札幌拉麵 Miso No.1

平時行街都比較少行到過嚟荃新天地二期, 原來呢邊都有唔少餐廳, 行咗一圈見呢間札幌拉麵Miso No.1人氣都幾旺, 一於入去試一試。本來一心一意食拉麵, 但拎起餐牌選擇繁多, 最後俾豐富嘅晚市定食吸引咗。蒜片雪花牛柳定食 $108爆炒牛柳粒上檯時熱哄哄, 蒜香味突出, 牛柳粒油脂溢出, 牛油伴白飯夠晒滋味。牛柳一旁嘅椰菜絲清甜爽口, 起解膩作用。定食仲附上薯仔沙律、麵豉湯、漬物, 都幾豐富, 白飯仲係大大碗, 相信一般女生都唔會食得晒啦。

行完週末創意市集, 嚟到荃新天地醫醫肚。呢間札幌拉麵店, 並非獨孤一味, 拉麵以外, 仲有多款定食、咖哩飯、烏冬等...一向多心嘅我就睇中咗呢個自選晚市套餐, 一set就可以食到兩款主食, 仲可以追加小食添。便當自選晚市套餐$79 (金菇肥牛卷、 +$10 蒲燒鰻魚)金菇肥牛卷味濃多汁, 蒲燒鰻魚不算肥美, 不過不失, 仲有我最愛嘅薯仔沙律。+$25廣島炸蠔 炸蠔外殼熱辣香口, 炸皮偏厚。套餐已附有麵豉湯, 轉凍飲就要+$8。

呢間札幌拉麵🍜不得了，好味+抵食+坐得舒服🔥成為我一經荃灣就探訪的鋪頭！一坐低店員就奉上熱茶同餐牌，好殷勤點左個🍜招牌牛油拉麵🍜好香好香！忍唔住飲左啖湯底，自然地大快朵頤！浸埋舊牛油落去更加令成碗拉麵滋味加倍😆😍🐖叉燒勁厚切🌱配料全部都好爽口，對辦！真係非常出色👍🏻👍🏻北海道南瓜炸薯餅🎃炸得剛剛好、薄脆外層夾埋濃香南瓜內餡👍🏻👍🏻十分喜歡！！食到咁好既味道但價格仍然十分合理😍Lunch set 真係超值！難怪成日都咁座無虛席😄💯

今日同朋友係荃灣行街 夜晚就遠少少 去左荃新天地嘅呢間拉麵店食 真係幾唔錯 價錢唔貴但係食到好飽呢度有dinner set 又有二人餐 個人認為二人餐都幾抵 尤其是$199個set 有兩個主食再加三個小食 我哋就係點呢個二人餐 真係好飽 好滿足呢個係加咗$10先有嘅招牌牛油拉麵 豬骨味噌湯好濃 加上慢慢溶化嘅牛油 好香呀 而拉麵嘅硬度適中 幾彈牙 而叉燒就半肥瘦 味道都唔錯㗎另外都加咗$10要咗呢個出名嘅鰻魚飯 上菜嗰陣好驚喜 賣相真係好吸引好精緻鰻魚飯份量好大 如果鰻魚可以再多啲就好啦呢條䈬燒鰻魚真係好好味 好肥美 加上鰻魚汁撈飯真係好正自家製餃子真係好有水準 餃子皮好薄 好多韭菜豬肉餡 煎得又好 真係唔錯炸豆腐都幾特別 外面有小小脆 但食落真係好滑最鍾意係呢個北海道南瓜炸薯餅 有4件 兩個人share就最啱啦而且味道真係好唔錯 睇睇側面 南瓜餡真係好足架 炸粉又好薄 真係好滿意

今日同家姐來左荃灣哩邊蚊食，見到哩間拉麵好似唔錯，最緊要有面有飯可以選擇。入到坐底，環境無咩特別，我地就叫左2個午市套餐，一個鰻魚定食，一個泡菜拉麵（可跟一個小食+雞軟骨）之後叫左個青島炸蠔。鰻魚定食，套餐入面有湯，有飯，有配菜。飯方面軟硬剛剛好，珍珠米，鰻魚方面無骨味濃，肉質方面有少少彈牙。泡菜拉麵，入面有泡菜有叉燒肉，仲有筍乾，個人覺得個筍麻麻地，其他湯底方面，面質感方面都好好。雞軟骨都好得。炸青島蠔，炸得好好，外好脆，入面好多汁，不過無咩蠔味。

