松記糖水店

营业中

休息中

開張良久既松記，都係今日先第一次堂食媽媽順口問：幾時去松記食呀?我又好順口答：而家lor (事實上兩個都飽到反肚)媽媽要左熱喳渣($11)，我就要左幻彩明珠($16)熱喳渣都好足料，好多豆豆，不過冇西米，媽媽話鐘意福元既多d~幻彩明珠水準依舊，呀姐落單時問我要唔要奶，有得走就走啦..唔想食咁肥~所以其實都係食生果+西米...etc~一入去其實覺得有個小妹妹好熟面口，走既時候佢行埋黎問我係唔係咩咩中學，哈~原來真係我師妹~祝你A Level放榜入大學啦!p.s.成間舖既服務都好好，環境都好舒服，係老細個樣有d面黑lor...如果多返d笑容就好啦^^

松記不嬲係我最喜歡既甜品店，不過長期幫襯開長沙灣總店，呢間店好開一排尋日先黎買外賣，叫左芒果涼粉，哈佬同埋楊枝柑露，水準同總店無分別，一貫的好，其實大部份材料我知係一個地方預先整好，再送到分店跟order配搭，所以質素不用置疑。仍然係我最愛甜品店。

松記光顧多了 這分店卻只是第二回來下午時分有不少學生 比起總店還要熱鬧這回要了雪糕布甸+椰汁糕+琉璃一看........心想'不是吧?' 竟然一點忌廉奶也沒有 只有乾乾的一堆東西沒法子 唯有特意叫店員拿一些來但來的只有一小碟 還是不夠 唯有再要求 得到的答覆是...........加五元!!!!!!!不是吧?! 在其他分店 早就主動問客人要不要奶了 而且還可以要求'多奶'而不加收費這一小碟本來應有的東西竟然要另外收費?而且還要5元那麼多????加椰汁糕也不過是四元吧這樣子加費似乎.....太'搶錢'了吧?新店已經加價了再這樣下去我怕日後多要求一只湯匙也要另收丫費用食物的味道嘛............被心情拖垮了

在長沙灣發跡的松記,已經開到去荃灣,與幾位朋友吃罷妙法齋之後,友人便引領我到路德圍外面的松記.雖然是五月,但晚上的天氣帶點秋意.坐在街邊乘著微風,又幾寫意.去松記吃過好幾次幻彩明珠,今次轉一轉要個西瓜琉璃.所為的琉璃,其實也是同西米差不多,不過是透明,兼口感較為彈牙.伴上西瓜,芒果汁,椰汁一同吃,感覺清新.一邊吃,一邊不會放過搞gag之機會:{咦?命運就算顛沛流離,就算點曲折離奇,吃完這個西瓜琉璃,做人會否多一點趣味?}

其實一路都有食開長沙灣總店,不過自己係荃灣人,以前想食o個時就要特登入去食,好麻煩!!e+終於都開左o係荃灣,真係太好~~仲要開o係友記隔離,睇怕友記遲早冇得做~haha!!講返d食物先~d水準同總店一樣,份量都係!!非常好~~食開都係幻彩明珠,summer等大路野,但係食極都唔厭~哈哈!!好鍾意d明珠,真係第2度食唔返d口感!!d生果又好新鮮!!而且價錢又唔貴,非常合理,比起其他所謂的知名甜品店的不合理價錢,松記簡直係抵食!!講到好似好hardsell咁tim...haha不過真係好推介!!最好開多d分店o係其他地方,等多d人可以試到!!今次呢間分店可能因為岩岩開,仲未好多人知所以等位情況都唔太嚴重!~基本上去親都有位!

期待以久的松記糖水終於係荃灣開左 !!!食完咁飽既放題, 都仲想去試下! 我真係有三個胃架 !! 一去到多人到...個個係度等位,唔使錢咁 !!唯有外賣走啦 ~叫左 可樂啫喱 $10, 咖啡木糠布甸 $11,三色涼粉 $19可樂啫喱 - 之前去不眠王子度睇,話呢個jelly唔止好味,仲好特別 !因為食落有氣架 ~~好似飲緊汽水咁 !!果然名不虛傳 ~~正野 !!!下次經過想再買返幾碗放係屋企 !三色涼粉 - 呢個媽咪要既, 本身應該係要雜果三色涼粉...但個收銀聽唔清楚 !所以冇左雜果....阿媽話好彩冇雜果都ok..上面加左煉奶 ~~~ 咖啡木糠布甸 - 其實一d 都唔似平時食個隻木糠布甸 ~因為係層薄粉既下面係咖啡味的布甸 ~~唔係平時個種 ~~不過咖啡味既布甸幾香同好味~~不錯,入面仲有一粒粒咖啡味jelly 聽人話松記糖水仲有好多正野..真係要去多幾次試多幾款 !!

