樂天皇朝 (東薈城名店倉)

营业中

休息中

行開東薈城2期同老婆，阿囡，老母食，真心同第一次(旺角)比，有少少既落差，但整體而言，都keep到個水準，服務員態度積極，抵讚8色小籠包今次無食，因為最好味係原味賽旁蟹亦唔錯，仲有個炒飯同炒麵，我個囡食完再encore... by the way, 食左幾次樂天，今次最好食既竟然係個油麥菜，唔老之餘仲非常爽口.......到尾聲飲個湯時，終於有啲低位，我老婆係湯怪，次次食都會叫佢個雞湯黎飲，但今次好似真係差左啲話晒新鋪，點都一定有水位進步結論 : 呢間野唔會令你失望

水煮牛肉，份量十足，辣得過癮，好食之選。不過，雪菜鹹肉炒年糕，年糕唔夠煙韌，有待改進。小籠包一貫水準，皮薄涵靚。不過價格略嫌貴咗啲，某些餸菜比較細碟，性價比一般。員工服務幾好，值得一讚。

難得入大嶼山，一班朋友行完山，當然要食番餐，嚟到東涌，行完outlet, 一致決定要食最出名的八色小籠包，永遠都唔會令人失望，皮薄又多汁，朋友們一致讚好，有機會一定要再食

俾樂天皇朝既8色小籠包既賣相吸引，再加上我一向鍾意食中菜，即刻就拉埋男朋友一齊黎試下。我地叫左兩碗湯，首先黎到既係清燉雞湯，幾好飲，清得黎有雞味！👍🏻再黎既係薺菜黃魚羹，呢個魚羹令人有少少失望，好重胡椒，應該係想用來蓋住腥味，但仍然飲到腥味。原味小籠包，多汁鮮美，個皮唔會太厚，非常推介！到非常吸睛既八色小籠包，店入面好有指示好貼心咁教我地食既時候順序應該係點，但可能個人唔係咁鍾意創新，都係覺得原味最好食。紅燒肉都唔錯，唔會太硬，層皮入口即溶👍🏻

As we got a bad experience in TKO restaurant before, its changed our mind in this time. Its not delicious in the signature food - Xiao lung bao. Overall, Taste of food is not bad but it should be improve the presents of each dishes. We would like to come again.

很正宗的上海菜 每一道都很好吃，彩色小笼包很好吃，很有特色一定要尝一下，店铺装修不错，中西合璧，比较清静，服务员态度很好，也很周到，唯一不足的是分量有点少，希望可以改进

醬鴨非常入味，花生好好食，小籠包多汁、肉味濃。招呼周到，值得再來。食物精緻、小巧，平時唔鍾意食炒年糕咁今日年糕又唔錯喎，梅子排骨細細粒，一口吃適合香港嘅女仔食咗唔怕肥。

今天剛好中午下飛機到東薈城。這家的口水雞很不錯，坐在戶外陽台，看到山跟海，風景非常好，不冷。天氣好的話一定要挑到外面坐。甜點，沒想到這家有我好久之前在北京吃過的路打滾，在香港就很難會找到。會再來👍🏼

坐位舒適，食物味道一流價錢合理，環境衛生服務員態度和藹東涌食物選擇不多，以為可給東涌人多一個選擇，環境不會太迫，不錯小籠包我們只點了原味及蟹粉，一百分上海炒年糕味道剛好坐位舒適，食物味道一流價錢合理，環境衛生服務員態度和藹東涌食物選擇不多，以為可給東涌人多一個選擇，環境不會太迫，不錯小籠包我們只點了原味及蟹粉，一百分上海炒年糕味道剛好坐位舒適，食物味道一流價錢合理，環境衛生服務員態度和藹東涌食物選擇不多，以為可給東涌人多一個選擇，環境不會太迫，不錯小籠包我們只點了原味及蟹粉，一百分上海炒年糕味道剛好

機場二號客運大樓 Terminal 2 的最後一天, 往客二瞻仰遺容後, 與機場朋友到東涌搵食。 東涌地膽朋友介紹我們吃這裏的水煮魚及豬骨湯年糕, 兩者皆頗為高質, 豬骨湯底十分濃郁!!

學如逆水行舟 不進則退，作廚亦如是。去了東涌找朋友食飯，商場大裝修，多咗一邊新翼。行入去多咗好多唔同嘅食肆，揀嚟揀去最終都去咗樂天王朝。兩人點了八色小龍包，油麥菜，咕嚕魚塊，水餃湯。四百幾蚊。八點多，唔洗等位嘅原因可能係價錢、可能係夜咗，可能係伏... 但食完我都覺得無下次了。首先，我之前去其他樂天王朝都可以唔要個前菜，但係今次我同佢講唔要，之後嗯咗一聲，佢冇收走，好似逼你要咁。我都費事再講。You win. 油麥菜冷盤，水餃湯都標準嘢，無得輸。但熱食就GG... 小龍包隔咗一陣就凍晒。咕嚕魚塊咬落去，嘩！咩魚嚟㗎？咁硬嘅？！入座時一半滿都無，走果時都仲未收鋪，隔離枱食完人走咗超過半個鐘都唔執枱咩玩法？你做到茶木咁嘅服務質素真係難得！應該以後都唔會幫襯呢間。完。

