棕櫚閣西餐廳

营业中

休息中

已經有幾年冇來，再次從遊舊地，可能因多人上大陸消費少咗好多人，不過有好有唔好，環境無乜點變，食物質素還可以keep到👍🏻不過已經冇咗龍蝦湯、蒜蓉包和生𧐢，仲有長腳蟹和扇貝食。其次刺身和熱盆也足夠，甜品有驚喜，有焗西米布甸，而家已經好少食店有得食，好少人整！甜度啱啱好👍🏻加分👏🏻謝謝他們的生日蛋糕，好精緻是木糠蛋糕👍🏻整體食用過程係開心。現時日本好多酒店也是重新翻身，希望這間酒店和餐飲部及洗手間能夠重新翻新，因為已經很殘舊，翻新後會吸引更多顧客。感謝你們的服務🙏🏼😊

因為優惠248一位，由於實在平宜，所以没有太大期望，卻令我們有物超所值的驚喜，冷盆有長腳蟹，翡翠螺，連殼元貝，青口，凍蝦，魚生有肥美的三文魚腩，鲷魚，吞拿魚，希靈鱼及幾款壽司，都很新鮮，美中不足是翡翠螺有沙。熱食也很豐富有羊架，鱼塊，虎蝦都是即煎，非常好吃。湯有西式黑松露忌廉湯及中式蓮藕湯，另外有幾款中菜。。甜品有Mövenpick 雪糕，幾款蛋糕，水果，甜品，糖水，飲品有凍熱檸檬茶，咖啡，菠蘿汁，蘋果汁。附加一提我們家一遺漏了東西，女服務員跑出來交给我們，並報以親切的笑容，感谢妳!當然服務也非常好，家人們都很滿意當晚的一切，會再光顧。

雖然響旺角區，但遠離地鐵站位置不太方便， 用膳時間有2.5小時， 座位舒適，食物亦算多款。同樣有一般熱食凍食沙律水果甜品等等， 飲品湯果汁一應俱全。 dreyer's甜筒是任食， 魚生基本上有三文魚，入口覺新鮮，同佢甜品芝士蛋糕不錯， 佢冇特別嘅貴價生蠔長腳蟹龍蝦等等， 但普普通通食一餐飽嘅仍然係可以的。埋單＄188加1服務費， 算係物有所值。

見到網上好多好評，好似真係平靚正，可惜真係中大伏！！！訂枱時侍應語氣無禮貌都算！ 去到行一轉，真係食物類別非常少！幸好，魚生算新鮮正常、熱盆得幾個，全大籠饅頭义燒包係凍嘅、炒米粉、炒飯，配料似廚餘！ 一大盆居然係蒸雪藏排骨粒、似員工福食！有個炸魚茄子，比較正常、牛仔骨似下欄，極量梳打粉，廚師功力、餸菜衰過三餸飯！然後炒一盆，食完無得加，咁差仲長期空置！廚師明言是無貨了！！加上差嘅甜品、平價雪糕$180收了，食客絕無翻本及下筷機會！

適逢有聚會喺呢度舉行，聚會後即享用自助午餐。周日自助午餐walk in成人收費$188，免加一，任食2個半鐘（1200-1430），以本地餐飲消費嚟講，價錢都幾吸引。西餐廳分兩區，食物係喺其中一區擺放，而坐另一區的食客需要經過一道窄廊通過對面，先可以攞食物，來來回回都幾唔方便。出入係一個問題，而另一個缺點係自助餐區好細，食物種類唔多，難同其他酒店的自助餐媲美，實際上更加似到會的食物。湯：中、西湯各1款；中湯好似係椰子雞湯壽司、刺身：2款刺身（三文魚同另一款魚生）、壽司、卷物沙律：8小盤食物，分別係粟米、蕃茄、青瓜、紅腰豆、薯仔沙律、三色椒、沙律醬三色雜豆同沙律菜熱盤：10款左右；印象中有洋蔥豬扒、炒飯、忌廉意粉、魚柳、忌廉甘筍、燴薯仔、炒蘑菇白菜仔、紅燒豆腐、羊肉、葡汁雞煎炸類：咖哩角點心：叉燒包即煮食檔：粉麵、迷你pancake甜品：（中式）迷你蛋撻、合桃糊；（西式）幾款蛋糕（好多蛋糕都差唔多：上層係忌廉，下層係海棉蛋糕，只係口味有別）、Dreyer's甜筒（4款口味：開心果、抹茶、焙茶、士多啤梨）、啫喱、果凍生果：3款；哈蜜瓜、蜜瓜、西瓜飲品：橙汁、蘋果汁、茶及由咖啡機沖製的4款咖

