樂天皇朝 (青衣城1)

营业中

休息中

TGIF!!完全忙到崩潰呀今個星期，終於都搞掂左個大project🥲可以有個安樂茶飯食啦.📍樂天皇朝.🥢原味小籠包 ($$98/10pcs) - 必食🤤咬落去爆哂肉汁呀!!趁熱食好正~🐷外婆紅燒肉 ($92) - 層次分明嘅腩肉😍望落好似好肥，但放入口又唔會好油膩喎!!醬汁甜甜的~送飯一流🥟重慶紅油鮮蝦抄手 ($72) - 唔算辣嘅抄手~有蝦更鮮😌🥣雪菜咸肉炒年糕 ($85) - 最鍾意食炒年糕🥰今次揀左比較清淡嘅雪菜咸肉炒~煙韌控一定鍾意食!🙋🏻‍♀️🍖沙拉排骨 ($92) - 勁厚肉嘅排骨juicy又惹味~配埋沙拉醬好出色👍🏻🥕蘿蔔絲酥餅 ($42) - 熱辣辣又酥脆嘅蘿蔔絲酥餅勁多餡!!全部都係清甜蘿蔔絲~唔會過咸味道唔錯

細佬考車1take pass老豆話請食飯原本諗住出旺角荃灣食，一諗到冇book位，又星期日就留返係青衣城食！一等就半個鐘…食物彩色小籠包 - 必食！我2個仔都勁鐘意食，佢每款仲可以叫6粒/10粒，我哋叫左原味同蟹粉小籠包2個小朋友鐘意原味！蟹粉就濃味岩大人食佢真係皮薄同有湯係入面！再加上佢個醋真係好食😋不過我都係覺得唔落醋會食到個原味炸饅頭 - 必食外脆內軟😍小朋友都1人食咗1個。呢個好快上，食住呢個頂住先擔擔麵 - 必食呢個真心辣嘅，不過呀爸呀媽就話唔辣不過佢真心好食，指標係:哥哥仔都食咗2碗，當然只係俾少少湯，其他湯就係用另外一碗扣肉拉麵清湯超級香嘅花生味我哋encore 多一碗生煎包呢個煎到個底好脆！同埋包入面仲有肉汁鎖住😍哥哥弟弟各食1個超好食！餐牌服務等左大半個鐘先入到去，入到去原本坐卡位…然後知客姐姐見我哋有2個小朋友，又咁啱有張圓枱走，就即刻問我哋轉唔轉枱？因為黎緊有大枱客都係大人，咁我哋就轉圓枱方便照顧！仲有擺定bb櫈俾我哋弟弟有得自己坐，食嘢都大個仔咁款環境地方都好大，雖然人多，個行人走廊都好闊落！仲有大玻璃睇到師傅整野，地方光猛又乾淨。另外等位期間都有櫈坐下…或者一

好耐無食上海野啦😍可以食到最愛的小籠包就最開心啦一切盡在樂天皇朝七色小籠包更加係佢哋呢度嘅主打因為有唔同嘅口味👍🏻👍🏻首先叫咗佢哋呢度嘅海蜇醬汁都有啲濃 但係勝在夠份量之後當然要嗌小籠包 肉汁夠晒 皮薄餡靚 真係要小心啲食如果唔係好易辣親咀仔加埋薑絲同埋醋 正正符合我口味菜肉雲吞拉麵 表面仲灑上香蔥 呢度啲師傅好專業 打面可以打到一條條非常鮮明 仲有餃子🥟同鍋貼 餃子皮好厚 經過香煎 口感更香呢度仲有好多甜品我揀咗一碗芝麻薑汁湯圓 係凍冰冰嘅冬天 食返一碗確實暖心

樂天皇朝令人印象最深刻就係佢七彩顏色既小籠包，不過今次兩個人食唔到咁多件，於是叫左六件原味既小籠包。小籠包好快就上菜，要趁熱食，夾起要慢慢夾，怕穿，啲湯汁就浪費晒，啲小籠包都無令人失望，超多肉汁，個皮超薄。另外，好多小菜都好吸引，冷盤叫左個陳皮牛肉，份量都幾多，同埋幾嫩，做頭盤都幾開胃。個炸饅頭食上海菜一定要叫，本身寫住係小饅頭，以為好細個，點知好大舊，食一個已經好滿足，一定要沾練奶食。主菜叫左楊州炒飯，看似簡單，但炒到粒粒飯香好有屋企味道。

