榮記粉麵

营业中

休息中

話說琴日聽到Boss話唔見咗支🍎✏️，但係下晝又要去開會，#小秘書 二話不說走咗落銅鑼灣補飛... 可能大家會覺得我做多咗！不過收得人工，就要幫手解決問題㗎啦🥴 都唔計較得太多👉🏻👈🏻一場落到銅鑼灣，順便食埋個quick lunch 先返公司。路過渣甸坊，突然想起 榮記粉麵 果碗 #雜米 🍜 #榮記 由後巷做到上舖，風味依然😋 湯底濃濃嘅牛味，配埋馳名嘅 #雞翼尖，入哂味嘅 #炆蘿蔔... 實在令人回味呢👍🏻

人都癲，叫咗個淨餸三款，竟然嚟到魚皮餃得2粒, 大腸得2件, 墨魚丸2粒，附送有免費幾條菜45蚊。 平心而論魚皮餃同南記一模一樣 ， 我去南記食個下午茶淨送20蚊都唔會得2粒咁少啦 。

以前在銅鑼灣工作 基本上每星期總會有2-3天吃榮記現在搬到中環後 有時候會懷念這個車仔麵今天經過時想起又來了依舊叫了豬紅蘿蔔墨魚頭油麵他們的車仔麵會附上腩汁而且蘿蔔非常入味豬血無以前禁咸有時夜左來就無得食墨魚頭有咬感！

係銅記揾到平平地既野食又好味既真係少之又少😃榮記車仔麵係其中一個選擇😇😇不過都加左唔少價🙈🙈由2012年 $28 2餸 到2018年 $35 2餸都明白既 不過係銅記都已經係好平最愛蘿蔔同粉腸😋😋😋蘿蔔好入味 好甜 軟硬適中粉腸又唔會整到好un 又唔會好淋 好易咬 又入味 重點係洗得乾淨 唔會苦👍🏼👍🏼👍🏼👍🏼👍🏼牛腩湯底好正 好多食客都飲埋d湯👍🏼但食完會有d口渴應該落左味精🙈🙈🙈🙈

每次入黎都係因為佢嘅濃郁的腩汁湯底，一碗腩汁車仔麵，這裏的腩汁清爽而味濃，D汁又唔會過重口味，真係好正！餐廳環境係偏窄嘅，座位亦得好少空間，唔好坐，但係食車仔麵嘅場所就係要咁先食到個種平民FEEL、草根味。呢到必食嘅當然係牛肚、牛腩和蘿蔔~蘿蔔絕對必食，好少可以次次黎食都咁清甜而且無渣，真係要點都要試。油麵、牛腩兩者都係最入味嘅，而且兩者嘅配搭真係超出新境界。之不過，呢間野最大問題亦係香港茶記、車仔麵店嘅通痛，就係你要好快決定食咩，否則店員會好躁底，呢樣又係扣分位。其餘都無咩挑剔喇~

作為一個粉麵控😎，車仔麵🍜一向在人妻🐷的心目中估有頗高的位置💘，畢竟它在香港📍歷史上有了不可取締的地位👑。而在芸芸眾多的車仔麵店中🍜，這家歷史悠久的老店🏡則是在人妻🐷的必食名單上處於不敗位置🌟。每碗粉麵最多可選4款餸喔！墨魚頭🐙：人妻🐷必點項目💝！墨魚頭🐙當然不是指墨魚的頭部啦😂，它其實是墨魚的頭鬚部分😋，對比一般的墨魚鬚🧐，口感更為爽脆😍。豬紅🐽：口感幼滑爽脆😌，煮得亦很入味🤤，完全沒有腥味👍🏻。牛筋🐮：入口軟腍但又不失嚼頭🤩，加上濃郁的醬汁😌，絕對是必點之一😋！總結：為了吃一碗好的車仔麵🍜，有時候就是要有所犧牲😵，例如忍受店員的無禮😤和餐廳環境的擠迫感😥。

小編今日冇時間坐低食個full dinner、拿拿臨叫外賣然後去按摩、做功課做到腰酸背痛啊！好耐冇食車仔麵、其實最愛灣仔既車仔的之家不過人在銅鑼灣就附近榮記算啦叫左冬菇、墨魚頭、魚片頭、魚肉春卷米粉，個魚肉春卷難食到嘔！真心未食過咁難食既！真心魚肉春卷最好味都仍然係南x香港仔，真係冇🉐️輸，搵唔到比佢更正既。反而墨魚頭和魚片頭唔錯，湯底一般啦，冇太大回頭感覺除非冇嘢好食，為左墨魚頭回頭都有可能既冇蔥又唔惹味既湯底好難must eat item 囉，不過下次或者叫返油麵會好d掛～

榮記粉麵在銅鑼灣是街知巷聞的，滷水雞翼尖更是招牌中的招牌菜。滷水味道濃厚，帶少許甜味，不但滷得入味，更非常腍滑。個人覺得腩汁蘿蔔同樣值得一試，軟腍入味，清甜無渣，很多時也會有一種澀味，可是這裡的卻沒有。車仔麵始終才是主菜，這兒有設最低消費，每人最少都要點上一碗。由於太過貪心，大多數都會點上最多的四拼，今次的有魚腐、豬大腸、豬皮及牛腩，由於滷水味道佳，豬大腸更是深得我心。另一碗則是蘿蔔、粉腸及墨魚頭，當中的蘿蔔已提過，鮮甜腍滑，墨魚頭則爽口彈牙。加上每一碗都加入了油菜，更為健康。

