札幌拉麵 Miso No.1

今日同媽子去食日本菜，岩岩坐底就送上兩杯熱茶。我地叫咗一個套餐，揀咗一個鰻魚飯同一個拉麵。而小食可以揀三款，分別有炸南瓜餅、雞軟骨串、雞翼同埋煎餃子。落咗單無耐就上咗個鰻魚飯，唔好睇佢好似飯好多，魚肉好少咁，但魚肉係好嫩好滑亦都好厚肉，醬汁又多，鹹甜鹹甜嘅味道好上癮，唔好睇啲飯咁多 其實好夠撈飯。拉麵嘅麵質彈牙，唔會過硬亦無煮過龍，湯底帶啲微微辛辣味，拉麵嘅配料好多，有粟米、海帶、蔥同芽菜。食完無口乾口渴嘅情況，味道正常。雞軟骨同雞翼熱辣辣，雞翼皮脆多汁，雞軟骨 不會過硬但有咬口，質感很好但係味道普通，無乜味道，好純粹嘅雞肉味，自己另外加咗七味粉就好食咗好多，有翻啲味道。煎餃子好食，皮薄餡靚，調味適中，放到入口熱辣辣，皮脆脆地又多汁，最緊要係皮唔厚 餡料夠香口。炸南瓜餅送到上嚟熱辣辣，餅嘅外皮脆卜卜，南瓜蓉夠多，又滑又甜，加上蛋黃醬，一啖一啖咁好順口，一啲都唔油膩。賣單兩人$261，晚市嚟講好平，坐位又坐得舒服，侍應服務都正常，食物質數又唔錯，經過可以坐低嚟食。

晚市套餐 燒雞排咖哩飯套餐 燒雞扒質素非常好，燒得好香，好似燒雞扒專門店既質素小吃先叫：枝豆，絕對唔係烚豆咁簡單，夠淋而且上碟熱辣辣，趁熱即刻食加埋枝豆表面落左啲鹽食得我好滋味👍豆好味，有層次，不會單一燒多春魚，燒多春魚保留了多春魚本身鮮味加埋鮮檸檬🍋汁，配搭令多春魚夠晒惹味啊！飲品：另外點左一人份量清酒🍶：菊正宗（1合）清酒 🍶帶有米甜的清酒，溫飲令清酒口感更好鮮味提升，變到好滑順，推薦呢度既清酒♨️♨️炸豬排烏東（用稻庭烏龍麵），不得不讚呢度用既烏冬質素好高，是日晚餐炸豬排烏冬的確無選錯，塊豬扒就炸得好好......肉質味道唔錯，搭上沙律醬同吃有錦上添花既效果

今日到荃灣上完堂，進度非常理想，心情靚靚胃口大開，約埋同學走去搵嘢食，在荃新天地裏面 有一間拉麵店，望入去格局好舒服，門口餐牌寫着自選二人套餐＄199，價錢都好中肯，於是我哋就入咗去幫襯，呢個餐都好豐富，可以點两款拉麵，或者飯都可以，仲有三款小食選擇。一款雜錦拉麵加＄15，材料好豐足，叉燒甘香，肉質軟綿蜜甜，大大件豬扒香脆，肉味彈牙，大廚把肉汁密密地封存著，汁液還保留得非常豐盛，好滋味。昆布爽脆清新，蟹柳蜜味鮮甜，還有正宗日本雞蛋，火路控制得幼嫩滑溜，蛋香四溢，加上濃郁嘅湯底，令到個拉麵生色不少。另一個泡菜拉麵加＄10，同樣出色，都不遑多讓，自家特色手作香辣泡菜與別不同，零舍醒神開胃，多款優質食材配搭，有甘香蜜甜嘅叉燒和其他配菜，份量都不少，湯底濃甜，配上微辣更見到大廚嘅功力不小。小食我哋點咗炸豆腐，呢個更見到大廚嘅工架，豆腐脆炸到外脆內嫩，滑嘟嘟的口感，豆味香濃。第二款北海道南瓜炸薯餅，日本南瓜個個都知道係好食，再加上 一流製作，做到又香又甜又鬆化，跟別家的不一樣，要親身試過就會領略到。第三道小食吉列蝦，除了外面鬆化，蝦肉爽口彈牙，鮮香撲鼻外，鮮甜肉汁食完會令你有回味感，今日嘅事情令

