段純貞牛肉麵 (如心廣場一期)

营业中

休息中

今晚難得同好友一聚，在網上搵下荃灣有咩食，在綱上睇睇下見到呢間牛肉麵好似唔錯，去到舖客似雲來，好彩好快就有位，menu 都有麵有飯有小食選擇，還有set 價錢合適，亦都有台式飲品，今次就先試個原味牛肉麵+鮮草奶茶。牛肉夠諗大大件，湯底濃郁唔會口乾，麵質可口輕微辣，完全覺得讚，而飲品就正常野。下次要再過來試下其他食物😋😋

3年前食過一次段純真，已經覺得好好食。今日再一次特登去食，未夠7點去到，竟然唔駛排隊，可能同場有太多選擇，包括台式火鍋。今日食左原味牛肉麵（細麵)，涼拌小青瓜，愛玉蜂蜜西檸特飲。揀原味牛肉麵既原因係諗住唔辣，menu寫住紅燒有一隻辣椒，所以唔敢試。但食食下，發現都有啲辣。牛肉湯好濃，唔同一般牛肉湯比較多味精，不過帶有辣味，所以飲唔到太多。牛肉夠淋，一啲都唔“痴牙”。而且有啲筋位，連牛肉一齊食，口感好好。涼拌小青瓜偏咸左啲，淡返啲會更好。愛玉蜂蜜西檸特飲好香蜂蜜味，唔會太甜，每啖都食到愛玉粒，好fresh。今日食既牛肉麵同3年前食既大緻都差唔多，冇退步。

味道不錯 上菜速度也算快 環境乾淨但餐廳背景音樂與台灣餐廳設定不相符 播放的是一些DJ 較歷史悠久相對老年的音樂 感覺比較奇怪 另外套餐沒有底盤 相比其他台式餐廳感覺較為混亂

第一次想寫食砰😡一般在香港返工午市灣仔、銅鑼灣果邊食多、一家人行過荃灣見到又想去食下😑😑喂⋯同一舖名唔通點一樣？點解品質唔一樣 果雞湯麵諗到一個點 、一句講哂沒下次 、都係返工係灣仔食算

📍段純貞呢間主打食台式牛肉麵嘅台灣過江龍店🐉喺香港已經有四五間分店la～見網上d評語都唔錯，所以一直都好想去試😍最近終於有機會到訪香港第一間分店——荃灣西分店✌🏻🍅燉蕃茄腱心牛肉麵 $92✨湯底：原味牛肉麵平時就食得多，所以今次想試吓特別d嘅蕃茄紅燒牛骨湯底😚湯底味道濃厚，蕃茄酸味好重，唔係平時甜甜哋嗰d，夠晒天然🫶🏻而且仲會有少少辣，食落更開胃～𣎴過牛味比蕃茄紅燒味蓋過，唔夠突出，而且味道偏鹹，食完會有d口渴💦✨手工麵：麵條口感煙韌彈牙，厚薄𣎴均，所以每一條都可以掛到好多湯汁，入口充滿蕃茄香味，而麵條亦可中和湯底嘅鹹味，兩樣互相配合，真係最佳組合呀🥰⚠️唔好掛住打卡，要快d食，否則麵條吸湯變軟就超級難食😵(阿妹嗰碗出咗事😑）✨牛腱肉：一碗都有三至四大嚿肉，份量十足👍🏻牛肉油脂均勻，唔會好肥，食落軟腍腍，超級滑嫩，而且仲有輕微入口即溶嘅感覺，真心好正💗加埋牛筋膠質彈牙嘅口感，牛肉絕對係呢碗麵嘅亮點呀🌟必食‼️‼️🐔燉濃湯雞麵 $88✨湯底：除咗牛肉麵之外，呢個都係麵店推薦之選，梗係要試吓la～湯底用咗60公斤雞骨，經過30小時慢煮熬製🤩入口充滿濃郁嘅雞香味，而味道亦比牛肉湯較為鮮甜清淡，所以

段純貞呢個名聽咗好耐，但係試就第一次嚟食台灣嘢，一定要食牛肉麵，今次試咗半斤半肉紅燒牛肉麵，佢有得揀幼麵或者功夫麵，今次是功夫面的，佢嘅功夫麵其實好似刀削麵咁，偏向厚身，如果鍾意食硬少少嘅面嘅話就會啱你口味，至於牛筋同牛肉，就係普通台式嘅紅燒味，冇咩特別，個人覺得中等水平小食方面試咗滷水拼盤，有豆腐，牛腱，彈，同埋雞髀菇，蛋方面唔係平時嘅台式滷蛋，而係糖心蛋，而佢嘅菇味道唔錯，而且口感都爽，至於豆腐同埋牛腱，都有淡淡的滷味，但係唔算特別仲有試咗炸豬大腸，食落去有一股香味，而且脆口，同埋佢貼心咁清除左腸入面嘅肥膏，呢樣嘢值得一讚最後一樣試嘅就係雞湯雲吞，呢個就真係最普通，好似自己喺屋企煮嘅青菜水餃，而且雞湯都唔係特別清爽同埋有雞湯味