今日喺青衣肚餓嘅時候想食小籠包，見到樂天王朝嘅八色小籠包好吸引，之前一路都好想試但係都未有機會，見今日冇乜人排隊就決定入去食😚八色皇朝小籠包 $118八色小籠包顧名思義有八隻唔同顏色唔同味道嘅小籠包‼️分別有原味、精溜絲瓜、蒜香🧄黑松露、芝士、鵝肝、蟹粉味和川味。但係黑松露同埋鵝肝嚟到非常之特別日子，第一次食呢兩隻味嘅小籠包，分別都好香黑松露同埋鵝肝醬嘅口味😚紅油抄手拌麵 $68除咗小籠包，都好鍾意食紅油炒手，我哋叫咗個紅油炒手拌麵，面底係用上海粗面上海生煎包 $42 熱辣辣食生煎包，滅開個包嘅時候入面有好多豬肉汁流出來，非常香😚無錫鮮肉鍋貼 $40鍋貼都剪到非常脆皮，三隻煎餃每隻煎餃都好大隻，又係煎到脆香外皮，都幾好食🥴炸饅頭 $28炸小饅頭係粥鋪成日食的，今次見到都有叫到，一份三個炸到金黃色😆炸饅頭要趁熱食，第一啖咬後非常軟熟😙

去完disney, 出返黎青衣城食dinner。丫妹記起早前食過樂天皇朝嘅小籠包, 又想encore, 見價錢唔貴, 當然唔洗多考慮入去食啦。餐廳座位闊落企理, 有一大玻璃廚窗, 望入去會見到廚師製作小籠包過程,入座後店員隨即送上熱茶、小食 (花生好林, 甜甜地)自行click order落單, 樂天皇朝以小籠包做招來, 當然要order!【原味小籠包 (6pcs)】HK$62小籠包即叫即整, 小籠包皮薄, 輕輕咬開, 熱辣辣鮮味湯汁湧出, 豬肉餡料juicy又有鮮肉香, 好味!【上海生煎包】HK$42生煎包包底金黃香脆, 包很軟熟, 內側索咗豬肉餡料嘅湯汁, 同樣餡料有鮮肉香, 不錯。【蝦仁酸辣湯拉麵】HK$68拉麵很實淨, 食之前要用少少力揚開, 麵質林, 湯底黏滑易掛湯, 酸辣平均, 有大量配料例如豆腐絲、東菇絲、竹荀絲等...很有層次, 惹味開胃。【京味炸醬拉麵】HK$65拉麵同樣實淨, 炸醬汁很杰, 有大量肉碎, 撈起後每條麵都能平均沾到汁, 整體好夠辣。

帶住小朋友去嘅餐廳。非常好唔使等位。味道不過不失。正常。唔會難食。亦都唔係超級好食。價錢小貴。但係帶住小朋友嘅選擇少之有少。食飯時間好多餐廳都要等位。呢間就唔使。會再去

去迪士尼經過青衣城，隨便找一家餐廳午餐，見樂天大把位行入來，點知超級中伏。食物嚴重貨不對版，幹煸四季豆超級咸，東坡肉好柴難以入口。豆沙鍋餅豆沙餡非常少，但面根本未發起，一d香脆的感覺都冇。甜品豆沙鍋餅竟然先上，見到d色好怪，問職員點解同幅圖差咁遠？答我圖片僅供參考。幹煸四季豆咸到死，同職員反映，叫佢哋試試味道，好冇禮貌同我講，同我退單。叫左買單5分鐘，有人應機後又好似冇左件事，繼續等。尼d鋪頭衹能講：早日關~門~大~吉。

下午茶食咩好？妹妹提議去食小籠包，於是就去咗樂天皇朝！去到門口都好多人等位。😬1. 原味小籠包：江南地區的著名點心，呢間出品的小籠包，外皮厚薄適中，包頂位置不會太厚，外皮皺褶工整。餡料用新鮮豬肉製，有肉的鮮味，質感鬆化有咬口。入邊的湯汁唔太油膩，有肉的鮮甜味。 2. 炸饅頭: 色澤金黃，外脆內軟，好好食，沾煉奶一起吃就好完美了😋3. 鮮蝦雲吞拉麵： 我每次必點，因為覺得佢手工拉麵好好食，咀嚼在口中很好彈牙，而且食到小麥的香味。雲吞大大粒，見到非常有食慾⋯⋯下午茶時段，前菜，點心，拉麵半價，非常抵食

之前已經光顧過幾次，但一直未有時間寫食評，今日去的時候門口已經要排隊，但幸好等了十分鐘到就有位食物一如既往的好食，特別是每次去都必點的麻醬油麥菜同八色小籠包，油麥菜爽口，有點像吃沙律的感覺，非常清新的一道涼菜，另外八色小籠包都保持到水準，只係綠色的個粒換左口味無以前個個人參味咁出色，而家仲有個新出的貓山王榴連小籠包，開頭以為味道會好奇怪但另一半好鍾意食榴連同嗌八色小籠包加三十八蚊可以點一客就加左一客試下，結果出奇地有驚喜，味道係一種適中甜度的甜品，連平時吾係點食榴連的我都覺得完全接受到，期待會有其他特別的新口味推出員工服務態度亦十分友善，可能人手有點不足，有時需要等一下先嗌到員工幫手，但態度都係吾錯的，唯一建議係門口可以加一部比客人拎飛的機會較好，因為門外只有一個員工接待，仲要收錢同包外賣，多人時有人客拎位都等得比較耐