特色皇朝小籠包 (八色) $118﹟相信大家對8色小籠包一d都唔會覺得陌生, 因為佢最近係東涌新開左分店, 所以去試一試😋佢既standardization做得唔錯, 味道同品質都同其他分店相約, 皮薄又juicy, 顏色鮮豔, 夠曬吸晴💕竹炭流沙包 $42﹟個包真係流沙得非常出色, 就算擺左一陣再影埋相都可以好流沙, 而且裏面無變到一舊舊, 麵包都算軟熟, 甜度都算適中🥰鮮蝦豬肉抄手拌麵 $68﹟首先個抄手都係足料既, 要有既彈牙口感都有😋有個辣辣地既醬再撈埋個面食, 愈食愈過癮😂不過都係略嫌乾左少少🤔🤔

叫咗紅燒肉、賽磅蟹、麻婆豆腐、人參味小籠包，味道都OK，不過唔知冷氣太大定煮完放太耐，碟碟都唔夠熱。上菜啲阿姐態度極差，有個阿姐叫"先生小姐"時完全係呼喝，我哋嗰枱上第一道菜，只係好細碟，我眼尾見到佢身影，已經將啲碗推去角落，大半張枱都係吉嘅，但佢仲係咁呼喝我叫我將個碗推埋一邊，而個碗其實已經貼哂去枱角落位置，唔知係咪佢反應慢，睇唔到我已經推咗，但又唔用自己對眼望下，一味掛住喝啲客要人應佢。佢亦以同樣態度呼喝我哋附近嗰幾枱。另一個帶眼鏡阿姐仲經典，上菜之前，我哋已經預好哂吉位俾佢上最後一道菜，完全夠位放，佢一行埋嚟，我即刻側側身俾佢上菜，佢居然無啦啦係咁用手背拍我，真係唔知咩事，隨便動手拍啲客，我叫佢你放低啦，佢先放，而當然結果係我哋先前留俾佢個位完全夠位有餘。做人連基本禮貌都唔識，其實好少食飯食到咁嬲。呢間唔會再去，對其他分店印象都差埋。

已經一年多無嚟過東薈城，裝修後多了很多食肆，因無訂位兼不想等太久，便拿樂天皇朝的飛，只需要等三枱左右。因人客多，不便在內影相，但望落環境都舒服雅緻。上茶時伴著餐前小食，這個小食是蠔油炆花生及粟子，夠腍兼入味，yummy! 👍🏻餐牌選擇很多，飯丶麵丶點心樣樣齊。我們因不肚餓，叫了一客特色皇朝小籠包（$118-）丶鮮蝦雲吞拉麵（$78-）及 薺菜黃魚春卷（$48-）。這個特色小籠包是皇朝的Signature dish，8隻顏色8種口味，2個人每人4隻，各自挑選喜愛的口味。我試了原味丶芝士丶蟹粉及鵝肝，各有特色，都算美味。我最喜歡鵝肝，因食到濃濃鵝肝味，反而芝士及蟹粉不算很重味，與原味相差不遠。尤其是蟹粉，完全不夠濃，蟹粉香味不足。鮮蝦雲吞拉麵味道ok，上海雲吞與廣東雲吞不同，皮亦薄及滑，餡都多肉，蝦則少少。拉麵是上海幼麵，滑口得嚟不過腍。湯底亦清，不重味精。最後上的是薺菜黃魚春卷（可惜掛著食丶忙記影相），這個最好味，雖然油炸食物不算健康。由於新鮮炸起，又熱又脆，內裏有滑溜的黃花魚及薺菜，食落香口好味。整體而言，皇朝食物水準不過不失，性價比中間而已。

週末晚餐6點半6位排隊，大約排了30分鐘，方可入座。招牌小籠包（10粒）：稱為店鋪招牌，滿心期待，湯汁濃郁，外皮厚軟適中，唯一美中不足是冷了的小籠包風味減半皇朝擔擔麵：味道4/5，份量正常，湯底微辣，值得一試⭐️上海風味醬鴨：份量過少，味道與榮華臘腸相似，不建議李白醉雞：份量過少，味道尚可接受，質素與一般食肆醉雞糖醋魚片：味道酸酸甜甜，份量適中菜肉雲吞豬骨湯：大食夾抵件，份量十足，值得一試⭐️清燉雞湯：賣相精緻，湯頭滋潤，值得一試⭐️碧綠黃魚羹：味道一般，相比起雞湯和雲吞湯稍為遜色雪菜蝦仁炒飯：份量適中，味道與蛋白炒飯相似，值得一試⭐️木肉炒拉麵：份量適中，相對口味較重蒜蓉炒菠菜：蒜蓉與菠菜相得益彰，口感豐富，值得一試⭐️