札幌拉麵 Miso No.1

今晚肥妹仔約咗朋友喺荃灣食飯，見到呢一間札幌拉麵價錢唔算好貴，但係望落去都幾吸引，所以就入咗呢一間度食晚飯。自選晚餐  $268赤豚拉麵 $15我哋叫咗個二人前嘅自選晚餐，肥妹仔嘅朋友叫咗呢一個赤豚拉麵，佢係一個辣嘅拉麵，肥妹仔試飲咗一啖，覺得佢嘅辣係接受到嘅辣，食落去都幾香麻油嘅味道。海老拉麵 $15肥妹仔我就叫咗呢一個海老拉麵，佢嘅配菜有蝦，豚肉同埋櫻花蝦，真係未食就咁聞已經勁濃嘅蝦味 。蝦肉爽口彈牙，麵身屬於幼身，食落去軟硬適中。蟹籽沙律小小哋一份，作為開胃菜挺不錯。北海道南瓜炸薯餅每一啖都係滿滿嘅南瓜同薯仔蓉。自家製餃子呢一個餃子超級好食，皮薄但係咬落去每一口餡料都充滿肉汁，點醋食真係超級好食。

和朋友約了在荃灣睇戲，就嚟札幌拉麵食個晚餐先。餐廳一入去係半開放式嘅廚房，可以睇晒廚師製作拉麵嘅過程。依間餐廳食過幾次，水準唔差，最緊要是價錢非常親民，每次我們都食二人餐， $208兩款主食，三款小食。食完超級飽。我們點了咖喱吉列豬扒飯和赤豚拉麵加（$15）3款小食點了牛油菇，炸餃子還有串雞翼。咖喱豬扒飯份量適中豬扒切開都幾juicy ，日式咖喱汁香香甜甜，配埋滑蛋珍珠飯，好有幸福的感覺。我最鍾意食這裏的拉麵，水準真的不錯，赤䐁拉麵，辣到比較高，感覺不會太油，手制拉麵口感不錯，配埋日式叉燒，流心蛋，滿分。小食最鍾意個炸餃子，這裏的餃子比其他日式店的會飽滿多汁，脹卜卜，好足料👍串燒雞翼甘香可口，滿足。下次都會繼續來開餐☺️

今日女小編有野做唔得閒😗所以我就同個朋友去咗荃灣行街，之後行行下見到喱間鋪頭啲晚餐套餐幾抵食😎於是就決定入去食🤔一入到去環境都幾舒服😆至少啲枱枱櫈櫈唔會迫埋一齊，食都食得舒服啲😗另外啲員工嘅服務都唔差，都幾有禮貌😎同埋有個開放式廚房，如果坐果邊應該可以睇到整拉麵嘅過程😛#黑豚拉麵 😋好味指數：(6/10)碗麵一嚟到就見到好多黑蒜油，不過聞落味道又唔算突出🤔拉麵份量正正常常，唔係好大食應該都夠你食😗不過喱度就冇得揀湯嘅濃度同拉麵嘅軟硬度，所以都唔好太高期望😚#白豚拉麵😋好味指數：(6/10)不過食落就覺得平平無奇😣啲拉麵就有啲似香港嘅港式拉麵，而且味道都偏淡😦#芝士年糕😋好味指數：(6.5/10)咬落去都有啲脆😆不過裡都係一般般，又唔算好多芝士🤔#自家製餃子😋好味指數：(6/10)皮都算薄而且唔算好油，不過啲餡都係普普通通😗但跟餐又有拉麵又有小食都算係咁🤔

