曾三仙米綫 (花園街)

营业中

休息中

經過花墟就忍唔住食返碗米線，一人鍋大大一碗，加咗千層肚，配菜加送嚟講有少少貴，不過主菜豬腰好好味，仲可以加酸蘿蔔同蔥同芫荽，再飲一杯小吊梨湯，依家仲係維持緊半價，抵讚飲完炎熱嘅天氣舒服曬👍🏻

一間嚟自大陸嘅連鎖店，分店更加係超過一千間！今次喺香港開咗第一間分店，一入到去已經全場full晒，真係好誇張。酸湯三鮮米線 (加腰花&蘭花干) $96 湯底裡面加入咗蕃茄，湯底好濃郁，個感覺同譚仔過橋差唔多，又係乜餸都有仲要餸多過米線咁滯，最吸睛係塊巨型豆卜🤩另外第一次食豬腰花，好特別！味道比豬潤更濃少少，啱晒鍾意食內臟嘅人🤓酸菜虎皮豬蹄米線 (加蝦滑7粒) $93係我最愛嘅酸菜湯😍 湯裏面有勁多酸菜。同埋隻豬手真係好震撼，大嚿得嚟啖啖肉，而蝦滑就爽口彈牙又大粒，太多餸真係食唔晒🥹鍋巴土豆🥔 $20薯角炸得好脆，再淋上酸辣醬，個size啱啱好可以一啖一粒。炸蛋🍳 $10係一款將蛋液放入油炸出嚟嘅小食，店員提醒要浸入湯度食，浸淋咗之後索埋啲汁真係好正👅磁粑油條 $16外型好可愛，好似隻船仔咁🤣油條中間夾住磁粑，再灑上黑芝麻碎，唔會太甜，唔錯！

今日食呢間係太子既曾三仙米線, 特別的招牌店入面空間都算大, MENU係自己SCAN QR CODE選擇都好多下, 我點左既係藤椒虎皮豬蹄米線, 重慶辣超大隻的豬蹄, 因為我鐘意食豬骨既關係所以超好味勁入味同埋本身個米線勁高質藤椒帶出既辣味唔係普通的死辣, 而係香麻香麻的, 幾特別炸蛋超大的一片, 浸落辣辣的米線入面食, 非常特別!!友人點既係四仙米線, 有4種不同既材料係入面我食左最吸引同特別就係牛丸!! 超彈牙又多汁有少少似食緊潮汕牛丸既味道飲料既選擇都幾多, 馬蹄爽呢d唔常見既都有!!

同屋企人食晚市，見到滿座，諗住都應該好食。叫左一個藤椒湯底，一個酸湯底，都係味精湯。酸湯底仲另外俾碟酸粉同乾辣椒，更加證明係味精😂餸就食蝦滑同嫩鮮肉，兩樣都超重生粉😰蝦滑都要加生粉，真係接受唔到價錢上又唔係特別平，食譚仔仲好。

最近又有新嘅米線舖頭進軍香港，源自重慶嘅曾三仙米線係大陸連鎖店，分店超過1000間，依家佢哋就進駐太子開設佢哋香港嘅第一間分店啦~佢哋用上自家獨特大骨湯底作為基調下有清湯；泡椒；加上酸菜，胡辣椒嘅四仙；蕃茄；滕椒；冒烤鴨湯；特辣嘅特色火鍋米線等等，咁多款緊有一款啱你口味。我哋分別要咗三仙泡椒米線，泡椒湯底唔係噴火式嘅辣，係帶點點後勁比較温柔可以飲嘅湯底。三仙配料入面有木耳，黃花（金針），蟲草花，鵪鶉蛋，午餐肉肉絲，蕃茄，竹苼，豬肝。其實淨係三仙已經十分豐富，不過見到好多人推介嘅腰花就追加咗。真係無加錯，腰花無腥味，口感爽脆唔鞋，鍾意食內臟嘅一定要加 （反而豬肝就無腰花咁吸引）。蕃茄蝦滑米線加咗炸蛋同炸腐竹片，唔辣嘅蕃茄湯底配合索湯又鬆脆嘅炸蛋好夾🐣呢款平時都淨係得臭爆螺螄粉店先有，依家終於唔洗臭住到食到，開心。同埋蝦滑鮮味彈牙，唔係間間米線舖都有都好有特色~小食叫咗聽都未聽過嘅豆腐泡，原來係一個炸到表皮好香脆有啲似唔臭版嘅港式臭豆腐；同埋糍粑油條嚟做甜品，煙靭嘅糍粑夾係香脆嘅油條入面，面頭灑咗芝麻糖粉，竟然唔會好甜，細細舊夠頂癮。呢度嘅特色飲品都🥥平時一般嘅好唔同，有清爽嘅馬蹄椰子水，

