 仲有班頭腩煲同家人來任何口味都遷就到約定下周再來每周都來一次， 荷包都頂得住🤗

今日午餐同成班同事落嚟食午餐， 公司附近有間海中寶酒樓，叫咗好多樣點心， 好多款點心選擇，我哋嗌咗好多份點心，差啲食都食唔曬，但又真係抵食又大件。叫咗三籠叉燒包(叉燒好大舊)，兩籠奶黃包(流心餡料)，兩籠豬肚(爽口彈牙)，兩籠鳳爪(好入味)，兩籠排骨(軟冧冧)，兩籠燒賣(大大粒)，兩籠蝦餃(大大隻蝦係裡面)， 鹹水角(炸到金黃色)，春捲(脆口)，蜜瓜鮮奶(又香又滑)，樣樣都好味道，真係好好食。呢度地方大，環境又好， 啲侍應又有禮貌。夜晚仲可以嚟呢度食海鮮，呢度出名海鮮新鮮又好味。

今日去海中寶海鮮舫同一大班美女💃🏻食午餐，食咗個套餐【龍蝦海鮮餐】，呢個套餐多款選擇，各有特色，抵食龍蝦海鮮餐，實有款啱你食。🐚麻香冰鎮鮮鮑魚：新鮮大隻爽口鮑魚，鮮甜美味🦞上湯焗龍蝦(伴菜苗)：肉質嫩滑，上湯滲入龍蝦肉🧀芝士焗龍蝦(伴菜苗)：芝士焗龍蝦，香濃既芝士與龍蝦真係好正既配搭🐚蒜茸津絲蒸大元貝：鮮味十足，大大隻爽口大元貝🟤豉椒炒愛爾蘭刀貝：用豉椒去炒，有另一種獨特既味道🐟酸菜大荳窩浸斑球：湯底濃郁，斑球肉質嫩滑，鮮甜🍤奇妙醬炸大桶蠔：炸到金黃色，咬一口，好似置身於海洋嘅感覺🐔秘製咖喱香妃雞：不一樣的咖哩配上肉質嫩滑既香妃雞，滲入咖哩香味🍲拆肉泥猛粥：泥鯭粥煲得好綿，鮮味十足🍜魚湯淮山麵：香濃既魚湯，煙韌既麵📍 @海中寶海鮮舫旺角花園街3-5號鴻威大廈1樓

上次食完覺得好好味，今次就帶另外一班朋友過嚟食黃金炸茄子，同上次一樣保持水準外層香脆鹹蛋味濃，茄子肉質鬆軟全部朋友食完都覺得好正上湯粉絲浸大蜆，今次加左粉絲吸收左湯同大蜆鮮味，蜆肉新鮮大隻食落爽口豉油皇鮑魚配炒腸粉，腸粉炒得乾身軟滑唔油膩芽菜爽口調味適中，鮑魚界上坑紋完全吸收豉油香濃味道加上鮑魚本身鮮味簡直絕配炸蠔，蠔大大隻外層脆脆蠔肉多有汁，因為桶蠔，鮮味唔太重但係價錢相宜份量大好抵食蟹肉芙蓉豆腐，呢個比較普通口感滑，但味道比較鹹椒鹽鮮魷，鮮魷大大隻炸得香脆食落爽口，調味適中冇搶到魷魚鮮味炸乳鴿，乳鴿唔算大隻但係外脆內嫩，食落肉汁飽滿送甜品桂花糕/椰汁紅豆糕/腐竹白果糖水，兩個糕點正常味道，腐竹白果糖水有驚喜軟綿入口順滑一班朋友食完都係比好評，材料新鮮上菜速度恰到好處，員工服務慇勤經常碗碟，絕對係一個可以長期飯局好地方

朋友生日極力推介這間開於旺角鬧市中的海鮮酒家，內部環境乾淨舒適光猛，待應服務態度殷勤，上菜速度次序安排仔細，經常主動斟茶碗碟，服務已經咁好，再試埋食物先，黃金炸茄子，外層香脆鹹蛋黃味香濃內層鬆軟，第一次食咁樣口感的茄子值得一試蟹肉蒸豆腐，豆腐香滑蟹肉鮮甜配合上湯，整體突出鮮味豉油王海蝦配炒腸粉，海蝦肉質新鮮配合豉油鮮味滲入整隻蝦中香濃美味，炒腸粉香口乾身調味適中醬汁蠔配炒牛柳粒炸蠔外包着酸甜醬汁外脆內鮮，牛柳粒香濃鬆軟上湯煮大蜆湯底香濃帶有適量胡椒味配合少量蔬菜浸煮大蜆極之鮮味炸乳鴿乳鴿肉質鮮嫩入味外皮香脆蛋白杏仁茶杏仁味香濃配上蛋白質感柔滑朋友生日送上壽包結尾

平日想食平靚正海鮮的話，我多數都會入流浮山，原因好簡單，因為嗰度嘅海鮮酒家選擇多，價錢比市區平，而且食物質素又唔差！不過最近朋友推薦尼間位於市區嘅海鲜酒家，試過一次之後，發現真係都做到抵食又好食，所以再約班舊同事去食下好嘢兼聚下剛好大暑，先來個冬瓜盅，好清甜好解暑跟住再慢慢諗下食乜好呢？最後揀左個海鮮套餐，貪佢一次過食五款海鮮，除左龍蝦，其他海鮮都有兩款製法，可以各自選擇自己喜歡嘅口味鮑魚一冷一熱之選，蓮藕伴清酒鮑魚或頭抽煎焗鮮鮑魚蘿蔔糕，同款每位有兩件。我就各試左一件，清酒鮑魚只有淡淡清酒味，而頭抽煎焗就比較惹味，兩款鮑魚都同樣非常爽口彈牙要讚一下蘿蔔糕切成條狀，炸到外脆內軟，好味道青湯龍蝦半隻配烏冬，龍蝦都算幾大隻同埋鮮味，配上煙韌滑滑烏冬，一流元貝或蟶子皇，大家都一致認為豉汁蒸蟶子皇比較吸引，蟶子肉厚，豉汁味濃，配埋粉絲味道又剛好砵酒焗桶蠔或蕃茄勝瓜浸班球：桶蠔脆身、砵酒汁味濃厚，至於勝瓜浸班球嘅湯好清甜、班球肉嫩麵同粥之選，最後就緊係泥猛粥大獲全勝，個粥真係好鮮味重有甜品，我個人就非常喜歡尼個薏米白果腐竹，綿滑，好味道好滿足！套餐一般都會固定菜單，但尼個大部分都有二選一，較有彈