棕櫚閣西餐廳

营业中

休息中

九龍維景酒店棕櫚閣西餐廳今期推介: 海膽、鵝肝、燕窩自助晚餐(折實價$398/位)CP值超高!每位一客嘅海膽刺身蟹籽沙律，來自南韓嘅海膽好鮮甜，包脆脆紫菜食好match!燕窩龍蝦濃湯任食任拎，香濃湯底加矜貴嘅燕窩茸，一碗點會夠呢?任食香煎鵝肝 + 鐵板燒虎蝦、羊扒: 香味滿滿，好受食客歡迎!海鮮吧種類繁多:刺身大大件絕不欺場，而且refill得幾快:即切牛肉/火腿質素頗高，有燒汁或黑椒汁可供選擇:仲有一系列冷盤+熟食，中/西式都有:蒸魚同白灼蝦最搶手呢!麵包+雞茸栗米湯幾好食wor!!輪到女生最愛甜品一環:必食:現場即製燕窩雙皮奶奶味好rich!其他甜品都好多選擇!!! 仲有任食Mövenpick雪糕+ 任飲果汁我就鍾意雪糕 + 熱茶，嘆下先!值得一讚收碟速度快，服務唔錯! 而且臨尾仲送水果拼盤一碟，$398可以食足3.5小時，真係好抵食!

老婆就快放假，和她相約在她工作附近地方吃飯，我預先訂好維景酒店自助晚餐。晚餐價錢為$398 /人，可任食各款海鮮，而且還有長腳蟹，非常超值。餐廳供應多款食物，有魚生壽司，海鮮熱盤/冷盤，水果沙律，特色甜品，飲品及movenpick 雪糕。全都是無限量供應，非常吸引。先來燕窩龍蝦濃湯，龍蝦味突出，有粒粒龍蝦肉，真材實料。阿拉斯加長腳蟹，大大條海水味濃，老婆讚不絕口。餐廳每人會附送一客海膽刺身蟹籽沙律，海膽很鮮味，用紫菜包著海膽吃，實在很滋味。在燒烤區拿了鵝肝，燒得很香口，吃得津津有味。最後吃少少生果清一清腸胃，很滿足的一餐。

7月迎來第1餐生日飯，係去酒店食自助餐，幾個朋友仔一早訂好枱，話維景酒店既棕櫚閣西餐廳既自助餐唔錯，真係好耐無去酒店食自助餐，所以都幾期待。7點左右去到，冷盤熱葷鉄板燒樣樣都有!今日主攻長腳蟹 …… 長腳蟹又長又粗，肉質肉味都好正，食落口一梳梳啖啖肉! 最緊要個味剛好，小小咸，但唔會勁濃味! 正食左一陣之後，餐廳就每人送上一客海膽刺身，個陣海膽味好濃烈，正! 鉄板燒我地拎左羊架、虎蝦、鵝肝羊架整得好入味好腍，有極小羊羶味，比我預期好食好多! 虎蝦超惹味，又夠大隻，食完會想再食。鵝肝燒得好香，配法包食又肥又有口感。另外林林總總食左好多野…… 魚生刺身都有好幾種，三文魚厚切好肥美; 牛尾勁腍入味又正; 燒牛肉口感唔錯…… 最後仲食個燕窩燉奶 ，又滑又滋潤，奶味好重! 仲有movenpick雪糕任食: 雲尼拿朱古力士多啤梨…… 我揀左士多啤梨，酸酸地又唔會太甜，口感又滑。 食完好滿足

