暖心芝作

营业中

休息中

經過太子發現有一大班人排緊隊，好奇心睇下佢地排咩。原來係排緊黑芝麻雪糕！鋪頭面積唔太，主要做外賣。有好大面積係用黎做生產，見到店入面仲有好大個磨坊。好多黑芝麻相關既野食，但唔太餓就淨係黎試下個雪糕。雪糕入口非常滑，好香黑芝麻。表面仲有好多黑芝麻醬，食落層次都幾豐富！食落係似雪糕版既芝麻糊。值得一提係佢并不太甜，似係少甜既製作。味道黎講非常好，但一杯要價28蚊的確有d 貴，總括而言係好值得一試既，推薦！

今次終於食到個雪糕！！今年2月嘅時候部雪糕機維修緊，上次出完網上好多人留言，部機原來都維修咗一年半載😂早排見到有foodie食，原來部機終於維修完😂😂 呢一日食完飯去咗食甜品🍦#芝麻雪糕 $28個面唧咗啲黑芝麻醬，所以頭幾啖勁濃，但食到底無醬～如有個底都有就好😂#黑芝麻菲林卷 $25咁啱有最後一盒，買埋佢😁細個飲茶好鍾意叫～～好彩去嘅時候無人排隊，一食完就好多人排！而且買到最後一盒菲林卷，Lucky✌🏻

今次去咗人氣嘅石磨芝麻店舖——暖心之作，試佢嘅黑芝麻食品。店舖係外賣模式，門口經常大排長龍，當日等咗15分鐘先買到佢嘅黑芝麻食品特濃黑芝麻軟雪糕雪糕帶有好重嘅黑芝麻味，再加埋黑芝麻醬喺面，令黑芝麻味更香濃，另外佢嘅雪糕都好滑黑芝麻豆漿豆漿味道較淡屬於微甜，芝麻同豆漿比例調配得恰到好處，飲落時各佔一半味道。另外豆漿入邊嘅芝麻渣亦增加當中口感黑芝麻菲林卷菲林卷甜度調配得適中，黑芝麻味道濃郁，食落亦非常煙靭，放落雪櫃後拎出嚟食，冰凍嘅口感更好味

太子暖心之作嘅黑芝麻糊同黑芝麻豆漿是兩種非常受歡迎的傳統小吃。仲有大推嘅黑芝麻菲林卷。超有黑芝麻味道，而且具有一定的營養價值。黑芝麻糊口感滑順連綿，香氣濃郁。味道亦有足夠嘅黑芝麻味。營養價值：- 豐富的脂肪酸：黑芝麻含有大量的不飽和脂肪酸，有助於心血管健康。- 鈣和鐵：黑芝麻是良好的鈣和鐵來源，有助於骨骼健康和防止貧血。- 抗氧化劑：含有多種抗氧化成分，有助於抵抗自由基。光滑的黑芝麻豆漿同樣擁有濃郁的芝麻香氣，口感細膩！營養價值：- 高纖維：黑芝麻豆漿含有豐富的膳食纖維，有助於消化和維持腸道健康。- 維生素E：黑芝麻是維生素E的良好來源，有助於抗衰老和保護皮膚。- 能量來源：提供持久的能量，非常適合需要體力的日常活動。如果假日下午時間嚟，基本上都一定要排隊，預計排隊時間可能要等15分鐘左右。而且今期亦都有黑芝麻雪糕，基本上每個排隊嘅人都會買黎食。

一直以來都聽過呢間舖頭既芝麻雪糕好出名～今次終於有時間嚟朝聖! 去到門口真係好多人排隊~ 舖頭係外賣店嚟嘅, 有好多黑芝麻嘅副產品，例如芝麻糊, 芝麻綠豆沙, 芝麻卷等等!黑芝麻軟雪糕黑芝麻味道好濃郁, 好香口, 雪糕口感好滑, 好好味😋而且冇因為人多雪糕質地有未成型嘅情況~黑芝麻豆漿(有糖)本身以為有糖會好甜, 但係原來佢係用黑糖, 飲落去只係微甜, 感覺幾健康! 都幾重黑芝麻味, 飲落去有啲芝麻蓉嘅感覺~雪梨燉檸檬茶感覺好滋潤, 唔會太甜, 呢個天氣飲幾啱!下次要試吓個黑芝麻布甸嗰啲先得~

❣️暖心芝作❣️人氣黑芝麻軟雪糕🍦叫左2個 特濃黑芝麻軟雪糕$28呢一個真係暫時食過最好食黑芝麻軟雪糕，之前在網上已經見到好想食，今次經過太子，有5至6個人排隊，等左一陣就好快到。第一口巳好滿足，好香好滑，口感柔軟度啱啱好。雪糕上面有黑芝麻醬 ， 增加層次感。 黑芝麻味也好出。相信以後行過太子亦都會特登過嚟食一杯🤣🤣👍📍太子汝州街23號

同同事經過見到有好多人買左個雪糕行出黎 超級吸引但我地減緊肥 所以試左其他甜品先黑芝麻無糖豆漿（$15）雖然揀左無糖, 但係都仲有陣陣濃郁芝麻味, 唔會好單調豆漿用左腎形黃豆, 黃心黑豆, 黑芝麻醬同黑糖, 就算無糖都好好味黑芝麻布丁($25)呢個真係超級驚艷, 無諗過個布丁可以咁濃芝麻味中間仲有流心芝麻醬不過一個人食可能有D漏 我同朋友share就岩岩好啦超級推薦! 下次試埋個雪糕 同埋希望買到菲林卷

