殿·大喜屋

营业中

休息中

♥️殿・大喜屋（旺角）間唔時又想食放題 呢間我地未試過但之前經過見好多人排隊所以黎食下～自助區好大 擺滿各式各樣頭盤 有炸雞、小龍蝦、點心等呢度除咗有一般嘢飲之外 仲有無糖茶、清酒、紅酒、白酒估唔到呢到人均300幾蚊連魚子醬都有得任食😱🐠刺身特別啲有松葉蟹腳、金槍魚腩個人中意北海道帶子又大又鮮甜 三文魚都好好食🍣壽司多款壽司選擇 個人中意海膽拖羅黑松露帶子壽司同海膽拖羅鱈魚手卷後者上面有三文魚子 中間夾左鱈魚乾 食落口感豐富仲有海膽壽司都不錯 係用來自日本嘅海膽🐮牛柳粒都係好出色鰻魚又點可以唔叫🥰✨燒物好中意食燒菠蘿🍍 好甜甜品仲有椰皇燕窩燉蛋白食 唔會好死甜又有椰香味！出面都有得拎Häagen-Dazs同埋Movenpick雪糕、yogurt、楊枝甘露、蛋糕、燒榴槤等好多野食 水果竟然有埋士多啤梨🍓

約左女朋友黎試下旺角東既殿大喜屋，價錢比平時食開個間放題要貴啲，但係環境同質素都要好唔少。環境好舒服今次好好彩兩個人都有卡位坐。而且侍應都好值得一讚，因為佢哋收碟收得好頻密，唔會搞到我成枱都係吉碟冇位擺嘢食。其實今次主要吸引到我地係魚子醬同埋海膽，不過發現其實兩款我地都冇特別鐘意食，魚子醬冇特別，叫左一次就冇叫，海膽都一樣，普普通通。但係有幾樣嘢食有驚喜，首先喺刺身方面，蟹腳同埋金槍魚腩都好好食，叫咗好多次。其他刺身都唔錯既，正常。鵝肝就真係大大件，好少見有放題係鵝肝大過塊多士，不過咁大舊真係有啲油膩。呢個海手捲，入面加咗鱈魚乾同拖羅蓉，食落口感好好，好食。呢個牛油果蟹肉最中餅，味道好奇怪，我同女朋友都唔鐘意食。我好鍾意食三文魚子，估唔到呢度可以任攞唔洗跟舊飯，超正。我差唔多食左成碗。另外佢仲有啲鮑魚花膠呢啲中式嘢可以食，不過我唔係特別有興趣，味道係正正常常既。最後食埋杯häagen-dazs彩芋味雪糕，隻蕃薯味幾出，估唔到幾好食。

張單就寫兩小時自選放題，我6點20分入座7:30就要人截單，八點就趕人走。邊到有兩個鐘？ staff話我係walk in係唔足食兩個鐘，咁我又奇怪，點解你張單同個app都清楚寫明我係食兩小時？ 收費 每人$428加一。張枱又細，每嚟一碟嘢就要個客手拎住另一碟嘢先有得食，員工就要好急咁幫你砌積木咁細要騰空到一個小空位俾你擺一碟新嘢喺枱。上一疊嘢未食完就要收走我因為下一碟嘢嚟咗。你急住截單我又冇辦法唔叫住。仲要急住截單，第一次食嘢食到好似投胎咁趕，食到人好大壓力，好唔開心。收得咁既價錢 唔做足兩小時俾人不特止，仲要趕住叫人埋單。 留意番，坐左一個鐘都冇就要人埋單。成肚火，冇下次。燒酒啲杯放喺毛巾度應該擺得太耐，又有up味，咁既價錢，咁嘅顧客體驗完全唔值。希望大家諗清楚先好嚟呢間殿大喜，除非你想體驗趕住投胎既食法。大家三思。