朋友聚會，中午嘅聯誼活動係中國國粹 — 打麻雀，之後就去佢隔嚟間酒店食Dinner Buffet。九龍維景酒店嘅棕櫚閣西餐廳，雖然好多信用咭做緊八五折優惠，但最抵嘅係用opencie coupon，7月份，星期一至日成人都係$378，已經包左加一，幾抵食。座位幾寛敞，但係裝修就略為old style。首先每位送左一客海膽刺身蟹籽沙律，連埋一杯紫菜。海膽味道幾鮮甜，真係唔錯。飲品有三款果汁。有奶茶、檸茶、檸水，仲有即磨咖啡機，比較難得嘅係咖啡機可以出埋熱牛奶，啱晒小小小朋友。湯有兩款，其中一款係燕窩龍蝦濃湯，一窩窩個別加熱，成窩上枱，夠晒熱辣辣。生果冷盤都幾齊全。刺身壽司係無限數量，自己鍾意幾多攞幾多。好少見係連埋魚頭魚尾上枱，排得幾靚吓。凍海鮮用冰冰鎮住，保存新鮮。翡翠螺、蝦、青口、小龍蝦、長腳蟹唔少得，但就無龍蝦、生蠔，有少少失望。熱食最好食係鐵板燒，有鵝肝、羊扒、虎蝦，師傅成晚煮到唔停手，好好食，好受歡迎。另一款推介熱食係燒牛仔肉，呢檔師傅超有禮貌，細心服務，我每次攞完都講句多謝。牛仔肉中間燒到粉嫩，好濃牛味。其他熱食我冇食到，唔係特別吸引。因為我要留力食甜品，甜品枱有唔少選擇。仲

最近同朋友、家人連連慶生。同朋友慶祝就多數韓燒、日式放題、打邊爐，同家人就傳統啲食中菜，或者東南亞菜。今日係細佬生日，諗都唔諗就話食自助餐，都好，梗有嘢啱食，唔駛煩～九龍維景酒店位於傳統住宅區何文田窩打老道，九龍中央圖書館附近，周圍環境就比較靜啲，但交通都幾方便，搭巴士門口就有得落，旺角東站行落嚟大約15分鐘。呢度嘅自助餐會定期推出唔同主題，今次係【海膽|鵝肝|燕窩自助晚餐】，每位客人都會有一份海膽。海膽雖然只係細細板，但味道鮮美冇異味，可以用紫菜夾嚟食。每份海膽配埋青瓜蟹籽沙律，食完海膽可以清吓味道繼續作戰。出去先巡視一吓先。刺身主要有三文魚、吞拿魚、北寄貝、希靈魚同鯛魚。擺晒喺度任攞唔駛等師傅配給，最搶眼係鯛魚，成條上，感覺更新鮮。食自助餐喪食蟹腳是常識吧。蟹腳勁新鮮仲有啲鹹味。除咗蟹腳仲有青口、帶子、小龍蝦。經常refill唔怕冇晒。熱盤方面選擇都唔少，攞咗一大碟炒蜆同螺返去慢慢嘆。重點係師傅即場烹調嗰part。有即煎嘅虎蝦、羊扒、鵝肝多士，即煎嘅鵝肝又熱又軟滑，多士其實係口感軟腍嘅麵包仔，入口容易。燕窩龍蝦濃湯，未飲以為係龍蝦湯其實係番茄湯，不過料又幾足嘅，真係有燕窩同龍蝦肉。

第一次食旺角窩打老道維景酒店棕櫚閣的自助晚餐, 估唔到以優惠價每位398元卻有驚喜, 雖然裝修比較傳統, 但食物質素一啲都唔平凡， 加上由6:30pm至10:00pm的三個半鐘頭任食， 一邊食一邊跟家人聊天,週末來說好難得的一晚。當中高質食物包括每位一嚇海膽刺身蟹子沙律、 燕窩龍蝦濃湯、 任食香煎鵝肝、 鐵板燒虎蝦、羊扒、 即製燕窩雙皮奶 、燕窩奶白蛋撻、 高質 Movenpick雪糕。 加上熱葷食物和海鮮吧種類也有很多選擇， 咁樣價錢絕對是超低食。海膽刺身雖然是細細版，但味道鮮甜沒有腥味，配搭紫菜食，零捨好食。燕窩龍蝦濃湯， 之前在別間飲過此湯較為苦澀， 但這裏的龍蝦都沒有苦澀味， 雖然龍蝦味不重 ， 但間中食到龍蝦肉 ，口感但好香滑。香煎鵝肝， 油脂甘香，入口即溶， 由於味道惹味好食，結果最後食有兩件收工。鐵板燒虎蝦和羊架， 廚師燒得也不錯， 尤其是虎蝦雖是雪藏的，但燒得非常惹味，肉質結實不霉， 加上食落有蝦味，不錯。海鮮盤分別有長腳蟹、 青口、基圍蝦和龍蝦仔， 每樣都是了少少, 以長腳蟹稍為鮮甜味美。另外冷盤食物質以三文魚、 甜蝦和北極貝為主打， 份量無限添。熱葷食物質主攻不同蜆

