樂天經典 (奧海城二期)

营业中

休息中

尋日響奧海城附近聽完講座，同朋友仔響奧海城搵食。由於六點多就去到，所以即時入坐個人最愛中菜，而呢度就做粵菜，開正我嗰凡最後兩個人叫左四個餸菜，呢度有個好處，就係好多款菜式都分左大、中、細三個size，我地兩個人，當然全部要「細」size喇！四個菜式包括.......鐵板肉碎豆腐其實佢味道唔錯，不過一心覺得「鐵板」應該要熱騰騰，出晒煙咁，但佢實在太冷靜了荔枝古魯肉，呢個麻麻地，啲肉感覺好假臘味炒飯，如果熱返啲，應該會更好食金銀蛋浸莧菜今晚我最喜呢個，但都係衰在唔夠熱其實尋晚個場一半枱都開唔到，但幾個餸菜都係半暖半冷咁，其實味道真係唔差，如果夠熱辣辣，真係會好好多好多呢！感覺係煮好後，等左好耐先上菜囉！

食過好味嘅食物係需要再去食睇下水準有冇改變， 今日再去樂天經典大致上都係叫番同上次差唔多嘅食物咁先考到佢牌😏 繼續佢個招牌扣肉包水準沒變依然好味👍跟住叫咗一個荔枝咕嚕肉今次第一次叫，酸酸甜甜好醒胃醬汁嘅比例非常之平衡唔會好鹹亦都唔會好酸，醃排骨亦都唔係好韌，有下次當然佢個招牌焗蟹就一定要再點一次， 冇乜新意嘅我又係選擇黃金焗蟹，鮮甜嘅蟹肉配上鹹蛋黃嘅香味水準依然係正 而且佢今次仲新推出咗個優惠， 每食一隻蟹就給一個印仔食滿五次就半價優惠 食滿十次就送一隻蟹作為無飯家庭湯水一定係唔夠，所以我哋就點咗一個乾貝菜膽燉竹笙燉湯，再加上近排天氣乾燥所以飲過湯水潤下不過唔係樣樣都讚，今日食過臘味炒飯就鹹咗少少要改善一下但係整體來說係好味嘅

朋友帶我去試新野，本身以為呢間系食上海菜，來到見到餐牌發覺菜式都幾家常便飯feel 。 不過就混入左其他風味，咩都有d 咁。兩個人叫左四道菜，分量都唔細。圖1 唔記得叫咩名，四款菜混合一齊炒，都幾濃味下，清淡派可以略過圖2 酸辣湯+干貝菜膽燉湯酸辣湯都幾足料，不過比出面既要辣。菜膽湯好清甜，無味精，唔錯。圖3 招牌扣肉包好似台灣刈包，肉醃到好入味，肥瘦適中，我最怕食肥肉，但係呢個真係入口軟得來有唔覺肥膩，值得試下。圖4 古早老鼠粉其實就系銀針粉, 食之前有專人幫你加檸檬汁既物體，攪到個粉有小小酸味，個人覺得呢個味道同煲粉唔系幾夾，下次可以唔好放或者試左先好放。呢煲粉真係好大份，我地叫左個s 都食唔曬，食左一半only.完。

話說去開奧海城行街街行到唔知時候了原來已經15:00啦好肚餓啊即刻係附近覓食見到呢間餐廳環境寬敞又有下午茶半價馬上試試吧我叫左個海鮮喇沙米線嘩...超級大碗啊！係一人份喎當堂嚇一跳，然後唔識笑😂🙊首先講個湯，好香濃，不太辣，雖然略嫌斑蘭葉味不夠，但厚厚的魚塊及彈牙的蝦仁，整體係唔錯的，真心抵食👍🏻由於太大碗，最終都吃不完，莫非我細食左😬另外一讚就係普洱茶好香醇已入口！

昨日兩公婆已經到奧海城二期尋找美食, 一間叫做樂天經典嘅餐廳睇下你有幾咁經典, 我哋點樣個佢招牌嘅鞋黃金焗蟹, 都係嗰句海鮮照新鮮點煮都好味所以唔特別評論佢都有真係幾好味 我仲叫咗一個腐乳通菜味道都唔差 跟住叫咗個三色蒸水蛋同埋臘味炒飯味道都唔錯, 不過最特別係佢個經典扣肉包, 十分肥膩嘅扣肉配上香軟嘅麵包簡直天衣無縫 不過招牌及包呢個名我覺得唔係好貼切, 我提議不如改佢係中國人食嘅漢堡包 再加上佢哋窩心嘅服務 說一定會再有下次,

