札幌拉麵 Miso No.1

荃灣 — 幾乎是每兩星期至少拜訪一次的地方，從不頭痛「在荃灣搵食」選擇實在多，小店四圍都有。商場餐廳也國際化，日韓中西意全齊。說到底還是覺得日式餐廳很對胃口，特別是日本米實在好吃。那天跟舊朋友約好了在荃新天地短聚就隨意選了miso吃午餐，我本來就已經幫襯過多次了～每次都是跟孩子來，吃得衝衝走也衝衝，難得跟友人來可以放慢一點，就想寫過食評。員工不是後生仔女但反而帶點親切和禮貌，就價錢而言我覺得好抵，一般午市套餐都是四十元起跳，這價錢還包湯包飲品現在好難找了。我最喜歡點燒靖魚，都是沒機會在家自己整的，燒得夠香口配每口日本米大大碗吃光。除了有某次特別想吃拉麵，我幾乎每次都點這個，還有搭配凍檸茶走甜的最棒。友人點了吉列豬扒咖哩飯，炸得香脆，肉也夠juicy～上菜時明顯感到是即炸，熱呼呼呼時最好吃。小食方面點了開胃的炒魷魚和自家製餃子。炒魷魚其貌不揚但食落口就覺得好有咬口及惹味，有驚喜！有點眼闊肚窄但還是覺得要點自家製餃子試試，味道不錯但私心覺得可以煎得再脆口一點，全都是有回頭率的菜式～

今次係荃新天地發現左間抵食日本餐廳，就係呢間札榥拉麵No.1餐廳有供應晚市套餐，1人餐都有，1個人黎都唔使怕，2人行既我就揀左$208既2人餐，包括左2款飯/ 拉麵，仲有3款小食，真心抵我+$10轉左鰻魚飯，質素都唔差！另一個就係滑蛋豬朳飯，賣相都相當吸引，味道都唔錯架小食揀左3款，魷魚鬚炒得好香，唔會好韌，加入炸蒜片，必點！另外就係煎餃子，餃子餡飽滿，味道幾好，但如果可以剪香少少就更好最後就係串燒雞翼同雞軟骨，每款有2串，燒得都幾好200幾蚊食到咁多野真心幾抵

今日去到荃灣行街街，好多鋪頭都好多人，行到好攰，所以就決定早啲去搵野食。我地見到呢間日本餐廳好多人，一定吾會差，所以就等左一陣位，食呢一間👍🏻餐廳入面都好大，分左右兩邊，而且重設有卡位，非常好👍🏻我地叫左個2人餐，都幾抵食，包兩個主食同埋3個小食。主食方面，我地分別叫左 燒肉飯同埋吉列豬扒奄列咖喱飯。小食方面，我地選擇左燒雞翼雞軟骨，炸雞肉同埋南瓜炸薯餅。上菜速度方面，都算快，兩個主食先上。個咖喱飯好大碟，好抵食。值得一提既係，個蛋好滑，加埋咖喱餸飯一流呀😍吉列豬扒都好大塊，重好厚切，啖啖肉，爽呀👍🏻燒肉飯都好大碟，女朋友都差啲食吾晒，肉汁加埋啲飯，非常好既配搭，真係非常之好味👍🏻小食都上菜啦，全部熱辣辣，即製既。而我最鍾意既係炸南瓜薯餅，有南瓜既甜味，又有薯仔既香味，一流👍🏻👍🏻而且配菜重有沙律菜，食左咁多炸野，當然既食返多啲菜。成餐飯，食得招積，坐得舒適，如果大家都想食到又平又好味既日式二人餐，快啲去試下啦😍

黎過幾次食了，質素的確唔錯的，又抵食！影左幾版餐牌俾大家參考。南瓜炸薯餅 $50南瓜好甜，加埋薯仔好味，炸得好脆，顏色金黃色，新鮮。仲有一大堆沙律菜，推介小食。廣島炸蠔 跟餐加$25 都有3舊，抵加呀，蠔都大隻，多汁，好食。自選丼飯 $79可選兩款菜式，揀左金菇牛肉卷和漢堡扒。有埋薯仔沙律和沙律菜，擺得幾靚。金菇牛肉卷好入味，調味係燒汁，送飯食一流。漢堡扒好林，都好食。吉列豬扒奄列咖哩飯 $68賣相好吸引，大大碟，咖哩唔辣，豬扒都係炸得好脆，但瘦左少少。炒蛋可以滑d會更好。

