洪記海鮮酒樓

营业中

休息中

今日天朗氣清，老公話不如入西貢轉個圈，行吓海濱，呼吸新鮮空氣。行行吓已到午飯時間，本來想食西餐，點知好幾間都要排隊，我們又想坐在戶外，便去飲中茶。蜂巢芋蓉角（$27）先上，望落有水準，表皮夠鬆。食落芋蓉夠厚，很香芋頭味。外皮十分鬆脆，跌到週圍都係。而餡料亦算豐富，份量足，好好味！對喜歡芋角的人來說，是必選。👍🏻👍🏻👍🏻彩椒粒叉燒腸（$27）的腸粉皮是中等貨色，不是特別薄。餡料除叉燒外，加有紅椒黃椒，較有口感，味道亦冇咁膩，ok！😀黑金流沙包（$25）外型討好，包皮不厚，可惜奶黃餡不足，冇乜蛋黃香味，亦唔流，唔好味。👎🏻👎🏻👎🏻豬手是爽身個款，略為咸，所以味道也是普通。👎🏻時菜班塊炒麵上檯已覺唔掂，色水不吸引，麵好似冇炒過，淡黃色。食落亦無味，魚塊不新鮮，厚厚實實，一點也不滑溜。👎🏻👎🏻👎🏻總結而言，是只會幫襯一次的食肆。

行山前先醫飽個肚，由於疫情之下所以想搵一間有戶外座位的酒樓飲茶，空氣流通之餘又可以欣賞海景，這裡點心即叫即蒸大約要等十至15分鐘， 不過唔緊要最緊要新鮮熱辣， 點心味道及質素都唔錯， 唯一不滿是夥記比較少要加水就要耐心等待啦!

和太太平日到西貢閒逛諗住飲茶食点心，估吾到食物很有水準点心好味，而那個鲜蝦米粉煎米粉底更有水準，米粉煎得脆口蝦也爽口，太太也讚口好味而价錢也不贵，在外面很多店也吃不到此水準，另外服務態度很好也值得一讚，很滿意的一餐午餐！👏👏👍👍😋😋

今日本來約咗朋友食雞飯。因為那些年曾經很熱愛一個人嘅美食。但發覺那間雞飯價錢已經比當年三級跳，但格局和服務都無變。在疫症蔓延下難得嘅飯局，決定放棄佢。問返朋友想食咩，其實大家都只係想食餐便飯。那就去飲茶囉我哋最後去咗洪記，因為上次已經試咗全記。因為有兩人限聚令。所以職員話唔會有人搭枱。所以大家都坐得好舒服。點心收費已經在門口寫清楚。這個真係要讚一下。大家數目分明，唔會有爭執。不過最好在里面都在印多些。因為未必個個都留意到。價錢算係合理。旅遊區都可以接受。我哋還發現這個小驚喜。這個價錢真係抵過食雞飯當然都要加返茶錢和加一啦我哋點咗三個點心 只係影咗兩個 因為虾餃忘記影相📸️ 太肚餓老實講我只係覺得虾餃算合格 可能之前食過全記 其實比較之下真係好麻麻 我哋點得太多 差啲食唔晒講完點心就講那個米粉 這個米粉都幾好食 因為這個米粉唔係四圍都會有 就算有都未必可以做到呢個價錢 我哋問職員拎咗辣椒醬 其實都唔需要太多 所以真係收貨 碟底沒有太多油 份量足夠 今餐真係抵食 每人$90左右 其實真係點多咗 下次要再挑戰更平消費

