棕櫚閣西餐廳

营业中

休息中

朋友約食飯，一早約咗間自助餐，試一試，原因好簡單，一個字“平”。 另外佢更加係一間酒店入面嘅餐廳，令到我更加想試一試。地點方面，位於旺角何文田交界，由地鐵站步行過去大約需要十分鐘，路程上面唔算太遠。 不過天氣咁熱，其實都出曬汗。海膽刺身蟹籽沙律， 每人一客，最重要夠曬新鮮，沙律菜洗得夠乾淨，用料十足。 海膽完全冇腥味，每人一版。現場即製燕窩雙皮奶， 上面大大啖燕窩，甜味適中，性價比十足。無限量供應movenpick雪糕，名牌雪糕，任食夠晒。海鮮吧 ，阿拉斯加長腳蟹， 青口。 正宗長腳蟹啖啖肉，性價比已經完勝。燒牛肉， 有個師傅企喺度，一片一片剪比你，淨係人工已經賺咗。熱盤十多種，鹵水豆腐， 清蒸海上鮮， 汁煮牛吞。 呢幾款我最欣賞，味道同中菜館嘅不相伯仲。果汁無限量供應， 最得人鍾意係西柚汁，可惜一早加咗糖，如果係無糖更加出色。下次都會再去食，咁嘅價錢有咁多嘢食，已經贏咗。

假日同家人一齊去左屋企附件的酒店食自助餐, 享受家庭樂.  餐廳內的座位闊落, 坐得舒服. 各式食物的擺放陳置都整齊企理, 乾乾淨淨, 唔會話俾人 “了” 到亂糟糟.每位的價錢唔算貴但重要係食物質素尚算唔錯, 而且refill速度都算快, 唔使話要等好耐. 首先每位客人都會送一客 “海膽刺身蟹籽沙律” .  海膽刺身非常新鮮, 入口又鮮又甘甜, 口感軟綿即化, 完全冇腥味或苦味, 正!! 海鮮吧 有螺,海蝦,龍蝦仔,青口,帆立貝,長腳蟹等… 基本上每款的size 都幾大隻同埋幾好肉.  長腳蟹蟹腳粗身, 蟹肉飽滿鮮味, 海水味重;  龍蝦仔雖然唔係太大隻, 但都蝦肉不但飽滿仲有唔少膏. 入口爽口彈牙仲好鮮甜! 鐵板煎羊扒, 燒虎蝦 & 香煎鵝肝  虎蝦都幾大隻, 蝦肉彈牙得黎又啖啖肉;  鵝肝兩邊煎得微微金香, 入口軟綿綿, 油香係口中四散, 真係諗起都流口水. 鍾意鵝肝的朋友, 一定要食多幾件! 燒牛肋 & 火腿 燕窩龍蝦湯  龍蝦湯雖然唔係話非常濃厚, 但味道都OK幾好飲. 而湯內的燕窩&龍蝦肉都唔少, 最緊要啲湯係熱辣辣, 即時感覺更加好飲.  野菌海鮮夾飲餅,

魚生勁唔新鮮，食物款色勁少，最好食係螺絲粉，咁既價錢去食放題都無咁嬲，差

三百幾蚊食個晚餐有咩選擇？可以泥窩打老道九龍維景酒店食自助餐，款式OK，選擇都夠多。重點係包奶茶咖啡，仲有每人敬送海膽，一人一份唔使爭。刺身款式很多，直頭要用好多力形容有新鮮油甘魚三文魚，呑拿魚以及希靈魚，北寄貝等等，一大盤等大家慢慢拎， 當然唔少得壽司以及卷物啦！呢度嘅熱盤反而很精彩，選擇超多大概有十幾至20款，特別喜愛嘅有意粉，炸墨魚，以及新鮮美味嘅扇貝。滷水雞翼和豆腐都很吸引！至於海鮮嘅熱盤選擇也好多辣酒東風螺炒蜆等等很有本地風格。牛仔肉也好好吃。另一個亮點係鐵板燒羊架，大蝦以及鵝肝。大蝦彈牙，鵝肝需要等一段時間，配上鹹泡芙味道比多士更好。鍾意食法包嘅我不能錯過蒜蓉法包片。熱辣辣10分好味海鮮選擇包括有長腳蟹腳翡翠螺小龍蝦鮮蝦等等青口鮮甜大隻，腳蟹雖然唔算大但係好甜。沙律及冷盤選擇都好多特別喜歡蘆筍菜，以及蜜瓜配西班牙火腿亮眼的韓國海膽一人一份，鮮甜可口雪糕是高級的這個甜品選擇很多而且有不同款式嘅水果朱古力噴泉等等可惜我太飽啦！三百幾蚊一位實屬抵食。