中國有1000間分店的曾三仙米線來到香港旺角花園街開第一間米線店喇！這間小店一開張就深受本地食客歡迎。店家堅持使用優質食材（一筷子下去全是乾貨）,並採用傳統烹飪手法,為食客奉上一道道正宗的川式小吃。店內招牌之一的四仙米線。米線煮至恰到好處,入口即化,加上濃郁的高湯,相當鮮甜可口。四種餡料,包括肉絲、豬膶、鵪鶉蛋和竹笙,搭配得宜,既豐富又不失清新。接下來是酸湯蝦滑丸加豬腰米線。酸湯湯頭酸甜適中,帶點辣,與香滑的蝦滑丸和嫩滑的豬腰肉完美融合。米線依然Q彈,整體口感層次豐富,令人回味無窮。另一道必點的是店內獨有的磁巴油條。外層酥脆,內裡鬆軟,酥香可口,彷彿置身於一個小時光倒流的香港街頭小食攤。接著我品嚐了虎皮豬蹄。肉質鮮嫩,皮脆肉香,令人難忘。特別是經過先炸後鹵的獨特工序,更是鎖住了肉汁,增添了豐富的口感。牛肉丸味道鮮美,彈牙適中,難怪是店家的秘製招牌。小吊梨湯和馬蹄水,清爽可口,恰到好處的甜度,讓人回味無窮。

今日去太子花墟買花，見到花園道有人排隊，去睇下就見到曾三仙米線，即刻想起上次去成都嘅回憶。入去見樓面都幾寬敞，坐底老闆問我哋食唔食得辣，我哋話天氣熱，唔想食辣，佢就介紹咗我哋食個四仙米線，有好多配料：木耳、鵪鶉蛋、竹笙、番茄、蟲草花、豬肝、黃花、午餐肉同嫩肉絲，老闆介紹我加蘭花乾，即係油豆腐串，因為佢可以吸晒湯汁好juicy 。我哋再加多個番茄虎皮豬蹄米線，我鐘意食牛柏葉，所以加咗千層肚，再追加一個炸蛋，浸湯食一流。我哋再叫咗個重慶現炸小酥肉 ，淨食香脆，浸湯更好味。而家消費任何米線或特色小食，即享有紅糖豆花或生椰拿鐵飲品三蚊優惠，我哋嗌咗生椰拿鐵，小小椰香幾好飲，另一杯冰糖山楂凍配餐特價$ 9，酸酸甜甜仲有爽口嘅山楂凍，我哋仲叫多杯馬蹄椰子水有啲椰子粒珍珠，飲落幾過癮。總共二百幾蚊埋單。自助區有芫荽同香蔥任裝，仲有碗同羹可以攞，醃蘿蔔都可以任裝嘅。講返嘢食先個虎皮豬蹄非常之香口，個米線仲有好多料，包保夠飽肚，牛肚亦都好爽脆。配埋個炸蛋浸湯一齊食，快活過神仙。個四仙米線都係好多好多料，個油豆腐吋浸晒湯索晒味超正，佢哋嘅米線比我平時食嗰啲米線幼身，比較彈牙，份量亦都非常多。杯拿鐵唔甜，啱

