泫居酒屋

营业中

休息中

壽司烏冬定食 $188呢個定食好抵丫， 8件壽司兩件卷物，魚生部分新鮮，有中拖，金目鯛，左口魚邊，三文魚件件肥美，中意帶子同牡丹蝦 既鮮甜同爽滑口感。三文魚籽咸香，玉子合格，當然可再嫩滑啲，但呢個價錢收貨。之後食埋個熱辣辣既烏冬同麵豉湯，驅走寒氣。滑蛋吉列豬扒飯 $96豬扒既炸皮俾滑蛋整淋左，雖然炸過但肉質仍然保持到唔柴，撈埋晒炒過出晒甜味既洋蔥，餸飯一流。定食最後上埋一人一粒既抹茶蕨餅，食飽飽收官。前菜蒸蛋前菜沙律

同朋友三人試咗呢間新居酒屋，好有驚喜！食咗螢光魷魚做小菜，一啲都唔腥仲好好食，之後嗌左差唔多係餐單上嘅所有串燒，全部都高水準。服務態度好好，食物質素都十分唔錯，最後價錢方面都好親民。希望餐廳可以繼續保持水準，越做越好👍🏾

終於都有得夜晚堂食😚最近好友約咗我去九龍城食日本嘢🥰我哋先叫咗個軟殼蟹米紙沙律，軟殼蟹大大隻，沙律好Fresh，越食越開胃😂之後點咗個薄切舌平目魚，軟滑又新鮮👍另外我哋點咗好多串燒😃 有單骨雞中翼、厚燒牛舌、金菠蘿、日本青椒仔😋 全部都燒得好香又可口 😆金菠蘿非常Juicy 😉另外熱食我哋點咗蒜片炒蝦同埋魚湯烏冬.蒜片炒蝦唔好以為細細碟，入邊其實勁多蝦，隻隻下都非常彈牙又爽滑！最後加埋個魚湯烏冬，魚湯味濃郁，烏冬滑溜，食完有飽肚感😋 好滿足💕而家like 社交平台仲會送飲品或三文魚兩片好抵大家記得like👏

同朋友同九龍城搵cafe做嘢之前，去咗附近搵間餐廳落腳，嚟到見到呢間居酒屋午市套餐價錢都唔算貴，試業期間仲有8折～優惠又打動咗我行入去🤤餐廳裝以淺木色為主調，一行入去就見到間好和風嘅房仔，坐到8個人，其他位都幾闊落好坐～午市定食都會包咗沙律同茶碗蒸，茶碗蒸超～滑捋捋，仲有竹輪、鳴門卷係入面好豐富～沙律就係柚子調味嘅沙律🥗 之後仲上咗一碗麵豉湯，入面有啲腐皮同海帶咁～主食嗌咗北海道蟹丼 ($138 ➯ $110.4!)呢個真係乜蟹都有🤪蟹肉、蟹籽、同蟹膏分別鋪滿成個丼飯，仲插咗四個蟹鉗係上面夠晒吸睛✨蟹肉、蟹籽、同蟹膏嘅份量都好多，撈飯一流😝鹽燒鯖魚定食 ($88 ➯ $70.4!) 大大條鯖魚烤得好靚，表面仲有啲鯖魚嘅油脂香，而且個皮仲有少少脆～入面都唔會好老，火喉掌握得啱啱好😆估唔到最後仲包埋甜品🤣 同朋友一人一粒抹茶蕨餅，就係完滿嘅一餐💚另外要讚一讚店員嘅服務幾周到，除咗午市套餐，見到其他人係佢哋嘅單點餐牌嗌嘢食，睇落都幾正咁，如果下次經過嘅話可以試下佢哋嘅a la carte menu😛

自從有咗屯馬綫之後，住喺新界嘅我出去都方便咗好多，今日出咗去九龍城行吓，晚餐想食日本嘢就去咗宋王臺地鐵站B2出口隔離嘅✨泫居酒屋✨.一入到去感覺好似置身於日本🇯🇵環境舒適，設有VIP房，食材高質，店員服務周到，食物會逐樣逐樣咁上，非常貼心💯.✨壽司十貫成盒 $468壽司即叫即做，刺身新鮮，仲有精緻嘅食盒，非常吸睛🥰.✨雜錦魚生沙律 $98魚生、沙律菜新鮮，配上醬汁非常開胃😋.除咗刺身之外，串燒類都好好味😋燒嘅時間啱啱好，外面脆卜卜，保留到肉質嘅鮮嫩👍🏻最後我哋仲叫咗個溫泉玉子蕎麥麵，配埋脆卜卜一齊食超有口感啊😍依