第一次寫食評，其實是關於服務態度，以往去西貢都會去洪記食海鮮，出品都可以接受，話說今日中午去洪記食個二人海鮮餐，我座近魚池，點菜後等了二十分鐘都未有野食，想追一追驚漏單，問了企近魚池的一個亞嬸待應，(應該是主責賣海鮮，但我見佢都會幫人落單) , 她聽了但完全沒有任何回應，又沒有幫我查單或入去追㕑房，算，我當佢聽唔到。後來有蟹到，我好有禮貌地講唔該拿個鉗給我，她聽完又行左去招呼新客座低，然後又企在魚池當無事發生，呢下真係火都黎😡，我咪再大聲d 叫多次佢拿鉗，今次有行動了，佢行入去轉頭隔五尺距離同我講話無鉗，咁大間海鮮專門店居然話無鉗😲，我轉頭再問第二個待應，唔使一分鐘就可以拿了個鉗給我.....新年流流我都唔想再為呢個亞嬸勞氣了，成個西貢大把海鮮食，今後都會將佢黑名單，免得貼錢買難受

初三赤口，最好入西貢行個大運，而西貢鴻記當然就係飲茶必然之選，雖然味道未必好出衆，價錢亦一D都唔平，不過過年時候就豪一次咁多啦！大部分點心都係 basic 選擇，今日叫咗蝦餃、燒賣、鳳爪排骨、蝦腸、春卷、醉鴨舌，同排骨抄麵⋯味道剛剛合格，整體都係食環境多D⋯

坐樓上，望住個海景食，不得了。樓下有點心叫。仲有海鮮套餐。三人行，我地叫咗一個。個餐係要選四款海鮮。炸魷魚，幾好。不過有啲餐廳比佢更好。呢個還好，不過建議大家可試吓其他。龍蝦伊麪，極之好食，d蝦啖啖肉又大舊又多又好味，伊麵底又充足，芝士又夠份量！超級推介！呢個聖子又係超級好食，非常新鮮。重點在於d豉椒超級香口！又係大推！d香蒜粉絲勁正，扇貝新鮮，煮得剛剛好！個餐仲跟一碟菜。一人around 二百蚊食到捧腹！真係唔錯。

👍🏻🦐 驚喜海生蝦。西貢超值海鮮餐🦞💖🍴洪記海鮮酒樓📍西貢海旁廣場兆日大樓地下6號及9-10號城市人在假日都總愛遠離塵囂，享受一下慢活寧靜。這卻令得平日相較市區寧靜的西貢，特別擠擁🤣🙈今日原本book左在西貢食西餐chill一chill🥂，但行下行下，見到西貢碼頭附近的酒家全都做緊西澳紅龍優惠 - 套餐的波士頓龍蝦全都可以免費轉上湯/芝士西澳龍蝦❗️🦞🦞🦞Offer真心好吸引👉🏻👈🏻，心郁郁就入去試下🤤🤤🤤酒樓有兩層，可自選室外 (地面層) 或室內 (二樓)，距海的遠近或有不同，但基本上都能欣賞到西貢海景🌊😎🔅優惠二人世界海鮮套餐🔅套餐有得自選四款海鮮/小菜，另送清炒時蔬及果盤👅 上湯西澳龍蝦伊麵底 🦞有4-5舊蝦肉，約半隻，兩個人都夠食蝦肉雖肥厚，但不夠爽甜、彈牙，同埋好鹹 (唔係海水鹹，而落左好多鹽嗰隻鹹)，我估應該係醃左好耐保鮮所以會咁🤭🤫🤫不過有得免費由波士頓龍蝦轉西澳紅龍，仍是超值😀👍🏻👅 白灼海生蝦🦐驚喜❗️睇落d蝦細細隻，仲少少🤏頹🤣完全估唔到會咁彈牙、咁鮮甜❗️好新鮮👍🏻👍🏻👍🏻👅 豉椒炒蟶子 蟶子爽口，有鹹鮮味，尺寸以套餐來講算是好大🤤🤤入口仲有少少🤏辣，幾惹味😋😋👅 蒜蓉