晚上出街食自助餐動不動就要上HK$500以上一個人，如何幾個人黎食花費其實都幾高，仲要第一次都唔知質素如何～但係上星期為左同男友慶祝上個月去影Pre-Wedding，又上網先到佢個自助晚餐唔算貴，就約左Happy Friday去試試！地點其實就唔係話好方便，由MTR站行過去都要10-15分鐘左右～呢間酒店上面有間西餐廳，雖然酒店餐廳格局不是新潮的，但想不到美食不可以靠外表來看的！呢個自助晚餐HK$398（加一），每人都係4百鬆d就可以任飲任食3.5小時，而且美食種類十分多！餐廳內都係好Old School的酒店格局，不過全個中間Area都擺放了唔少美食～分別有冷盤沙律、新解刺身，現場仲有廚師即場煮的熱辣辣美食，好似有野菌海鮮夾餅、燕窩龍蝦濃湯、香煎鵝肝、鐵板燒虎蝦、羊扒、燕窩雙皮奶、各式熱食、海鮮、長腳蟹、小龍蝦、青口、豬手、各式甜品蛋糕、任飲果汁，仲有任飲Coffee Bar同任食MOVENPICK雪糕等等等，真係多到不能盡錄～每人都有一客海膽刺身蟹籽沙律，伴著紫菜包起一齊食，海膽唔腥，入口即溶～刺身都種類都幾多，肉質鮮嫩，唔會有腥味，解凍都好夠！而長腳蟹都唔錯，仲有提供唔同的工具供

難得老公想食自助餐， 當然要選擇一間價錢合理、食物水準又高的地方啦， 呢個時間即刻諗起<九龍維景酒店的棕櫚閣西餐廳>， 餐廳仲會不停時的改變主題， 今次是“海膽、鵝肝、燕窩”，價錢只是每位HK$398 環境闊落舒適，雖然是平日晚上但7點已經非常多人， 好才一早已經訂左位~ 一入去已經被呢個海鮮冷盤吧所吸引， 有長腳蟹、小龍蝦、扇貝、甜蝦、青口，款款新鮮~ 特別是長腳蟹肉質鮮甜， 小龍蝦清甜多肉，最重要是refill得快~ 刺身方面亦非常新鮮，款式都好多，有三文魚、吞拿魚、希靈魚、北寄貝等，仲有各種壽司~ 熱盤方面選擇非常多， 有鐵板燒烤如羊架、鵝肝、大蝦等~ 仲有扇貝、椒鹽蝦、東風螺、青口、原條蒸魚等~ 當中最愛燒羊架，完全沒有騷味，肉嫩多汁， 另外煎鵝肝亦非常推介~ 必飲推介“燕窩龍蝦濃湯”，非常香濃，湯料份量十足， 有一塊塊的龍蝦肉，同一絲絲的燕窩，而且廚師即時製作，熱烘烘的~ 另外每位客人會送“海膽刺身配蟹子沙律、紫菜”， 海膽非常鮮甜，令人食不停口~ 最後當然不可少的精美甜品、新鮮水果啦， 甜品選擇不算好多，但款款美味~ 最值得推介就是榴槤奶凍，榴槤味

I was planning to have hotel buffet with my family tonight since it has been awhile and we could slowly take our time eating. We decided on eating at Palm Court Western Restaurant as the reviews seemed quite good. It was located inside Metropark Hotel Kowloon, in between of Mongkok and Mongkok East MTR.  They were running special promotion now where each person was priced at $398 net, which was quite a steal during weekend.The selection of food seemed huge, from seafood, cooked food, sashimi, dr