諗起好耐冇食放題放假book左位同男朋友食🤣原來除左用Qr code自助點餐之外近門口位置仲有自助區提供拎餐前小食、冷盤、熱盤、甜品、飲品等食物種類好多到花多眼亂🤩飲品仲有珍珠奶茶，清酒🍶等等🍣壽司、手卷方面幾吸引！鹽燒左口魚邊，肉質非常滑嫰，油脂感爆燈。香蔥芝麻拖羅小卷，拖羅蓉幼細香滑，軟綿綿。黎自日本北海道海膽軍艦好鮮甜，零腥味！！最誇張既係三百幾蚊連魚子醬都係任食‼️刺身方面有泰式虎蝦、冰鎮花海蜇、花雕醉鮑魚、松葉蟹腳、北海道鮮帶子、赤蝦、三文魚、赤貝等。印象最深刻係松葉蟹腳！蟹肉好鮮甜！ 帶子厚肉鮮甜，encore左幾次😂!皇牌燒乳鴿外皮燒到微脆，保持肉質鮮嫩多汁，簡單以鹽調味，好香口，要趁熱食！川燒珍寶燒蠔生蠔肥美肉嫩脹卜卜，超級多蒜蓉，蒜控愛了🧄。黑椒蜜汁一口牛🐮一口牛粒肉質嫩腍，脂肪分佈平均，油花細密，呢個男朋友最鍾意食。燒物、串燒🍡、煮物類有鹽燒牛舌、雞軟骨、燒菠蘿、比目魚西京燒、皇帝蟹皇粥、香草牛油煮大蜆、天婦羅等等，多到講唔哂!!!甜品有自家製軟雪糕！抹茶味唔錯❣️楊枝甘露好足料！仲有乳酪、雪糕、蛋糕、豆腐花、水果，飽到呢🫢happy

今日抱有好大期望嚟呢間好多YouTuber 都話好出色食放題嘅地方食飯去之前我哋已經book好位但係入去之前都係要排長龍好多人幫襯 真係好大期望入到去我哋編排嘅座位比較偏僻 要出去拎嘢飲拎嘢食會好遙遠 所以唔係好方便之後就開始叫嘢食魚子醬味道麻麻唔係想像中咁好食魚生出得好慢基本上出咗第一輪之後差唔多等45分鐘先出到第二輪基本上你係要催單侍應會叫你自己經apps 再撳過所以俾得呢個價錢你會覺得唔係幾舒服海膽壽司係出色嘅不過又係出得好慢之後海膽份量會越嚟越少得舊飯鵝肝多士係出色嘅咬落去滿滿嘅油分非常之滿足之後啲熱食都係一般般同佢其他嘅分店差唔多佢呢間除咗刺身款式多咗少少同有魚子醬食之外其實同其他分店真係差唔多不過價錢就收貴咗正所謂期望越大失望越大可能就係咁

由於朋友推介，所以一個星期前已經好想嚟食見呢間餐廳又要book枱，又唔係平仲要叫做喺酒店裏面朋友介紹完即刻仆到去book枱，結果都要book 19:45。入場前，見到有好多人喺門口等叫電話號碼入座餐廳19:40開始叫電話號碼，人就陸陸續續入去入到去見佢係用QR code落單即刻掃嚟睇吓結果見到有魚子醬、有鮑翅肚，無翅啫然後入面仲有自助區拎嘢食、拎嘢飲不過我戰力都比較弱，食咗一個鐘頭到就已經飽哂人生第一次食魚子醬都係今鋪同埋比較少，見到有放題會可以叫海膽壽司整體食物都係好味嘅，不過有少少比朋友捧殺咗以為係勁驚喜，就未去到囉..不過都會有機會encore ，可能就會揀試吓食lunch今次就$408另收加一@一位漏講一句，佢上菜整體都算快，同埋都冇乜甩漏

在這次的用餐體驗中，各式料理令人印象深刻。任食魚子醬，海膽刺身鮮美滑嫩，搭配醬油和山葵，讓人一口接一口。食多幾次已翻本卷壽司口感豐富，魚卵增添了層次感。炸天婦羅外脆內嫩，令人滿足。甜品方面，冰淇淋口味豐富，特別是草莓味，清新可口。整體而言，這裡的日式料理新鮮且有創意，氛圍輕鬆，非常適合家庭聚餐或朋友聚會，非常推薦！

