樂天皇朝 (東薈城名店倉)

营业中

休息中

每當小籠包癮起嘅時候就會去樂天皇朝止癮，佢嘅小籠包皮薄多汁有保證，$62 有6粒，仲有八款味道可以選擇。除咗小籠包，呢度嘅拉麵亦都好出色，質地滑溜有嚼勁，今次叫咗蝦仁酸辣湯拉麵（$68），酸辣開胃，調味剛好，湯底亦不會太稀太稠，份量亦都算大碗，價錢實惠。冷盤叫左四川夫妻肺片（$68）- 呢個冷盤每次都保持水準，川辣味夠香夠麻，辣得好過癮。另外試咗京醬肉絲（$90），同北京填鴨嘅食法一樣，味道口感亦都相似，肉絲味道香濃伴有京蔥，份量多，本身跟六塊皮，如果再多兩塊皮就perfect ~ 整體嚟講樂天皇朝喺唔同分店食都保持水準，環境寬敞，上菜速度快，值得一讚👏🏻提提大家如果外賣自取仲有八折，方便嘅話買返屋企慢慢嘆就可以更加經濟。

隔左2年幾再去東涌OUTLET行街食飯2期呢邊既樂天皇朝有位,下午茶時間唔洗等位收茶費,小碟,另收加一,食個陣留意返坐低先上茶水花生,再睇餐廳決定食乜野原本打算食八色小籠包,但有1-2款口味唔岩食,改返食原味小籠包另加一人一碗湯麵,份量已經好足夠原味小籠包十隻,一人食5隻,已經3分飽所有食物都係即點即做,預返10分鐘起菜先上酸辣湯麵,入面有筍絲,豆腐,蔥,木耳絲等配料,食起黎有嫩有爽脆既口感酸辣湯汁好濃好杰身,最好食個陣小心D,同埋都幾濃味同辣,又酸又辣的確幾夾麵條白身麵條彈牙煙軔 掛滿辣湯,開胃滋味,份量仲好大碗,但唔油膩,食完好易消化清燉雞湯麵,燉雞湯配以麵條,健康又好食既配搭清甜既雞湯,嫩滑既雞肉,幾乎沒有一絲油膩,只飲到鮮味雞湯,份量亦不少麵身配以清甜湯底,減肥人士都岩食最後就係小籠包,即時蒸,煙氣四散,皮薄有彈性,包住鮮肉湯餡,肉質嫩又有豐富湯汁每一次食都咁有水準

🤎樂天皇朝相信大家都會食過 估唔到開到東涌都有 入面座位都好寬敞 適合一家大細去東涌玩食❤️前菜係花生蠶豆 好淋 好入味 食唔停口🧡皇朝小籠包 $118呢個招牌8色小籠包真係街知巷聞 我每次黎都會食 小籠包皮薄晶瑩 入面湯汁好鮮甜😛8隻味 包括 原味，絲瓜，鵝肝，黑松露，芝士，蟹粉，蒜香，川味。枱上會有張紙仔教你由原味（淡）食到川味（濃）。💛作為重口味愛好者，我最鍾意黑松露同川味 💚京醬肉絲 $90京醬味道都好濃 有少少太咸 底層鋪左京蔥 用皮包住肉絲同京蔥食 有多重口感 呢個有食片皮鴨嘅感覺😛皮只有6件 同餡料比例適中 不過皮如果再熱d會更好💙竹炭流沙包 $42❣️呢個好有驚喜❣️入面係超級流沙 而且奶黃味好足 仲食到奶黃嘅粒粒 好正💜宮廷驢打滾 $45我好鍾意食mochi mochi嘅野 佢係卷起嘅糯米 入面包住紅豆蓉 面頭灑上黃豆粉食落凍冰冰 口感好軟糯 味道唔太甜 🤍另有分店係青衣 銅鑼灣 旺角 將軍澳

