榮記粉麵

营业中

休息中

榮記車仔麵，我細細個就識食，一年食十幾次ka! 聽屋企人話佢地係皇室堡後面巷仔起家，做下做下就做到糖街地鋪，然後又開多間係渣甸街，我貪呢邊新淨d多d位，呢幾年都係去呢間多d。去榮記，必食一定係豬血蘿蔔雞尖所以每次落order一定係咁開頭：“豬血，蘿蔔，雞尖， ... ，...”每次個5餸quota都畀呢3個主角霸住哂，哈哈哈，鬼叫佢地好食咩~呢度ge豬血屬嫩滑ge口感，以前有時會係另一種黏牙ge口感，仲好味，最緊要千祈唔好係一咬就碎個隻就ok。蘿蔔！超甜蘿蔔！好食到叫兩份餸都係蘿蔔都可以，好食又唔guilty (同豬大腸比較XD)識食雞尖的朋友肯定要試試，榮記ge雞尖煮得入味但不爛，香甜ge滷水汁入哂味，同無渣ge蘿蔔一樣永！無！失！手！冬菇一定係厚身最好食，又厚又入哂滷水味，所以冬菇同豬大腸都係我成日會揀ge餸:]))真係好中意呢度ge蘿蔔,今次直頭額外叫多碗淨蘿蔔好了 呀，我話呢間車仔麵ge滋味咁多年都無變，有一樣變左....蘿蔔切細粒左XDDD 我唔知會唔會係方便店家煮熟快d,但係以前真係太大塊唔易咬，而家啱啱好:3雖然佢一年一年由廿幾蚊加到四十蚊，但我都係成日去，咩物價都貴左，

銅鑼灣平食之一老字號既車仔麵舖頭，由沒有店舖做到入舖。可想而知佢既吸引力是頗大的。依家單雙拼$34，三拼$40，四拼先$46。係銅鑼灣黎講呢個價錢係好抵食！今晚見沒太多人排隊，重臨舊舖新地蘿蔔冬菇魚腐河$40蘿蔔同冬菇都好入味，蘿蔔好甜完全冇渣。冬菇都好好肉地相反魚腐就冇乜特別，下次可以叫其他。湯底都好濃郁，我個人認為呢啲先叫係車仔麵墨魚頭冬菇牛腩面$40呢碗係友人點，夾左佢舊墨魚頭同牛腩。呢兩樣餸都好出色。墨魚鮮味，牛腩又算淋又入味～正正正

黎到銅記要快快求其食個晚餐，因為要趕住去睇利物浦對水晶宮！穩陣之選就黎食榮記！點左個招牌雞翼尖（煮到好淋）、大腸（彈牙）、蘿蔔（超入味），個湯依然係好濃既腩汁，係想令人飲晒d湯既粉；但麵底好似少過之前咁，去到後尾係度狂撈都無乜剩，真係少左定還是我意猶未盡呢？不過值得一提既係，呢間講度速度同turnover rate 既粉麵店姐姐服務態度都好好，唔會趕呢趕路，無黑口黑面，無粗手粗腳，小店黎講d枱凳都keep得幾乾淨，唔錯～

銅鑼灣好出名既榮記車仔麵☺️平日都要排隊可想而知有幾好味啦！4個送hkd45蚊🙂必食佢既白蘿蔔，好林而且冇渣仲要好鮮甜😈另外佢啲雞翼尖都好好食！腌到好入味又甜甜地😍佢啲牛腩肥膏唔多，食落軟林林，肥瘦這適中，仲要一啲都唔鞋👍🏿仲有佢個墨魚頭，平時都好小聽呢個名..見到有即刻叫黎試下。食落都幾特別既但就唔太岩我口味😂😂可能因為我食唔慣啦，最愛佢個湯底加埋啲辣椒真心冇得輸呀😩銅鑼灣新食點👏🏾

每次經過銅鑼灣都看見餐廳外有長長的人龍，於是我也心思思去排隊嘗試。我點了蘿蔔牛腩雞翼尖油麵，蘿蔔非常多汁，牛腩香而鮮甜，雞翼尖非常入味，令人想一吃再吃。這是一個非常好吃的車仔麵，期待下次再來。

表姐說，榮記是她從中學開始光顧的店。價格不斷疊加，但湯底仍是她鍾愛的味道，加了腩汁的湯。沒錯！在遍地開花的車仔麵舖中，讓我三不五時想起榮記的，也是它的腩汁。「蘿蔔+豬紅+鮮蝦雲吞」是我的標配蘿蔔完全煮透又未至於太過軟爛，大小亦適中，口感剛剛好。一口咬開，清甜又多汁可以算是目前吃過的車仔麵檔中最愛的蘿蔔啦！豬紅需要被溫柔對待想用筷子夾起可極其考究功力！輕輕觸碰舌尖，鹹香味頓時散開，攻佔味蕾，但不會過鹹。鮮蝦雲吞算是不過不失吧。值得稱讚的是，内陷的蝦完全不腥。單拼、雙拼34元；三拼40元；四拼46元。每位食客最低消費34元，堂食與外賣同價。----------------------食榮記要有排隊的心理準備，但或許是快食的緣故，食客們吃完就離開，通常不需等太久點單後，侍應會將寫好價錢的紙放入塑料杯中供保存。囉嗦一句個人不建議用那個塑料杯飲水！不喜歡腩汁的食客，記得在落單時交待侍應「走腩汁」。邊個話係銅鑼灣一定要食貴野？係呢度，你都可以食到快速、簡單既一餐