今日和朋友往荃灣札幌拉面食晚餐聚會, 我點了炸雞塊和燒肉晚市套餐配凍奶茶, 朋友則點了燒肉金菇牛肉卷套餐和戴列朱扒和炸蠔套餐。炸雞塊和燒肉晚市套餐賣相吸引,炸雞塊炸得金黃, 肉質鮮嫩, 食落啖啖肉, 入口香脆惹味；燒肉食落肉質爽口, 燒肉汁鮮甜醒胃, 洋蔥食落爽口美味, 送飯一流,飯食落軟綿, 薯蓉食落香滑, 入口即熔, 口感十足；最後凍奶茶茶味香濃, 奶味香滑。餐廳座位舒適, 食物美味, 價錢合理, 份量十足, 我和朋友們品嚐了一頓美味豐富的晚市套餐。

逛街突覺肚餓就吃過早飯，心血來潮想食日本嘢第一眼見到這間拉麵店，未到食飯時候亦有不少座上客，一試亦應該好穩陣！店舖裝修雅緻，環境潔淨座位濶落，身在其中感覺舒服。服務員大致年青有活力，服務慇勤水準頗高，添茶送餐及收餐具有效率兼有禮，讚！這裏提供的選擇頗多，價格尚算合理，最吸引的就是《自選晚餐》，89元正有拉麵一碗及小食一份，如此吸引當然就必選無疑。每人一個餐再追加一份燒牛舌。先來兩瓶日本啤酒，麥味適中易入口，消暑良物。小食有炒韮菜豬肝丶串燒雞軟骨及燒牛舌。三者都是即叫即做，上桌時都熱騰騰都是很美味的佐酒良物最驚喜的就是那碟炒韮菜豬肝，豬肝嫩滑有咬勁而韮菜爽脆，大力推薦！主食包括有泡菜拉麵及海鮮拉麵。份量適中而湯頭不太濃稠，既健康亦讓人可吃到食材的原味，讚!整體而言這間拉麵店讓人食得安心丶食得舒服！

荃灣我都算地膽，不過因為之前試過勁難食既拉麵後對呢樣嘢卻步左好耐，今日去萬寧經過見到呢間嘢，見到寫住No.1喎，咁再俾自己同拉麵多一次機會啦應該係啱啱開門，所以得兩三枱客。我叫左招牌牛油拉麵套餐加餃子。先講拉麵，都幾彈牙，個湯底真係超正！一上枱已經聞到濃郁既豬骨味，再加埋牛油，簡直絕配！湯圓我差唔多飲曬碗湯，冇加到嘢飲，跟住就去買嘢，成個下午冇飲水都唔覺口乾（咁足以證明唔係味精湯）。不過希望可以加多d豚肉，得一塊半，真係‘多’得佢唔少😂😂😂埋單仲有埋印花卡，儲齊會有現金劵送。即是想人再幫襯嗎？放心，咁好食我一定會再返來既！

好耐冇食呢間喇，今次行開商場見到經濟又實惠，同朋友都係糧尾所以就揀左佢喇😂餐廳都有幾多座位。.我地揀左呢個$199自選2人套餐任選兩款拉麵或飯及三款小食, 好多野食咁，成台都係😍就快吾夠擺🙊鰻魚飯(大)+$10冇想像中咁大份🙈 鰻魚吾大條，兩人share食有點吾夠喉🙈好在味道吾錯，而且飯很多，夠晒飽肚😂👍🏼.泡菜拉麵+$10味道吾錯，微微辣，幾開胃呢，拉麵幾有彈性及份量算多。我想貪心啲如果多啲泡菜就好喇😂🙈.燒魚餅賣相欠奉🙈真的冇咩特別。.自家製餃子(大)都幾好，咬落有少少汁，有吾少餡😋.北海道南瓜炸薯餅 賣相幾吸引！炸得好酥脆，吾油膩👍🏼南瓜微甜，幾好食呀。.

