松記糖水店

营业中

休息中

上星期六，阿仔一知道荃灣新開左間松記，就話要去食幻彩明珠喇新開張冇耐，店舖同深水步間總店差不多大，都係企企理理咁。我同阿女一人叫左一個幻彩明珠，阿仔就叫左個刨冰，兩樣都好美道，保持到水準雖然價錢比其他店係貴左dd，但勝在就番我地d荃灣友，唔洗走出去都有得食 同埋唔洗好似深水步同油麻地店咁，排晒隊等一輪先有得食

松記糖水在荃灣開分店, 對我來說是一個喜訊, 因為唔使走到去佐敦、深水涉咁遠, 但如果開到嚟屯門市中心就更加好, 我日日來幫襯。今日回家前外賣了哈囉和幻彩明珠, 幻彩明珠依然好味, 生果好新鮮, 尤其西瓜好爽脆好甜。哈囉就第一次食, 原來都好好味, 有好多不同的豆類, 而且仲有粟米、黑珍珠、大西米同涼粉,仲有仲有好特別好滑的豆腐布甸, 材料好豐富, 食完會好飽。 唔想食生果時改食呢嗰亦唔錯。不過對我來說, 荃灣、佐敦、深水涉都屬於舊區, 唔明點解荃灣要收貴啲, 因為間舖新啲???

久仰大名....上星期第一次在荃灣見到它...心裡盤算著要找人陪我試試! 正值今天消耗大量卡路里, 放棄蘭苑, 滿記, 選了試新店舖!老公例牌薑汁蕃薯糖水, $12, 薑汁香濃, 甜味夠, 我覺得蕃薯腍咗少少, 唔夠鬆化, 我就大膽地要了芝麻薑汁撞奶, $18, 製造需時, 等了十五分鐘, 樣子麻麻, 芝麻味跟薑汁都是味道濃的食物, 兩個也很搶味, 是我選擇錯誤, 下次再消耗多些能量時....再試試松記湯丸吧!地方寬敞, 服務不錯, 甜品選擇多...豆腐花, 涼粉, 黑糯米, 西米露, 湯丸, 雪糕...什麼也有!

今晚同幾個朋友係旺角食晚飯加shopping,都十點半,打算食糖水,其實旺角都好選擇.但一心想試下荃灣既松記就由旺角特登返到黎荃灣食松記我們點了一個黑芝麻拼豆腐花兩個曲奇雪糕拼紫米露曲奇雪糕好好味但個紫米露就水左d..朋友就覺得d糖水唔夠凍都係總店好味d..我試左一口黑芝麻拼豆腐花..味道不太有驚喜,,一般一般..總括荃灣松記貴過總店的但總店松記好味過荃灣的

今日放學無野做同個同學去左新開間松記開頭大家都驚貴嫁但原來好平常price..我地一入到去就有3部LCD電視睇好似播緊瘦猛猛奇兵tim..我朋友唔食湯丸,所以無得試o個個咩6寶定唔知咩@@最後叫左 Summer同埋CK酥..事關2個desert都有得揀雪糕我地就揀紅豆啦曲奇啦仲有揀朱古力~揀朱古力~係無錯嫁~~d 雪糕裡面係有朱古力碎!!!!!summer黎到o個陣,d 雪糕溶溶地好味碗野有d什果係裡面!仲有煙煙unun既透明珍珠!好好味!!另一個Ck酥呢有d透明類似既jelly,但比jelly硬d酥都ok脆..所以唔知點知先食得好==我個frd好中意食,我就覺得甜過頭不過o個個summer足以叫我再黎!最後收錢o個個仲話原來我地著校服有9折!!!所以2樣加埋47到姐~好滿足

尋日去試荃灣松記, 未入去門口已經好多人等位, 等了一會終於入得, 點了個幻彩明珠 同 Summer. 價錢貴過深水埗幾蚊既....味道....好似有少少唔同...明珠食落無咩味, 生果切到一忽忽咁...賣相唔多ok個Summer...雪糕溶左之後先有味..感覺一般啦....整體唔係太差, 不過價錢同附近幾間咁接近, 我下次未必會再去, 問心服務態度松記一向麻麻, 呢間都係唔好

偶然見到荃灣開了松記,當然決定晚飯後一試啦！H之前試過深水步埗的分店,但感覺都有點朦糊了!H點吃了哈囉 => 有好多款豆,另有涼粉及少許芒果汁,都幾好,但實太甜了K點吃了合桃糊 => 太稀了,不夠水準現荃灣較以前多了好多甜品鋪,但仍尚欠一間HD,希望遲些會有間在荃灣啦！

