樂天皇朝 (東薈城名店倉)

营业中

休息中

看見樂天皇朝有商務便當，當中的食物配搭種類頗多，喜歡試食的我便立即試試看，我們分別叫了蒜香排骨套餐和乾燒蝦仁套餐。乾燒蝦仁套餐當中包括了揚州糟溜魚片、 涼拌青瓜、花蔬蒸餃及蛋炒飯。餸菜偏鹹，涼拌青瓜和花蔬蒸餃都比較清淡，所以和較鹹的主菜一起吃感覺還不錯。蝦仁是冰鮮蝦，沒有蝦味，魚片偏鹹，如果下次再光顧不會再叫這個餐。蒜香排骨套餐包括了四季豆、筍、蘿蔔絲酥餅和蛋炒飯。個人非常喜歡這個套餐，小菜和主菜都好吃，但味道偏鹹，如果可以清淡一點就更佳。如若有機會會再點這個套餐。個人挺喜歡樂天皇朝的商務便當，菜色非常豐富，若果主菜和小菜可以讓客人自行配搭則更佳，但只要選擇到合自己口味的主菜，現在的套餐亦不錯。

門面同另一家小籠包店鼎x豐相似，但菜色及選擇有驚喜及更出色！ 由其薺菜黃魚春卷我見識小第一次食，好清新配搭。 上海油炆筍亦好正，個麻油味好香。 小籠包夠 juices。 唯獨是個鍋貼失手，煎不夠火候，個底一D都沒有燶，所以扣分。

話說我的父親大人新年來食拉麵及小籠包，埋單的時候有3張不同品牌樂天現金劵＄100 送👍👍👍有幸今日約到朋友黎和我一齊食小籠包，朋友說山長水遠先來到😅（唔通去機場搭飛機唔一樣。。。會近啲😂）到了店舖門口忘記要安心出行，員工善意提醒安心出行呢邊掃，填紙仔就呢到。可能平日未有太多客人，聽說父親大人假日比較多人輪侯。個侍應哥哥禮貌地帶左我地坐底。皇朝小籠包有8種味道我地膽粗粗試下，原味很標準，絲瓜口感翠翠地，鵝肝朋友話好夠鵝肝味。黑松露下次都可以單叫6粒（小妹太愛黑松露了🤭）。芝士味真係有芝士架啵，蟹粉幾鮮味。蒜香味就唔建議一次過食幾粒，太蒜頭味了😂川味就有麻唔太辣。賽螃蟹上次叫嘅時間店員話溫泉蛋黃無貨原來蛋黃採用溫泉蛋😍，今次有貨再點。配白飯一流。水煮魚叫左小辣都夠辣，如果食得辣可能選擇辣啲。最後點左炸饅頭，等左約莫十五分鐘，食落外面脆口裡面鬆軟。

今日一早起身出去食早餐，其實都已經11點了😅今日想食吓上海菜，所以就去樂天皇朝。點心前菜我點咗淮揚三絲春卷和上海油燜荀，春卷真係好熱和春卷皮好脆，好好味。油燜荀好入味，現在向香港唔係咁多上海食店有這個前菜，所以食哂才記得冇影相🤦🏻‍♀️蝦仁酸辣湯拉麵一嚟到⋯嘩，好大碗，料好多，拉麵係有剪斷嘅方便夾入口食，好貼心，拉麵軟硬適中。湯嘅酸味有，辣味比較重，蝦仁係有少少雪味，不過因為係料多味精重嘅酸辣湯，所以蝦仁嘅雪味就唔係咁難入口，這個酸辣湯合格👍🏻鮮蝦雲吞豬骨湯好濃嘅豬骨湯，豬骨湯帶有少少雞湯味，鮮蝦雲吞皮薄肉餡足，有蝦仁在餡內，足料👍🏻原味小籠包我點咗6個，剛蒸好，好熱，咬開好多肉汁，juicy喔👍🏻皮的厚度適中，肉餡好味唔會太咸和好實。坐位算舒適，但係2人枱的枱面面積比較細。整體食物係好味，價錢可以，會再來食😋

幾唔錯既用餐體驗，今日放假入左東涌掃貨，咁耐無去原來開左2期，都多左好多唔同既餐廳，無幾耐就見到依間食中餐既餐廳，之前都係青衣城食過，食物方面不過不失，依排仲有我好鐘意既酸菜魚👍 環境舒服，位置寬敞，大家不妨黎試下