呢間台灣牛肉麵去過幾次都見到門口排曬長隊，所以最後都一直未試到，難得終於有次佢臨收工前去到，可能太夜了先唔使排隊😃麵方面佢有得揀手工麵同幼面，手工麵就韌性大d，厚薄不均，有d似刀削麵，個人認為偏厚左d，唔太吸湯汁，幼面好食好多！原味牛肉手工麵 $84湯汁同牛肉都好好味，牛肉好軟腍腍，唔韌，但手工麵就偏厚左d，太有咬口，吸唔到湯汁燉番茄腱心半筋半肉細面 $88呢個都同樣好好味！蕃茄湯濃郁，牛肉同牛筋都好腍，唯一有少少失望既係台灣牛肉麵好多店都必有既蘿蔔，佢呢間係無既，得一條菜整體黎講係好味既，會再食之選👍🏻最後附上menu

兩個人，叫咗一碗紅燒半肉半筋牛肉麵、一客口水雞拌麵、同埋胚芽珍珠奶茶。牛肉麵有好多件牛肉，炆得都幾腍，但係我唔鍾意個湯底，太濃藥材味，而且係好濁嗰隻，我食咗兩啖就塞咗俾我老公食。口水雞佢俾咗隻雞髀我，個樣都幾靚仔，食落都好滑，個拌麵上面放咗啲炸過嘅黃豆，脆卜卜，幾特別。胚芽珍珠奶茶夠濃郁，好飲，不過我揀咗少甜都仲係好甜，如果可以俾客人揀二分糖就好喇。服務都幾好，走嗰陣個個服務員都會同你講多謝，本來由入坐到離開都尚算滿意的，但走咗之後去附近行街，好快就開始覺得好口渴，我平時對味精唔算太敏感，但今次咁快有反應，即係都落得都幾重手下，要即刻去便利店買罐可樂飲，舒緩一下不適。唔會再去了。

一直很想試呢間台灣店，店內環境幾好，服務質素都不錯，食物方面，我同朋友點了牛肉麵同雞絲撈麵，牛肉麵我轉了新竹米粉，好食。唯一是撈麵的雞絲很少，但味道是好食的。大家可以一試

係香港已經開左一段時間既段純貞~其實我想試好耐~可惜成日經過都見到好多人排隊~👬👫今次平日夜晚冇人等~機會難得~當然要試下啦~😋😋黎到先知原來而家有set可以叫~set計落真係抵食d~我地揀左麵食+小食+飲品set($138)▶️set1紅燒牛筋麵紅油抄手胚芽珍珠奶茶▶️set2紅燒腱心半筋半肉牛肉麵鹽酥雞抹茶珍珠奶茶麵係有手工麵有細麵比你揀~倆碗我地都揀左手工麵~食落煙靭有咬口~而且仲好掛湯添~🤤湯頭我都覺得幾有驚喜~飲落有淡淡既藥材味~但又唔係好難入口個隻~而且仲冇咩味精添~因為我飲完冇口渴感~👍👍不論牛肉定牛筋~都煲到非常軟腍入味~而且份量亦都非常之多~好味道~😋小食方面見佢大推✅紅油抄手~當然要叫黎試下啦~抄手被滿滿既芽菜遮蓋住~😍😍😍揭開先發現原來炒手都幾大粒~醬料香得黎唔會太油~亦都唔算好麻辣~用黎撈埋d芽菜一齊食味道岩岩好~另一款小食✅鹽酥雞外層酥脆~內裡嫩滑juicy~咬落啖啖肉咁好正~胚芽珍珠奶茶就係回憶既感覺~以前好鍾意飲~不過而家好似愈黎愈難搵到~本身個奶茶底既茶味都幾香濃~另一杯既抹茶味都唔錯~可惜既係d珍珠就爭左少少~我覺得太腍啦~🥲