今日去左東薈城Outlet行下，行到晚餐就去左樂天皇朝試下！姐，係唔會同人逼既😌咪等熱潮過左，我仲想試先去食囉🤣餐廳環境光猛，裝修唔錯，坐得都舒服！.📌茶錢 $8 位📌一碟花生 $15.📌李白醉雞🐥 $85冷盤小食，份量唔多! 紹興酒味尚算濃郁，雞肉嫩滑唔韌! .📌四川夫妻肺片$68牛肚牛展各有大概四五塊，夠麻夠辣。.📌紅油抄手🥟 $62表面落左炸蒜，但食落完全唔辣，淨係食到炸蒜味，抄手既皮太軟，煮過龍，一般！.📌小籠包(原味) $98小籠包但皮好厚，肉餡濕潤，但豬肉有雪藏味！.📌生煎包 $42熱辣辣上枱，包底煎得香脆脆口！包入面既肉夠多汁有肉味！.📌酸菜魚🐟 $238入面有薯粉（定粉絲？完全唔似薯粉）芽菜、酸菜，泡椒，魚! 湯底好淡，得少少花椒味，唔辣，酸菜魚最緊要係酸菜，但完全唔夠酸菜味🤦🏻‍♀️魚肉無咩骨！唔合格既酸菜魚😭 .📌擔擔麵🍜 $60麵太淋身，湯底稀身，無花生味，雖然有花生粒 ，但要咬落先有花生味，又係完全唔辣！.📌上海炒飯 $85炒飯份量唔算多，有鑊氣，飯粒係用珍珠米，炒得粒粒分明，加左菜心粒、蝦仁、蛋同醬油炒，但有啲太鹹。.======================

原本對小籠包期望好高，但反而其他小菜好出色，而且唔係好貴，價錢實惠兼抵食。但服務態度麻麻地，好似黑面咁樣。*川味涼皮 $55其貌不揚但內藏乾坤，涼皮水水的，非常滑嫩，一夾即瀡走。川味指辣味，辣度唔高，但係慢慢滲出黎，再慢慢離開舌尖，攻擊系數低，唔會一下子攻擊你條唎同鼻，大推。皇朝擔擔拉麵 $60皇朝呢個名改得好好，可以話係皇牌之一。擔擔湯濃郁，帶香濃花生味，同時不失豆味醬油香，係集鮮香鹹於一湯。拉麵中度韌度，粗幼適中，掛湯能力啱啱好，同時食到擔擔湯同埋麵香。開陽蔥油拌麵 $48相比之下，蔥油拌麵失色少少。麵底一樣，值得一提係麵底冇黐埋一坨坨，依然條條分明。蔥油酥香脆，但份量俾得唔夠大方。蔥油香味淡，大力一嗦勉強聞到蔥油味。紅油抄手 $62抄手即係四川style餛飩，皮薄餡靚，外皮連魚尾都完整冇穿冇爛，魚尾接口位柔軟，唔會硬骨骨。豬肉餡新鮮實在，肉汁爆出嚟但一啲都唔膩。辣油辣油唔高，而且同川味涼皮行同一種路線，慢慢辣出嚟，配搭重口味炸蒜，口感非常豐富。招牌原味小籠包 6粒 $62招牌小籠包係最令人失望。皮薄但餡唔靚，豬肉餡鬆散軟爛，而且非常油膩，令小籠包湯汁都油淰淰。皮雖薄，但包頂嘅接口

每次去東薈城二期食中菜都諗起呢間「樂天皇朝」，因為坐得舒服，服務態度好，小籠包又有質素保證。每次黎到都一定要食「皇朝小籠包」（HKD 118)，一共八件八隻味道，分別有原味、糟溜絲瓜、鵝肝、黑松露、芝士、蟹粉、蒜香🧄、川味、也有介紹建議跟從這順序一一品嘗。每隻味都好獨特，而且都係用天然食材食材提煉出黎，健康又好味😋。 熱辣辣出爐，我最鍾意黑松露味，味道好出，同小籠包好夾，皮薄如紙，湯汁飽滿，咬一啖口感Q彈，真係有齊18 摺，吾會要夾就爛。絲瓜味就麻麻地，因為無咩味，但朋友好喜歡💕感覺好養生。朋友第一次食仲可以同佢玩估口味😂 大致上八粒都係同一餡料和肉質，好一致。川味涼皮(HKD 55)：做開胃菜一流，鮮味香辣齊全，晶瑩剔透涼皮掛起麻辣香醋調成的醬汁，加埋辣椒🌶️油，食落酸酸辣辣，不輸一般川菜餐廳，辣油味淡了點，但蒜蓉香氣十足。竹炭流沙包（HKD 42/3 件): 熱辣辣蒸起，一搣開，滾燙黃金流沙內餡溢出，小心燙嘴但要趁熱食，竹炭包都好鬆軟，美味無窮。木樨肉炒拉麵🍜（HKD 82):拉麵份量多，有毫不吝嗇的肉絲、雞蛋絲、雲耳、芽菜、增加口感，食落似乾炒牛河，但當然無咁油膩，色澤均勻，炒得吾