外賣清燉雞湯，份量比堂食少超過一半，一盒售價HKD62。致電餐廳，該店經理不斷重複，和堂食份量一樣。但堂食原個燉盅上枱，份量和這膠盒差得太遠。平時叫外賣的份量比堂食少很常見，但一半也沒有實在難接受。

工作上少不免一些忙碌，所以會選擇吃好點慰勞自己。今日dayoff，但又不想走太遠，去了附近商場找餐廳吃午飯。可惜，東涌選擇少，好吃的餐廳更少，最後決定選擇了上海菜。平日較靜，餐廳環境甚是舒適寛敞，坐於沙發雅座。外婆紅燒肉：肉質肥美嫰滑，而且肉汁飽滿，入味非常，口感豐盈，動之食欲。原味小籠包：一上枱非常熱，仙氣十足，皮薄汁多，令人垂涎三尺。員工態度友善，亦很快refill熱茶，最後兩人捧腹離開。

東涌假日人山人海，當然Citygate Outlet內的食店也不例外。家女兒欲品嘗上海菜，在商場名單內看到推薦，便前來。我們一家三口坐下後，侍應很快就送來了御用花生和茶，並奉勸「小心熱，請慢用」。老公是上海人，自然對上海菜有一份執著。看到這款「皇朝八色小籠包」，他心裡感到怪異但帶着好奇的想法決定一試。賣相氣派，且八彩玲瓏，奪目璀燦。八種味道各有千秋，但又不會搶去風頭，新鮮的豬肉餡更令層次昇華。就連一個傳統的上海人也表示「我的胃被新的歷史侵略了」總結：是非常好體驗的一頓佳餚，員工服務有禮，中上水平，食物性價比略高。

朋友請食飯 ✌🏼但係出去之前食咗少少野 唔太肚餓 所以兩個人就點左以下呢四樣嘢食🥟呢個鍋貼（？生煎包既味）趁熱食都好食嘅要小心睇熱👍🏼👍🏼平時唔食蒜泥白肉嘅我都覺得呢個好好食呀！因為佢出面嗰塊豬好薄 裏面有啲青瓜整體上係凍凍地嘅！所以食落好清爽😋呢個紅油抄手就普普通通 唔太建議呢個炒飯覺得有啲過鹹

滬菜香港有唔少，但要吸客就要有D賣點，老實說，點解要去食係因為呢頗吸睛八式小籠包，八種口味，顏色奪目，就算口味有點怪怪的（例如芝士、鵝肝口味）都抱著一試心態。其他亦有唔少特別菜式，但可惜(芝麻醬油麥菜、海蜇頭）都未有，唯有有緣再試。今日點了八式小籠包，有原味、絲瓜、鵝肝、芝士、黑松露、蟹粉、蒜味及川味。在八款中我試了黑松露，夾起回碗中，已經聞到淡淡松露味，食落都亦一樣，不太濃，合我心水，我其實都幾怕濃濃gas味。另外還試了川味、蒜味，其實唔睇介紹的話，都可以食到該小籠包係屬咩味道，但餡料及肉質大致都一樣。呢餐仲點了京醬肉絲加中式薄餅，肉絲味道太咸，就算用薄餅包住食都覺得咸，而且薄餅有點硬身。紅油抄手、成都口水雞及涼拌粉皮，都屬於辣口味，口水雞食了一件(加10皮可要雞脾)雞脾，雖然唔錯幾滑，但好辣呀，我投降; 粉皮本身冇味，但當拌上醬汁，又係辣到溜鼻水！好彩仲有抄手反而唔辣，啱晒我，所以我差唔多食晒最後還有甜品：宮廷驢打滾，我勁推呢道甜品，好軟糯的甜品，里面有一層紅荳，糯米層帶有淡淡椰汁味，糕點再有黃豆粉包住，一試想再試

樂天王朝係一間新加坡嘅上海菜佢最出名嘅就係五顏六色嘅小籠包佢每一種顏色嘅小籠包都係代表着唔同味道嘅所以嚟到食梗係要叫黎打打卡啦佢嘅味道有蒜香、黑松露、蟹粉、原味等等各有特色另外叫咗一個上海炒年糕年糕份量還可以而且炒得啱啱好好煙銀又夠味亦都唔算太油膩所以呢個都係幾推介口水雞味道好足味好好食不過如果無叫主食就會有少少咸最後鍋貼係要等15分鐘先上所以當然黎到都仲係熱辣辣啦但係一碟有三件所以比我想像中少至於質素還可以不過要真係服務質素好好可能東涌區係比較多遊客去玩係呢度嘅職員全部都好有禮貌所以食得多好舒服

