「乐天经典」位于奥海城二期，环境开扬舒服，主打新加坡同马来西风味菜式，价钱合理之余，份量都几足料！今次同朋友试咗佢哋嘅二人餐，再加咗几款招牌菜，整体水准唔错，值得同大家分享～✨✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🥢星马金砖豆腐呢道金砖豆腐外脆内软，炸得金黄香口，一咬落去豆腐嘅嫩滑即刻涌出嚟！表面洒咗少少椒盐同香料，带出微微嘅星马风味，点埋甜辣酱一齐食，更加开胃。虽然系前菜，但系份量都几大方，两个人食刚刚好，唔会太滞。豆腐控必试！👍🥢星洲黑胡椒蟹（小）黑胡椒蟹系今餐嘅亮点之一！蟹肉鲜甜，酱汁浓郁得嚟唔会太辣，黑胡椒嘅香气完全渗入蟹肉里面，惹味十足！虽然系细份，但蟹件都几多，啖啖肉食得好满足。酱汁捞饭真系一流，如果钟意重口味嘅朋友，一定会爱上！🥢姜葱爆生鱼片（小）鱼片切得厚薄适中，炒得刚刚熟，口感滑溜得嚟带点弹牙。姜葱嘅香气完全爆咗出嚟，酱汁较浓郁咸左少少，鱼肉爽弹🥢虾味鱼子虾球炒饭（小）炒饭炒得干身唔油，饭粒分明，虾味同鱼子嘅鲜香完美融合，每一啖都食到虾球嘅弹牙同鱼子嘅爆脆口感！如果镬气重啲会更好，虽然系细份，但两个人分享都够饱🥢招牌酱甘香茅冻甜品方面，香茅冻系冰粉制作，清新得嚟带微微甘香，口感滑溜，食完浓味菜式之后嚟一碗，真系解腻一流！酱汁带少少甜，同香茅嘅清香好夹，唧埋青柠汁更解腻，作为一餐嘅结尾，非常圆满🥢$1 新加坡海南鸡（半只）优惠价$1就食到半只海南鸡，真系抵到烂！鸡肉嫩滑，鸡皮爽口，蘸埋佢哋特制嘅酱油同姜蓉同辣酱，味道更加提升。虽然系优惠菜，但质素一啲都唔马虎又大碟，仲要有鸡髀🥰绝对系必点之选！🥢柠檬姜米水（冻/热）柠檬姜米水清新解渴，甜度适中，冻饮爽口，热饮暖胃，去湿一流✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫✍🏻总评：加🔟服务费：✅👭🏻推荐指数：🌕🌕🌕🌕🌘👭🏻回头指数：🌕🌕🌕🌕🌘👭🏻环境评分：🌕🌕🌕🌕🌘👭🏻服务评分：🌕🌕🌕🌕🌕💰人均消费：$370🗺️ 地址：大角咀海庭道18号奥海城二期UG楼UG09号舖#乐天经典 #奥海城美食 #星马菜 #香港食好西 #抵食二人餐 #镬气小炒 #海南鸡 #优惠 #套餐 …Read More
