札幌拉麵 Miso No.1

营业中

休息中

餐單套餐系列是抵食的，兩麵三餸，每人一百元。同家姐來個拉麵聚。坐於沙發位，餐廳光線偏暗，不太精神般。這兒有近20款便當飯和拉麵選擇，主打是拉麵系列。最後，點了一個黑豚拉麵和一個赤豚拉麵。而小食選擇也有12款之多，很快選上3個，炸豆腐、自家製餃子和北海道南瓜炸薯餅。 即使餐廳滿座，廚房出菜頗快，先上的是小食。炸豆腐一碗四件，炸層不粉不厚，熱騰騰豆腐軟滑，淋上鼓油，味道合格不錯啊。然後有名的北海道南瓜薯餅，南瓜本質營養高。也是看到推介所以點來吃，一碟四件，南瓜味香濃，餡料也很足。較喜歡沾上沙律醬食，減低油膩感。餃子一排六件，餡也厚實。煎得剛好金黃，來得簡單滋味。隨後，一赤一黑都到了。濃濃豬骨湯底，赤豚辣度比一般的九洲地獄拉麵來得小兒科，吃辣的朋友，這會是溫柔的辣啊。有數塊豚肉、木耳條和荀片的基本材料。豚肉厚實正常、帶有嚼口；拉麵是幼麵版，長而幼、質地軟硬適中。而家姐的黑豚清清湯身，材料一樣，唯獨過咸。份量一點也不吝嗇，價錢份量質素合理。

今日和朋友往荃灣札幌拉面食晚餐, 我們點了自選晚市套餐, 赤豚拉面、串燒雞軟骨、凍奶茶和桃果漆酒。自選晚市套餐我選了照燒雞扒和吉列朱扒, 並用$25優惠價炸魚柳, 照燒雞扒雞肉肉質鮮嫩, 雞皮部分香脆；吉列朱扒炸得金黃, 食落啖啖肉；薯仔沙律食落軟腍；飯食落軟綿；沙律菜爽口, 整份照燒雞扒和吉列朱扒晚市套餐份量十足, 口感一流；炸魚柳大大件, 食落香脆而不油膩, 配上微甜醬汁, 食落美味；串燒雞軟骨食落惹味爽脆, 佐酒一流；最後凍奶茶茶味香濃, 奶味香滑, 餐廳座位舒適, 食物美味, 份量十足, 我和朋友食了一頓高質日式晚餐。

今日去開荃灣如心廣場做野，做做下又到lunch時間要搵個地方醫肚，行過天橋去到荃新天地2期見到呢間 “札幌拉麵 Miso No.1” 由於本人一向係拉麵控，身體就不自覺咁行入去坐低咗...睇睇佢地個menu，對於一間拉麵🍜店黎講佢地選擇都唔少，想食飯類佢地都有好多選擇，如果同行有朋友想食飯都唔會有問題。至於拉麵湯底選擇更加多，基本北海道地區有嘅味噌，鹽味呢d不在話下，亦有豬骨湯底提供。我當日就點咗個白豚拉麵，另外再加咗炸豆腐同埋芝士年糕。首先講講個白豚拉麵，佢地個湯底係抵讚嘅，真係夠濃厚嘅，亦都夠香。其他配菜正常，唯獨叉燒比較瘦，計埋性價比整體黎講佢地個拉麵🍜係唔錯的。而佢地嘅炸豆腐同芝士年糕好有驚喜，炸豆腐一炸好即上熱辣辣，滑do do又好味，芝士年糕外趣內軟，芝士味夠但係又唔會太誇張，值得推介㗎！