每逢星期五係荃灣區想好易搵餐飯食都唔易，因為度度地方都好多人，今日難得成9位朋友一齊食飯，打左兩間店都book 唔到位，之後比我地book 到札幌拉麵，但依時黎到個職員話我哋遲到少少，剛剛有張5人枱比左人，仲比張票我地既即場等候咁我地都唔知book 位黎做乜仲要等成10分鐘先有位，係分開兩間舖坐🤦🏻‍♂️如果唔係趕住之後有節目，我地9人都即走😑雖然兩間店同一老闆，亦位於隔離，但book 左位都唔可以坐埋一齊真係有點兒那過講返食物先，今日叫左個炸雞定食($62)，有前菜，薯仔沙律，麵豉湯。炸雞有5件，連椰菜絲，炸雞外脆，內有肉汁，夠香口，可以話係拉麵以外的好選擇。但個麵豉湯超鹹，可以將一碗開成兩碗都得😖整體來講，食物保持一貫水準，但服務質素真係有待改善。最後，現時做緊個優惠，食$100 送$30。

男友好鍾意食拉麵今日就陪佢食呢間之前都食過唔錯既拉麵黑豚拉麵黑蒜油好香而豚骨湯底好濃厚又唔膩叉燒又大塊又夠晒入味,仲又唔會乾麵身好爽口彈牙,仲有淡淡既蛋香雞骨腸好大驚喜既一個小食咬落去會卜一聲,脆皮好脆而且會有D香而不膩既雞油必出黎好味!自家製餃子餡料都幾足,皮亦夠薄炒魷魚鬚日式醬汁炒法令佢好香口而且魷魚好爽口有鮮味自選便當(燒肉+漢堡扒)呢到既便當最大特點就係可以自由配搭唔同主食我就揀左薑汁燒豚肉同漢堡扒特別推薦燒肉,薑汁味好香但又唔會搶左隻味而且燒得夠晒惹味,送飯一流食咁多野埋單260,抵食!

I am very angry because they call me Sailo again! I don't want to visit this restaurant again ever! The staff' service is the worst. Calling me Sailo, knowing my ACTUAL order I want and my name, I am very unsatisfied. The food was great though...

札幌拉麵 Miso No.1呢間拉麵店可謂小食多選擇得後黎超有驚喜平靚正推介～叫左店長推薦二人套餐$268任選兩款拉麵或飯+四類小食各選一款+飲品自選兩款1）大滑蛋豬扒飯米粒係珍珠米 夠滑，滑蛋好嫩滑，同埋豬扒汁好夾好味，豬扒大大塊好但唔算厚身，勝在夠平靚正！2）札幌味噌拉麵🍜沙律🥗：蟹籽沙律夠哂清新又飽沙律有番薯，蟹籽蟹柳青瓜沙律😋炸物類：北海道南瓜炸薯餅🎃😈即叫即炸北海道南瓜+薯泥炸薯餅，外面酥脆外皮熱辣辣，內裡軟綿細密南瓜勁正又有營養呀！燒物類： 燒雞翼2串及燒雞軟骨2串餃子類🥟：大自家製餃子🥟包兩杯飲品： 桃果汁酒，充滿酒味

荃灣荃新天地！商場餐廳通常都不錯的！一入店闊落！我食的時間上早所以不是很多人！都幾抵食！一個套餐有主食，有配菜有湯！我點了滑蛋炸豬扒飯配牛油炒草菇滑蛋香香滑滑，豬扒炸得鬆脆，豬扒鬆鬆軟軟。😍牛油炒草菇牛油味好香，菇炒得爽口彈牙！黑豚拉麵 配餃子🥰拉麵好彈牙！豚肉煮得好淋！好有肉味！餃子荻得香香脆脆！🤩總結價錢 幾抵食！一個套餐有湯有小食，飲品！服務 ok, 上菜好快！味道 ok 不錯這個價錢有這個質素！

再次同同事午餐係荃灣搵野食！今次去左如心旁既荃新天地第二期！呢邊真係比較少黎！但估唔到佢嗰度都幾多餐廳！我哋揀咗一間食拉麵嘅！ 佢嘅嘢食好快就上菜，同埋都好抵食㗎！佢一個lunch set有嘢飲，有碗拉麵，仲有個小食添🤤都係五十幾蚊！我哋幾個同事，每人叫一個小食就有四個唔同嘅小食啦！佢既年糕，外脆內軟！呢個好食！下次叫小食都要叫呢個！另外我地小食都叫左餃子，南瓜薯餅同埋豆腐！多人食野真係唔錯，可以試多啲唔同野！呢到食野真係抵同埋快！