朋友約左呢到食日本野，黎到門口完全睇唔到入面既世界🫣。入到去播住求婚大作戰既主題曲！！火炙平目魚邊沙津沙律醬係清新既柚子汁，左口魚壽司平時食得多，配沙律就真係第一次，又幾match喎！壽司十貫個presentation好精緻特別要介紹炙燒大拖，燒咗之後油脂出晒嚟香氣四溢，口感都做到入口即溶😌。三文魚子每粒都脆卜卜，非常新鮮。再黎就係蟹肉拖羅，夢幻組合！燒鱈魚乾好脆！差唔多成碟都係我食哂😂，停唔到。串燒推薦厚燒牛舌、蘆筍豚肉卷、煙肉車厘茄、日本甜薯- 牛舌好爽口，超易咬開，大愛！🫶🏻- 蕃茄仔一食入口就爆汁🤤。- Mini甜薯好香牛油味！風味海鮮粥推介，夠鮮！粥底有蟹肉、帶子、蝦、蜆肉，煮得又夠綿，食完勁飽。

自從屯馬線開通 的確方便咗去九龍城帶媽媽一同到呢個充滿特色的社區走走😉Lunch揀左間高質日本餐廳 來個優雅的午餐本鮪二重丼 $178❤️好鮮呀😋無論係魚蓉定魚生 口感都一流鮪魚味道上係較淡口 但都食得出佢的鮮甜 加點醬油更提升啦❣️欣賞佢提供的新鮮芥末 沒有過份的嗆口👍🏻 正宗汁燒牛肉丼 $88滿滿的牛肉片😋 肉味濃郁 肥瘦適中幾乎等於外間兩碗的size😆仲跟有半熟蛋 極度抵食❗️飯同牛肉沾滿蛋汁 太正😎set lunch仲有沙律前菜 麵豉湯 茶碗蒸 甜品🤭樣樣都有水準 午市價錢好抵 份量乜都夠場夠大 座位闊落 朋友聚會一流👍🏻同媽媽chill左一下午 飽哂😉值得推薦🙆🏻‍♀️ 必須回頭

屯馬開通 真的很興奮～雖然個興奮遲咗幾個月🤭今日行開宋王臺站，一出站口見到呢間居酒屋🏮俾門口佢個木系裝修吸引左，原來新開係耐，探一探路先😌 monday -sunday 都有lunch set, monday-friday 仲有8折🤭黎緊6月有新lunch set menu,好抵🤣每個lunch set 都有沙律🥗茶碗蒸🥚麵豉湯🥣仲有雪米糍做甜品結尾🍮.🍚角切什錦魚丼有三文魚、吞拿魚、池魚、三文魚籽、蟹籽、玉子燒、青瓜等多樣配料，一次過滿足多個願望💫魚生都新鮮鮮甜，質素唔差😌日本米飯煙韌飯香👍🏻.🍜野菜海蝦烏冬海蝦新鮮，爽口彈牙，味道算係清淡果派，清新派必備菜式，若然係重口味嘅，餐廳亦都備有七味粉🤭

刺身：原條日本空運五六佰蚊大大條又夠新鮮，抵食。 仲免費送骨煮麵豉湯。 七品刺身，每款兩件夠兩三人份量，中拖羅非常鮮甜。壽司：價錢合理，推介火炙類同卷類。串燒：相對壽司串燒略為失色，以居酒屋嚟講，可以有進步空間。天婦羅：不錯，海老及蔬菜件頭較細口感較不滿足，但份量絕對足及價錢合理，如果有虎蝦選擇可以一試。茶碗蒸：普通，湯比例不足，料亦不夠服務：很好環境：很好，不會擠迫及嘈吵。 廁所整潔，加分。 另外，有 VIP 房平日暫時唔使最低消費，六個人嚟可以 whatsapp 試吓問有冇房。位置較偏一般人流唔多會路經，而且附近競爭有不少新舊日本菜舖頭，要多點宣傳才可。 平日街坊生意為主，價錢可能要多點親民既選擇。 假日遊客嚟九龍城又未必選擇日本菜，要稔吓宣傳策略先得。

琴晚帶左婆婆去食好啲！當係補祝返母親節啦🙈我地去左九龍城一間居酒屋食日本野，佢地既食材全部都好新鮮！裝潢簡約得黎，又充滿左日式既味道👍🏻🥗種錦魚生沙律我同婆婆都覺得呢個沙律性價比100分👍🏻👍🏻入面有勁多款魚生，仲有好多三文魚籽，真係勁足料🤩三文魚籽超級新鮮，粒粒都脹卜卜，晶瑩剔透😍🍣Omakase 壽司set呢個omakase壽司併盤有6件壽司，全部都係用左最新鮮既食材，分別有牡丹蝦、金目鯛、深池魚、三文魚腩、火炙三文魚同海膽🥳婆婆大讚，海膽勁鮮甜，好似係日本食既咁呀❤️🍢串燒：芝麻豬腩肉、厚切牛舌、燒雞翼、醬燒雞心定、脆肉瓜最出色就係個豬腩肉同牛舌，香口得黎，保持到肉汁，真正皮脆肉嫩，師傅既火喉控制得相當之好😊而豬腩肉上面既白芝麻，更加做到畫龍點睛嘅效果，好睇又好味😋🍤天婦羅拼盤天婦羅炸得好酥脆，食落唔會油膩，反而仲食到蔬菜既refresh感覺🤭🦐海鮮粥海鮮粥用咗魚湯來做粥底，而且入邊仲有非常之多配料，有勁多帶子，仲有大蝦同埋蜆等等，用呢個鮮味滿滿既海鮮粥作結，真係非常滿足😋師傅仲準備咗特製「兒童餐」比偽韓仔，佢非常細心，見我地帶埋小朋友，仲埋黎問我地想準備啲咩比小朋友食❤️