這一年日Yen升了很多，所以今年都沒有去日本，但是，又很想吃日本拉麵，於是，去了札幌拉麵。這間分店位於荃灣荃新天地二期商場內，shopping完畢便來了這裡歇腳和吃晚餐。因為附近有大型屋苑，所以看見一家大細來用餐，是很平常的。看完餐牌之後，發覺2人餐很抵食，於是便點了2人餐，選了兩碗拉麵和3個小食。幸好，餐檯夠大，將所有食物放晒在檯上之後，還有空間給我們用餐。【炸魷魚鬚】沒有用炸漿來炸，所以可以直接吃到魷魚鬚，口感幾彈牙。此外，有很多炸蒜片，一起吃時，感到特別惹味。【炸豆腐】一客有4粒，熱燙燙的，口感軟滑，外皮還有少許脆，加上些鰹魚絲和醬油的配合，感覺更加好吃。【自家製餃子】一客6隻，非常飽滿，煎得香口。【豬軟骨拉麵】麵質不錯，有彈牙口感。湯底味道適中，不太鹹，而且有很多粟米粒。豬軟骨大件得嚟，又入味又腍。還有流心蛋，好味。【ANKAKE拉麵】份量大，有大大塊的日式叉燒，開心死!

自從搬離市區之後，每次搵食都要揀返西鐵沿線，而荃灣西站是我比較多去的地方，因為附近多商場而且餐廳又多，價錢亦都比較貼地。今晚就去了這間札幌拉麵，二人餐都是二百多元，十分超值。吉列豬扒奄列咖喱飯豬扒不是厚身，外層炸粉都很薄，肉質鬆腍，炸得很脆，奄列包著珍珠米，有蛋香之餘，又有日式咖喱的甜香，十分惹味。赤豚拉麵拉麵彈牙爽口，豚肉大大片又腍，旁邊還有些筍等配料，湯底是味噌湯，味道鮮甜濃郁，辣度可以接受。燒雞翼2串及燒雞軟骨2串雞翼及雞軟骨燒至表面香脆，前者保留了肉汁，後者有咬口。炒魷魚鬚以大量的香蒜爆炒，魷魚新鮮彈牙。燒牛舌牛舌是薄身，入口爽彈，加上檸檬汁去掉油膩感。

荃灣西A2出口，沿大路行二分鐘到荃灣廣場，再上天橋，行經荃新天地一期再向前走就是荃新天地二期。舖前陳列各式食物的樣本，很真實，店鋪座位頗闊，牆壁上的裝飾俱特色是稻米草陳列在玻璃櫃內，很美觀。餐牌上的$89套餐很抵，我們選擇左豬軟骨拉麵🍜加蟹籽沙律。豬軟骨夠淋夠入味，半隻溫泉蛋都很好吃👍蟹籽沙律很新鮮又清甜。另黑豚肉拉麵加咖喱飯🍛黑豚肉極不錯，重有黑木耳的爽口配拉麵一齊入口，又爽又滑。咖喱飯不辣很香。燒魷魚筒🦑燒得剛好，燒汁很香帶少許甜味，這餐的食物味道我很滿意，服務態度良好，環境不錯都很舒適。有機會再吃其他食物。

次次去親荃新天地睇戲都經過呢間拉面，睇戲前後喺呢度食就最方便。自選二人套餐有2碗麵和3個小食，只需$208，份量仲要幾多，日式拉麵店來說價格都算幾相宜。招牌牛油拉麵要+$10，麵上有一塊牛油，據餐牌介紹，呢度的札幌味增湯底是以秘製味噌加入大量豬骨、昆布及洋蔥緊熬製而成，麵條是配粗麵，唔知係咪浸耐左先食呢，我覺得唔算特別彈牙。豬肉拉麵都要+$10，叉燒份量加倍，適合食肉獸。小食揀左燒雞翼兩串及燒雞軟骨兩串、自家製餃子（大）、及炒魷魚鬚。份量認真唔野小！質素不過不失。

假日做完運動，家姐最愛拉麵，經過札幌，見好耐無食，就入去食下。家姐點左白豚拉麵，湯底不過不失。麵能夠討好家姐，應該都算不錯。不過肉就稍為有點老。而我點左牛肉咖哩烏冬（忘記左影相），牛肉好味，唔老，唯獨湯水太多，令烏冬無法沾上太多咖啡，同食得岀只是普通咖啡包。同紅磡名店相比，確實失色。小食點左餃子，薯餅同枝豆。餃子正路，都係靠醬料襯托。薯餅南瓜味一般，本人都係較喜愛mos店薯餅。枝豆係叫比bb食，bb食得開心，因為不喜歡青豆我就無試味了哈哈～埋單$165，食到禁多野都算ok既，不過回頭率就5算高，而且食下其他。

