暖心芝作

营业中

休息中

$100-4支🍦🍦🍦🍦@$28/1支🍦。每次經過都不能放過， 終於的起心肝影返張相有好濃郁嘅芝麻香味。 門口擺放一個大石磨不斷將炒過嘅芝麻，打磨成麻糊。 在製作出不同種類的芝麻食品。 我的至愛就是雪糕😘所以我就買咗芝麻雪糕食了😋。下次搵三個朋友一齊食😙

唔可以唔識嘅太子芝麻小店，米芝蓮必比登推介😆手工製作芝麻產品，門口設有石磨機，芝麻菲林捲、石磨黑芝麻糊、黑芝麻布丁等產品我都強烈推薦😆❤️黑芝麻有高鈣、高纖、高抗氧化小店全日長期排長龍，不過平日都只需等5-10分鐘；假日就誇張啦，要等15至20分鐘。人龍左邊就排芝麻雪糕布甸等，右邊只限排菲林卷，所以如果同朋友分開排就最快捷✌🏻· 特濃「黑芝麻」軟雪糕 $28 雪糕一定係必食產品，見個個排隊都必買一杯，街口位企滿晒人喺度舐吓舐吓🍦好濃郁芝麻香，面頭有芝麻醬，雪糕口感係沙沙口感，第一次食嘅人士一定會感到驚艶。呢個價錢絕對值得試一次😆·流心黑芝麻布甸 $25/杯有驚喜，第一次食非常驚艶，布甸有奶香味亦有芝麻香，中間有流心芝麻醬，成個布甸簡直係充滿濃郁芝麻香，強烈推介一定要試😆· 芝麻菲林捲 $25/盒傳統菲林卷而家好少見到，數量有限，所以每人只限購一盒，每天2:00-7:00，每個鐘發售25盒。用芝麻糊漿、芝麻醬、馬蹄粉、冰糖攪拌成米糊狀態，放入蒸爐慢火蒸3分鐘，逐條人手捲製。全手工製作，捲咗好多層變相一條其實好厚身，質感偏煙韌Q彈。老實講其實$25/6條唔算平🤣香芝麻味係好食，不過同布甸/雪

晚上九點多接近十點前到達，門外有人排隊，指示牌依然都在。當時我排最後，前面有四位外國人。排排下突然間有個職員出嚟拎走個指示牌，不過乜嘢都冇講。跟住有位啱啱買完嘅顧客出嚟，同前面四個外國人講，舖頭啲人話佢要閂門，叫佢哋問下職員仲有冇得賣。跟住個職員都唔理有冇人排緊隊，就走去拉閘，當時仲有一位顧客喺裏面等緊雪糕。個職員拉閘嘅時候，其中一個外國人問佢仲有冇雪糕賣。個職員竟然。唔。睬。人。外國人再問佢都唔理人，個外國人問第三次，兼且用手指篤下個職員膊頭，個職員先好唔耐煩咁令個頭過嚟講咗一句“no ice cream呀”外國人問賣多一支得唔得呀，個職員嘅回覆竟然話“The machine auto off呀”，啲態度非常差。返工要收工好合理好正常，咁但係你係咪可以提早少少出嚟截龍呢。職員又唔截龍，由得人繼續排隊，突然間就走出嚟話冇得賣，仲要即刻落閘。叫你又唔睬人，我排喺後面直頭冇理過我。其實就算你賣曬都冇人會怪你，但係唔係咁嘅態度囉！好似叫人唔好嚟幫襯，唔好嚟煩到佢。我畀錢你仲要受你氣？？將心比己，佢自己出去消費，如果遇到咁嘅態度佢自己咩感受先！？

終於。終於。我食到嚕🤤🤤👑✨人氣王芝麻系列✨👑sᴇsᴀᴍᴇ🩶🖤🩶🖤特濃黑芝麻軟雪糕🍦2️⃣8️⃣元雪糕好香滑,黑芝麻味好濃,尤其配埋黑芝麻醬既雪糕芝麻味更濃🤤🤤最正就係雪糕唔會溶得好快🫠雪糕筒都好脆,唔會好易爛#喜歡食雪糕一定要配筒唔係配杯😁整體唔會太甜🙂芝麻好濃郁,芝麻控必食必食😋絕對推介鍾意食黑芝麻既朋友仔🩶🖤下次一定要拉埋閨蜜👭🏻齊齊要食芝麻布丁🍮飲芝麻奶😋再食芝麻雪糕🍦還有好多芝麻系列選擇😊#值得一食再食再返兜食食食食🤤