今日唔係叫咗好多嘢，我哋叫咗三樣嘢，一碟薺菜黃魚春卷，魚肉比較少，但係個春卷皮都脆既，另外叫左桃膠紅棗桂魚湯，其實糸甜品，都OK嘅唔太差，再叫咗個雪菜王魚煨麵，肉質唔錯，個面亦都好彈牙

第一次光顧這店，非常失望。一向喜愛食嘅松子桂魚，當然會點這道菜，可惜不單止份量得半條魚，而且吾夠熱。上海醬茶鴨入口感覺質地硬之外，有一種好似食臘鴨口感，而且只得圖中嗰六小嚿仲要擺放雜亂，好似未食前，先被厨所員工【打貓】。宮保腰果雞丁走辣又係微暖，八色小籠包每粒都非常小巧，比起其他上海菜館嘅小籠包size，可以用迷你裝嚟形容呢八色小籠包，皮硬餡料乾，係我食過人生幾十次小籠包之中最差嘅一次👎👎。在上海館食開嘅擔擔麵，一般都有豬肉碎放在麵上，可是這店沒有，而且麵都未有完全灼熟就上枱俾客人，麵非常之硬，就算夠牙力，都要令我出多幾分牙力咬多幾口先可以吞，否則消化不了。只得一道醉雞先稍為合格，嗰壼中國茶溫度又係唔夠暖。總結一下，每道菜份量都係小到無倫，食物唔夠熱，就算8月天氣熱，都唔能夠食物唔夠熱就送上枱，今晚整體食物給予分數係唔合格，侍應服務員完全沒有服務可言，埋單盛惠800蚊，呢個價錢完全唔值，以後都不會幫襯樂天皇朝。

今日嚟呢度食lunch食物味道覺得還可以但服務態度真係勁差，遞手遞到手軟都無人理，啲員工只低著頭對眼只望地下，要大聲嗌先叫做有反應。我有留意當時客人不算多，好啦！終於有人理我了，個茶壺已打開蓋超過10分鐘了，其實我只想加茶啫，該位員工過嚟攞走個茶壺去加茶，咁我順便將啲吉碟放响枱邊等佢返嚟順便收，佢攞茶壺返嚟見到啲吉碟即時黑我面啤住我，嘩！依家咩態度？我自己收去下欄車好無？到埋單時，老人家想用八達通付款，收銀既員工態度好差話：我哋無八達通，唔收八達通。無唔緊要既咪碌卡囉！態度有需要咁差？我嚟消費唔係欠你錢喎！

打電話落外賣單，他說沒有此項服務，沒有問題。再問他買外賣幾點截單，他說九點半前都可以落單買外賣，所以急忙去青衣城店想買外賣，九點十五分去到店裡，他說已經截單太過分了！ 沒有信譽的店舖。下單時間每日人不同？

樂天皇朝集團 好像是來自新加坡 在香港共有五間分店 大家都默認利舞臺廣場店是總店 記得我初次去 內裏的裝修令我歎為觀止 有光華燦爛的龍袍 宮庭燈飾與銅製蓮花 做出華麗的用膳環境 今天我去的是青衣城店 裝修雖然沒有那麼華麗 但將古代與現代的元素融合為一體 另有一番風味我是被門口那張海報吸引而來 點一份八色小籠包 加38元就可換六隻榴槤小籠包呢一行4大1小 越吃越興奮 最後竟點了12款 排第一名最好味的當然是八色小籠包 不同的顏色代表不同的味道 有原味 蒜香 蟹粉 芝士 川香 鵝肝 絲瓜 黑松露 各有特色榴槤小籠包 外表看皮像很厚 但吃時卻不覺 榴槤餡稠度適中 味道濃郁擂沙湯圓 熱辣辣的 麻蓉餡料非常香口擔擔麵 湯汁不是很辣 很香的花生醬及碎粒 麵質彈牙蒜泥白肉切得很薄 入口很軟滑 配上香蒜味辣的醬汁 口感一流 上海雲吞湯麵和水餃 相比之下水餃較好吃 餛飩湯麵一般 醉雞再入味一點會更好 沙拉骨的醬汁如果能夠全面覆蓋 就更完美 京蔥炒牛肉和豆沙鍋餅很普通 炸饅頭 小朋友很愛吃大家都吃得肚子鼓鼓的 超滿足的一餐😘