今晚同男朋友慶祝，去左荃灣果邊，行行下商場就見到札幌拉麵Miso-No 1，就入去試下。由於我地都幾早去食飯，所以唔洗點等位就入座，入到覺得喱到嘅裝修好日本風啊！ 我地坐低左就即刻睇下有咩食，佢嘅價位都唔算好貴，都幾扺食，最尾我地點左一個$259 店長推薦二人套餐，有兩個主食，四個小食加兩杯野飲，真係好抵食！ 我地主食叫左鰻魚飯同招牌牛油拉麵，而小食就叫左蟹子沙律，吉列蝦，燒牛舌同埋自家製餃子。首先上嘅係蟹子沙律，味道正常，食沙律覺得好fresh 好開胃。而吉列蝦好好味，佢個炸粉一啲都唔厚，而蝦肉彈牙，一啲一唔梅，趁佢仲係熱辣辣咁食，真係好正！燒牛舌都幾好味， 好嫩，配以檸檬汁一啲都唔膩，不過如果厚身啲就好🤣不過味道都好好。而我都好鍾意佢嘅自家製餃子，餃子皮好薄，餡都好juicy , 係我鍾意嘅豬肉韭菜椰菜餃。到主食方面，我就好鍾意我點嘅鰻魚飯，條鰻魚好厚好肥美，配以甜甜嘅鰻魚汁，真係好好味！而男朋友點嘅招牌牛油拉麵都幾特別，入口有淡淡嘅牛油香味，但麵就比較淋身，不過湯底都不錯！我都係鍾意我點嘅鰻魚飯多啲。野飲我地就點左提子同荔枝果汁酒，我覺得都幾好飲，而且酒味唔重，都幾啱唔太鍾意飲酒

以前曾經好喜歡食拉麵，不過當好多日本過江龍拉麵店黎左香港，一碗都過百既時候，我對拉麵既熱情好似減退左。無可否認，個d過百蚊一碗拉麵味道係唔錯，不過值唔值過百蚊？就真係見人見智了...今日同朋友睇完戲，見到間札幌拉麵店，即刻拉麵心隱起！雖然佢唔係咩過江龍，不過價錢都相宜，一於會一會佢！.我一心決定要食拉麵，唔洗諗！朋友就叫左個飯定食。海鮮拉麵 $74好多時隻碗就大，不過呢間係隻碗同份量一樣咁大！望落都唔差呀！有蝦有魷魚，有蔥花有菜！拉麵幾彈牙，湯底濃郁，d海鮮雖然係急凍貨，不過咁既價錢都接到喇。蝦唔算好大隻，正常味道；魷魚煙煙韌韌咁。蟹籽沙律跟餐可以配一款小食，我揀左蟹籽沙律，因為其他都煎炸野多。味道正常，沙律醬唔會泛濫咁多，一大堆蟹籽係面。.蒜片雪花牛柳定食 $98朋友點左定食，有飯，有湯，有薯仔沙律，有黃蘿蔔，當然唔少得主菜雪花牛個牛蒜味其實唔係好出，不過唔會太咸碗飯好大碗，應該有2碗飯既量。其他食物朋友都話不過不失喇.唔洗$200埋單都算ok姐姐服務到家！親切，仲keep住幫我地加水雖然座滿人，不過上菜速度都快如果想治療一下拉麵隱，呢到係一個唔錯既選擇

荃灣出名多嘢食，但weekend始終人較多，今日我哋約咗人去荃灣搵食，但又冇心機等位，朋友提議去距離地鐵站較遠嘅荃新天地度食，果然人真係少啲，食都食得舒服啲啊嗰度都有唔少餐廳俾我哋揀，但我哋見到札幌拉麵，仲寫住no.1,就二話不說行咗入去店內環境乾淨企理，而且夠光猛，雖然我哋只係得兩個人，但都有得坐4人卡位，yeah望望menu,估唔到價錢幾平喎，二人餐有幾款揀，我地就選擇左食$259店長推薦二人餐，包兩碗拉麵🍜，四款小食，同埋兩款無酒精飲品，晚市黎講真係超低當然喇，平還平，食物質素都好重要，估唔到呢度真係ok喎，我揀左招牌牛油拉麵🍜，黎嘅時候，上面真係有塊厚牛油，用筷子夾住，係啲湯上面畫圓圈，望住塊牛油慢慢溶，好治療啊味道香濃，拉麵軟硬度適中，而我朋友就揀左個豬軟骨拉麵，基本上大致同我嗰個差唔多，只不過少咗塊牛油，同埋多幾舊豬軟骨，豬軟骨夠淋夠入味，配埋拉麵好夾啊，如果雞蛋係糖心蛋，就更好了到小食了，首先去蟹子沙律，蟹籽粉量多，菜夠新鮮爽脆，撈埋沙律醬，不錯吉列魷魚圈，分量十足，外面脆卜卜，入面充滿魷魚香，配埋沙律醬，簡直係一流估唔到餃子都非常好味，皮薄，餡料又不膩，幾乎比我一個人食