今日同屋企人慶祝生日，去左九龍維景酒店食buffet，位置都好方便，我地屋企留下直接坐巴士就去到！行返去旺角都係十幾分鐘到！今次我地簡左食自助晚餐，呢加做緊優惠價，另外再加埋信用卡折扣優惠，都係三百幾蚊位，其實同放題差唔多價錢，但一班屋企人可以坐得舒舒服服，仲可以食三個半鐘頭，真心唔錯！出去行左個圈，比我最驚喜係，款式不多，但係有好多海鮮，不論冷盤同熱盤都有多款選擇我家人最喜歡就係食亞拉斯加雪蟹腳，厚肉又鮮甜😋刺身都有幾款選擇，本人最鍾意食三文魚，這裏的三文魚非常厚切又肥美仲有廚師煎鐵板虎蝦、鵝肝同羊架，味道唔錯，幾惹味，材料都好高質最驚喜係食食下，員工每人會送上一份海膽刺身同蟹籽沙律，海膽一板上，好鮮甜，包埋紫菜食仲正👍🏻甜品都有好多款式，有我最愛嘅芒果紫糯米飯，仲朱古力噴泉⛲️最正嘅係，movenpick 嘅雪糕係任食，食返幾杯都回本啦！我家人好滿意這次的自助晚餐，價錢唔貴之餘，仲坐得舒服，食物質素都ok，下次我們都會再黎！

如果你有呢幾個卡消費再有85折㗎今日ot等埋朋友想一齊 放工過到去餐廳， 七點半左右感覺已經好遲啦， 食buffet都係越早到越著數😆😆， 餐廳望落去 環境都幾舒服 有種懷舊嘅感覺海鮮有 扇貝，青口，長腳蟹同凍海蝦熱食都有好多選擇食飽仲可以自己整個朱古力甜品相信最搶手就係呢個羊架，鵝肝 同埋大蝦， 啲食物簡直係妙殺， 大排人龍十分受歡迎 甜品都有幾多選擇， 睇見都開心呀刺身成條魚想放喺度任你夾， 感覺非常好，唔會好似有啲 buffet咁又要排隊，孤寒寒咁。長腳蟹我最欣賞 成隻腳都係肉呀唔會 又水又林又霉咁， 食過返尋味，主打食佢都已經回曬本啦🤭🤭凍海蝦就係我第二個最愛 favorite，好味道每枱每一位客人都會送一份海膽刺身畀你自己慢慢歎，超正❤️肉類我就推介個羊㗎同埋鵝肝多士， 啱曬我口味跟手再鋸返個牛扒， 個肚已經食唔落其他嘢啦， 我承認我的確太細食，每次食buffet只能採取貴精不貴多 攻略😂😂😂😂😂

今晚黎食呢間酒店自助晚餐，優惠價三百幾蚊一個，抵！餐廳環境舒適，坐得舒服。食物種類好多，剩係熱盤都有十幾廿款！冷盤同水果，應有盡有！壽司吸引！另外，每個人都會有一客海膽刺身蟹子沙律！海膽新鮮，甜美！入口即溶！份量唔多唔少，剛好！正！正！正！最最最中意食就係呢個香煎鵝肝，超正！即叫即煎，外脆內軟，香味撲鼻，食完齒頰留香。酒店一啲都唔會慳皮，鵝肝好厚身，好味到我食左成十舊，返晒本！！板燒虎蝦和羊扒都唔錯，火喉控制得好好，羊扒唔老，唔乾，汁鮮肉嫩仲羊有羊味。蝦有蝦味。海鮮吧，見有阿拉斯加雪蟹爪，龍蝦仔，蝦和壕...隔離有刺身和壽司。種類多，樣樣都好新鮮！係呢個moment我地專攻蟹腳和少量的魚生和蝦。蟹腳新鮮多肉，肉質實淨，長夾長有，可以食到飽。爽！不得不提係炸薯角，雖然平凡但係炸嘢永遠係無得輸。尤其仲係脆卜卜，熱辣辣的時候。金黃色的薯角，極致脆皮的囗感配加沙律醬。無得頂。甜品又係另一個胃！甜品有即制燕窩雙皮奶，經過時見到新鮮出爐，真係要食番兩碗，滋補下。奶味香濃，口感軟滑。雪糕有我最愛嘅movenpick，不能錯過。一冷一熱，冰火交融，正！最後發覺原來唔記得試龍蝦濃湯。但係已經食到很飽。點