前日(28-3-2009 Sat)同男友返到荃灣,口痕痕想食甜品兼買埋畀亞爸,o黎到松記,男友話堂食,啊,咁好啦.我要$24.00o既椰櫼果琉璃,男友要$20.00o既蘆薈清涼爽.不久,兩樣都o黎齊,重伴上忌廉奶同芒果汁各一,話可以加入去食.睇唹兩樣甜品,完完全全係透明同白色o既,我先試我o個碗,琉璃好多又淡茂茂,唔太腍,好襟o趙,而椰櫼果,好似唔係椰櫼果喎,冇纖維o係裡面o既?呢個加好多芒果汁落去都唔好食.而男友見我重食剩好多,而且唔夠芒果汁,就直接問入面攞,佢就好快手咁畀o左佢.味道: 0.5分(分數係畀芒果汁)之後我見入面o既同樓面講,我o地攞o左芒果汁,個樓面就二話不說咁o係我o地張單o度加o左$5.00,我同男友講,佢話:吓?!乜要錢o架?點解佢o地唔同我o地講,連寫都唔講聲.我又試男友o既蘆薈清涼爽,佢o個碗都有啲一粒粒o既珠狀物體,原來係明珠(大西米),呢個係煙韌,但腍o左啲,而蘆薈冇乜問題,重有白色o既假豆腐,男友唔鍾意食,而我食落,覺得味道怪怪咁o既. 味道: 1分我o地食剩琉璃,因為真係要o趙冇味o既o野實在太難受喇.之後我為爸爸買個$17.00o既凍椰櫼果黑珍珠

18 Mar 2009食完雄記,走過隔離係糖水,呢頭愈來愈多糖水舖啦...競爭好大呢~松記出哂名,新開,所以都幾full....我食芝麻糊豆腐花同班戟,都算不錯吧~ 朋友食的我又唔係好想食,所以叫d普普通通既糖水吧...佢地都話幾好食既....不過地方頗迫呢..

原本約o左老公出o黎荃灣食沛公的點知去到先知無開於路德圍逛逛, 睇o下有無其他o岩心水o既舖頭然後竟然俾我發現o左依間新開o既松記了~本人o向長沙灣都食o左唔少次但就係未帶過老公去試so... 今晚決定帶佢食好o野~22xx, 間舖唔係好多人, 2個人都好易搵位 {唔似總店有排等}裝修ok~ 所有店員著上統一o既制服~ 服務態度都好好~2口子叫o左一凍一熱o既甜品~Summer & 6寶湯丸 六寶湯丸 ($17)有... 綠茶皮奶黃餡... 紫米皮奶黃餡... 普通皮奶黃餡...普通皮紅豆餡... 普通皮芝麻餡... 普通皮花生餡...但其實... 我食唔出綠茶皮or紫米皮同普通白色皮有咩分別愛食奶黃o既我覺得o的奶黃餡好一般... 同湯丸唔係好夾...但個芝麻餡同花生餡都好好食~ 不過有一樣o野必定要讚o既就係佢個薑湯底, 好夠薑!!!!! 薑而不辣!! 甜o既程度適中!!所以我忍唔住KO晒成碗湯~ hahaha~ Summer ($20)我一向都係幻彩明珠o既fans但今晚為o左可以食雪糕所以order了Summer~落單時講好o左話要曲奇妙趣&芒果味雪糕的但o

荃灣呢個"圍"加埋呢間一於熱鬧熱鬧, 今晚行去試過..... 新開店裝修就緊係ok la~環境算簡約~呢個"圍"既糖水店, 有個特色係... 美少女waitress~店內有大約30個座位, 點都好過做"風塵3盒"既~ 我揀左個十七蚊既, 至基本既6保湯圓.... 薑水味濃, 夠熱 正~ 6粒唔同既湯圓... 食過之後... 原來最特別既係果粒"綠"色個粒... You never know what you're gonna get. 朋友就叫左個廿皮既 .... 唔記得乜名~ 紅豆既"雪糕"ball ~ 呢個"圍"3間糖水店.... 今次應該係"考"實力既時候啦~

yoyoyo~我做第一個！好開心荃灣開左松記呀！因為我住荃灣，哈哈！以後唔洗特登去深水或佐敦分店！仲可以成日食添！！！又可以買返屋企！太好了！睇睇 menu，e.......加左價喎！幻彩明珠要 $17 呀！！！我愛的什果琉璃加到 $24 呀！！心裡覺得好貴！但其實比起其他甜品鋪，松記依然算是平的！我們吃了：summer - 雖然去過松記好多次，但還是頭一次吃 summer，芒果味雪糕吃得出不是牛奶公司，但邊間出品我就唔知喇，曲奇妙趣好味。還有大大粒生果，和我很喜歡的明珠，煙煙 un un 好正！哈囉 - 好足料，涼粉大大粒。咖啡木糠布甸 - 失望，以為是一層層，但其實是咖啡布甸，裡面有一粒粒咖啡凍，上面有一層木糠粉，咖啡凍好香咖啡味，但咖啡布甸太"林"，不好。以前覺得荃灣無好既甜品鋪，依家荃灣多左好多好既甜品鋪，太好了！