首先自助餐區極細，一眼睇晒，由刺身區至沙律區行三十秒行晒刺身全部都係魚，睇落唔新鮮凍海鮮有四款（蟹腳及蝦頭變黑），青口，扇貝熱食只有6款，無飯只有烏冬每人送一隻鮑魚仔（都幾好食）及焗扇貝一隻甜品只有5款🥲最好笑係，楊枝甘露竟然有自己啲員工係當值時間飲用，好心要食都等啲客走咗先啦😂有免費熱檸水 茶 咖啡最後埋單連加一$320。 5個人去食中餐無咁嬲😝😝絕對無下次。

一去到第一時間看有咩吃，一開蓋見到倉魚心諗似兩餸飯噃，果然冇估錯全部似2餸餸，乾伊、炒飯，有雞，牛，羊，不過硬雞，好乾，吃兩淡吐出來，諗住食個牛油包，好似擺咗四五日超乾，乜環球美食海鮮就是這樣，唯一讚三文魚🍣唔錯，夠肥，冷氣超凍，讃，其餘真係2餸飯，質素，今次6大1小去吃，太趕，週日即興，冇上網了解下呢間吃乜所以…6:30-9:30基本上上吃到8點前已經冇乜可以再吃,冲左杯咖啡，唔錯，4/8/2024

棕櫚擱這幾年已經成為是我們的飯堂了、最喜歡的幾樣食物~三文魚新鮮、凍蝦十分鮮甜、還有中西湯、最喜愛是有D字甜筒及雪糕、以前有芒果批最出式、白切雞也十分美味、新鮮生果哈密瓜和西瓜超甜、最實際是價錢超值👍👍👍

這是家人和我第二次來吃午市自助餐.  中午11:45抵達, 見到 Reception Counter 職員非常熱心, 居然連同一名老人家 (相信是名熟客) 的女傭一起扶該名老人家上樓梯級, 讚賞有加!  服務貼 ❤️, 100分👍!食物方面, 最欣賞的是: 三文魚剌身, 蒸魚柳, 濃郁的羅宋湯和煎餅配咖哩汁.  雖然三文魚剌身非最頂級, 但新鮮且不停refill, 尤其成人一位$188連加一; 而長者則 $168 連加一,  此價錢就算款式不太多亦無求了.甜品方面: 椰子蛋糕超正,  內有椰絲, 非香精的假味, 滿意! 蛋撻亦不錯, 雖然非熱辣辣, 蛋漿仍滿滿的,  有蛋香; 反而其他蛋糕可不用試 😅!另在 reception 看到一張寫上了待客應如置身在"千億假期"中? 待客如此, 萬分讚 😍🥰😘👍!最後,  若在所有食物旁能擺放名牌就更加好, 起碼知道那是什麼來的🙋!

平日到店，餐廳入座人數約8成滿左右，食物質素一般，選擇不多，有三文魚剌身及冷凍海鮮、熱食、甜品等等，食物味道個人來說滿意，整體用餐體驗不錯，會再光顧這家餐廳自助餐。

一入到酒店大堂就一浸霉味。 上到去見到個食物區 嘩 d種類細到似酒店送既早餐敢。第一次食自助餐會諗自己會唔會食唔飽。 因為係食物區到不停地鐵板燒，一坐低左就開始聞到好大油煙味，成間餐廳d通風都好差，浸油味大到令人頭痛。 而鐵板燒d魚肉好霉又有臭油味, d羊排一d都唔乾身 油浸敢。蒸魚d魚肉係好霉，菜心又老又黃。 完全想像唔到係酒店自助餐個一人一鵝掌同鮑魚，個汁似工展會食到嗰啲罐頭汁，煮到簡直係垃圾。 又唔熱 完全冷冰冰。

