松記糖水店

松记糖水真系好适合一家大细，带埋小朋友去都无问题！餐牌上有好多唔同既选择，最紧要唔系只系得中式糖水，仲有西式甜品，总有一款岩大人同小朋友心水，唔怕拣唔到钟意食既，只系怕花多眼乱，款款都想食，唔知食乜好。小朋友分别拣左鲜果雪糕窝夫同埋 SUMMER 两款西式既甜品，鲜果雪糕窝夫摆左球雪糕系窝夫上面仲有忌廉系底，小朋友好难会唔钟意！而 SUMMER 最吸引系插左两支朱古力蛋卷，小朋友一见到就忍唔著要食！仲要有两球雪糕，小朋友又点会忍得到口？…查看更多

谂起糖水其实都会谂起松记糖水，原来真系细细过就听过佢个名，不知不觉原来已经开左三十几年，绝得系「老字号」糖水舖！之前无认真睇餐牌，真系唔知松记糖水既餐牌有5个系列，果皇系列、冰凉系列、传统系列、经典系列同埋创意系列。研究完餐牌，突然发觉之前去松记糖水一直都系食西式既甜品，从来无试过松记中式糖水，所以终于谂到食乜喇！就系西米露同西米露，一个芒果西米露一个芋头西米露，一冻一热！估唔到又几好食唔错㖞！芒果新鲜又够甜唔酸配埋冻冰冰西米露无得弹！而热辣辣既芋头西米露又有另一番滋味，好浓郁既芋头香！…查看更多

明明铺头仲有大把位，出面有冇人等位，侍应居然走过来问：你哋走得未？真系啱啱食完1分钟都唔够，离晒大谱，第一次遇到咁样嘅餐厅，亦都系第一次觉得一定要写食评。嘢食都好一般，唔推荐，隔离仲有好多选择，可以坐低慢慢食。…查看更多

四个人去食糖水，入去之后前前后后半个钟都冇，已经赶人走。真系冇夸张，系一食完碗糖水，收走咗之后，即刻走埋嚟讲「出面好多人等」。我哋都明白嘅，谂住等埋朋友去厕所就走，去个厕所都系2至3分钟啫，而且都见舖入面多空位，估计都够即时入10几个客。点知个短发戴眼镜女侍应已经系度啧啧声，黑晒面望住我哋，态度真系好到不得了！埋单之后出去仲搞笑，舖头出面根本只有零星几人，总共大约6-7个人度，唔知系等外卖定等入去，但入面本身已经有几张枱执干净，点解又未安排人入去？究竟系咪真系出面多人等先赶人走？同埋个人理解食糖水本身系大家边食边倾下偈，而唔系好似食饭咁嗱嗱声食完就走。如果我已经坐咗1个钟可能系冇咁好啦，入嚟30分钟都冇就已经要人闪，而且糖水本身又唔系特别好食(我自己就嗌咗红豆沙，好唔好食睇下其他comment就知）。我谂入去食糖水嘅人可以比定心理准备唔洗谂住食气氛或者慢慢叹，反正我系一定唔会再帮衬！…查看更多

所有配料限量一折发售，连红豆数量都可以数到，物以稀为贵或者可能就系店家既营商之道，又或者怕食客太饱，又或者店家预防粮食短缺，总之大家想食个空虚就可以到此一游冰，用清水雪的冰，怕糖尿既人士非常岩食，仲要占成份糖水十分之九既比例，加上无乜几粒既配料，真系愈食愈瘦，愈食愈健康啊～~~~~~大家用雪亮既眼睛望望张相，现实果然系残酷，店家教埋您做人道理，强烈既对比或者系想大家找不同，食得又玩得，掂！！！！！…查看更多