樂天經典 (奧海城二期)

营业中

休息中

本來打算試下樂天的新加坡菜，可惜根本沒有誠意，而且餸都是涼的。服務也欠佳。失望。四大天王 素菜根本是炒好了 ，一點都不新鮮。薑蔥魚片 一共四五片魚。鐵板豆腐 好算 OK。蝦醬雞翼，味道怪怪的。沒有下次了。

4點鐘到，入面無乜人，諗住可以慢慢嘆個早晚餐。企係門口等，叫「唔該 」，Cashier有個肥姨姨睥左我地一眼，就無理我地。我心諗，佢係咪聽唔到？過左幾分鐘後，見到有另一個waitress 經過，個肥姨姨先指個waitress，叫佢去招呼我地。好啦無乜特別，都係比人睥左一眼姐，咁我地入座啦。坐左入去，叫駝鳥肉又話無，叫美人魚又話無，已覺得好傷心😂咁就隨便叫左4碟餸食算。等等下，個肥姨姨走埋黎，態度勁差咁問：「有無@＃!/×＊？」我完全聽唔明，問左句：「你問乜野？」個肥姨姨再問：「有無book枱啊？」我先答佢無。果下已經有啲火滾，心諗咩事啊，入左黎叫埋菜過左15分鐘先問，自己辦事不力都算，仲要態度咁差😐。1. 扣肉夾餅：香口，好味，28蚊塊。2. 三色蒸水蛋：好味，有皮蛋，幾香，70蚊左右。3. 古早魚香狗仔粉：唔好味唔好味唔好味，唔香，啲狗仔粉又爛晒不如去荃灣食40蚊狗仔粉，但呢到要108蚊。4. 雞絲撈麵：啲雞無雞味😂但麵幾好味，比想像中要辣啲，68蚊。重點！食食下無啦啦走埋黎問，態度好差咁話要截單，問仲有無野要加單。💩💩💩💩我心諗做乜野咁快截單。我想講直到我走，都仲有人入座，佢截乜野

又要外出工作，今日來到奧海城，時間不算多，只在最就腳嘅地方醫肚。呢個集團嘅餐廳🍴食過另一品牌，而呢間分店就係第一次。感覺服務好似要再提升一下，不算太殷切🤷🏿‍♂️，而且食物嘅處理亦比較求其咗少少，唔夠精美🤔———————————————————————————🍽生炒排骨🐽💬酸甜度適中，排骨炸得鬆脆，配料亦都足料，夠鑊氣😏.🍽四季豆炒茄子🍆💬配上辣椒🌶️快炒，香而不會太辣，，亦唔太油膩🧐.🍽飛天通菜🥬💬食材新鮮，即炒即上碟，味道濃郁又夠香😏.🍽鹹蛋蒸肉餅🐽💬賣相確實係唔係好得，其實擺盤真係幾重要，但呢度每碟餸都唔夠精美，味道是沒太多問題的🧐.🍽海鮮炒米粉🦑🐟💬有魚、魷魚炒嘅米粉，🌶️辣辣地，幾惹味，有東南亞風味😁

勞動節後的星期日，好多食肆已經回復往日嘅熱鬧。大女同朋友嚟食過呢一間嘅蟹，覺得同新加坡食到嘅差唔多，於是一家四口嚟試下。叫咗五道菜。主角當然係星洲黑胡椒炒蟹，叫咗個大嘅但係冇想像當中咁大，比新加坡食到嘅略為濕啲但係味道極之對版，唔算辣，比一般廣東豉椒炒蟹略甜。太太覺得好好味，仲話母親節再嚟，一人食一隻。勞動節後的星期日，好多食肆已經回復往日嘅熱鬧。大女同朋友嚟食過呢一間嘅蟹，覺得同新加坡食到嘅差唔多，於是一家四口嚟試下。叫咗五道菜。主角當然係星洲黑胡椒炒蟹，叫咗嘅大嘅但係唔好想像當中咁大，比新加坡食到嘅略為濕啲但係味道極之對版，唔算辣，比一般廣東豉椒炒蟹略甜。太太覺得好好味，仲話母親節再嚟，一人食一隻。半隻脆皮燒雞，中規中矩，伴碟嘅係泰式酸辣醬汁。黃金鹹蛋蝦球，炸得過火得滯，啲肉實曬，幾乎想退貨。菜香鐵板豆腐幾好，用玉子豆腐嚟做。古法蒸黃花魚，就係普通蒸黃花魚，冇乜特別。半隻脆皮燒雞，中規中矩，伴碟嘅係泰式酸辣醬汁。黃金鹹蛋蝦球，炸得過火得滯，啲肉實曬，幾乎想退貨。菜香鐵板豆腐幾好，用玉子豆腐嚟做。古法蒸黃花魚，就係普通蒸黃花魚，冇乜特別。金銀蛋浸菠菜，出奇地淡口，清清地，幾好。