黎過食一、二次，喺荃新天地二期。都係叫番$208 自選二人套餐，有2款主食同3款小食揀，好多野揀，開心！小食一：燒魚餅魚肉爽口，口感係彈牙實身果種，有2大塊。小食二：自家製餃子(大)有成6隻，係豬肉菜煎餃，香口，不錯！小食三：炸雞肉幾大碟下，抵食呀，大大啖咬炸到香脆既雞肉好正，唔乾身，有唔少沙律菜中和油感，必點小食。主食：Ankake拉麵 跟餐加$10，睇名唔明係咩，但見有我中意食既溏心蛋同粟米就叫黎試下。湯底係普通味噌醬油果種，拉麵份量多，叉燒肥瘦平均。主食：燒肉飯(大)一開蓋好香呀，面頭鋪滿左肉見到都流口水。飯吸左豚肉既醬汁好正，哩個飯好食。

好耐冇食拉麵了，呢排天氣嚴熱，喜歡食d粉麵之類既輕食，就諗到食札幌拉麵了，好耐之前來過一次，d餐牌都有更新。裝修頗有和式風格，淡雅簡潔。晚市套餐可好豐富的配對，選擇隨心所慾，可以麵同飯配搭或搭小食。新產品系特濃豚骨拉麵，四種湯底可供選擇。調料方面，店家准備的都是來自日本的味噌，七味粉，豉油...單人餐89蚊晚市套餐，如果系二人餐則是268蚊，自選配對組合。蟹肉棒拉麵，蟹肉棒口感極佳，用料上等，配菜方面好豐富，至緊要系麵好筋道，久違的日式拉麵，我地食到殊殊聲。黑蒜油黑䐁拉麵，很特別的黑蒜油，好惹味，黑豚肉質偏瘦很健康，岩晒我口味。燒魚餅，Q彈又入味，送麵一流。跟餐揀左自家制餃子，飽滿大粒，皮脆薄金黃，餡料不俗。叉燒炒飯，都系跟餐，粒粒飽滿，飯身夠乾爽，很香。

小肥忙左成個星期終於可以放下假假☺️難得天氣總算好返啲啲之際😆🌤去搵朋友行街街下之前🤪當然要食返餐好既醫下肚補充下先啦🤤🍴位於荃灣荃新天地既札幌拉麵雖然距離荃灣站比較遠🙈但有「天空之城」之稱既荃灣可謂四通八達！由A出口直行沿住南行天橋行過黎都算方便😆周圍掛滿唔同擺設同布簾之餘😆十足居酒屋風格😆🇯🇵卡位座位設計有空間感坐得幾舒服☺️呢度抵食既午市套餐🤤🍴亦吸引到唔少上班一族放飯黎幫襯😆Lunch Set吉列豬扒奄列蛋包飯午餐另外會包埋前菜及麵豉湯或餐飲😆炒蛋夠哂嫩滑Juicy之餘🤤吉列豬扒即叫即炸夠哂新鮮熱辣🤤🐷外脆內軟唔厚粉既感覺令人大讚🤤🔥配上香甜奶滑足料肉香既日式咖哩汁亦垂涎三尺🤤

天氣炎熱，最佳避暑方法是逛商場及購物，我們來到荃灣荃新天地2期，適時下午茶時間，走進一間叫札幌拉麵店午膳，選了套餐，1⃣️自選套餐 點了豬軟骨拉麵$69，加燒多春魚$5，轉熱飲$3。豬軟骨拉麵(豬軟骨夠稔，拉麵爽滑及湯底清甜），燒多春魚，雖然細條但很鬆脆，加少量檸檬汁更鮮美可口。2⃣️咖哩午市套餐燒牛肉咖哩飯$49，走湯轉熱飲加$3。燒牛肉咖哩飯份量很大碟，牛肉鮮嫩及咖哩汁適中（不太辣)另有一小碟薯蓉。另兩客小食1⃣️廣島炸蠔$22及2⃣️炸魚柳$22。炸廣島生蠔，很熱和脆口鮮美。炸魚柳亦是，附上的沙律醬及少量碎雜菜伴碟，非常配合，兩樣都全吃了，很滿足，值得推介。