老公趁住平日放假黎左東涌名店倉閒逛，行到累就決定到樂天皇朝食下小籠包！平日東涌人流唔多，可以靜靜地咁坐卡座。兩人總共點了3款食品。雪菜咸肉炒年糕 年糕切得較薄，口感煙韌，調味偏重略咸左少少原味小籠包 $62/6隻小籠包偏細粒，但充滿湯汁，肉餡亦紮實，絕對係好味嘅小籠包！椒鹽排骨$92 豬扒好大碟，亦有大條。賣相非常吸晴～調味惹味又唔會炸得過火！與大排檔食到的鑊氣小炒質素有得揮！用嘅部分係帶骨豬扒，邊邊嘅筋位爽口有油香！

家庭樂最適合去這類餐館😃長輩們通常喜歡吃中餐，我孝敬爸爸，帶他來有特式的中式餐館，比茶餐廳或一般酒樓的食物更勝一籌，環境和裝修加店名都很有氣派。這間中式菜值得推介👍😄沙拉排骨：沙拉醬香甜美味，排骨其實是脆豬肉去骨，超嫩滑，味道剛好🤪揚州糟溜滑魚片：魚片香滑爽口，醬汁有點酒香🥰雪菜鹹肉炒年糕：鹹肉醃得很入味，年糕並不是小時候吃的那種棕色年糕，是用白色粉團製成再切成片狀，跟雪菜味道配合得洽到好處

突然間好想食小籠包， 於是走咗去樂天皇朝。 中午時間完全唔需要等位 。之前喺旺角食過佢嘅八色小籠包。其實都冇咩特別，我都係比較鍾意食原味。 小籠包唔錯，有肉汁，皮夠薄唔會一夾就穿。 肉餡濕潤，有肉味。 樂天皇朝嘅小籠包都唔會令人失望嘅。擔擔麵，麵係有趙口，唔會太淋或過軟。湯底就唔夠花生味，比較稀身。 雖然佢有花生粒 ，但係要咬落先有花生味，而且個擔擔麵小辣都講唔上。 我本身鍾意擔擔麵嘅湯底係杰身 ，所以哩個湯底完全唔想飲。豆沙鍋餅ok。剛剛炸起， 夠曬熱辣辣，外脆內軟， 豆沙 唔會過份甜 ，好惹味。 以佢作為今餐句號好滿足。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓊𝓃𝑔 𝒞𝒽𝓊𝓃𝑔樂天皇朝係好多地方都有分店，今日中午黎都等左差唔多半個鐘先入得。坐左係窗邊既卡位，卡位都算闊落，望到出面既藍天，環境唔錯。不過可能位置比較入，所以落單同加水都等左一排先有𝘴𝘵𝘢𝘧𝘧過黎。🌟醋醬海蜇頭 𝗝𝗲𝗹𝗹𝘆𝗳𝗶𝘀𝗵 𝗶𝗻 𝗦𝗼𝘆 𝗦𝗮𝘂𝗰𝗲 𝗩𝗶𝗻𝗮𝗶𝗴𝗿𝗲𝘁𝘁𝗲先黎一個涼菜，海蜇頭非常爽口，加上酸酸甜甜既醋醬同埋墊底既青瓜，令人幾開胃，同埋有種好清爽既感覺。🌟招牌原味小籠包 𝗦𝗶𝗴𝗻𝗮𝘁𝘂𝗿𝗲 𝗢𝗿𝗶𝗴𝗶𝗻𝗮𝗹 𝗫𝗶𝗮𝗼 𝗟𝗼𝗻𝗴 𝗕𝗮𝗼佢既小籠包🥟係勁熱咁上枱，好貼心咁係蒸爐底鋪左塊布，等夾起小籠包時冇咁易整穿。小籠包size唔算太大粒，皮真係薄，一咬就爆湯，湯汁温熱而清甜，但就唔係好多😅🌟風味沙拉排骨 𝗗𝗲𝗲𝗽 𝗙𝗿𝗶𝗲𝗱 𝗣𝗼𝗿𝗸 𝗥𝗶𝗯 𝘁𝗼𝗼𝘀𝗲𝗱 𝗶𝗻 𝗠𝗮𝘆𝗼𝗻𝗻𝗮𝗶𝘀𝗲沙拉骨既肉都算多，唔會話成條都係骨。佢既外皮炸得幾酥軟，肉比較結實有咬口。淋上邪惡既美奶滋醬，用黎下飯一流，又肥又滿足。🌟上海炒飯 𝗙𝗿𝗶𝗲𝗱 𝗥𝗶𝗰𝗰𝗲 𝗶𝗻 𝗦𝗵𝗮𝗻𝗴𝗵𝗮𝗶 𝗦𝘁𝐥𝘆𝗲炒飯既份量唔算太多，飯粒係用珍珠米，炒得粒粒分