本月有家人生日，我們訂左樂天集團的樂天經典慶祝，網上訂個陣係得8點和9點揀揀，打電話詢問可不可以8點半，職員說可以，真幸運。食樂天經典的時候正值中秋節，如果冇訂位相信要等好耐，門口的人龍都幾長下，我們8個人被安排左坐小圓檯，但餸菜太多放不下，樂天經典的職員主動提出換一張大圓檯比我們，十分感謝。一坐下，就有開胃小吃，有栗子同花生，栗子好淋淋，岩哂老人家食酥炸蝦棗呢個入面有芋頭，又係好粉，出面個皮都脆，外脆內軟炒飯覺得麻麻地，但好肚餓，所以都好快食哂燒雞好食！一上燒雞的時候仲熱到燙親隻手😂色澤係金黃色，咬開個陣都有熱辣辣的雞油流出黎，雞肉都好滑招牌扣肉包一份有四件，好淋，一咬就開，大大舊肥肉連埋包夾住一齊食，冇甘漏呢個南乳煲，喜歡咸的人可以叫呢個，不太適合我豬頸肉我喜歡佢好薄，唔駛咬好耐就吞到推介雞翼！！！好好味，雞肉好滑好入味胡椒蟹，蟹肉飽滿，食肆已經扑碎左個殻，方便我們食，基本上不用再用鉗，胡椒味都重麵同飯一樣麻麻地，小菜比較推薦黃金蟹，個人覺得黃金味不夠之後我們食蛋糕，樂天經典不會收切餅費，我們食到十點，都沒有趕我們走，服務態度都好好

見到佢話五點前半價又咁啱肚餓咪當食下一個好早嘅晚餐，半價後嘅性價比真係好高！佢嘅前菜花生好甜，其實諗緊下次係咪可以唔要。楊州炒飯都幾大碟，足料，有鑊氣。海鮮喇沙個湯底都幾有水準，同埋好多料。冇骨嘅魚肉好多肉好好食，大蝦都好彈牙好新鮮。依碗海鮮米線湯就會見到同海鮮喇沙差唔多嘅料，唔同嘅只係多咗啲豆腐同埋菇，我真係好欣賞啲魚塊！我覺得依間餐廳最好嘅地方係就算係半價嘅優惠時段，佢哋嘅食物質素同埋份量都係同正常一樣，因為其實之前我都有食過，嗰陣時未有半價優惠，我記得嗰陣時嘅海鮮喇沙同埋海鮮米線湯都係差唔多。買單嘅時候每款都係差唔多$50有找，茶餐廳價錢，食物質素又好過茶餐廳，夫復何求。其實我見到佢甜品都有半價優惠，不過食到好飽啦唔使再嗌啦。小菜嗰啲就冇優惠了。總括嚟講，呢度食下粥粉面飯同埋甜品半價真係一流！

下午接近三點，還未吃午飯，走過這食店，看到有下午茶供應，價錢合理，一於入內吃下午茶當作午餐。海鮮米線湯（無辣）：湯頭味道很好，米線軟硬適中，配料豐富，有蝦、魚肉、蟹柳、豆腐、紫菜、雲耳和蕃茄等，很好吃。荔枝咕嚕肉（連白飯）：咕嚕肉不肥膩，而且份量多，醬汁酸酸甜甜的， 十分惹味，還有白洋蔥、紫洋蔥、青椒、黃椒、紅椒和菠蘿等配菜，也很好吃。蝦醬雞中翅（兩隻）：皮脆肉嫩，有淡淡蝦醬香味，非常好吃。冰檸檬薏米水：不太甜，可惜不夠冰凍。這兒環境好，服務也不錯，這下午茶雖然要加10%的服務費，也算是物有所值的了。

呢間樂天經典真係夠晒經典，星期六日午餐到下午茶時間都係主餐牌內粉麵飯半價！呢度環境舒適地方闊落，仲可以嘆番壺茶，所以我同老公都好鍾意黎！今次我哋叫咗一個楊州炒飯同埋豆腐滑雞米線！坐低點壺香片，水滾茶靚， 仲有碟小食係炆花生栗子，熱辣辣好好味㗎！呢度嘅炒粉麵飯有大中細唔同size，一碟細炒飯已經可以食飽我老公！炒飯有叉燒粒、蝦、蛋、蔥等材料，飯炒得粒粒分明，唔會太油。 而我點既滑雞米線亦都唔遜色，好大嘅一湯碗，有時我自己都會食唔晒，餐牌冇寫明，但我估湯底係魚湯嚟嘅，帶點鮮甜味道，雞肉非常嫩滑，加埋豆腐粒，紫菜同冬菇絲，有各種唔同口感，食得豐富但又唔肥膩，啱晒追求食得健康嘅女士！而我最鍾意嘅就係有壺茶放枱面，得閒嘅可以慢慢坐，繼續飲茶傾計，唔會有人趕你，侍應態度都唔錯，落單、加茶、埋單反應都快，我哋一定會keep住黎！！

本身入到黎睇到個餐牌見到都係一般中菜都無咩特別期望但估唔到佢嘅魚香茄子煲同埋酸甜鱸魚片都做得好入味而且佢有Size揀，我哋一行四人每款菜都係揀咗細Size都已經好夠食！比想象中好好多！

I and my friend passed by and saw the promotion of 50% discount for rice and noodle dishes! What a saver! The Thai Vermicelli with Seafood is such a surprise! The seafood flavour is so intense! The small portion is very enough for 1-2 person! The Seafood Laksa is good too. I appreciate the use of fish meat instead of fish cake as the ingredient. Moreover, the soup is hot and slightly spicy, really is the perfected flavour of Hongkongese!