假日同朋友去深水埗行街消遣，行行下被曾三仙米線既招牌吸引左，上網一search發覺原來係內地過江龍，係內地非常之hit，於是決定試下。入邊裝修有少少川渝風、重慶感，但播既音樂卻帶有現代風格：中普韓日都有，落單亦都好方便，掃QR code 便可，啱晒我呢d「I」人。店家仲將menu分門別類，方便顧客搵適合自己既米線。天氣炎熱，行到汗流浹背，嗌左一支冰糖山楂凍飲。山楂凍入口唔會甜，一股山楂味充斥住口腔，清津解渴、開胃消滯，方便一陣食指大動。藤椒鮮魚片米線：配料豐盛，有魚片、韭菜、木耳、海帶絲、番茄等等，仲驚自己唔夠，另外嗌多左千層肚，湯底酸酸辣辣，令人忍唔住一啖接一啖，好快就飲曬成碗湯。酸湯三仙米線：一端上嚟嗰下，已經聞到好濃烈既蕃茄味，熱氣騰騰，香氣飄逸。裝米線既碗唔係普通碗，而係用水瓢裝米線，同一般既米線舖唔同，感覺幾新鮮、特別。米線細膩柔韌，口感鮮嫩爽滑，配埋香醇濃郁、酸爽熱辣既蕃茄湯，一個字：正！鍋巴土豆外脆內軟，酸甜酸甜，好似係食緊韓式甜酸炸雞，朋友同自己都讚不絕口，一致好評。小酥肉酥脆嫩滑，可以沾上辣椒孜然粉，或者配埋落去個湯度，浸一浸又幾好食。炸蛋必嗌！！！索曬d湯汁，非常好

* 這日係太子開完會真氣難下。開足半日同老闆頂足半日。感覺好委屈自己。心裡決定要食返些去平衡自己的心態。決定係太子附近找找。係這區食肆臨立之下。竟然不覺意下見到間係大陸有手1000間分店。原來香港係第一間開張。毫不考慮下衝了入去。冬蔭風味配搭三仙大蒜。蕃茄。檸檬。做出酸度。湯底極濃香蕃茄味道。再加上海帶絲。木耳絲。配上無敵米線。再配上刀功了得。切成花邊腰花。更難得一見精心可見。入口似足冬蔭功湯。但其味更為鮮甜。三仙蒜味牛肉片。牛肉雖薄。但牛味重。再配上蒜香更昇華到另一層次。極為一個理想小食。

曾三仙米線係大陸連鎖店，國內有超過1000間分店，近排佢哋終於嚟到香港啦🎉🎉，即刻嗱嗱臨去試一試先！佢哋嘅米線有好多特色湯底，包括牛油火鍋湯🍲、泡椒湯底🫑、滋補湯、蕃茄濃湯🍅、老壇酸菜湯等等，選擇非常之多！我今次就揀咗滋補蝦滑米線🦐$55，湯底由當歸熬製，滋補養生，湯底屬於偏鹹一啲嘅～米線，仲可以自己加唔同配料，我呢一碗就加咗蘭花干$10、牛肉丸（3粒）$12！小食方面，我就揀咗新出嘅三仙蒜香牛肉片🐮$32、鍋巴土豆🥔$20、磁粑油條$16！其中特別推介糍粑油條，相信呢個小食暫時都係全港獨家，煙煙韌韌甜甜地咁，好值得試！😍😍

自從上次吃過一次之後，念念不忘，可惜暫時香港只有一間分店，今晚便專程來到這裏。藤椒鮮魚片米線，小吊梨湯$63。藤椒鮮魚片米線，藤椒麻辣味道香濃，魚片鮮嫩可口，加上爽口彈牙的米線，木耳絲，令人回味無窮。小吊梨湯，清潤可口，甜度適中。泡椒三鮮米線，冰糖山楂凍$63。泡椒酸辣味道十足，令人胃口大開，加點芫荽，已經10分美味。冰糖山楂，山楂的酸味不會太強，內裏有椰果，開胃又可以當作甜品。三仙蒜香牛肉片冷盤$32，蒜蓉份量十足，牛肉帶點嚼勁。蘭花乾$10，口感有點像豆腐卜，放在小窩內，可以吸收湯底的鮮味。虎皮雞腳三隻$30，雞腳炆煮得很軟腍腍，筋部爽口彈牙，連一個不喜歡吃雞腳的人都會吃雞雞腳。炸腐竹片$9 ，香脆可口，可以放湯，又可以當小食來吃。

今日夜晚要返學,所以放工前巳做定功課,搵定有咩好食,見多人推介仲哩間米線店,所以一於去試吓~四仙米線 $52用鍋上，幾特別米線內有木耳、鵪鶉蛋、竹笙、蕃茄、蟲草花、豬肝、黃花、午餐肉、肉絲另加$4 要左一粒蝦丸,都幾彈牙炸蛋 $10店員溫馨提示炸蛋要放入湯內食我先食左一啖,之後再放湯,發覺真係放湯浸淋左好食D重慶現炸小酥肉 $25外脆內軟,好食!!糍粑油條 $16哩個係我覺得最好食既,糍粑油條加埋芝麻粉,真係好夾好好食!!