之前都有o係其他分店食開, 琴日行過咪試下囉 ~同男友叫左 ....CK 酥 & 桂圓蓮子茶 ...其實兩樣野食賣相同味道都唔錯 ~CK 酥 d 用料都幾認真 ~ 新鮮芒果肉不在話下 ~但我o係個蓮子茶個碗底度發現一隻昆虫 ....好明顯唔係 arm arm 飛落去架囉 ....野食係食落肚架 ~ 就算幾好味都要顧及衛生 ~同 d 服務員講 ....點知佢既回應係 ... " arm arm 飛落去架 ?"好似我要屈佢 d 咩咁 ~我就話 ... "o係個碗底度發現架喎 ....."點知佢係既回應係 .... "多謝多謝" 勁無賴 ar ! 即刻 O 咀 ~~~應該都唔會有下次啦 !總結:食物味道 & 賣相 唔錯 ~但衛生 & 態度就有待改進 lar ~

本小姐是一名"楊枝金露" 愛好者, 可惜, 到過多間甜品店, 包括一些連鎖大型甜品店, 都未有一間是我認為合格既, 有些甜品店, 賣得貴之餘, 還沒有真材實料, 10次有8次D芒果肉都係酸既......點知, 聞名不如見面, 今晚朋友帶左我去松記食, 竟然發現了金山。松記呢個名, 以後搵甜品一定搵佢, 因為佢地既"金枝玉露"實在太合我心意了, 合格到暈~~~~~~!!!!!! 只要$22, 吃到飽飽, 不會像一些出名既甜品店咁, 掛羊頭賣豬肉, 佢地真係材料十足, 而且材料十分之新鮮~!!!! 芒果肉多, 而且肉甜, 內有芒果蓉(茸), 椰汁, 柚肉多而甘甜, 一粒粒透明既珍珠, 煙煙韌韌, 整體感覺很一致, 又解渴, 一流。朋友們叫左兩個"SUMMER"($20), 名不虛傳, 一碗SUMMER內有兩個雪糕球, 兩條朱古力條, 一大埋生果在底, (蜜瓜, 奇異果......)亦有透明珍珠, 他們點了紅豆雪糕球加曲奇雪, 二人都讚不絕口呢~~~~~果然是SUMMER, 很消暑, 很有夏日氣息!!經過今晚一試, 以後食甜品會記住松記。

入到去, 張張椅都有水漬看相片叫了一個奇異果水晶涼粉, 相片內的奇異果水晶涼粉是沒有椰奶的, 點知送來的奇異果水晶涼粉有椰奶, 我便告廿訴侍應我不要椰奶, 她竟然說: 做左啦喎! 然後轉身就走了!!!!!我跟她說你們相片中的是沒有椰奶的，我不要椰奶, 但她仍然是: 做左啦喎!!又轉身去, 真係火滾了, 再叫她回來, 告訴她不換我便不吃, 也不會付錢, 於是她告訴廚房 , 廚房說不是不換, 只是沒有椰奶便沒有味, 我說沒關係, 她才換給我, 送來的奇異果水晶涼粉, (奇實是類似大菜糕) 下面浸了半碗糖漿,甜到癲, 勁難食, 如果加椰奶仲更加不倫不類!!!不過木瓜雪耳糖水就好夠火候, 好潤, 好食的會贊, 唔好食的會彈

自從松記荃灣開左分店之後，就唔使去到九龍食糖水啦。而我去果次係下午，唔算太多人既。可能夜晚先會多人啦。都係食番雪糕涼粉，不過呢度既waitress服務普通，我叫左佢地幾次先同我落單。雪糕涼粉呢個雖然係普通，但又係最穩陣。雪糕就係紅豆味，個雪糕又唔算太甜既。而涼粉雖然係普通貨色，但配上鮮甜花奶，就真係好好食架。十七蚊反而比出面既平。食物就唔錯啦，希望waitress可以—醍目，一叫就可以落到單啦。