耐無去幫襯，疫情關係少客亦少員工，態度亦不友善⋯⋯9個字先上齊菜，仲要係凍既⋯⋯雖然宜家時勢唔好，但唔代表可以出品咁差！份量小，侍應十問九唔應！以後都唔會再幫襯！

喺網上預訂咗俾埋錢，系統提示可以取餐，去到仍未能取餐，等了10分鐘出餐後發現餐廳漏單，又要重新下單再等新訂單，最後要再等多半小時才能取得食物，比到餐廳再下單更慢

在新加坡吃炒蟹吃到上癮，回到香港就只有樂天經典做到有新加坡的感覺。這次點了大的辣椒螃蟹配炸刀切小饅頭、黃金焗螃蟹、淮山杞子鮮螺頭湯、還有另外在加的炸饅頭。很地道！很正宗！辣椒炒蟹跟新加坡一樣醬汁是一碗的～很香很惹味 醬汁吃起來就像辣的番茄炒蛋的感覺醬跟炸饅頭搭起來就是絕配 所以就額外加了二次炸饅頭超脆超熱 外脆內軟 非常的棒！螃蟹很大隻 肉很多很厚很肥 很邪惡～這個很明顯就是鹹蛋黃炒蟹這個味道真的很香 但吃來比辣椒炒蟹弱了點而且炒的很乾身 這個我朋友超推的 蛋黃也很多吃這麼多重口味的 要解一下膩點個淮山杞子鮮螺頭湯滋補一下～很鮮甜 而且很夠湯料 有我很喜歡的雞腳 熬的很軟熟一鍋的份量 每人喝了共三碗～

樂天經典是日同流星雨倆個拍拖更二人世界玩完之後醫肚今次試既係樂天經典未睇menu 之前仲以為食上海菜🙈原來樂天經典係食南洋菜的大家唔好搞錯喇🤣我地點左三餸一飯頭盤係櫻花蝦四季豆無諗過佢將d蝦炸到好似蝦片咁脆四季豆又爽口多汁👍🏻之後係菜香鐵板豆腐老係流星雨最愛一味餸因為外皮脆卜卜入面d豆腐又好香滑配埋菜心肉碎特製嘅醬汁簡直係絕配加上係鐵板上所以一路都keep住個溫度讚👍🏻香酥南乳五花肉南乳香味好濃好突出五花肉肥瘦平均👍🏻海鮮皇炒飯D飯都炒到粒粒分明又有流星雨中意既帶子蟹籽所以食唔停口😂👍🏻最後甜品時間三色桂花斑蘭糕將 斑蘭糕 椰汁糕 桂花糕三款唔同口味既糕點融合拼在一起成件事好夾👍🏻楊枝甘露一貫的經典為呢餐劃下完美句點🌟整體來說值得推介 食經典家常小菜一定要試 下次我都要帶埋老公一齊去 可以食多d餸😛

（樂天經典)是新加坡大型中式飲食集團其下品牌之一，主打南洋風味的中菜，以新派現代手法主理經典的中式菜式。其在九龍區的分店比較多，是晚和友人到訪其大角咀奥海城分店。臘味炒飯(中份$138)，選用陳米是炒飯的必要條件，即是用隔夜米炒，此舉可使每粒飯粒得以保持乾燥乾爽去掉淨餘水份濕氣。而配料則加入臘腸粒、蛋片等提鮮提味，後放入特製醬油作結，聞着有濃郁醬油、臘味油香。家鄉滷元蹄$168，元蹄份量頗多，湯汁味特出非常有滷香，能中和油膩感及去掉了元蹄自身的少許羶味。菜香鐵板豆腐(小份$108)，鐵板豆腐比般豆腐更滿豆香，豆腐外則微脆微焦，內則濕潤滑溜，芡汁有大量豬肉碎醬，非常惹味。酸甘香茅凍$36，成分包括有青檸薄荷葉及糖漿混入香茅果凍，味道酸酸甜甜，清新怡人，是summer vibes！是絕對的南洋風味！