返工前約同事食午餐，呢間新加坡上海菜都幾出色，無訂位去到即刻入座！桌椅沒有很中式感覺，只係牆上畫作有點中式感，桌椅唔迫，店員比咗個卡位我哋兩個人，勁闊落，店家每枱都有網袋放手袋👜，食物都係大路上海菜，沒有午餐全部散叫！前菜（$15）都是我喜歡的，花生、菜脯、栗子，微鹹醬油味入味，好味醋醬海蜇頭（$78）就是喜歡海蜇頭嘅韌嘅咬勁，醋酸醃的剛好，入味不過鹹，海蜇頭都很完整很美！正！👍🏼菜肉雲吞湯（$58）奶白色嘅湯，味道偏鹹，有點味精湯嘅味道，雲吞皮是上汴式較厚，幸好都滑，菜肉餡唔乾，菜比肉多，ok原味小籠包（$62）雖然呢間餐廳人氣菜色是彩色小籠包子，但小籠包我都是喜歡原味，皮薄多汁，加黑醋食好味，豬肉餡打得滑，好味（但要趁熱食，我最後一隻冷一點就黏底破皮漏湯了，頭兩隻熱時是無事的）上海炒年榚（$85）份量不大，自己喜歡年榚片多過麵條，因為煙韌米香，索了濃甜醬油更好味，配菜旺菜及肉片（自己對旺菜一般，若是椰菜會更好）肉片肥瘦相間，有油香好味，整體好味宮廷驢打滾（$45）呢款甜品較冷門少見（可能係我孤陋寡聞）三塊卷物，是我超喜歡的糯米糍皮捲我喜歡的紅豆茸，外面裹上黃豆粉，很有層次，煙煙韌韌

入座時間1:45唔使等位，試過打電話去訂位佢話不設訂位😜對上一次幫襯都好耐啦初初開嘅時候幫襯過一次真係令你畢生難忘一入去服務態度超差污糟邋遢⋯不過已成過去今次再俾機會試吓點知真係意外驚喜唔係疫情關係唔知點解服務態度改善食物質素大大進步一向食開雅蘭上邊嗰間同埋青衣嗰間都係好好味服務態度一流講返今次先叫嘅嘢食每次都係差唔多啦真係唔錯下次可以再去小籠包多汁滾熱辣好好味豬骨濃湯麵爸爸食晒，啲肥牛比較少同埋比較硬醉雞係有味嘅上一次真係冇味唔知食緊啲乜嘢蘿蔔絲卷超正呀滾熱辣總之俾你一百分今次真係超正多謝你哋有改善起碼可以喺東涌食小籠包先😂

朝早運動完有少少餓，但又唔想食一大堆野食，就行去東薈城睇下，點知發現有個八色小籠包。運動完當獎勵下自己啦八個小籠包都係唔同味道，有八種唔同既驚喜。可能係岩岩蒸好，熱辣辣好好味。一啖入口都仲有湯我自己就最鍾意蟹粉味啦啲侍應態度都好好，由帶位到入位都好快手，問左個侍應哥哥有咩好推薦。佢都推薦八色小籠包同水煮魚，水煮魚今日我就唔試啦。但淨係試小籠包都覺得唔錯。service我既侍應哥哥見我個杯冇茶，都馬上會幫我加番。整體而言食物質素同侍應態度都相當唔錯，值得下次再黎。水煮魚就留番下次試啦

今日去左東涌東薈城二期行街，見到樂天皇朝，朋友話好耐無食小籠包，不如試下。原味小籠包10隻剛剛蒸好嘅小籠包先最好吃，外皮厚度剛剛好而多汁，夾起來不穿，當服務員落檯時溫馨提示我們小心熱湯汁。麻醬油麥菜 見幾得意試下，食落油麥菜又配搭到啲胡麻醬。中間原來用左青瓜包住，做法十分需要手工。京醬肉絲 好多上海菜京蔥都係另上，不過呢到就放在係肉絲下面仲以為無京蔥。還同侍應說點解無京蔥服務態度好好，有禮貌，食物質素好！