屋企人話想食海鮮，臨時決定去西貢食，我地上個星期先去西貢洪記食完（就係呢間）以為會揀第二間食，結果屋企人先我一步去到西貢就直接話同上次同上星期同一間😅😅其實上星期我已經寫過一篇洪記食評，覺得雖然有幾道海鮮係好味，但整體質素都係一般，都講過唔會再特登入黎食，不過我其他屋企人好似冇乜所謂咁……結果，今次果然中伏，啲海鮮衰過上次好多！不過待客態度冇得講，值得一讚👍🏻我地上次11人叫左12人餐，今次一共10個人，分左兩檯每檯一個$988既4人餐，上次覺得湯最好飲所以又每檯加左100蚊可以多一個海鮮湯🥣值得一講既係本身每個餐入面係得4隻扇貝，經理肯每檯比多一隻扇貝我地，每人都有一隻食👍🏻雖然套餐質素不抱太多期望，但真係好失望。講左個額外加既海鮮湯先，真係好好飲🤤🤤我本身都非常鍾意飲湯，呢個海鮮湯非常鮮甜，煲到完全係奶白色，入面有蜆、蝦🦐、豆腐和小白菜🥬，平時樓下餐廳叫一份細細碗既冬陰功湯都38蚊，入面得一隻蝦，先夠嗰一個人飲，呢個海鮮湯100蚊有成盆😍😍夠6-7碗，抵飲！但係呢……飲到沙🥵蜆處理得唔夠乾淨，湯入面飲到沙真係好掃興😐，但真係好抵同夠鮮甜，係我鐘意既味，沙未算好多，選擇性忽視🤥🤥，留

今日放假同老公去咗西貢半日遊，先在家裏吃完拉麵午餐才出發，到達西貢的時候已經是大約1:30左右，我們先在西貢碼頭觀賞完一輪海鮮買賣，也鎖定等一會兒吃完下午茶就去環島遊，雖然今日天氣有一些清涼，但總是比炎熱的夏天好得多。在碼頭附近參觀完艇仔售賣的海鮮，就漫步前往海旁街搜尋我一早鎖定要吃的下午茶餐，在餐廳吃了大半小時就趕快離開，因為太陽快要下山了，我們還要環島遊呢。我們又回到碼頭附近，選了一 家環島遊的艇家，每人50大元遊覽橋咀島及周邊， 回程已是近黃昏時間，天亦開始變黑，本來想買海鮮回家晚餐，但經過海鮮酒家，發現其實這裏選擇很多，價錢又不貴，所以最後選擇在這裏吃完才回家。看了幾間附近的海鮮酒家，最後選了洪記海鮮酒樓二人套餐，酒樓賣點是免收+1服務費， 優惠二人世界餐$488 ，可從14款海鮮及小菜中選擇四款(共有11款海鮮及3款小菜供選擇)，再送清炒時蔬一 碟。我們到達的時候大約六時多，已經有近八九成客人正在用餐了， 我們選擇了坐在室外覺得比較有氣氛，我們點菜之後酒樓侍應奉上了一小碟花生及一小碟甜酸橋頭，酒樓侍應說這是送的， 最後買單其實是收了每位$20 假日茶芥費用，哈哈! 沒有收+1

難得屋企人長輩放假，就話約我地夜晚一齊去西貢食海鮮，洪記之前屋企人都有食過，話好抵，6個人食4人餐個個都飽到行唔到路😂極力推薦我地食呢間，所以決定再次幫襯。今次叫左兩家親戚一齊食，我都特登從屯門趕過去，總體黎講味道唔錯，但份量就差強人意，改善既地方都有好多，算係不過不失既一餐。先講環境，當日係平日晚上7時，未算爆滿但都坐夠八成，我地一行11個人，揀左$2880良朋暢聚12人餐，唔計果盤，都有成10樣餸，經理都好好人，聽我地話唔想食揚州炒飯，都肯同廚房講幫我地換成咕嚕肉；粟米魚肚羹都幫我地換左另一隻海鮮湯😋😋大概過左15分鐘，海鮮陸陸續續上檯，🦐白灼生海蝦幾鮮甜，不過12人份量黎講就唔夠食，每人分得嗰兩三隻，我地仲要得11個人。🦀避風塘炒蟹太鹹，份量太少，完全唔符合12人份🦞芝士波龍伊麵 芝士味夠濃 龍蝦肉都夠緊 伊麵份量都足夠，加埋大家都好鍾意龍蝦伊麵，幾乎上檯就夾曬🤪🤪🦑椒鹽焗鮮魷 好味😋麵衣夠脆 魷魚夠咬口 食完仲想再食。🥢豉椒炒細蟶子 麻麻地，唔入味，似係淋汁多過炒😓😓處理食材都唔夠仔細，食落有d沙。🐟清蒸海石斑 好大條魚 好鮮甜 肉好緊實 最符合期望既一道餸 🐔金牌鹽焗雞 肉