四圍既糖水鋪都好多人全部都要等位當然呢間都唔例外不過比呢間既menu吸引所以就決定黎呢間喇等左大約二十分鐘終於有得入一行四人叫左幻彩明珠-幾好味雪糕紫米露-普普通通海底椰紫米露-朋友話d海底椰好好食同埋summer-同個menu個樣差少少,賣相一般不過佢地既服務麻麻我地叫左個幻彩明珠,搭既雪糕係朱古力同紅豆點知黎錯左個曲奇同紅豆話比個侍應聽佢拎錯(個侍應較後生,著住熱褲,同其他侍應既服裝有d格格不入)佢竟然黑面跟住隔離個枱又拎錯個幻彩明珠比人原來係個侍應自己攪亂左但竟然話佢聽係黑面對人認真麻麻同埋個度既冷氣好凍一路食一路震

食完唔好食o既紅碼蟻荃灣店，就去左荃灣之行o既focus---松記荃灣店！幫襯左總店大大話話超過十年，佢佐敦分店我都有幫襯！今次開到去荃灣，一定要去撐場啦！荃灣店夠大夠闊落，食物質素保持到，完全無問題！o既然去新鋪，我就試下我之前未試過o既野！話說呢排迷上刨冰，綿綿冰同刨冰都係我杯茶！早兩日先o係總店食過新產品---綿綿冰，荃灣店無供應所以揀左雜果杯杯冰！好食、抵食！一貫多生果多汁，夠料，好好食！唯一係...佢d紅豆好似對我黎講多左少少，我下次要少紅豆！看來我黎緊都要將我十年來o既最愛----幻彩明珠-----暫時冷落下！

從《飲食地圖》得知,荃灣都開左「松記」。哈哈!適逢同朋友 BBQ完,最好就係去食D透心涼既甜品!八點幾,未到peak hour,也滿座了,o岩o岩meet到四位的吉枱。我揀雪糕布甸(配曲奇妙趣雪糕),完全估唔到,個芒果布甸會咁好食!!!因為布甸身淺黃色,奶味卻沒有搶去芒果味,味道清新不俗套!曲奇妙趣是至愛雪糕味道之一,當然令整個甜品生色不少。朋友見我話個布甸好食,令到佢都揀左,西瓜布甸呢!三色涼粉,初時以為白色既粒粒會係杏仁豆腐,點知三色都係一味…….涼粉味。涼粉做得爽口係好,不過好似食左一大豌大菜糕咁,感覺單調吧!幻彩真珠,色彩繽紛,朋友睇到隔離枱,人人都食,唔執輸都要。我睇芒果汁撈中size西米+涼粉,都是好食之選。雷沙湯丸,有黑芝麻餡既,「雷沙」又擺埋左一邊,令我諗起咁似最近o係屋企煮的利川糖不甩既!?食落,我覺得完全一樣添,無光澤的現成急凍湯圓(我感覺上啦),不如食番佢D自家手製甜品,免得o徒彈藥。快、平、靚、正既甜品,真係抵佢人龍常在。

前幾日去左松記度食糖水~!!依家先補返~!!之前都想去食好耐啦但係都冇時間今次我同友人一人叫左個幻彩明珠~!!好好味，d生果好新鮮碗野多到瀉晒咁仲有最鐘意食既明珠同我唔鐘意食既涼粉~!!等我下次叫佢走涼粉先~!!

食咗兩次，第一次好開心，估唔到松記係荃灣開咗分店，又平過係隔籬的友記同其他甜品，本來真係好開心，第一次叫咗個summer，好好食。第二次就好唔開心，係一次不好的經歷。坐底叫嘢後等咗四個字，先有職員過嚟話我同朋友食既甜品都無哂，要我哋order過第二樣，order完又等咗三﹑四個字，都唔見有甜品嚟，問職員佢話太多人仲未得閒整住...o哂。嗰時已經晚上十一點幾啦，第二日又要返工，咁我哋咪話唔等啦走人。荃灣店貴過總店架d價錢，但服務態度又唔係話好喎，下次真係唔會再去荃灣松記囉。