這一間放題係我最鐘意既任食放題餐廳😚各式各樣既野食都有😍想食咩就食咩最重要🈵💯這一間放題既質素真係超高😳 唔怪得連平日都咁多人啦🫶🏻🫶🏻🫶🏻見到餐牌加左魚子醬😻即刻叫黎食連魚子醬都任食🫶🏻正我第一次食魚子醬😳覺得鮮鮮甜甜又有海水味咁 唔錯👍🏻一粒一粒刺身😚刺身整體全部都超新鮮 金槍魚腩真係超肥美😍😚狂食北海道帶子又大又鮮甜 encore左勁多次🤤而三文魚都係我最愛之一 肥美鮮甜仲有甜蝦 希靈魚 赤貝等🤤特色卷物方面🥰海膽真係必叫全部海膽都係北海道海膽黎勁甜 完全無苦澀味😋好食仲有款配埋吞拿魚蓉🥹好食到呢小菜方面我同朋友勁鐘意食鵝肝😋肥美好食仲有牛舌 乳鴿 蒸粉絲扇貝❤️蠔甜品方面🥰出面有haagendazs 同movenpick雪糕任食😋😋超滿足仲有熱食甜品🍮極尚椰皇燕窩燉蛋白 我次次黎都必點🫶🏻🫶🏻好好食嫁出面仲有大量既熱食烤榴槤，煮魚，辣酒花螺😍真係要食幾次先食得曬d款🤤🫶🏻

豪華放題✨魚子醬·日本海膽任食‼️🎋 過新年當然要包羅萬，襯著人日🥳🎂當然要好好慶祝一下。位於旺角帝京酒店的「殿•大喜屋」出名CP值極高，餐廳環境寬敞舒服，是區內一致好評的放題餐廳。店內以QR Code下單，上菜速度快，亦沒有漏單情況。晚市放題價格 $358起，食物選擇種類多，適合黑洞朋友胃口。✧ 自助區分冷凍區及熱食區。冷凍區設凍海鮮、各式前菜、沙律菜和水果。熱食方面，有小籠蝦、蒸魚、花螺、炸物、烤榴槤和中式點心。客人亦可自助取飲品，餐廳有提供清酒、梅酒，客人們可以淺酙一杯呢！✧ 創作及一品料理三百幾蚊的魚子醬(盒)都任食，絕對係回本之選 !! 避風堂炒蟹、鮑汁鮑魚撈一口花菇飯、金湯燴花膠、花雕醉鮑魚、意式風味鱆紅魚薄切都係比較矜貴菜式，都是必試之選。🍣 刺身/壽司/軍艦類刺身種類包括: 松葉蟹腳、三文魚、油甘魚、池魚王、北海道帶子、赤貝、北寄貝、海赤蝦、甜蝦和八爪魚等。壽司方面，所有海膽菜式都使用日本海膽! 海膽控必試: 海膽拖羅鱈魚干手卷、海膽拖羅黑松露帶子、日本北海道海膽軍艦。🍢 串燒/蒸焗鐵板類個人比較推薦殿堂級鐵板鵝肝厚多士、鹽燒牛舌、黑椒蜜汁一口牛、燒香草羊鞍、金蒜蓉粉絲蒸

今日嚟到殿大喜屋食放題個人認為呢一間放題舖頭，絕對有資格堪稱香港放題界皇者👑，嘢食絕對高質，而且環境好乾淨，座位都唔會太迫，成個用餐體驗都好好🥰🥰晚市放題食足兩個鐘，5:30入座成人每位$368‼️呢個價錢就連鱘魚子醬、日本海膽軍艦、海膽拖羅鱈魚乾手卷🍣、松葉蟹腳🦀、鐵板鵝肝厚多士🪿、皇牌乳鴿王🐦、川燒珍寶鮮蠔燒🦪、鹽燒泰國鮮草蝦🦐、避風塘炒蟹、鮑魚皇帝蟹黃粥、燒香草羊鞍🐑等等全部任食！基本上每款一件都好似足夠回本咁，so crazy!!我自己勁鍾意食海膽，呢度講明係用日本海膽就食得更加放心，而且呢度嘅海膽用料都好新鮮，味道鮮甜，淨係我自己都起碼食咗20件海膽軍艦🙈🙈呢度嘅放題不嬲都係Häagen-Dazs、Movenpick等等貴價雪糕任食，但今次我喺甜品櫃更加係搵到意外驚喜，今次竟然搵到日本版嘅Häagen-Dazs雪糕三文治，仲要係伯爵茶味，好好食又唔會過甜，我自己都忍唔住食咗兩件🙌🏻🙌🏻