當晚，我跟男朋友走到荃灣荃新天地 <札幌拉麵 Miso No.1 > 食飯！我們在平日晚上 6:30 來到，這裡很少食客！相對比較靜易傾計！餐牌的套餐款式當中，他建議 $259 的店長推薦2人套餐！份量頗為豐富又划算！包括：每人一碗飯或拉麵、4款小食 (沙律、炸物、燒物、餃子) 及兩杯飲品 (可選啤酒或茶)！蟹籽沙律 沙律菜很清爽！蟹籽在口中爆發！燒魚餅 既香口又甜美，還有彈牙口感！吉列蝦勝在炸至金黃色的外層夠香脆，蝦是軟身又淡味！自家製餃子 脹卜卜的餃子，餡料是菜肉，調味剛好！海鮮拉麵 +$15配料有：荷蘭豆、椰菜、甘筍、魷魚、爽口兼去蝦腸的蝦...等；湯底不算好鹹，拉麵麵質彈牙掛湯！一碗其實都好飽！螃蟹拉麵 +$15湯底比前者重口味一點！螃蟹是蟹柳！他告訴我，這是蟹柳，並非好似一匹布那種蟹柳！我回答：哦！他總是喜歡認叻！真係無辦法！ Asahi 啤酒的酒精含量 5%，對我來說容易入口，水的味道！只有些小乸喉感！

週日與友人逛過荃灣海旁後，來到位於荃新天地二期的札幌拉麵吃晚餐。餐廳以半開放式廚房設計，食客可看到師傅制作拉麵的過程。餐牌上的二人套餐$208便可選兩款主食，三款小食，是不錯的選擇。主食分別點了白豚拉麵和咖喱奄列吉列豬扒飯。拉麵以豬骨湯作湯底，而拉麵比較幼身，最令我印像深刻的是拉麵配菜的木耳帶陣陣麻油香。咖喱飯的豬扒份量適中，也不會太乾身，咖哩汁份量亦充足。小食則以炒魷魚鬚最為美味，加了蒜片令整道菜式更惹味。

行完荃新天地二期，拉麵癮又起，去了札幌拉麵醫肚。拉麵類點了:白豚肉拉麵和黑豚肉拉麵。白豚肉拉麵有隻溫泉蛋，兩塊日本叉燒，木耳絲和筍片。拉麵好彈牙，湯底濃郁，好味。黑豚肉拉麵我更愛吃黑豚肉拉麵的湯底，更惹味。小食類，點了:自家製餃子(大)餃子裡面好多餡料，有菜有豬肉。枝豆好夠熱，還灑了些鹽花。吉列大蝦幾好食，外層炸皮好酥脆，蝦肉爽口。燒雞翼兩串及燒雞軟骨兩串。燒物幾出色。燒得焦香酥脆。飲品點了麒麟啤酒和凍檸茶。有個高瘦的女侍應做野好有熱誠，她超好笑容，服務殷勤，令食客食得特別relax和輕鬆。

已經來過這裏好幾次，同事大多數都會點拉麵，他們說性價比不錯，湯底的濃度，麵的硬度都適合他們。這次同事叫了豬軟骨拉麵，我偷吃了一小口豬軟骨，味道還不錯。拉麵套餐大多數會送一份小食，這份炸豆腐分量充足，味道還可以。這次我點了一份雙拼便當，燒牛肉烹調有點過了火，有點像豬肉的質感，但是份量真的很多。鰻魚味道不錯，可以一試。

呢日又到荃新天地搵食，見到呢度lunch 幾多選擇就決定試下佢。平日中午佢都算多人食，人多少少都要等下。入到去，啲姐姐都會俾杯水你，啲位都坐得舒服，唔錯。個menu 上有多款便當、蓋飯、咖哩飯等等...... 今次就要咗個照燒雞飯，除咗個飯之外，佢重包咗一個沙律薯菜同一碗麵士湯。個照燒雞飯個雞整得唔錯，煎得幾好再加上燒汁，而個飯底一般似普通飯。沙律薯菜涷涷地又幾好食，麵士湯就麻麻無咩味。不過咁既價錢有其他選擇。

呢間拉麵店好有中學回憶🤣以前無咩錢，放假出去想食豪少少，就會去食札幌/味千🍜依家睇返，比較其他拉麵店，札幌價錢係非常親民抵食👍🏻-🔹午市套餐($69)真係超級抵啊！套餐包一碗拉麵+一份小食😍▫️牛肉拉麵(+$5)▫️豬軟骨拉麵(+$5)牛肉拉麵上面啲牛肉係好似牛肉飯啲牛肉咁😋最鍾意啲牛肉汁同煮淋哂既洋蔥!!!男朋友揀豬軟骨，佢話佢以前每次都係揀豬軟骨，好好味👍🏻▫️小食揀左叉燒炒飯同煎餃子🥟炒飯好多生洋蔥，爽口但食落好辣😖-🔹雞骨腸/廣島炸蠔($22)跟餐+$22就有得額外再加小食🍗所以佢個lunch好抵食！