中午去度，已經放個告示牌出來, 芝麻卷出品時間延遲到 2-6pm, 問多句都吾想答，成間鋪頭職員西口西面！賣幾條芝麻卷啫，仲串過碼頭咕哩，幾好食都吾會有回頭客，又吾係非吃不可！

行近舖頭已經聞到好濃的芝麻味, 見到門外有很多人在排隊, 當然唔執輸去排隊買嘢食 食物 : 石磨芝麻糊 $30 ~ 傳統糖水, 唔會好甜, 都幾濃味 黑芝麻豆漿 $15 ~ 比飲其他嘢健康, 唔太甜, 幾順滑 黑芝麻菲林卷 $25 ~ 外面已經好少見, 味道香濃, 幾好味, 值得一試

食完餃子有啲意猶未盡😝見附近有間甜品外賣店好似幾吸引，諗住去睇吓🤩點知離遠已經見人龍，急急腳去排咗隊先算🤣🤣一路排已經聞到濃濃嘅芝麻香🤤仲見到有個石磨即場磨芝麻，果然係芝麻專門店😝🌑黑芝麻雪糕 ($28) 一下子見到咁多芝麻甜品真係唔知點揀😆不過見到個個都拎位杯雪糕就知要食咩😌雪糕都唔細杯，食落好香芝麻味😋加咗芝麻醬更香濃😆🎞黑芝麻菲林卷 ($25) 見到係限購品就知有幾厲害😆芝麻卷行清淡路線😌芝麻味有但唔係好濃，整體唔會好甜👍🏻

今日去到太子一間石磨芝麻專門店一試作哋嘅黑芝麻軟雪糕，而芝麻更加係現場即磨，發出陣陣嘅芝麻香味！黑芝麻軟雪糕$28濃厚嘅黑芝麻軟雪糕，配上九蒸九曬嘅黑芝麻醬，食落味道香濃，而且軟雪糕質地沙沙，唔會太甜！此外，店舖仲有好多唔同嘅黑芝麻製成品，身為黑芝麻愛好者嘅一定唔可以錯過！暖心芝作 (太子)太子汝州街23號地下B號舖

之前有來過買芝麻雪糕 見到好多人買菲林卷 今次想試試 有塊板寫12.30開賣 每人只可以一盒我哋二人排隊 想買一支豆漿加兩盒菲林卷今日Cashier 姐姐態度很差 非常不友善就噤話冇得賣 我第一次買 唔知道要即叫即整佢話一盒 5-10分鐘 兩盒就半小時 因為我見前面客人有買到 我以為不用等噤我話 噤我淨係要豆漿唔該 佢就無視我哋 理後面既客人成個態度好似要我哋受氣噤 自問過程中都好言好語非常不愉快！👎🏻👎🏻👎🏻👎🏻

🖤 特濃黑芝麻軟雪糕（$28）一邊排隊嘅時候已經聞到好香濃嘅芝麻味🤤雪糕可以揀杯裝或者筒裝，我揀咗筒裝，雪糕筒有淡淡芝麻味同好脆；雪糕嘅芝麻味濃到好似食緊芝麻糊咁而且雪糕唔算好甜，雪糕口感比較似乳酪雪糕咁，唯一美中不足係佢好快溶🖤黑芝麻豆漿（$15）佢有少糖同無糖選擇；我揀咗少糖，飲落唔算甜；同平時飲開嘅豆漿唔同，平時外面嘅豆漿係好滑無渣，但暖心芝作為咗保留豆嘅營養，所以佢地嘅豆漿係無隔豆渣，飲落去就唔算好滑；芝麻味道都好出

今曰第一次幫襯，買咗雪糕同菲林卷，盒菲林卷要等，叫我返轉頭拎。等咗一陣問咗兩次都未有，當時門口逼滿人，所以我企係門口較遠位置，到第三次入去問，佢態度勁差話已經嗌咗兩次我個number但我冇出現，所以將我盒野俾咗第二個……搞到我又要繼續等。我當時冇同佢嘈，費事嘥我時間同呢啲垃圾嘈。正常去一間外賣店或餐廳買外賣，個客行開咗正常係唔會將個客嘅外賣俾咗其他人，而係會幫個客hold起，呢間垃圾真係令人大開眼界，真係幫襯一次就夠，呢間野應改名叫「黑心芝作」比較適合。排咁耐仲要受佢氣，唔怪得咁多人北上消費啦。

看了很多篇介紹這一間小店，今日特來探店。 點了菲林芝麻卷，25元一盒味道ok，可惜沒有想像中的很驚喜，個人認為這個芝麻卷，如果做成粒狀加上更多芝麻，味道會更有層次 芝麻糊：價錢好像是30，比我想像稀了一些。 味道也不是很突出，層次欠奉。 有點失望。 這裡只收現金和八達通。 可能因為這個芝麻石磨機，所以被廣泛報導過，長期也有一條小小短短的人龍， 感覺是網紅店结果我回家後把芝麻卷切成小粒，加芝麻粒，又加入芝麻冰淇淋及忌廉再加一點兒芝麻糊在碟上便完美了！