位於荃灣荃新天地第二期的商場札幌拉麵和辛麵屋是同一店家的以前還住在家裡時（我媽家在荃灣）就已經光顧過札幌拉麵好幾年了特別是下午茶最愛來這裡了以為超級優惠的這次一樣看完電影就下來吃飯了店裏算是很快就會滿位了好在早了10分鐘下來跟TerrGor兩人就只點了一份「定食」其餘的就點了些「小食」第一份就是串燒雞翼及雞軟骨 $45雞翼燒得好香脆乾加上一點點檸檬汁酸酸地，把雞的鮮味提出來而且燒得剛剛好有一點點焦、令整體口感更加焦香脆口燒鯖魚$55燒鯖魚因為是即叫即燒所以需要等待大約10分鐘雖然乍看之下鯖魚一面要價$55不過這條鯖魚烤得不錯既把表皮烤脆裏頭熟成又保有汁一點都不覺得乾弁當自選晚市套餐 $79可以自由搭配主菜2款我選了蒲燒鰻魚（因為食材偏貴的關係）需要另加$10另一款則選了炸雞塊而且只要惠顧任何晚市套餐即可+$25選配一款小食所以我們也追加了「廣島炸蠔」牛油炒草菇$45是個人超推的因為很喜歡吃菇用牛油炒起來增加整體的香氣實在太讚了最後還有燒牛舌$45我們這兩隻「牛魔王」怎麼可能會放過牛舌呢整體偏硬需要咀嚼多一點最後我想稱讚一下這裡的女服務生因為中間發生了一些小誤會但服務生的態度極好一直在跟

同同事食晏 成日唔知道食咩咁如果要一齊出去食野就更麻煩有日山長水遠走左入荃灣見客 同事同我都想食日本野 所以唯有上Openrice周圍搵 搵到原來荃新天地有間札幌拉麵😀同事同我都好喜歡食和式lunch 我先叫左個鯖魚套餐 鯖魚即叫即煎 煎得乾身 但魚油味濃😀成日set有沙津 有麵鼓湯 佢個薯仔沙津好有驚喜 好fresh😀 食食下飯 又食一兩啖仲有和式set 一定要有既配菜 蘿白😀同事鍾意食鰻魚 鰻魚份量好大仲燒得外表金香tim~ 加埋特配既鰻魚汁😀同事食哂成碗飯不可不提既係 午餐時間 雖然人流都幾多 但店員都細心服務 不停幫手加茶 落單又夠快 今日可謂一切順利😀

今次同朋友黎到係荃灣荃新天地既辛味屋食野，因為朋友好中意食日式野食，所以黎到呢到懷念一下家鄉。今次我地叫左燒靖魚、烤牛舌、炒韭菜豬肝同弁當（炸雞肉同燒鰻魚）烤牛舌，唔會太硬，外面好多時會整到硬邦邦，加上檸檬汁去油膩燒靖魚，皮好脆、唔會燒到好乾、加上檸檬汁同醬油更加好味炒韭菜豬肝，韭菜唔會好老，配上豬肝同醬汁每一啖都好好味，豬肝口感亦都好綿密，味道濃郁最後係弁當既飯有日本珍珠米既感覺，炸雞唔會太乾、燒饅魚QQ彈彈