成日都會去荃新天地行街，但多數都係一期食飯，今日同朋友行左去2期睇下有咩好食。發覺2期人流無咁多，但都有好多餐廳可以選擇。仲搵到間拉麵店，睇到餐牌見有好多選擇而且價錢好實惠，就決定左今日既晚餐。有定食又有自選餐，仲提供2款2人餐可以簡。我地簡左個自選2人餐，2款拉麵再加3款小食，只係$208 相當豐富又抵食。炸雞肉好大件，炸得香脆，乾身唔油膩，如果比多D沙津醬就更好，點黎食非常滋味。自家製餃子，十分足料的餃子，咬落有肉汁。北海道南瓜炸薯餅，炸薯餅比較重薯仔味，帶有南瓜既甜味，但南瓜味較少，整體都幾好食，炸得剛好。雜錦拉麵，叉燒，豬軟骨，蟹柳同糖心蛋名一，好岩簡唔到想食咩既人，可以一次過食唔同配料。Ankake 拉麵，拉麵湯底唔太濃味，較清淡，加埋叉燒、海帶、粟米，味道剛好，麵既軟硬程度適中。整體不過不失，呢個價位食到咁多野。

😍午市套餐一「叉燒炒飯」🥬🥩有啲食物，就係食極都唔厭，其中一樣就係叉燒飯，想試下日式叉燒炒，一上碟見d飯粒炒至甘香，粒粒分明，賣相睇得食落啱曬口味：甘香、粒粒分明，叉燒粒有咬口。。。二. 「拉麵+自家製🍜拉麵」叉燒肉都好新鮮，冇雪藏味，口感爽滑，味道濃而不膩，有障陣豬肉香味，拉麵🍜同樣軟硬度適中，好好食又抵食既午市套餐😇覺得唔夠喉既我仲加左兩份小食：小食「芝士年糕」即叫即炸咬落係流心，熱辣辣芝心呈半溶狀態😋芝士年糕入口軟滑，入口全部流心芝士🧀濃濃芝士味令人沒法擋，兩邊都炸至金黃色，賣相都好吸引呢！枝豆，非常新鮮，價錢合理，顏色很美，食落充滿豆香味，推薦的小食好物！值得推介👍埋單都係$200內超抵食午餐！

好耐冇食拉麵，收工見到呢間札幌拉麵店，勾起條拉麵癮，即刻入去食翻碗先。門口既拉麵模型維肖維妙，好有日本既風格！坐底即刻每人一杯茶，而店員見你飲得差唔多就會幫助添茶~自選晚餐$89 赤豚拉麵（+$5）配溏心蛋（+$12）赤豚拉麵帶微辣，豬骨湯唔會好咸，飲完又唔會好口渴，拉麵幼身而且軟硬適中，配上粟米、木耳、荀＆蔥，非常有口感！豚肉偏瘦所以帶少少韌，個人比較喜歡肥瘦適中嘅豚肉，如果可以肥少少就好了！枝豆$25暖暖哋嘅枝豆，呢樣係每次食拉麵都鍾意食嘅餐前小食，口痕之選。外面仲有少少食鹽，調味足，不錯。雞泡魚干$55非常少見既雞泡魚干，份量不多，精緻小巧。調味十足，甜甜地既魚干，非常香口，魚味亦十足。手羽仙雞軟骨拼盤 $45性價比較高既小食，雞翼燒得脆卜卜，肉汁不多，少許既燒烤味。另外雞軟骨非常爽口，有咬口，不錯~芝士年糕（跟餐）軟熟既年糕，芝士非常香，咬落熱辣辣既芝士流出黎，正！燒油甘魚鮫$68外面燒得香脆，魚肉質地嫩滑，非常多肉，食極都有，配上酸酸地既汁，非常可口。北海道南瓜炸薯餅$50薯餅非常外脆肉軟，鬆化得黎又有南瓜味，配上沙律醬一流！唔錯既選擇，食完飽腹感十足！整體來說食物都算唔錯，