放題來說，一直好鍾意旺角新世紀的殿大喜屋，除了裝修㥤新，樓底亦夠高，空間感好夠，座位闊落坐得舒適。星期三晚來到食8點半那場，已經好多人在門口等位，熱鬧非常。坐低先點我最愛刺身及燒物，然後就去自助區血拼。自助區的食物亦非常豐富，冷盤、熱盤、飲品、前菜小食應有盡有，令人花多眼亂。最難得係有我最愛的煙三文魚和三文魚子，當然少不了一碗蟲草花雞湯暖胃。今次放題，刺身當然是重點，但重中之重的係無限任食的魚子醬，男朋友隻眼發晒光，因為他是魚子醬愛好者!!!食落富咸香，配刺身食最正!!!三百多的價錢能任食魚子醬的放題，真的只有殿!!刺身大大盤，三文魚厚切！油甘魚、赤蝦、甜蝦、帶子、北寄貝等，都鮮甜彈牙。仲有蟹腳、粉紅色的拖羅，入口油香滿瀉，好好味!!來殿大喜屋一定要試這裏的創作料理。一口氣點了花雕醉鮑魚、牛油果蟹肉最中餅、松葉蟹肉蟹膏豆腐、脆杏甜蝦、煙燻鯖魚、泰式虎蝦等，除了有賣相，味道亦十分不錯，花雕醉鮑魚可以無限encore~接著的重點是一品料理，金湯燴花膠、瑤柱扒豆苗、花菇紅燒鮑魚、黑椒蜜汁一口牛、花菇紅燒鮑魚、避風塘炒蟹和皇帝蟹濃湯伊麵，雖然份量都係細細碟，但好足料!!!鮑魚爽口入味，皇帝蟹腳

同朋友及寶寶慶祝生日，想搵一間又有質素又可以無憂無慮大吃一場嘅餐廳，當然最好就係食自助餐或者放題，佢哋又想食刺身，所以第一時間就諗到呢一間。首先講一講環境，我哋食九點，入到去真係冇乜人，所以坐得好舒服。之後走出去自助餐枱有好多甜品前菜生果同埋飲品可以自己攞，仲有我鍾意食嘅煙三文魚添。重點嚟啦，佢個刺身拼盤靚到喺出面居酒屋好似要千幾蚊嗰啲咁，個個見到即刻攞手機出嚟影相。我哋有首次試咗魚子醬，之後叫咗炸蠔真係好大大隻，好juicy, 不過因為太大隻，所以食一隻已經好飽。仲有超好食嘅鵝肝又係回本之作，真係好香滑好肥仔。最正係佢個阿拉斯加長腳蟹伊麵，忍唔住叫多兩次食，真係好好食。所以做人唔好咁多自己不必要嘅主見，放題都可以係高質嘅，唔一定係食垃圾既🫰🫠