<自創左movenpick加 古力憤泉😈🍦, 性價比好高既自助餐 >#fafafoodblog旺角《九龍維景酒店棕櫚閣》3.5小時「海膽、鵝肝、燕窩」自助晚餐，由630 pm 至10pm任食！ 😆每位398 蚊👍🏻首先講講有乜特別野要食先 1. 忍唔住講左我食甜品時見到movenpick雪糕 特發奇想 將佢連埋朱古力噴泉一齊食 , 🍦😍 變成左香濃既脆皮雪條 不得不讚自己醒目😂 真係好正 仲可以加埋棉花糖生果 好似菠蘿西瓜等一齊食 無得輸🍡🍉🍍2.每位送海膽刺身！海膽鮮甜加上沙律 用紫菜包住黎食好鮮味 😍3. 有個大大既法式海鮮吧任食：以任食黎講好鮮甜既亞拉斯加雪蟹爪🦀啖啖用 鮮味紐西蘭青口😄 好煙靭彈牙既加拿大翡翠螺🐚仲有法國香草龍蝦仔🦐 都好鮮甜 正😆各式產地直送刺身🐠好似軟滑既三文魚 有口感既鱆紅魚 仲有三文魚希靈魚等等 都十分唔錯4.熱食都好正 有即製鐵板燒老虎蝦🦐鵝肝 😍羊架🐑 d羊架keep住大大碟甘燒 大大件充滿香草香 羊味夠 又有咬口 正 老虎蝦未到好大隻 但見到師傅燒時已知蝦肉新鮮 所以點燒都夠鮮味 加上鐵板夠鑊氣🔥正 , 而我最鍾意既鵝肝就要燒得比

旺角維景酒店我就嚟過好多次，不過都係第一次光顧佢嘅夜晚自助餐。隔著玻璃望住繁忙嘅街道，再望著枱上面嘅食物，頓時覺得辛苦了一天，後終於可以休息一下滿足自己的肚子了！呢度嘅食物應有盡有，包羅萬有，我深深被佢嘅長腳蟹海鮮吸引住！不過係未開始食之前，店員已經安排左呢每人會送一板海膽，好興奮啲海膽完全唔腥而且仲有幾塊紫菜可以送口，加埋蟹子沙律感覺好新鮮！都唔使10秒就已經清晒成個板上面嘅海膽，我同朋友都食得津津有味。呢度嘅海鮮尚算新鮮，我同朋友都食咗三碟以上嘅長腳蟹先肯收手，佢哋既肉好結實，而且含有豐富嘅海水味。另外我平時從來都唔沾手嘅田螺，今日竟然食咗幾隻，田螺肉好有咬口。另外我發現呢度仲有我最鍾意食嘅Movenpick雪糕，為免一陣食得太飽所以我一開始已經食咗兩盒雲呢拿雪糕，呢度嘅雪糕唔會雪得太硬，係可以入口嘅硬度。仲有隔離一個非常吸引嘅朱古力噴泉，加埋啲水果一齊食，酸酸甜甜，為口腔帶來刺激感。呢度仲有好多熱食，分別有女人最鍾意食嘅燉奶同埋燕窩龍蝦湯，燉奶保存係非常熱嘅蒸籠裏面，龍蝦湯亦都有獨立嘅電磁爐替它恆溫，仲有我平時唔太喜歡吃嘅羊架竟然係呢一度食到，肉又唔騷，而且脂肪均勻，加埋淡淡的薄