聽朋友講話九龍維景酒店的buffet食得過，呢日就一於同太太嚟食下。餐廳先每人送一板海膽配蟹子青瓜沙律，海膽新鮮creamy, 配紫菜食夠晒正！Buffet的食物種類有好多選擇，海鮮(長腳蟹腳、翡翠螺、凍蝦、青口、小龍蝦)、熱食、冷盤、刺身、壽司、扒、水果、沙律、蛋糕、甜品…… 各式其適式，應有盡有。我就好喜歡下面呢幾樣：煎羊扒 - 肉質嫩滑，有羊味得嚟唔會羶煎鵝肝 - 香口無筋，表面煎得香脆，正！長腳蟹腳 - 肉質新鮮，味道鮮甜翡翠螺 - 爽脆鮮甜，夠晒新鮮奶油焗帶子 - creamy香滑的奶油同帶子真係好配😋燒牛肉 - 有廚師為你即叫即切，配上黑椒汁更加味美 。甜品蛋糕 - 種類又多又精緻，女仕們同小朋友的最愛。燕窩雙皮奶 - 奶味濃郁，口感幼滑，配上珍貴燕窩，好味養顏。其他仲有下面的食物都好吸引，壽司刺身 - 三文魚、吞拿魚、希靈魚、帶子刺身，款款望落新鮮有光澤朱古力噴泉 - 小朋友門的至愛不得不提呢度任食 Movenpick 雪糕，我當然唔會錯過啦！總括嚟講，呢度食物種類多選擇，食物質數高、味道好，回本值高嘅食物又多，食足3個半鐘都係$398/位，真係認真抵食👍👍👍

朋友仔知我鍾意食鵝肝又鍾意食海膽提議去這間九龍維景酒店食buffet可以一次過滿足我兩個口癮，正到無朋友🤗先來一碗即叫即做的龍蝦湯，都算幾多龍蝦肉，味道到幾鮮甜熱盤有炒蟹炒蜆微微辣幾惹味每人有一版新鮮海膽，海膽鮮甜入口即溶，用脆卜卜的紫菜自製手卷，每一口都非常滿足😋我最愛的鵝肝是廚師在鐵板即燒的，外層燒得香脆，夠厚身油潤度高，一口咬落軟軟鵝油充滿在口腔久久不散👏🏻如果都係鵝肝fans，吃這道菜都已抵晒😆😆長腳蟹夠鹹鮮，羊架腍滑，最後再來一個燕窩燉奶和movenpick 雪糕😛滿足愉快的晚上

今日同男友全家一齊去慶祝伯母生日,揀左旺角維景酒店間自助餐,初時睇落入面好似細細間,食落原來都有唔少選擇海鮮BAR就一定唔少得啦,長腳蟹就一定唔少得,一定係最多人搶架啦,長腳蟹就有保證！都好有鮮味,又幾大隻！另外試過佢d青口同田螺都幾好味,！一d雪藏味都無，夠新鮮！海鮮BAR附近係沙律bar,都非常多野食,除左沙律菜,節瓜,木耳,雜果等等都有！熟食吧方面佢同其他地方都有d分別,好少見出面會有炒蟹食,又有炒田螺同炒蜆,都算多海鮮！甜品吧就同熟食吧一樣咁大,非常非常多既選擇,聽到其他人講原來佢每一樣都係得一碟,之後都係fill返其他新既甜品,所以大家鐘意食的話就要拎多件啦,因為可能就無得再食! 另外仲有張枱係鐵板燒：即煎羊架,鵝肝同大蝦,又係非常非常多人排隊,尤其係鵝肝,每人都拎好多件仲有幾樣野都做得幾好的,第一係湯:燕窩龍蝦湯同金菇南瓜湯都好好味,第二係燕窩雙皮蛋,呢個真係做得甜度岩岩好,好好味,食到中間重每枱都送一板海膽,係一人送一板圖中咁大板,真係低返哂,！正呀奶茶咖啡果汁任飲,重有雪榚食,食品種類真係非常齊全仕應又有求必應,態度好好,係一家都食得開心既一餐水果，生菜，凍食櫃蒜蓉包，