風季的假日, 外面總是濕答答, 惟有到商場逛逛發覺荃灣也有個不錯的假日消遣之地, 玩玩夾公仔就這樣一日了向來喜愛拉麵的我眼見有拉麵店, 就拉住朋友走了過去食飯時間少不免要稍等, 但侍應的服務態度很好, 充滿笑容, 等一等, 看看餐牌就走了入去 有名的是牛油拉麵, 一場黎到, 點可以唔一嚐呢! (雖然其他都好吸引😅😅)上枱了! 牛油好厚  放入湯同拉麵混合牛油發出濃郁的香味, 令湯底更香, 連同拉麵同食, 入口更滑🤩豐富的配料同牛油、湯底非常夾, 每樣食材都好似有了牛油的香味變得錦上添花💋豚肉的肉味突出之餘, 入口味道更覺特別美味牛舌以薄切去燒, 入口牛味不減, 檸檬也為牛舌增添一份清新感有拉麵又點少得煎餃 餃子皮薄, 煎得脆口, 入口肉汁都滿得瀉, 還有蔬菜的清爽 , 入口美味得點了多一碟😅

今日去荃灣食午餐經過 呢間札幌拉麵見幾多人幫襯就入去試下坐座有啲窄 檯櫈都排到密密麻麻 坐得唔太舒服朋友叫咗個咖哩吉列豬扒蛋包飯 吉列豬扒嘅吉列皮炸得好香脆 豬扒厚身 而且鬆化 一咬落去口感十足蛋皮煎得嫩滑 蛋味香 不過太多油咖哩汁梗係用上日式咖哩 味道偏甜 而且有薯仔洋蔥等嘅材料 非常惹味 用嚟撈飯一流我就叫咗個日式牛肉壽喜燒鍋 午餐食呢啲真係好邪惡呀哈哈 牛肉鋪晒係鍋面 份量都幾多 肥瘦適中 而且唔太韌 牛肉味都有嘅 索曬壽喜燒嘅湯底 再點埋雞蛋汁 簡直係享受下面有蘿蔔片 娃娃菜 豆腐 冬菇等嘅材料用上壽喜燒汁去烹煮 勁入味仲追加咗雞肉同豚肉片 雞肉已經預先烚熟咗 好貼心 都幾嫩滑 豚肉片 就有啲韌烏冬用上讚岐烏冬 非常煙韌 而且時間控制相對容易 煮嚟咗都唔會冧

星期日起荃灣行街1點幾行到citywalk搵野食周圍都好多人於是去左札幌miso no. 1等左一陣就有位今次係第二次黎食Menu依然有好多選擇價錢又唔貴我要左雜錦拉麵材料夠哂多有豬軟骨、叉燒、蟹柳、蛋同大量粟米紫菜當中我最鐘意豬軟骨 有嚼口拉麵爽口湯底係醬油湯底 但唔會好咸跟餐配串燒雞翼燒得剛剛好 幾香口肉質鮮嫩配檸檬汁食一流燒鯖魚+燒肉定食份量十足鯖魚燒得幾香豬肉配洋蔥香口仲有薯蓉 夠哂飽再加多個廣島炸蠔炸得外表鬆脆 裡面都仲可以保持返蠔既水份食落唔會好乾蠔都幾新鮮 食落有淡淡既海水味好滿足！

已經好耐冇嚟幫襯, 今次嚟都係碰下運氣睇下佢仲响唔响度, 想嚟回味一下, 雖然舖頭尚在, 但味道已經唔同以前, 可能我自己口味都唔同咗掛~ 豬肉拉麵其實同人地果D叉燒咪差唔多, 都叫做唔算好肥, 不過個麵食到鹼水味囉~ 同埋D麵冇以前咁彈牙, 個湯又冇以前咁好飲, 樣樣都好似差D咁, 好失望~ 豬軟骨拉麵同豬肉拉麵一樣, 只係變咗豬軟骨, 個軟骨係蚊得幾林, 但好似唔係好夠味咁~ 串燒雞翼都係熱辣辣, 將啲雞油燒哂出嚟, 一啲都唔肥膩 燒多春魚果然係即叫即燒, 熱辣辣, 燒到好香口同有少少脆口, 成條由頭至尾, 連中間條主骨都食埋, 夠哂補鈣, 不過得3條好似唔多夠喉~