平日唔駛等位。場內枱與枱都幾貼。比較嘈。坐低叫完茶侍應就遞上前菜。花生煮得夠粉夠入味。栗子就微甜。味道唔錯。餐廳有一個特色就係菜式有分大中細。原意當然係方便多少人都可以叫菜。不過其實都完全冇概念大中細即係有幾多。一係就下下問侍應。但其實侍應都好難答到哂。😵不過當日侍應好耐心解答。值得一讚。叫左金銀蛋菠菜。金銀蛋好多下。個湯都十分濃。不過湯下其實好少菜。成舊水真係有啲貴。芥末蝦球。蝦都大隻爽口。不過個汁未算出色。都係普通芥末加沙律醬味。海鮮炒飯走左蔥之後賣相比較單調。仲用左好大隻碟裝住得半隻碟嘅飯。不過炒飯炒得都算幾香。料亦都夠。三杯牛肉煲有驚喜。原本係鴕鳥肉。冇貨所以轉左牛。個煲有好多炸薑片。連埋牛肉食十分惹味。蝦醬雞翼。炸完又脆又熱。不過覺得味道偏咸。

好耐無同舊朋友聚一聚我地肯定有排傾計，黎到咗呢間食粵菜的餐廳。環境好舒適的，裝修精緻，座位也比較寬敞，非常適合聚餐的好地方。呢個黃金鹹蛋蝦球賣相真係好靚整得鹹、香、酥，好濃鹹蛋味之餘，又仲食到蝦既鮮味同彈性，係我最滿意既一道菜！藥材燉走地雞湯一大煲，四五個人飲都夠。 湯水係滿到去煲蓋位置，份量好足。 雞肉燉到好嫩滑，連啲骨都燉到軟晒，輕輕一夾就已經可以夾開。 用咗好多玉竹同其他藥材去煲，甘味香甜，活血補氣。三杯鴕鳥肉 S size ($118)鴕鳥肉口感似牛肉，比牛肉更滑，更好味，雖然係S size，但份量都唔少，食極都仲有。整體賣相和味道都係滿分“正”！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

回想起對上一次去星加坡已經係3年前既事，偶爾都會掛住肉骨茶，亦後悔上次食唔到胡椒蟹。今日係奧海城行街，見到"樂天經典"，一間食新加坡菜式既餐廳。店內裝修好似酒樓，門口以卡位為主，內裡就係大枱，可以多d人坐。我同朋友兩個人，只點左3個菜式。先來令我朝思暮想既星洲黑胡椒蟹:我地叫左中size，大約750g，盛惠$368，講真唔算太貴。蟹鉗既肉好大舊，肉質雪白紮實食落非常鮮甜陣牙，唔會霉。黑胡椒惹味，唔會過辣，如果加碗白飯撈黎食就正！ 只可惜蟹蓋冇乜蟹膏。下一道就係招牌扣肉包。以軟熟既"扁"白饅頭夾上厚切五花扣肉，厚厚既脂肪邊滲出陣陣油香，瘦肉則非常有嚼勁，我就夾埋生菜落去一齊食，消除油膩感。最後一道係我從未見過既古早魚香老鼠粉煲。原來老鼠粉即係我地既銀針粉，加上不同材料，如椰菜花、蝦仁、冬菇片去煲成羹，口感順滑。上枱前侍應會幫手加入鹹魚蓉&蛋黃，擠埋檸檬汁，撈勻就完成一煲熱勝勝，味道濃郁，酸酸甜甜咸咸地既佳餚。

上兩星期第一次去試，由於感冒未試真，今次約埋為食仔三個人再試一次由於經常無位，記得要預先book枱前菜海蜇頭，夠爽，有少少辣少少酸，開胃小食白胡椒豬肚杏仁湯， 好夠味呀。一煲三個人分可以有六碗。杏仁味又夠香，白胡椒又夠辣。 而且夠老火，啱曬為食仔口味。麥皮蝦球，粒粒有拳頭咁大， 甜甜地又鹹鹹地，係蝦球有啲過咗小小火喉，但係整體嚟講係好食嘅呢個好似叫做海鮮豆腐呀，其實應該係叫嗰個廚師推介鐵板豆腐會好食啲囉，呢個就太過簡單冇乜特別牛油雞翼，細碟都有八隻，夠曬三個人食。熱辣辣上枱，夠脆夠香口，可以encore。誠意推介黑胡椒炒蟹，呢份係中份，三至四人份量， 蟹蓋唔算多膏，不過黑胡椒好夠味，肉又夠嫩。馬拉盞炒通菜，又係略甜，少少怪，唔推介炒貴刁 麻麻地，個粉唔夠滑椰汁西米湯圓糖水，幾好味，不過怕甜的就唔好叫咯仲有，最重要係兩次都無話限時交枱，可以慢慢歎住食