曾三仙米綫今次要介紹一間米線店喺內地分店超過1000間，終於而家登陸香港，呢間米線店叫「曾三仙米綫」，佢哋嘅米線同香港嘅米線好唔同，第一粗幼程度唔同，第二爽滑程度唔同，第三掛汁程度都唔同，喺香港完全搵唔到呢種咁好食嘅米線，呢種米線叫「四川米線」，佢哋喺四川直送嚟香港，好少返內地嘅我，而家唔洗長途跋涉都可以食到四川米線，仲要係超出名嘅「曾三仙米綫」，最近佢哋仲做緊開張三個月優惠，凡消費任何米線或特色小食嘅話，都可以以$3優惠享有紅糖豆花山椰拿鐵飲品，仲有就係有自助區，果度有蔥花、醃蘿蔔同芫茜比大家任𢳂任食，大家如果未食過「曾三仙米綫」就快d去食下啦！如果輪椅人士要入去「曾三仙米綫」食野就要自備斜板，因為呢間餐廳門口有一級，對輪椅人士有少少不便啦！1.酸菜腰花米線$58+午餐肉（3塊）$9+百香茉莉茶$9（跟餐半價）（9.5/10）呢個酸菜腰花米線真係不得了，米線超爽滑彈牙，比起香港其他米線店嘅米線幼少少，有勁掛汁，店員仲話呢度嘅米線係四川直送，豬腰𠝹埋花，豬腰好爽口彈牙，大約都有7舊，我再加咗$9係佢哋自己整嘅午餐肉，午餐肉有3塊，其他配料有酸菜、韮菜、海帶同蕃茄肉等，湯底酸酸辣辣，食完

一向都係米線愛好者，一個禮拜都會周身痕，今次搵到呢間喺太子花園街裏面嘅米線專賣店米線口味非常之多，除咗有一般味道之外，仲有養生嘅當歸口味，泡椒口味，蕃茄口味，同埋酸辣都有個人比較喜歡吃辣，所以今次選擇咗泡椒配料選擇都好豐富，我揀選咗鮮魚片，竹笙，蝦滑，蕃茄等等配料仲會有木耳同海帶非常之豐富米線屬於幼身，軟硬適中，唔會軟腍腍湯底味道好濃郁，泡椒味好惹味超級喜歡竹笙真係強烈推介大家要加，因為真係好索湯底除咗主角米線，小食都好多雞腳同蒜泥都好入味，超級好配米線最強烈推介嘅一定係油條糍粑外面油條夾住中間係糍粑口感超級酥脆外脆內軟，再漂埋面後嘅芝麻碎成件事係極之美味！我願意一食再食！

今日同屋企人去太子行街途經呢間米線舖勁吸引，曾三仙米線係大陸連鎖店，分店超過1000間，而香港係第一間，一於走入去試試！佢地主打重慶特色米線，開頭都驚會好辣，店員同我地介紹左兩款可淺嘗香麻辣的米線，果然無介紹錯！香香麻麻一啖接一啖咁食😋藤椒鮮魚片米線（小辣）：藤椒的麻辣與鮮魚片的嫩滑完美融合，而米線的彈性和柔韌增添了整道菜的口感層次。入面還有海帶、木耳等配菜，增加不少口感！適當的辣度激發了食材的鮮美，讓人食慾大增。酸湯腰花米線：酸湯底很像冬陰功湯底，它的酸爽非常開胃讓人一口接一口，而腰花處理得十分得當，不僅無腥味，還保留了其獨特的脆嫩。米線吸收了酸湯後，不僅口感豐富，也讓這道菜更具層次感。豆腐泡：豆腐泡擁有外酥內嫩的口感，十分討喜。它們吸飽了湯汁，帶來多汁且香濃的味道，令人愛不釋口。這道菜簡單卻富有變化，是對藤椒鮮魚片和酸湯腰花米線的絕佳搭配。重慶現炸小酥肉：這道菜的關鍵在於即炸即食，酥脆的外皮包裹著多汁的肉塊，每一口都滿是香氣。香料的運用恰到好處，濃郁但不蓋過肉的天然香味。小吊梨湯：梨湯清甜又甜而不膩，梨的清爽使人喉間留香，解膩解辣效果一流。冰糖山楂凍：這杯飲品由冰糖、山楂、果凍製成