這晚要不是朋友帶我來，相信我也不會發現這間店 位於商埸角落位，不太起眼裝修很簡單，座位也算舒適 晚市選擇多，價格也不算貴串燒雞翼，雞軟骨食落夠juicy，不會烤得太乾這晚天氣炎熱，吃串燒 當然還是點了啤酒降降溫咖哩炸豬扒蛋包飯蛋皮做得夠薄身同滑溜，入口帶有陣陣蛋香白飯食落粒粒分明又飽滿炸豬扒剛炸起，外皮咬落脆口酥化濃稠的咖哩汁，是日式風味的甜味咖哩友人點的鰻魚定食附上味噌湯，白飯，醃蘿蔔跟薯蓉鰻魚大條，無骨且不腥，醬燒汁富惹味感要來配白飯的確不錯荃灣楊屋道18號荃新天地二期UG59號舖

我比較少機會來到荃新天地二期，與朋友逛完街後，發現原來這裏有很多食肆呢，最後我們選擇了這間拉麵店。點套餐當中還有麵豉湯和薯蓉呢。燒雞扒奄列咖哩飯 $68它的雞扒肉質十分嫩滑，而且份量有不少。 咖哩味道香濃帶點辛甜， 日式咖哩不會太辣，是日式咖哩的特點， 因為我們都不吃辣，所以十分喜歡吃日式咖哩。 配上它的雞蛋奄列，更加好吃。牛肉咖哩烏冬 $72牛肉的份量也是不小， 肉質彈牙，不會太鞋。 而且牛肉把咖哩湯的味道給盡了精華，所以十分入味。 烏冬很嫩滑，咬起來的時候並沒有雜質，不會很難或韌。 而它的咖哩味道也是很香濃。牛油炒草菇 $45我和朋友都十分喜歡吃這個，因為草菇的味道很新鮮，很有菇的鮮甜味。配上牛油，更加惹味，而且更帶出了菇本身的鮮味。自家製餃子(大) $48餃子當中有十分多餡料了，而且皮煎得夠香，又不會太燶。最後，還有30元Coupon 呢。

同K先生睇完戲去咗荃新天地二期札幌拉麵Miso No.1 食晚餐，價錢吾貴又好食，而且店員服務非常好，真係要俾個like 佢。我地點咗自選二人套餐，套餐包任選兩款拉麵或飯 + 任選三款小食，都只係199 ， 非常抵食。套餐加咗15 蚊點咗雜錦拉麵，有蟹柳、豬軟骨、叉燒還有半隻蛋，非常豐富， 拉麵軟硬度適中，非常彈牙，份量也很多。而K先生加食螃蟹拉麵套餐小食款式選擇多，有12 種咁多，揀咗炒魷魚鬚、自家製餃子、北海道南瓜炸薯餅，每款都份量足同好味道。炒魷魚鬚大大碟，味道很香很惹味自家製餃子平時跟餐嘅餃子只係得兩三隻蛋，食完都唔夠喉，但呢度套餐嘅餃子係有六隻咁多，而且餃子皮薄餡靚北海道南瓜炸薯餅炸得香脆可口，超好食

今日和朋友往荃灣札幌拉面食dinner, 我點了吉列朱扒和炸雞便當, 炸雞軟骨和凍奶茶。吉列朱扒和炸雞炸得黃金香脆, 吉列朱扒食落有油花, 啖啖肉口感一流, 配上沙律醬能帶出吉列朱扒的美味,,炸雞肉質鮮嫩, 食落惹味,沙律菜食落新鮮爽口, 薯蓉食落香滑軟綿, 珍珠米食落甘香美味, 整個便當食落美味, 口感滿足；炸雞軟骨食落香脆彈牙, 醒胃惹味；最後凍奶茶茶味香濃, 奶味香滑。餐廳座位舒適, 食物美味, 份量十足, 價錢合理, 我們食了一頓美味, 口感滿足的便當。

午餐簡左個拉麵餐，一碗足份量牛油拉麵之餘仲有碗細細碗既滑蛋豬，但老實講滑蛋豬就一般水準所以唔多講，碗拉麵就有大塊牛油，但肉都係得一舊仔，湯底都幾濃，若果撞正果日好肚餓入黎醫肚都唔錯