是日去開荃灣見完客就順便約埋朋友食飯朋友介紹食札幌拉麵,,平日晚市麵好多人要等位~~呢度二人套餐都幾抵食 $259(未計加一)二人套餐兩個拉麵/飯類四款小食兩杯飲品先上蟹子沙律飯前食個沙律, 俾個胃Warmup下先牛舌好嫩口但有點薄,  再加入檸檬, 更加好食每隻餃子餡料都好足料入面有豬肉, 韭菜, 椰菜...外皮煎到好脆口, 皮薄餡靚~~~大蝦天婦羅一碟有三隻, 隻隻都好大隻炸到好鬆脆!! 脆卜卜又熱辣辣朋友食燒豚肉拉麵超多豚肉, 而且豚肉好入味湯底唔太油,仲多左半隻雞蛋招牌牛油拉麵拉麵軟硬適中, 好煙韌~~~裡面有大量海帶, 筍子同一片豚肉豚肉帶有咬感, 唔會好乾湯底唔油膩得黎又有好濃厚的豬骨湯底味再加入牛油係湯底入面, 好香的牛油味出哂黎~~~肥人恩物桃果汁酒 & 提子果汁酒酒精濃度有4%, 酒味唔會好重, 又易入口兩個人埋單食左$312順帶一提, 重口味的你,,可以加辣油同香蒜去拉麵度服務態度好好, 會再有下次

荃灣向來都是新界的美食天堂，這天就來到荃新天地的札幌。看到MENU上的自選二人套餐 ($199)，可以任選兩款拉麵或飯和任選三款小食，我們不其然點點頭，因為都幾抵食的。主菜方面，我們點了豬肉拉麵+牛油 (+$15) 和鰻魚飯 (+$10)。拉麵的湯底十分濃味，很適合我這些喜歡重口味一點的人，豬肉既厚又大塊，脂肪的部分並不多，肉質很嫩，咬下去完全不會覺得很「鞋」，加上牛油的點綴，為整碗拉麵都加分不少。鰻魚飯也頗具特色的，整碗飯充滿鰻魚香，味道和口感也不錯，成條鰻魚都沒有骨和渣的，唯只有鰻魚和飯好像有點單調。小食有牛油炒草菇、雞翼串及雞軟骨串、炒魷魚鬚，我特別喜歡炒草菇，除了很香之外，牛油配合其他的調味恰到好處，非常開胃。炒魷魚鬚也很不錯，口感很爽，感覺挺新鮮的。相比下雞串則略遜了，有點乾，可能放得有點久的關係吧。我們還叫了炒韮菜豬肝 ($38)，豬肝煮得十分入味，韮菜也很爽口，不過略嫌豬肝炒得有點太熟，所以不算很滑，但整體是很不錯的。

今日同媽子去食日本菜，岩岩坐底就送上兩杯熱茶。我地叫咗一個套餐，揀咗一個鰻魚飯同一個拉麵。而小食可以揀三款，分別有炸南瓜餅、雞軟骨串、雞翼同埋煎餃子。落咗單無耐就上咗個鰻魚飯，唔好睇佢好似飯好多，魚肉好少咁，但魚肉係好嫩好滑亦都好厚肉，醬汁又多，鹹甜鹹甜嘅味道好上癮，唔好睇啲飯咁多 其實好夠撈飯。拉麵嘅麵質彈牙，唔會過硬亦無煮過龍，湯底帶啲微微辛辣味，拉麵嘅配料好多，有粟米、海帶、蔥同芽菜。食完無口乾口渴嘅情況，味道正常。雞軟骨同雞翼熱辣辣，雞翼皮脆多汁，雞軟骨 不會過硬但有咬口，質感很好但係味道普通，無乜味道，好純粹嘅雞肉味，自己另外加咗七味粉就好食咗好多，有翻啲味道。煎餃子好食，皮薄餡靚，調味適中，放到入口熱辣辣，皮脆脆地又多汁，最緊要係皮唔厚 餡料夠香口。炸南瓜餅送到上嚟熱辣辣，餅嘅外皮脆卜卜，南瓜蓉夠多，又滑又甜，加上蛋黃醬，一啖一啖咁好順口，一啲都唔油膩。賣單兩人$261，晚市嚟講好平，坐位又坐得舒服，侍應服務都正常，食物質數又唔錯，經過可以坐低嚟食。