今日陪契仔行街。他特別喜歡拉麵..荃新天地得這間好似有些質素。本人食拉麵都好耐資歷..當年香港傳入日本拉麵傅.本人就窮追不捨。呢間拉麵店的拉麵真是不錯。但一些小食可以落些心機做更相當完美

忙碌既五日工作天過去, 星期六買左飛係荃新天地睇戲拍下拖,睇戲前當然要食個快lunch, 今日簡左札榥拉面, 十二點幾去到都幾多人, 都坐滿左八成, 鋪面好乾淨, 可以睇到師傅煮野食, 坐位都闊落, 有四人既卡位, 一家人唻食都非常適合, 今日我地叫左個鰻魚定食仲有辛味拉面配餃子, 先講下個鰻魚定食, 魚本身唔多骨而且唔腥, 份量岩岩好, 另外我覺得佢跟定食既薯蓉幾好味！之後既辛味拉面, 味道唔算好辣, 湯底都唔油, 唔錯！餃子非常飽滿, 如果可以再煎得燶少少會更加香口, 總括而言都係一間藉得推介既餐廳!!

70幾蚊可以食d乜乜？ 😦小編可以話你知 拿 可以食個平價日本菜😊呢個位於荃新天地二期 裝修佈置好日本家庭式餐廳 而多數都係一家人👨‍👩‍👧‍👧黎 唔止咁個menu價錢都好親民 49蚊食到蛋包飯 月尾要咬糧既小編見到咁好心動💓今次就試下出名既鰻魚燒肉便當🍱 燒肉？？？小編覺得係普通豚肉片 毫無燒既痕跡 鰻魚反而好食得多 入口即融 再加上鮮甜既鰻魚汁 味道濃郁可口‼️‼️不過份量就少咁d 想食多幾啖就冇左食日本野點少得拉麵🍜呢？ 麵質好彈牙 湯底都好扎幌既味道 味噌口味重 但小編覺得重口味左d 豬軟骨爽口又夠入味 呢點加分

去到荃新，唔知食乜好，於是上網睇下附近餐廳，見呢間扎幌拉麵有百幾個😊，諗住冇死，入到去，見 Menu可以加錢叫濃湯拉麵，於送試下，拉麵上枱，外觀合理，立即試下，點知拉麵靈魂湯底竟然淡而無味，豬骨濃湯係冇豬骨味，但竟然有好淡好淡嘅雞骨湯味，真係唔明湯水D白色點嚟，可能來自食用染料或其他，最後，由於味濃味淡好個人，我都冇投訴，唯有自己狂加蒜蓉同七味粉吊味，但結果都係食到一半就算項唔順，放棄放場，亦唔敢再點其他食品，速速走人，去其他地方再食過。

札幌拉麵 Miso No.1 係荃新天地二期，荃新天地聖誕前後有市集，星期日行街行到咁上下就醫下肚，唔係太想浪費時間慢慢食，就睇中左呢間。真係有d出乎意外好食，中午時間坐到滿哂喎。我地叫左2個套餐，睇下先。雜錦拉麵加多春魚，麵質夠厚彈湯就唔會勁濃洽到好處。大大碗夠哂份量，梗係要影下我至愛溏心蛋啦，仲有海帶，正！多春魚即整熱辣辣！牛柳定食！一d都唔少野，有哂前菜湯同大大碗日本米飯，燒汁牛肉野味，牛肉好林同有牛膏味，送飯好啱！

訓遲左起身諗住出街搵有下午茶既餐廳食晏一上扶手電梯見到呢間日式料理有下午茶餐肚餓就坐左入黎叫左個燒肉定食D燒肉又乾又嚡，食到差d哽親汁又唔夠配晒成碗飯省d白飯好唔抵39蚊碗燒肉飯，早知去食吉野家