樂天經典 網址: 地址: 大角咀海庭道18號奧海城二期UG樓UG09號舖電話: 21770760同樂天皇朝屬同一飲食，之前同屋企人來食過晚飯，出品有水準，大碟抵食。以星馬菜主打碟頭大又抵食,晚晚都門庭若市 金銀蛋上湯沉時蔬 醃製過架鹹蛋皮蛋 食落風味獨特，那口湯有鹹蛋味 菜吸了湯非常入味鹹蛋馬蹄肉餅$75 6瘦4肥，打到好彈又唔會乾柴，肉餅要有適量肥肉才juicy 娘野咖哩雞。甜的，雞肉塊好嫩，咖喱汁直接喝也可以青芥未蝦球，彈牙有致，有蝦子同奇亞子在上面，開胃有趣醬是mayo 加了wasabi甜酸而不太攻鼻又是酸甜的一道前菜，有四季豆，茄子，蜜豆同秋葵，全都爽口

近來有太多事件，很快的在商場吃一個晚餐，然後看一看這商場舉行之畢加索會議*很有意思呢。古法蒸黃花魚一個古法蒸魚，這店子蒸了出來的魚鮮香濃郁、肉質細嫩，值得一吃呢沙拉骨沙拉骨這個名字看似是西餐，但卻是一道大排檔熱門的中式小菜。這店子的比起一般的炸排骨，拌入沙律汁之後，增添一份美味～排骨以酥炸方式煎炸至金黃色，很好吃，將醬汁與經過酥炸的排骨拌勻，醬汁美味的掛在肉排。刈包刈包相傳是三國時代的張飛，以刀割饅頭夾肉食用而美名，好吃的因此要叫，朋友最喜歡吃這一個，可以自行製作。咬一口，白白扁扁像是饅頭的餅皮夾著滷透了的五花肉，享受一下。西蘭花非常入味呢，這個也是棒～胡椒豬肚湯「胡椒豬肚湯」在冬天是一件好東西，便會聯想到驅寒和暖胃，看到店內非常多人也叫了一份來飲。豬肚的味道很好而且營養價值又高，有人說女性懷孕後的飲食就更需要注意了，其實孕婦也是可以吃豬肚的，而且好處還很多，能夠起到滋補，驅寒豬肚配搭白果一起煮湯，有健脾開胃、滋陰補腎、去濕去腫，還有潤肺止咳、除痰的功效。煲好的肚新鮮，煲內可分到５大碗，胡椒有辛辣活血的作用，吃飽感覺非常暖。快樂的一天，來自簡單的東西

樂天皇朝又好，樂天經典也好，都係近年在港相當出色既餐廳，以合理價錢提供美味而看似高貴既上海/南洋菜，當然，金壁輝煌既裝潢都係一大賣點，請客請朋友食飯黎講都唔輸蝕。以商場舖，以及呢個咁靚既裝潢黎計，食物價錢出奇地唔貴，大部份食物都有分「大/中/細 」三個份量，不論人多人少都可照顧到，收費相當透明。藥材走地雞湯 ($178): 湯料有鮮雞、玉竹、當歸、杞子、淮山、甘草、北耆、排骨等等，足足用上半隻鮮雞及不同湯料燉製，濃郁而鮮味十足，帶微藥材及當歸香，感覺滋補，冬天飲都幾暖胃，四人享用每人約分到1.5-2碗。招牌扣肉包 ($26@): $26呢個價錢真心值得一試，汁煮扣肉非常厚切，肥瘦比例適中，燜至十分軟腍入味，肉汁豐富亦唔會感到乾/鞋口，加埋夾餅、菜芯及芫茜食，非常impressive！臘味炒飯 ($138/中): 冬天食下臘味又真係幾應節，炒飯口味較濃，醬油味較重，加左大量臘腸及冬菇等料，非常香口惹味，同行友人都好鍾意食，估唔到大家最鍾意食既竟然係炒飯。酸甘香茅凍 ($36): 香茅果凍加左糖漿、青檸、薄荷葉及亞麻籽，味道香甜及微酸，帶香茅、青檸香，非常清新refreshing，好食得黎