呢間拉麵之前去過鑽石山分店，覺得幾好味，咁啱經過荃灣見到有分店，再食多次。荃灣呢間分店同鑽石山嘅鋪位大小差唔多，不過座位就似闊落少少，多少少卡位。上次就點左激抵的2人套餐，今次想試多d佢既串燒吉列豬扒奄列咖哩飯$68吉列豬扒香脆夠鬆化，炸粉唔算厚，咖哩味道屬於日式咖哩，比較甜亦都好香濃，不算辛辣。味炸雞肉$55 有少少炸粉厚，不過係咬落雞肉好嫩又多汁。雞泡魚乾 $55雞泡魚乾香港唔係度度有，見到咁有趣就點黎食，雞泡魚工序唔少，細細件夠香口，慢慢食。2串2串$45燒雞翼及燒雞軟骨各兩串，燒雞翼骨燒得均勻，雞軟骨脆卜卜有咬口。服務員態度好好 ，又好笑容，埋單２人唔洗$250，合理。

札幌拉麵今日經過荃灣工作到了中午時間就喺附近食飯，見到有拉麵🍜同事話想食就入去試吓。午市定食金菇牛肉定食$72牛肉好入味👍🏻包住金菇好夾，我覺得最好味的是配上白飯，它的飯整得好軟熟好香。自家製餃子小$32 餃子材料新鮮食得出鮮味午市自選套餐$69赤豚拉麵🍜加串燒雞軟骨赤豚拉麵要加多5元湯底香辣十足，好好味，麵條🍝軟硬適中推介⭐️⭐⭐️⭐⭐

這間拉麵位於荃新天地，我最愛招牌牛油拉麵，我同男朋友兩個人點了二人餐，好豐富呀。招牌牛油拉麵湯底以秘製的味噌加入大量豬骨、昆布及洋蔥等炮製而成。厚厚的一塊牛油，溶入味噌湯底入面，食落的時候，粗麵帶著牛油味，好香濃，但不會感覺油膩。雖然大大片牛油好邪惡，但食後感到滿足。白豚拉麵這個是幼麵，有著濃郁的豬骨味，骨膠原豐富，湯底甜甜地。幼麵爽口，男朋友連湯都飲埋。自家製餃子餃子豐滿，而且有著肉汁，不會太乾身北海道南瓜炸薯餅香脆薯塊，南瓜跟薯仔溶合，南瓜甜味好出燒牛舌薄薄一片牛舌，入口彈牙二人餐一共256，好滿意喔！

餐單套餐系列是抵食的，兩麵三餸，每人一百元。同家姐來個拉麵聚。坐於沙發位，餐廳光線偏暗，不太精神般。這兒有近20款便當飯和拉麵選擇，主打是拉麵系列。最後，點了一個黑豚拉麵和一個赤豚拉麵。而小食選擇也有12款之多，很快選上3個，炸豆腐、自家製餃子和北海道南瓜炸薯餅。 即使餐廳滿座，廚房出菜頗快，先上的是小食。炸豆腐一碗四件，炸層不粉不厚，熱騰騰豆腐軟滑，淋上鼓油，味道合格不錯啊。然後有名的北海道南瓜薯餅，南瓜本質營養高。也是看到推介所以點來吃，一碟四件，南瓜味香濃，餡料也很足。較喜歡沾上沙律醬食，減低油膩感。餃子一排六件，餡也厚實。煎得剛好金黃，來得簡單滋味。隨後，一赤一黑都到了。濃濃豬骨湯底，赤豚辣度比一般的九洲地獄拉麵來得小兒科，吃辣的朋友，這會是溫柔的辣啊。有數塊豚肉、木耳條和荀片的基本材料。豚肉厚實正常、帶有嚼口；拉麵是幼麵版，長而幼、質地軟硬適中。而家姐的黑豚清清湯身，材料一樣，唯獨過咸。份量一點也不吝嗇，價錢份量質素合理。

今日和朋友往荃灣札幌拉面食晚餐, 我們點了自選晚市套餐, 赤豚拉面、串燒雞軟骨、凍奶茶和桃果漆酒。自選晚市套餐我選了照燒雞扒和吉列朱扒, 並用$25優惠價炸魚柳, 照燒雞扒雞肉肉質鮮嫩, 雞皮部分香脆；吉列朱扒炸得金黃, 食落啖啖肉；薯仔沙律食落軟腍；飯食落軟綿；沙律菜爽口, 整份照燒雞扒和吉列朱扒晚市套餐份量十足, 口感一流；炸魚柳大大件, 食落香脆而不油膩, 配上微甜醬汁, 食落美味；串燒雞軟骨食落惹味爽脆, 佐酒一流；最後凍奶茶茶味香濃, 奶味香滑, 餐廳座位舒適, 食物美味, 份量十足, 我和朋友食了一頓高質日式晚餐。