香港日式放題天花板，一定係「殿·大喜屋」‼️不服來辯🤓不論食物質素、款式、環境都非常出色，價錢都係講緊三四百人頭🫢難怪晚晚爆場💥.🌟2小時晚市放題💰$388/閒日（8:30後$348）.❤️推薦回本位.🐟刺身❤️金槍魚腩❤️鱘魚子醬❤️醉鮑魚一般基本款式都齊✅最正一定係金槍魚腩，勁肥美入口即化🤤醉鮑魚爽口彈牙，好香酒味🍷必叫鱘魚子醬，學劉德華話齋唔會衰俾鬼佬睇，成罌上😎.🍣壽司❤️海膽拖羅鱈魚干手卷❤️日本北海道海膽軍艦❤️香蔥芝麻拖羅小卷❤️海膽拖羅黑松露帶子❤️牛油果蟹肉最中餅各式各樣壽司款式，應有盡有👍🏻回本位一定係食佢拖羅/海膽類款式🤓大推海膽拖羅鱈魚干手卷，鮮味立即湧現😚北海道海膽軍艦全部任叫，海膽好鮮甜，食咗好幾round😜新品牛油果蟹肉最中餅有驚喜，原來牛油果同蟹肉可以咁夾🦀🥑.🔥一品料理❤️上湯皇帝蟹伊麵❤️殿堂級鐵板鵝肝厚多士❤️酥炸桶蠔❤️花膠海參瑤柱翅羹❤️避風塘炒蟹必食推介上湯皇帝蟹伊麵‼️大大隻皇帝蟹蟹腳，超多鮮甜蟹肉🦀配埋伊麵底好高質😍平時酒樓叫都唔平，呢度叫多幾碟即刻回本😆鵝肝多士比平時放題大一倍，真係厚多士😝 花膠海參瑤柱翅羹好足料，酥炸桶蠔大大隻👍🏻.🍲鍋物清酒煮蜆份量都幾多，蜆肉飽

傳說中嘅日式放題天花板，海膽係日本海膽，三百幾蚊包原盒魚子醬任食🙀。👍🏻海膽軍艦👍🏻海膽拖羅鱈魚乾手卷👍🏻鱘魚子醬海膽幾鮮甜同冇咩明礬味，推翻咗我本身對放題海膽嘅印象。手卷本身味道已經夠豐富，加埋鱘魚子醬仲好味。👍🏻上湯皇帝蟹伊麵👍🏻避風塘炒蟹👍🏻花菇紅燒鮑魚皇帝蟹超厚肉超鮮甜！避風塘炒蟹真係做到大排檔嘅口味。紅燒鮑魚來貨幾靚，幾大隻同埋少少腥味都冇。👍🏻花雕醉鮑魚👍🏻北海道鮮帶子👍🏻三文魚子鮑魚調味偏甜，酒味唔算好濃，反而好清爽。我覺得帶子同三文魚子都係居酒屋級數嘅來貨。任食有呢個質素都幾有驚喜。

介紹返💁🏻‍♀️。。🇯🇵 放題 在旺角 🇯🇵。殿 · 大喜屋 Tono Daikiya。帝京酒店2樓。晚市放題兩小時自選時段星期一至四。HKD388 + 10%星期五。HKD408 + 10%星期六及公眾假期前夕。HKD418 + 10%星期日及公眾假期。HKD418 + 10%。大量其他優惠時段，請查閱官方詳細資料🤫 今次我哋幫襯嘅係位於旺角火車站上蓋帝京酒店入邊嘅殿..屬於大喜屋集團..老實講～大喜屋呢個集團真係不得了..唔特登研究都唔知..佢哋除咗有三個Level嘅日式放題..就連千海水產都係佢哋嘅旗下..真係超級勁🤩🤫 都有三五年冇食過放題嘅我同埋飯腳仔..今次星期四平日六點過到嚟帝京呢邊..都真係有啲俾呢度嘅裝潢同埋環境之大而嚇窒咗🤣帝京嘅呢一間殿係霸佔咗成個樓層..樓底相當之高..座位舒服乾淨企理同埋有好多卡位..私隱度高👍🏻真心成個環境令人好舒服..唔再係以前嗰種好侷促嘅感覺..絕對係新一代放題餐廳嘅表表者～🤫 嘢食方面種類多就梗㗎啦～然而我發現呢一度主打嘅食物偏向係一啲較高價錢而且慣常放題唔會有得食嘅料理..就好似鱘魚子醬鵝肝多士煙燻鱆紅魚薄切松葉蟹腳等等～🤫 平時從來唔