這裡的職員很chur ，催你order, 催你結帳，上菜也會呼喝食客借開，服務態度不友善，有待改善。店鋪空間很少，食客是背包客，職員會不歡迎，甚至要求你放後巷。况且34元雙拼，不包野飲，車仔麵也不大碗，要飽肚，建議選擇别的店鋪。

個湯有腩汁 仲有啲榨菜 撈埋幾好食牛筋好入味 好淋 但我鍾意彈彈下個啲多啲😏墨魚頭好韌 唔好叫👀推薦魚肉春卷同牛肺 煮到入哂味咬落仲有汁必岀黎 好好食😘缺點係呢到啲位真係坐得好辛苦😢

在銅鑼灣不愁沒有吃的，但大部分是千篇一律的連鎖食肆，或是貴價外國餐館。要找比較抵食或是地道的，渣甸街值得一逛。我們今晚的選擇是榮記落單後不久車仔麵便來了！湯底是腩汁，味道濃厚而不涸喉，十分不錯！餸菜亦是水準之作。蘿蔔超入味亦沒有渣，豬大腸美味又不過肥，豆卜咬開兩半吸盡湯汁後再吃非常滋味本來沒有打算叫油菜，但看見對面搭枱的情侶叫的油菜原來是西洋菜！驚喜不已，立刻趕忙落單西洋菜輕輕灼熟浸在湯汁中，非常新鮮好吃最後是滷水雞翼尖，雖然很多人說吃雞翼尖不健康，很多荷爾蒙很多脂肪這樣那樣的⋯⋯但是我倆就是敵不過貪吃這個惡魔，今日再一次投降！滷水雞翼尖極度出色。那個滷水汁比正常的要甜一點點，有些少像瑞士汁那樣。雞翼尖很大隻，超入味，好吃得不得了

夜左收工，簡簡單單食餐車仔麵食左個三拼麵（$40）👆餐牌，都幾多選擇，我食果時豬紅售罄嗌左個「墨魚頭」、「雞翼尖」、「豬大腸」油麵🍜油麵粗幼適中，有嚼口，好味但份量太少！！連女仔都未必夠食豬大腸係亮點！黎左咁多次，第一次食豬大腸，原來咁正洗得都好乾淨，咬落去好夠味，爽口！另外雞亦尖都好淋好入味～都有4-5隻嘅份量～墨魚頭更加唔洗講，個個都會叫！超爽好味成碗麵嘅精華就係個腩汁湯底，無可置疑個湯底真係好香好濃味。但係亦都濃到好咸下，食完要狂灌水食一餐半餐都還可以，但唔可以成日食

夜晚9點幾食 榮記都超級多人排隊🙄🙄我地去到都成20個先到我地，之前食過一次好好食，林住再戰啦🤔🤔，等左15分鐘到就到我地啦😍😍原本林住叫墨魚頭 點知買曬，叫豆漿都無曬🙄🙄真係好好生意呀😂😂 跟住d店員係咁話，條隊好長呀😂😂咁我就叫左魷魚酥同豬紅👇🏻👇🏻精華之處真係個湯底😋😋😋飲一啖湯真係覺得排左咁耐都值得😍😍 好濃既腩汁👍🏻跟住再叫左份西洋菜👍🏻👍🏻係唔錯既👍🏻👍🏻爸爸就叫左呢個鮮蝦雲吞同豬紅，爸爸食完都大讚好食👍🏻👍🏻😋😋😋真係正呀😋😋會再戰🙆🏻🙆🏻🙆🏻

食物的美味程度不一定與價錢掛鉤，食過榮記粉麵的人相信會同意下午2點到達，門口已有一條小人龍，幸好等約十分鐘便有位，因餐廳有兩層位置算足夠朋友因最近受皮膚問題困擾不敢吃牛而走腩汁，雖然沒有馳名湯底會失色一點，但她仍盛讚蘿蔔十分鮮甜仿佛用糖水腌過一樣自己點了四樣餸，有墨魚、炸麵筋、冬菇及魚肉春卷，除了春卷較為平庸外，另外三樣餸都十分入味，湯底更是一絕美中不足是米線有點太諗，而且份量很少，女生食都只是剛好而已...四併價錢每位$46，下次經過cwb會再試，但會問可否加底

大概2點到榮記，唔使等即刻入得。已經有幾年無食過，依稀記得雞翼尖同豬紅好好味。是日黎到，發現無得嗌豬紅。叫左魚腐雲吞粗麵，另加左一碟雞翼尖同朋友share。雞翼尖都幾咸，但個味道係好嘅。榮記嘅魚腐係好似丸咁圓形嘅，同其他地方有啲唔同。食完之後我覺得榮記比之前退步左，但間唔中食下都可以嘅，希望下次食到豬紅！

工展會完經過攰死，見好耐冇食車仔麵價錢合理仲要入面勁多人就試下，點知食完只屬半飽同味道一般。講真2個餸加上麻辣醬($4)＝$38的車仔麵，價錢係可以接受，但份量真的偏少，加了$4懶特別咁分開2碗，吾知為咩，其實只係多個麻辣，比一個細碟已可以啦….食完都係吾太飽，豬大腸好瘦冇咩味（得一舊肥少少），墨魚頭吾脆口好軟身（份量ok)。麻辣味可以啦，但辣多過麻，如果下次再黎會寧願食返普通辣椒醬好點,還有是奇怪腩汁係偏甜冇咩牛腩香，有點失望……

聞名不如見面，一直聽人地講有幾好食，終於今日黎食。4餸要$46，要左蘿蔔、翼尖、魚肉春卷、大腸、米粉。見到附送時菜幾好。腩汁湯底係唔錯，幾清又唔咸。蘿蔔好入味又稔。其他餸一般，做到standard啦。唔駛一定要排呢間，仲有好多選擇！