疫情期間，星期日堂食人多，經open rice 預訂或親身去餐廳落單自取可享8折優惠。等了20分鐘。三餸一飯一小籠包，8折後共$310.4,但拎上手也輕飄飄，份量可能也不夠二人飽~原味小籠包六隻~ $49.6 (8折價)皮薄汁多，肉量剛剛好，豬肉口感冇雪藏味，肉質也好，味鮮，再配薑絲醋~上海炒飯~$68 (8折價)有蝦仁粒，菜粒，味道不錯。~皇朝話梅骨~$ 78.4 (8折價)酸汁調教得非常好， 酸酸甜甜 ,非常好味,開胃，~上海風味醬鴨~$46.4 ( 8折)入味醬鴨，連骨都有味~成都口水雞~$68(8折價)外觀份量不多，但一分體後，原来份量也不小，兼且肉多嫩滑，微辣，再配薑溶，葱粒

今日老遠去到東涌食飯、喺 Citygate 最後因為屋企人想食小籠包所以揀咗樂天皇朝，用埋行業優惠八折埋單都差唔多$362。⬇️好似有幾張卡位如果兩個人坐到都幾舒服、傾偈同埋環境都唔錯，仲有戶外環境見到有啲人出去影下相應該係機場海景。⬇️餐牌全部都係單點，冇任何套餐或者下午茶。最後叫左六樣嘢另外要比茶錢同埋一碟花生栗子。⬇️蟹粉炒飯最先到、嗰個蟹粉汁好鬼腥。所以叫普通炒飯都應該唔差、可以唔使專登貴少少叫蟹粉炒飯！⬇️生煎包之後到、熱辣辣都唔錯個底亦有焦香。⬇️原味小籠包亦到、係好味嘅有鼎泰豐感覺裏面亦有湯汁配埋薑絲同醋啱啱好。⬇️蘿蔔絲酥餅都好食不過最遲上、配埋酒釀丸子好香酒味但飲落去係舒服嘅 ⋯⬇️最後豆沙鍋餅都好食、香脆熱辣辣不過就比較薄身！⬇️整體都食得開心、當自己食咗鼎泰豐咁。環境都好嘅、員工態度亦唔錯 ⋯ 如果有套餐就更加好同埋抵食！

星期六的下午決定來東涌東薈城，原來已經有新面貌，多了很多商店和很多食肆。這的小籠包我已經吃過幾次，永遠食都唔會厭，每次食的時候也會對照餐牌上的小籠包味道介紹，很有話題。

樂天皇朝嘅八色小籠包相信好多人都介紹過，今次就講吓幾個我覺得唔錯嘅菜式：蟹粉炒飯（$128）～ 佢個蟹粉好香份量都多配埋炒飯底真係好滋味！蟹肉唔算好多但出面好多度食蟹粉都要二三百蚊，叫呢個頂下蟹粉癮都唔錯！風味沙拉排骨（$92）～ 鍾意呢度嘅沙拉骨夠厚切，賣相靚之餘口感又好，蒜味香而沙律醬又唔會過多搶左。四川夫妻肺片（$68）- 呢個係餐前小食而份量都唔少，牛肚同牛展各有四五塊，川辣味有層次，夠麻夠辣。驢打滾 （$42）～ 我每次必點嘅甜品，造型可愛，軟軟糯糯嘅口感好得我歡心，餡料甜度又剛好。💡連埋茶錢小食呢餐兩個人食咗$410 ，上次食嘅時候送咗一張$100券俾我，用完即係$310。

同朋友仔去東涌 outlet 大 shopping，行到攰了，想舒舒服服的食餐飯，想食上海菜就揀咗樂天王朝。嚟得樂天王朝食飯，就一定俾佢嘅八色小籠包吸引，先叫了一客，八個味道八個層次，誰也搶不了誰的風頭；加個李白醉雞，醉雞有濃濃嘅紹興酒味，令我一試難忘，除了雞肉嫩滑之外，我連雞汁紹興酒也飲光了。再叫了一客海蜇燻蹄，上海炒年糕，兩個人食，份量啱啱好，大滿足了。員工服務態度也好好，茶壺一冇水，侍應便第一時間 refill，另外座位也比較疏落，喺疫情下也能夠放心地好好享受一頓午餐，店內氣派也十足，大家不妨一試、