與朋友飯聚，想搵間唔係太貴又坐得耐D，慢慢𣈱談，最緊要寧靜少人嘅自助餐。餐廳地點其實唔算就腳。食物方便，都算抵食嘅，當中最深刻印象係鵝肝，龍蝦湯，燒牛肉，同埋壽司。特別一提，刺身同壽司🍣雖選擇不多，但勝在好新鮮，據朋友所講啲材料係每日喺日本空運過來的。蒸魚亦都係有上佳水準, 亦係每朝喺市場新鮮嘅買返嚟嘅游水海鮮，而其他食物冇乜印象，不過不失。每位連加一三百多元，以呢個價錢冇乜可以投訴，不妨試試！

5月10號食 5月21號再食就想點呀…… 隔夜餸 !？煮到黃晒嘅菜心 … 次次都係咁過晒火定係隔離餸!？青豆角西芹炒牛肉 青豆西芹黃禁禁 牛肉冇味 嚡 ……由開始放到自助餐完結 都冇客攞豉油雞 汁燴鴨胸 汁燴排骨肉 肉 肉 …… 炒烏冬 淡味 碎濕濕滷豆腐 白汁薯 都係熱葷之一二鐵板煎羊鞍 每次煎10零件煎10幾分鐘 & 仲要冚鑊蓋 過晒火浪費食材師傅浪費食材 態度感覺唔友善 1:30pm 就冇再refill …… 蘿蔔炆牛腩冇晒 粉麵檔冇師傅企檔返而尾段 曲終人散時段有驚喜 有條蒸石班但已冇人問津 可惜

下午自助餐 星期一至日 同價$198+10%有會員咭/信用咭 都有折扣五一勞動節 都唔多客 可能去晒勞動 爛gag成年冇去 因嗰次質素差咗 冇晒信心 ……今次好滿意 用心煑 份量足 refill快 好味道大部份都係舊菜式 今次仲有“鮮蘆筍“鮮蘑菇都好正但今次冇出 ok la 有蘆筍煎羊鞍 面金黃夠香味 切開粉紅肉嫩葡汁海鮮 足料 虾爽魚滑尤魚仔唔韌灼菜心 次次都係過晒火忌廉蘑菇湯 湯濃 好香滑 好重蘑菇香味中式 滑蛋鮮茄湯 過甜 重茄膏味 都係比較喜歡老火湯 感覺滾湯有啲hea爐端燒淨係煎豬扒 買相唔吸引 冇食即煮湯麵~ 咖哩魚蛋魷魚 上湯油麵 過往嘅“越式生牛肉金邊粉“ 吸引啲甜品蛋糕多選擇 Terimisu 布甸 涼粉都正飲埋杯 cappuccino 就 心滿意足

老公生日鐘意食自助餐慶祝，於是今次決定同佢黎九龍維景食，最主要個原因係佢地而家做緊個「西班牙遇上葡萄牙」自助餐，其中一個主打係西班牙海鮮飯，係我老公既至愛。果晚真係好多人~ 我地7點幾到，好多野食都俾人拎晒，不過好彩，轉個頭就已經Fill返，都算抵讚！坐低食個頭盤先啦 - 西班牙燻腿呢個燻腿片得都幾薄，我老公話越薄越好食架，旁邊有擺左多士係度，可以配埋一齊食，又真係好好食喎，好香，齒頰留香既感覺再黎就梗係要食刺身啦 (壽司係我老公的) 刺身都幾新鮮跟住見到有碟黑蚊蚊既野，睇清楚先發現原來係魷魚黎架 呢個好好食呀，個味道同我地細個一隻罐頭既味道好似，唔記得個名，橙色罐既，令人懷念食完冷盤就出去再搵D熱盤食下啦，出去一睇即刻嚇一嚇，竟然有隻豬係度喎，仲要成隻上，食自助餐真係未見過，一問之下，原來呢隻叫葡式燒乳豬，新鮮熱辣。俾前面2個人夾左先，中間穿左個洞 呢個真係好好食~  皮仲脆卜卜，肉就好嫩，一D都唔鞋，好搶手，好快俾人夾晒，好彩過左一陣又有陣新豬仔出黎喇即刻出去排隊夾多2件，仲岩岩好見鐵板燒岩岩燒好d羊架，順手夾多舊考敬老公，佢話個羊架好好食，好嫩，有少少羶味，配埋個薄荷醬好Matc