以前一直幫襯開，因疫情關係，近一年都冇去。適逢今日經過西貢，好自然就入左去食晚餐，但一定冇下次。1.豉椒炒聖子：味道新鮮2.薑蔥美國桶蠔：正常冇麥特別3.西澳龍蝦明明叫左隻足4斤西澳龍蝦，但上到枱大部分都係殼，肉既比例請參閱圖片，這是上枱時拍的，未開始食，龍蝦尾巴也是對不上，大細尾，不確定是否同一隻，肉也是很不新鮮，沒有西澳龍蝦的彈牙肉質，令人失望。用同樣價錢去普通酒樓食龍蝦品質會更好。建議想西貢食海鮮的話，套餐會比較有性價比，沒要求沒失望😂。既然味道一般海鮮又唔新鮮的話，其實真係冇必要幫襯⋯魚缸選海鮮只是儀式感罷了，不用太認真。

有次同朋友去完行山，之後朋友好好咁安排曬一切☺️帶左我黎呢間洪記酒家，第一次食，平時食開唔近海個d酒家，因為平d🤭，不過又比個機會我試下新餐廳🍴 咁黎到同其他西貢嘅酒家大致相同，不過今次選擇左單叫，唔要set餐，可以揀d自己鍾意食嘅嘢😝 黃立倉🐟：黃立倉係街市買都好平，但呢度勝在新鮮🤓，同埋因為我fd鍾意食🤣所以先叫🤣🤣🤣蒸得啱啱好，唔會過硬魚肉. 粉絲蒸扇貝：我嘅最❤️，蒜蓉碎再加埋扇貝本身帶有嘅鮮甜配搭埋一齊蒸，簡直人間美味😋 🦞龍蝦伊麵，都幾好食，不過上次西貢食個間好食d，而炒蟹好入味，可惜我唔太識食😂 炒聖子，雖然入味，但處理得唔夠好，食到有d沙粒咁嘅嘢. 整體黎講，較為普通一間酒家，無太大特色，但味道唔差😁價錢亦都可以接受🉑️

有時候去西貢玩吓水上活動，有時候又可以行下山⛰️，咁當然唔少得食嘢啦🤩 晨早流流食咩好，當然就係飲茶啦🥳嚟到西貢第一時間去咗酒樓先，坐喺出邊望住個海景，雖然有啲凍，不過無傷大雅😎 通常就喺洪基酒樓飲茶食點心，之後就喺隔離嗰間茶餐廳度買杯凍奶茶黎飲🤩講返正題先，洪記嘅點心評價： 🥧個人認為，最好食嘅點心就係黑金奶皇流沙包，雖然而家好多地方都有黑金流沙包，但唔係每一度都做到都係流沙😂所以值得推介 另外就係雪山叉燒包，上面嗰浸雪山即係甜甜地嗰個酥，再加上入邊嘅叉燒，真係正到暈😆 而其他點心同普通酒樓差唔多冇乜特別☺️

入到西貢當然要食海鮮，西貢碼頭附近嘅海鮮酒家林立，今次就試咗洪記嘅二人海鮮套餐。套餐有白灼海蝦、芝士焗龍蝦伊麵、蒸魚、蒸鮑魚同油菜。海蝦特別鮮甜，鮑魚好爽口。總括而言海鮮味道唔錯，如果價錢平啲就更加好。