喺荃灣西附近搵嘢食今次就試吓呢間都開咗一排嘅段純貞雖然佢係牛肉麵嘅餐廳不過我哋無叫到任何牛肉😂反而嗌咗兩款雞肉嘅產品➡️蒜香手撕雞乾拌麵+雞湯抄手兩款食物都唔錯👍🏻🐔蒜香手撕雞乾拌麵拌麵係固定咗用佢哋嘅細麵有一個細心位：酸菜用小碟另上所以可以隨自己心意加幾多就幾多配咗花生蔥花、糖心蛋非常豐富嘅拌麵雞肉唔會撕到肉碎咁，肉質唔會太鞋有返一定嘅大細令配料都可以黏住雞肉細麵彈牙，用嚟做拌麵非常適合🥟雞湯抄手抄手有6粒，每粒都漲卜卜，肉餡實在足料雞湯鮮甜，無味精感，差唔多成碗飲晒呢度仲有小食提供本身想嗌炸台式香蔥肥腸，可惜賣晒總結💭💭麵嘅質素有保證，無論麵底同肉類都好味道見到其他人都有嗌台式飲品，應該都唔錯價錢同質素成正比，回頭率可以有：4/5

姐姐🧍‍♀️放假，爸爸👨🏻叫段崇貞外賣🥡自取，叫咗麻辣蒜味腱心半筋半肉面（中辣）（$105）同三寶面（微辣）（$112），外賣自取8折，加埋coupon nowpickup 減多$15，差唔多時間就帶埋大女落去攞嘢外賣🥡都pack得幾好，兩粉兩湯分4個有蓋既碗載，因為我食麻辣，特別有個大貼紙仲有兩個小兜係酸菜麻辣蒜味腱心半筋半肉面（中辣），好惹味，辣得過癮老婆叫三寶面（微辣）

午市見到有套餐牛肉麵加小食加飲品$13x 價錢唔算便但都試一試 最緊要係好食姐點知入到去手機下單一問之下先知取消了一排套餐😮‍💨咁就唔好貼個宣傳出嚟啦咁都算，叫左碗牛四寶可以咩都試下嚟到外貌係靚仔，每款各一大大條，湯色都似樣既一試個湯頭就只得咸味，無牛無香料味😑牛肚正常牛筋都煮得淋，但係塊牛極un要出盡牙力先撕得開，更唔好話入唔入味了，直頭覺得入胃都難消化，仲有塊半生牛有陣怪怪的酸味，再食另一小塊又無先知應該真係變壞左🤢🤢🤮埋單連加一$116 真心食返出面粉面檔都仲值話者過返台灣食可能會好啲？！

經過這店好幾次但都未有時間試食，終於新年期間有空檔出嚟試吓呢間牛肉麵。 倆口子各有喜好，叫了燉蕃茄腱心牛肉麵和麻辣腱心半筋半肉都。 麵一到，一見湯底好濃郁即試一試，不錯，湯底好香濃。 店用意大利蕃茄，麵質有點似淮山麵滑滑的。 好味。 而麻辣辣度不算輕但我非常喜愛，手工麵好煙韌彈牙，口感一流。 倆碗份量足，肉質嫩。好耐未試過咁有質素的牛肉麵了！值得一提，落單時我備註要多蔥，一上枱，蔥的份量意料之外的多，雖然蔥不是值錢，但不是有很多店會真的回應多蔥的要求，這次呢一個我特別加分！

在端午節 Staycation 第二日 check out 後，我問媽咪想食什麼？她只想食粉麵類，我第一時間想到人氣台灣麵店 <段純貞牛肉麵>！見到當時有條長隊，問她排不排隊？她認為，由 2020年12月頭，開業至當時，依然大排長龍，相信有其實力所在！所以，她堅持跟我一起排隊！活躍的她跟我如罰企般，排了半小時，卻沒有話攰！反正入座後限時45分鐘還枱，等候期間，我們先看餐牌，以便一入座後隨即落單！這間舖位比我預期細，我們被安排到近門口的2人枱。短時間內，在香港已開設好幾間分店！可見其實力所在！凍秘製桂花酸梅湯 $28入口冰涼酸甜清爽解渴，絕對是食濃味美食的好拍檔！而且看到杯底桂花份量算多嘞！嫩五花牛肉 手工麵 $84媽咪選擇牛肉麵，五花牛肉柔軟，份量也不少！大讚用料足又真材實料！就算要她排隊半小時也值得等！湯底香濃惹味之餘，又不算好油！手工麵是粗扁身，掛湯一流！酥炸排骨麵 (細麵、雞湯底) $78意想不到！酥炸排骨即是炸豬扒的份量如此多！炸豬扒金黃香脆十分香口，還鎖住豬扒肉汁，令我食得津津有味！細麵口感帶點煙韌！設加一服務費媽咪覺得價錢合理又真材實料！ 她亦會推介給老友記