屯馬綫開通左之後，真係可以多咗好多選擇去唔同地方尋找美食。呢一間係宋王臺地鐵站附近嘅泫居酒屋就我新搵到既好地方，離地鐵站出口只係幾分鐘路程，位置非常易搵。今日係平日，人流唔算多，可以即時安排到入座。餐牌食物嘅種類非常多同豐富，為咗試到唔同嘅食物，我哋每樣嘢都嗌咗少少。前菜就嚟咗個雜錦魚生沙律，海鮮嘅份量仲多過啲菜添，壽司叫牛油果軟殼蟹卷同佢壽司盛，每件壽司都睇得出廚師嘅用心，用嘅材料都係最新鮮。最後我哋仲叫咗少少串燒同埋蕎麥麵，總括嚟講同朋友一邊食一邊傾偈，美味嘅食物真係錦上添花。

屯馬線開咗咁耐咁梗係要去坐下啦🤗今日去到呢個宋皇臺去搵嘢食呀。九龍城除咗出名食泰國嘢之外，都有其他嘢食嘅，今日去到一間日本居酒屋「泫」。🇯🇵呢間日本居酒屋新開的，入面裝修可具特色🏔️，縷空設計並做出好大嘅空間感，仲有吧枱雅坐，仲有包廂。叫咗佢個中午套餐非常之好食，一個壽司拼盤，仲有個鍋烏冬。頭盤先嚟過沙律仲有個麵豉湯，麵豉湯要講一下，係非常之多足料，值得一讚👍🏻壽司拼盤多款選擇，配合到你不同嘅口感，刺身仲好新鮮🐟。🍜烏冬湯底非常濃郁，食得出個湯底係用鮮蝦淆製嘅，非常好味🤭最後再配個糯米糍做甜品，好滿足嘅中午飯。環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️

黎到九龍城除咗多泰國嘢食之外，今日比我發現咗間新開嘅日式居酒屋🏮入去睇吓好唔好食先睇裝修真係好似去咗日本嘅居酒屋🏮咁，以木為主又有和風燙門同吧枱位，感覺真係唔錯。咁我就叫左個壽司烏冬定食，個餐有麵豉湯，沙律🥗燉蛋，烏冬，同埋10件壽司🍣都幾多嘢食下。因為我真係太肚餓了特別想講吓個烏冬真係好彈牙，好滑，講起滑個燉蛋都好滑😋個壽司拼盤賣相一流，壽司上面啲刺身都好新鮮。食到最後甜品原來係綠茶糯米糍個甜品都有少少驚喜，綠茶味居然一啲都冇澀味，入口即溶總括來講係一間高質嘅日式居酒屋🏮

屯馬線🚊都開咗一排，終於都有時間去宋王臺站睇吓有咩美食，一出地鐵站行過隔離街就見到間新開嘅日式居酒屋，一於入去試吓。入到去叫咗一個壽司烏冬定食🍱同一個野菜海蝦🍤湯烏冬先介紹個壽司烏冬定食,包括有麵豉湯，燉蛋，沙律🥗同埋有壽司🍣拼盤。先講講個麵豉湯一飲落去好清甜，好有日本🇯🇵嘅味道，一個字！沙律🥗賣相都好精緻，口感好Flash番茄仔🍅都好新鮮。仲有個燉蛋食落去好滑，再配埋D冬菇,獅子狗,🍥,簡直一流最後就係個壽司拼盤賣相非常吸引，款式多，食材都好新鮮，壽司🍣飯都適中。最後食埋個彈牙烏冬，真係好滿足。再試埋另外一款野菜海蝦🍤烏冬，D蝦🍤又大隻又爽，好新鮮，配埋有野菜嘅湯，同埋彈牙嘅烏冬，真係好好味😋最後呢間餐廳真係一間高質嘅日式居酒屋🏮，服務好，環境一流，下次我會再嚟食其他菜式推薦比大家。

🏮#居酒屋 📍九龍城 好少有居酒屋 會提供咁多款刺身同壽司👍🏻👍🏻👍🏻食物齊全居酒屋 沙律 🥗 壽司 🍣刺身 串燒 🍢 主食🍛 #魚油極香 🔥🐠火炙左口魚 沙律🥗沙律汁： 柚子醋油 🍃 fresh + 火炙過嘅魚油 三文魚子 飛魚子 💯💸: $108 （big portions)#深海池魚刺身 💸$148非常新鮮！配搭秘製醬汁 另外可以加上 柚子醋jelly, 味道比較特別 🍣: 時令 #白子壽司 💸$78火候剛好 微微火炙 🔥 配上紫菜 💯串燒： 甜薯 $28翠玉瓜 $22牛舌 $60雞翼 $30羊架 $108 （有得叫 cfu , 切開 方便啲食）好細心