暖心芝作

营业中

休息中

行經過見到呢間店，已經聞到好香嘅芝麻味💛 試咗個黑芝麻軟雪糕🍦（佢有得揀杯/cone）一遞埋嚟已經覺得好正😍 係雪糕上面仲淋咗唔少黑芝麻醬😋 食落去好香濃🤩 唔太甜👍🏻 $28嚟講算係好ok❤️

咁岩行開去到太子，見到有人推薦呢間芝麻糊，於是特登行話去～去到鋪頭無堂食，見到有2部石磨機係鋪頭磨緊芝麻，見到好新鮮，真係自家工場。一去到舖頭門口已經好多人排緊隊，不過大部份都主要係買雪糕，見到佢Menu都係推介雪糕產品，好多人食。我試咗石磨芝麻糊，食得出係石磨有一粒粒芝麻嘅口感，味道唔會過甜，買完拎上手仲暖暖哋好好食，問咗職員佢話可以擺到第二日，不過放雪櫃，所以都推薦去試吓，所以即時食一個，再買多幾個返屋企等第日再食

買了芝麻布甸及芝麻糊芝麻布甸有一層芝麻流心 感覺良好 芝麻糊非常失望 食唔到任何芝麻味道 而且一打開蓋會有一層油 不夠順滑 會確喉 不建議😅第一次食唔晒成碗芝麻糊但外賣盒設計良好 可以重用

作為芝麻愛好者，發現近排炒得火熱嘅芝麻小店當然唔執輸去朝聖一下。下午四點去到，一心想買芝麻菲林卷但已經售罄🥲職員話12:00pm出爐，好快就會賣晒。難得去到都買左熱石磨芝麻糊$30試下～開蓋一睇見到成層油已經心感不妙….食落就好似油+粉劑芝麻糊既粗糙感…食到一半已經頂唔順，好似飲緊成支油咁…但要讚嘅係包裝係可以放入微波爐加熱，都有誠意、成本。商家聲稱整個過程只加過濾水和黑糖，最後加咗好多黑芝麻醬落去保證好濃嘅芝麻香味，所以覺得好多油係100%的芝麻油。只能怪我唔識欣賞，大家經過可以試吓，但沒有下次。

我哋大概夜晚七點到，原本想買菲林卷，但係已經賣晒。見好多人喺門口食緊雪糕，我哋都要咗杯。唔知係咪之前有食評話個雪糕唔會溶，所以都改咗個配方，而家係一拎到上手已經溶緊🤣 笑左都係好有黑芝麻味嘅，但係冇咩咁特別。如果要排隊就未必會再encore。

黑芝蔴，白芝蔴水準未見突出。完全沒有服務態度可言，幫襯佢仲要受氣。好似佢俾錢我咁。服務性行業做成咁，飲食界之恥。如果想食得開心，建議不要幫襯，若想试吓俾錢人受氣，強烈推介！

呢個$28黑芝麻軟雪糕真係堅正😍，成件事包括D雪糕，黑芝麻醬同個cone 都係咁得，雪糕同芝麻酱重黑芝麻味仲係微甜，cone 好脆，好好食好回味❤️，以後唔嘥quota 食其他了😂$15支無糖黑芝麻豆漿都好正，開心補下蛋白質😂

🇭🇰暖心芝作·黑芝麻菲林卷$25 l 石磨芝麻糊$30之後我哋食完拉麵經過 聞到呢間超香芝麻味 門口又有個石磨喺度即場磨芝麻 好似好正咁 所以就入去買咗😈但係我自己就覺得有少少失望🥲🥲佢個菲林卷都滑身嘅 芝麻味都有 但係就冇我想像中咁濃🫢另外個芝麻糊我自己就覺得真係麻麻 佢比較淡味 而且佢質感偏粗糙少少 我冇咁鍾意🫢🫢·📍暖心芝作 (太子汝州街23號地下B號舖)·#rby甜品飲品#rbyeat#rby太子

📍太子人氣黑芝麻專門店‼️· 軟滑香濃軟雪糕🥰 — 暖心芝作🖤·#pigfoodiexhk_太子#pigfoodiexhk_甜品==============================Bookmark呢間黑芝麻專門店好耐!!呢到嘅芝麻product都係天然手工製作，例如有芝麻雪糕、芝麻糊、芝麻布甸、芝麻卷😆鋪頭仲有部研磨機現場磨製！當日星期日下午有人龍，但唔算等得太耐，5分鐘左右就買到～————————————————————————⭐️特濃黑芝麻雪糕 $28黑芝麻係用咗九蒸九曬天然手工製作，麻香超級濃郁，甜度亦唔高🖤面頭再淋上黑芝麻醬，好好味🥹黑芝麻控must try!————————————————————————————賣相：3.8/5味道：4.7/5性價比：3.5/5推介度：4/5————————————————————————————📍暖心芝作 @heartwarming_sesame 太子汝州街23號地下B號舖