同家人慶祝食飯，老一代既人永遠最鐘意食自助餐，覺得咩都有得食好正！俾我發現到呢間酒店有優惠好抵食，仲要有海鮮燕窩食咁正，一於就揀呢間！😀一早訂左枱，6:30開始去到全場爆哂！厲害！餐廳唔算好大，但食物選擇都好多，仲好集中，方便我地搶食😂😂一開始梗係去最多人拎既海鮮位啦！有大大隻既長腳蟹，龍蝦仔，青口，帆立貝，田螺，大蝦！好快就俾人搶哂，好彩餐廳都fill得快，搶唔到都唔洗失望😂長腳蟹都幾好味，大大隻腳啖啖肉！而且都幾新鮮！沙律區：都幾多唔同既沙律，雜果，蔬菜，長通粉沙身等，可以自己DIY一盤沙律食，開下胃！凍食前菜區：有煙三文魚，風乾火腿，唔同款既火腿煙肉。刺身區：刺身都幾多款，有三文魚，油甘魚，吞拿魚，希靈魚……等等，壽司亦有多款選擇！三文魚刺身都好肥美，好新鮮。而且塊塊都切得好平均，食落好滿意！😍油甘魚都很好味，甘香味夠重！好鮮甜！😋熟食區：都好多唔同既熟食食，大大條水魚，芝士帆立貝，炒蟹，炒蝦，炒蜆田螺樣樣有！當然唔少得炒飯炒麵。！好豐富！而最受歡迎既就係即煎既整既：煎羊架，煎大虎蝦，煎鵝肝！！超正呀！！全部都熱辣辣，好好味！😍😍羊架大大隻，食落唔會好羶，加點調味料更香更好味！大

一年一度慶祝媽媽生日大日子，每次都選一間酒店自助餐慶祝，今年係 九龍維景酒店 ，搵左好多間自助餐，見維景做promotion $398/位，假日正價都要$488/位，平左近$100，真係好抵！酒店晚餐自助餐6:30pm開始，就齊人只有星期日，雖然早到都已經一大班客人在門口等入場！餐廳面積好大，幅左到右應該有近500座，食物品就在門口中央，好好彩被安排坐近拎食物位置。海鮮區 - 有長腳蟹、小小龍蝦、大大隻青口、帆立貝&凍蝦。雖然長腳蟹size唔算長，勝在鮮甜，好搶手！一板海膽+蟹籽沙律 - 正正因為有一人一板海膽，先吸引小妹過黎！味度算平均，唔會有海水味，不枉此行！魚生區-距離座位最遠處，有無限多魚生，分別有一大碟三文魚腩，第一碟有希靈魚+吞拿魚+生蝦，中間係名正言順一碟有魚gei魚生，但唔知叫咩名😅。 總體新鮮度💯，強烈推介三文魚腩&希靈魚！等候區-有燕窩龍蝦湯，燕窩份量唔算多，但個湯好鮮甜，完全有腥味！燕窩雙皮奶-味道調配剛剛好，有奶味但唔會穌！ 自己都食左兩碗半🤣燒羊架、虎蝦 - 師傅燒得唔錯，羊架&虎蝦熟度剛剛好，仲有燒鵝肝，但冇試到。甜品區 - 有唔同種類cake, 楊枝甘露

呢間位於旺角窩打老道嘅【九龍維景酒店】， 400蚊就有海膽、鵝肝、燕窩自助晚餐， 價錢非常之優惠， 難怪吸引到唔少本地客或遊客幫襯。 上星期有內地親戚探訪， 就同佢哋去呢間酒店食自助餐，行完街街再食嘢，超方便。 食之前最好先訂座，咁就萬無一失啦~晚市buffet由六點半開始， 一開始緊係食冷盤啦。 呢度嘅刺身採用自取形式， 自己食幾多攞幾多。 我最鍾意原條嘅油甘魚刺身， 肉質紅潤， 而且肉質軟身，入口滑溜柔軟， 味道肥美，入口化油。另外北寄貝刺身同樣鮮甜， 肉質彈牙爽口。另外每位顧客都可以享有一人一份的海膽刺身。 海膽刺身色澤金黃，一睇已經知道新鮮，味道甘甜，質感細膩，入口即溶。當品嚐過第一口之後，你可以發現海膽的那份獨特甘香， 用紫菜包住來吃， 一啖一口，爽~海鮮冷盤方面雖然沒有生蠔，但卻有我愛，無比鮮甜的阿拉斯加長腳蟹腳。 一梳梳的長腳蟹肉甜美多汁，而且帶有微微海水鹹鮮。 另外翡翠螺亦不容忽視，大大粒，質感彈牙， 味道爽甜，同樣係鮮味十足。熱食方面，我推介呢度嘅香煎鵝肝同埋鐵板燒羊鞍。 鵝肝油分充足，味道甘香。 大廚現場即叫即煎，保證鵝肝外脆內軟，淋上一抹甜醋汁， 既可以中和鵝肝的