其實銅鑼灣兩間「榮記」有什麼分別? 我一直都不太清楚, 只是知道兩間都一樣客似雲來。猶記得第一次食, 真的被他們家給驚豔到! 是我食過最好味的車仔麵之一。他們家的湯底真的是有一個靈魂存在著, 絕對不是普普通通, 是真的很濃味。最正的是, 一定要加腩汁! 雖然有不少人是「走腩汁」的, 大多都是因為怕肥吧? 但是欠缺了腩汁的車仔麵就不好吃了!而「榮記」我覺得做得最出色的是, 很多車仔餸都好入味, 所以我才說這是一碗有靈魂的車仔麵。我食過好多間車仔麵, 有太多是湯是湯, 麵是麵, 餸是餸, 完全沒有瑣融合在一起的...所以「榮記」的車仔餸也必須一說和一讚。個人最喜歡的是墨魚頭, 就算是墨魚頭也是煮得好入味, 不是那種燙一燙的。另外要推的是大腸, 又是入味非常! 水準一直都在線, 沒有一次吃是失準的。大腸好有口感, 不會咬不開的那種, 當然因為入味, 是愈咬愈好味。就是因為以上那種種原因, 來到銅鑼灣就是很常來「榮記」。 

朝早早餐食得太滿足，變相午餐唔使點食。但一到下午茶時間又開始肚餓。最後都心思思決定晚餐前來碗榮記醫下肚。下午4點來到榮記，不用排隊但座位已坐滿七七八八。可能唔係人人都知渣甸街呢間係有上下兩層。上層樓底比較低，六尺男生都可能已經撞頭。所以本人比較鐘意空間感多數坐下層（有選擇下）。今日揀選咗三拼$41，分別有蘿蔔，豆腐卜同魚肉春卷加米粉底。蘿蔔清甜無渣，而且非常入味，吸收哂湯底精華 係我每次必點的餸菜！鐘意豆腐卜原因係對榮記湯底有信心，同蘿蔔一樣滿滿都是湯底精華，味道十足。魚肉春卷係出面車仔檔比較小有，所以有機會當然要食下啦。而榮記會將春卷一分為二，較容易入口。食咗榮記都好幾年，一直保持水準，唔會有失望嘅時候。講起又想食返碗

8點幾黎到，依舊都要排隊，等左5分鐘左右就有得入去坐啦！店內環境雖然好擠逼，但都無損大家排住隊黎食🤗🤗果然係老字號！落單之後冇幾耐，唔使2分鐘就已經送到你台上👍🏻今次叫左墨魚頭、蘿蔔配油麵🥢每碗麵都有通菜、冬菜為配料✨腩汁湯底💛墨魚頭:爽口彈牙，鮮甜入味！蘿蔔:清甜冇渣！食得出係煮左好耐，非常入味！係我食過咁多間粉麵店，最好食的😍可能湯底較咸，食完之後，幾乎成晚都好口渴，要飲翻好多水😓

銅鑼灣榮記粉麵出名係人都知，幫襯了這麼多年，真是百食不厭，它有他獨特的湯底，獨特的味道，是其他車仔麵檔學不了的。每次必點雞翼尖，滷水汁燘到入晒味，成隻放入口要啜曬精華。還有豬紅，豆卜，都可以索晒啲湯汁，好滋味。

成日聽朋友講哩間車仔麵好吃吃，而且聽講係老字號，平日都要排隊噶！四個餸HKD45蚊一碗。等左幾分鐘車仔麵就來啦，湯底係腩汁，味道好濃郁，十分唔錯！個白蘿蔔幾鮮甜喔，同埋無渣呀，清甜可口，D鹵水雞翼尖好入味，好淋喔都，有D瑞士汁咁味，豬紅是這裡很出名的一味，所以必點呀！又滑又嫩，味道無得輸！豬頸肉都幾厚身，牛腩夠曬味，就係有D癡牙，墨魚丸唔夠彈牙，比較多粉，魷魚鬚咁大條都超淋，有鮮味，好惹味，一百個like俾魷魚鬚！食完好滿足！

由中學開始食嘅榮記，真係我最愛嘅車仔麵！過冷汁湯底真係世界級咁好食！每次我都會帶啲好入味嘅餸， 例如蘿蔔，同埋牛腩！再加啲腐乳通菜真係冇得彈！而女朋友就叫咗個牛腩牛筋豬紅牛肺米線！睇見都覺得俾啲腩汁浸得好入味！

仲記得由小學開始，已經跟爸爸黎呢間榮記食，嗰陣既我，一碗都食唔哂，要爸爸執我手尾食埋佢所以我對呢間榮記特別有感情今次再黎，唯一冇變過既，就係啲位過咗十幾廿年都仲係坐得好唔舒服大個左又肥左既我表示坐係走廐好辛苦後面係咁有人行過食量隨年紀變得越來越大而家既我要叫碗三餸先夠食啦叫左墨丸牛肚牛筋河墨丸浸落啲咁濃既湯汁真係好正架不過不過啲湯稀咗好多比起以前.......真係有啲失望四十幾蚊一碗粉其實幾貴冇咗以前好濃既藥膳味個湯汁竟然都隨時間變淡了