本身唔係太好黑芝麻 咁岩經過呢間鋪頭見都多人排隊 又好奇賣緊乜呢多數人都拎住杯黑芝麻軟雪糕一試之下有驚喜 濃郁 幼滑 結實 唔太甜 唔會好快溶 連個雪糕筒都係芝麻味好少食到咁好食嘅軟雪糕🍦另外 買左枝陳皮燉檸檬茶凍飲， 好飲！ 即時解渴 又 滋潤！

平常久不久也要專程來買一客黑芝麻糊 我的至愛 更是一位住老人院長者的至愛 但今天就覺得稀和不夠甜 有些失望 希望不是將價就貨 否則食客是不回頭的。遲吓再試多一次吧⋯⋯ 有時迫不得已加價總好過貨不對板試過雪糕和芝麻圈 不會再吃 因為淡口 不算是甜品布甸很好 希望能夠再嚐有水準的芝麻糊吧 加油！

去過3次幫襯 每次芝麻糊都煲燶打電話跟她們說 我們更換給你吧、如何更換呀？妳們成煲已經煲燶了 更換給我也沒有用❌多次推卸責任、再叫我來更換另一款食品 亦可退回金錢、試問 這問題不是出現一次 而事在我身上發生了3次多這樣沒有下次了❌❌❌

#20240811 🤍📍 暖心芝作 @heartwarming_sesame 太子汝州街23號地下B號舖➖➖➖➖➖➖➖➖➖➖➖➖➖➖➖➖➖#黑芝麻雪糕 $28💭 本身想食脆筒可惜當日無，所以一律都係用杯裝，有少少失望，因為可以食埋個筒感覺抵啲咁，但原本用杯個雪球睇落多好多，真係睇想食雪糕定食筒喇😂個雪糕食落好香芝麻味，加埋唧左啲芝麻醬係面，股芝麻味係勁濃郁，而且佢口感唔係好滑果種，反而有啲似芝麻湖果隻沙沙既口感，夏天食一流呀🍦.#太子美食 #🐷在太子 #🐷_食

食完豐信原本想去荳蔻年華買糕食，但又無開😂，返轉頭見到呢間芝麻味幾香又有人排隊又湊下熱鬧～🔅特濃「黑芝麻」軟雪糕 ($28)黑芝麻味幾濃，仲加左芝麻醬，見唔少comment話膩，可能因為我同朋友share食又唔覺。不過天氣熱雪糕都溶得快，同埋唧得無圖咁靚😂，但下面無空心既～雪糕有分cone同杯，我揀左cone，都幾脆，唔會太厚🔅黑芝麻卷 ($20)原本$25/5卷🎞，因為賣晒淨返4卷所以平啲😂。食落好香黑芝麻味，幾軟糯彈牙🖤🔅流心黑芝麻布丁 ($25)布丁都係覺得偏貴少少，但中間真係有流心既黑芝麻醬，食落都夠濃芝麻味🤤💬整體價錢唔算平，但都好食既，抵唔抵食就見人見智🤣。但店員態度同語氣麻麻又好chur，買左幾樣野未有手拎雪糕就係咁chur住人拎😃，建議可以擺個雪糕架…

朋友介紹, 話呢度芝麻糊好食, 不過天氣太熱想食雪糕, 所以即場買咗杯芝麻軟雪糕, 然後再買芝麻糊加芝麻豆漿返屋企飲。响無期望嘅底下，我覺得軟雪糕唔錯， 不過夏天熱要食快少少，因為我企喺門口食都溶得好快。 芝麻味香， 雪糕軟滑又夠凍， 我見大部分嚟買嘅人都係買雪糕。 至於芝麻糊同埋豆漿， 星期日人太多雪唔切， 買咗暖嘅返屋企， 一半雪凍嚟食， 另一半暖食。 芝麻糊冇太大驚喜。另外黑芝麻豆漿雪凍嚟飲， 我覺得小甜剛剛好，又冇掩蓋到黑芝麻嘅味道 路過下次會再買雪糕嚟食