呢間旺角維景酒店自助餐，像以前佐敦新樂酒店，又或是那些舊式傳統百幾二百午市自助餐，刺身只有兩款，不過其實三文魚，都算新鮮，大大件，不是特別薄的那種，都算是大快朵頤的。即使是海鮮，都只有兩款，其他一律都是熟食，不過就勝在位於市區，百多二百元一位，這兒都叫做有兩款凍盤。另外，煎餃子都算是王牌菜式，因為它會有個師傅站着在煎餃子，然之後有客人在前邊排隊領取，感覺很戇居😜。於是我寧願拿海南雞的雞肉以及少許飯，似乎更為特別。另外咖啡茶橙汁等等都可以任飲，還有Dryers 甜筒以及雪糕杯，雪糕都算是比較特別，不是普通水果或是朱古力味，它的雪糕是焙茶以及綠茶味道，都不算是出邊便利店容易買到的口味不過始終它是那種舊式酒店自助餐，你看看樓底以及內裏的裝修，比較侷促，沒有落地大玻璃，環境難免比較較次不過考慮到價錢以及在窩打老道冇乜特別選擇，也可以算是辦公一族在附近的一個偷閑選擇

週末一行3人去食Buffet，上網見到維景酒店的自助餐介紹，係Openrice訂座優惠-星期日至四自助晚餐(18:30–22:00)淨價成人$338，長者$298及小童$218，三百幾蚊咁抵食即試下。餐廳的格局樓底矮，地毯及枱椅，有種懷舊之感，我地3人坐窗邊，感覺幾舒適自在。即睇有咩食。日式刺身及壽司，自已夾的。海鮮冷盤，比較吸引係長腳蟹。沙律。熱盤，據聞清多寶魚及焗釀蟹蓋較出名。有羊鞍及燒蝦等。甜品，目測選擇唔太多。熱飲。雪糕個架係Dreyer's，但內裡係Mövenpick，正!凍飲有果汁。蠔皇鮑魚鵝掌，每人一客，呢一刻嘅感覺好似酒樓，鮑魚彈牙味道鮮甜不俗，鵝掌賣相及味道都係普通。第一轉食刺身先，都屬於全場最受歡迎之一，大約有5款，除左三文魚及吞拿魚會refill之外，其他都係講彩數。三文魚厚切，尚算新鮮，甜蝦爽口，吞拿魚賣相及味道都係一般，其他正常水準。長腳蟹尚算多肉，味道鮮味不俗。焗釀蟹蓋，賣相吸引，味道鮮甜。燒蝦大隻香口。巴馬火腿蜜瓜，鹹香清新。青口及螺味道普通。浦蒸多寶魚，魚肉嫩滑鮮甜。羊鞍，少許羶味幾香口。吞拿魚沙律，味道不俗。燒美國肉眼牛扒，肉質軟嫩。野菌帶子濃湯，野菌

慶祝生日精明酒店晚市自助餐首選 - 香港九龍維景酒店棕櫚閣西餐廳 棕櫚閣西餐廳提供各式豐富自助餐及各國美味佳餚，款式琳瑯滿目，令人回味。酒店行政總廚嚴兆偉為「法國國際美食協會」會員及「法國國際廚皇美食會」的烹飪大師。除此之外，呢間餐廳已經連續15至19年獲得「優質旅遊服務」計劃認證的「資深優質商戶」! 未食只係睇佢QUALI都知道一定有番咁上下保證啦 ! 等CK UPDATE番大家而家餐廳做緊咩推廣啦🌴棕櫚閣西餐廳由2023年10月1日起推出全新「鮑魚‧鵝掌‧美國牛扒自助晚餐」！廚師推介多款美食，包括 野菌帶子濃湯、蠔皇鮑魚鵝掌 (每位一客)、法式凍海鮮吧、燒美國肉眼牛扒、清蒸多寶魚、日式半生熟吞拿魚、焗釀蟹蓋、雙皮奶等等，當然唔少得任食Mövenpick雪糕及任飲果汁啦 ! 我同女朋友怕肥都好食到食左4杯啦 ! 鮑魚‧鵝掌‧美國牛扒自助晚餐優惠淨價：成人$398 長者$318 小童$248*每位付費成人可享一名5歲或以下之小童免費優惠*(免加一服務費)———————————————🧁生日優惠🧁客人於生日月份預訂4位或以上自助晚餐可免費獲贈生日蛋糕🎂一個，請於2天前預訂*小童：6-12

經 openrice 優惠價食 lunch buffet, 以呢個價錢係冇問題，但如果你願意俾多一百蚊，已經有好多做特價更優質酒店選擇，個 salad bar 有驚喜，質素相當好，竟然有dryers 杯裝雪糕同甜筒，讚。