樂天經典同樂天皇朝菜式路線唔同 南洋風格煮出中菜新加坡菜喇沙大蝦粉絲煲 有五大只蝦 我expect係乾炒 但原來係喇沙湯粉絲入味 大蝦煮得過火可能泡係湯太耐 肉質有d霉 大蝦燒豆腐炸豆腐加上爽彈大蝦炆煮 嫩滑豆腐好入味 葱爆生魚片魚片好厚 分量幾多 好香姜葱味道除去魚腥味道色香味俱全 樂天海龍皇炒飯顔色偏白 味道好清淡 配料有鷄蛋 蟹子帶子同蝦仁 飯軟硬度適中-Yum: 🤙🏻🤙🏻🤙🏻/5Revisit:😉😉😉/5Price: $250/head————————————————💡 樂天經典 (大角咀)大角咀海庭道18號奧海城二期UG樓UG09號舖————————————————

話說之前都食過樂天皇朝，對於佢嘅上海菜感到非常之滿意，亦都好想encore，所以今次我哋就搞搞新意思，去樂天另一間嘅食店，樂天經典。當日閒日夜晚七點半左右到奧海城分店，已經要等位，都真係幾旺場。鋪頭入邊嘅環境非常企理，座位都好寬闊，而且佢嘅座位有少少似西餐，會有好多方枱嘅。呢度食物嘅種類非常多，我哋兩個人食咗四個主菜再加一個甜品，真係真係好飽。酥炸豬肉蝦棗。呢味餸係今次所有主菜入邊最特別嘅一種，而且性價比非常高，加埋有成七大嚿。值得一讚係炸皮非常鬆脆。而豬肉蝦棗就好似一粒肉丸噉樣，咬開你好清楚見到有蝦肉，有種似外脆內軟嘅感覺。花菇雲耳蒸生魚片。老實講我平時都真係少食魚，但係今次呢個魚片我就食咗好多，因為啲魚真係好滑，而且佢岩我啲懶人就係冇骨嘅。再加上啲冬菇雲耳等等，真係有種翻咗屋企食飯嘅感覺。金銀蛋時蔬。呢個亦都係餐廳嘅推薦菜。金銀蛋都十分足料，上湯嘅甜味都好適中，用嚟送飯一流。咕嚕肉。我比較欣賞呢度嘅咕嚕肉，唔會話太甜或者太酸，非常惹味開胃，而且佢變左類似肉丸嘅形式，完全冇肥膩嘅感覺，值得推介。椰汁班蘭桂花糕。呢個桂花糕分咗三層，層次分明。雅樂好嘅時候桂花味都好突出，都係推介嘅甜品。

一直對樂天王朝集團嘅中菜都好有信心上次喺青衣城食過之後都一直想再食咁啱原來發現奧海城都有佢嘅分店不過呢間就叫樂天經典睇落似主要食小菜今次所有嘅小菜都好滿意就等我重點講幾樣啦其中一樣覺得好值得推介嘅係西蘭花扣海參見到啲花菇同埋海參已經覺得值回票價咁大隻嘅花菇價錢一啲都唔平另外啲海參識落係好爽口一啲苦味都冇㗎所以連我唔係好鍾意食海參嘅都食咗好多舊啲西蘭花都好林平時我最怕食硬骨骨嘅西蘭花另外每日燉湯都好足料好出味本身好似有豬肚湯不過可惜賣晒啦好彩呢個都唔錯足料之餘仲飲到淡淡的瑤柱味道最重要嘅係佢啲湯好夠熱㗎另外我哋仲叫咗一個排骨米線同埋海鮮米線米線同我哋平時食開嘅唔同係新加坡米線湯底方面都覺得幾清甜排骨上面有好多炸蒜 正啲排骨都好鬆化唔錯唔錯！另外仲帶咗一個菜香鐵板豆腐呢個送飯一流大家下次可以試吓