兩點幾去到，前邊排10個人，條隊買雪糕同埋芝麻糊之類，都係放雪櫃攞出嚟嗰啲，諗住等十個甜筒要排幾耐吖，咁咪排囉，結果就係排咗半個鐘🤯🤯🤯🤯即係每個雪糕唧3分鐘🤯🤯🤯🤯🤯 真係唧牙膏咁唧，即係玩飢餓營銷🫠 唔怪之得條龍越排越長🫠 雪糕OK嘅，甜筒都好脆，但排半個鐘真係唔好啦

去左兩次，一次排左1 小時（星期日晚上），一次排左半小時（平日下午）。1）世一芝麻雪糕（$28），好好味，黑色芝麻醬更加突顯芝麻味，正😍😍😍排在一小時都值，同朋友吹水。2）芝麻卷，$25，下午2 時至7 時開賣。每小時限25 份，每人限買一份。下午1:45 買完雪糕就去排2 點芝麻卷。準時2點，職員開始派籌，25 份限定，只收現金。芝麻卷好滑，正。如果有時間，可以一排。3）芝麻蜂蜜糕，推介原味和士多啤梨🍓味。無花果味麻麻。排左成個鐘乜都買🤣🤣🤣其實唔洗買，麻麻地。4）芝麻豆漿$15， 唔錯，我有再買。平平地，ok 。5)黑芝麻布旬，$25， 好滑，雪糕不能帶回家，呢個可以常返屋企比屋企人食。記住留意有冇貼封口貼紙，冇貼，未回到家已經漏寫咗🥲🥲🥲6）芝麻糊，似乎麻麻地🤣🤣🤣

日日都見到有人排隊我都要嚟朝聖下🌟到我時菲林卷已賣哂🫠🫠帶點失望，下次會早啲嚟買咁就買咗黑芝麻雪糕🍦同一碗芝麻糊，兩樣食品黑芝麻雪糕值得一試，雪糕香滑，有芝麻味，同時有奶味，兩味混合唔錯，唔太甜甜筒脆皮都係黑色，食落唔太膩，隨行有小朋友，小朋友都鍾意食，唔抗拒芝麻味道黑芝麻糊好濃黑芝麻味，味道唔太甜，食落感覺健康包裝乾淨，方便拎返屋企食排隊時間唔太耐，尚可接受價錢唔貴大眾化，會再回購黑芝麻雪糕和芝麻糊

米芝蓮必比登推介💯想試咗好耐🤩本身都幾鐘意黑芝麻，所以一開始見到有人討論嘅時候都覺得好吸引😋平日去除咗菲林卷要排之外，都唔洗點等。但係星期六日就要大排長龍🤣🫡今次分咗兩次去，一共試佢地5樣products🤩🥇流心黑芝麻布甸 $255樣products入面排名第一☝️好好食！黑芝麻布甸質地夠滑，有芝麻味，唔太甜😝重點係中間有流心芝麻醬，個醬就會較甜少少🤏🏻但係令整個芝麻布甸都再提升咗一個層次👍🏻👍🏻🥈黑芝麻菲林卷 $25最難買🥶🥶因為限量，每個鐘先有25盒。但菲林卷口感軟糯，一啲都唔死實，芝麻味濃郁👍🏻👍🏻🥉特濃「黑芝麻」軟雪糕 $28人手一支🍦🍦🤣真係個個去到都必食！只係需要$28就買到，雪糕份量唔少，真係好抵！都係嗰個字「濃 」，味道好自然，唔會死甜石磨芝麻糊 $30質地真係糊狀，唔會水寥寥。食得出係芝麻即磨，因為食到有啲芝麻碎。整體係高質極芝麻糊👍🏻黑芝麻豆漿 $15有兩款，有糖同冇糖。但兩個味都比上面幾款遜色啲，因為個芝麻味唔太濃，飲落個質地有啲水水地🥲

好多人讚呢間舖頭嘅芝麻雪糕好好食，自己本身好鍾意食芝麻味雪糕，所以專登走去買來試吓，排隊嘅時候都聽到有人講，見到咁多人斷估都好味嘅！ 原來大家見到多人幫襯所以就排隊買？我抱住興奮心情去試鍾意嘅芝麻雪糕，仲買咗一樽芝麻醬，個醬味道唔錯的芝麻味同我心目中都幾大出入，因為未好似其他人講到咁香濃☹️店舖仲有黑芝加哥菲林卷，可惜要兩點後才有得賣，希望有機會試下。

近日在App上大熱的太子芝麻卷，今日經過時竟然見到人排隊不多，於是決定試試。排隊大約10分鐘後就買到了，每小時限購25盒。讓人驚喜的是，現場真的有一部石磨機即場和芝麻，排隊時就已經聞到陣陣濃香。試吃後發現，芝麻卷的味道非常之濃郁，口感綿密。這次購買體驗真心不錯，會大推再回購。如果你也喜歡芝麻味，絕對值得一試！

自問從小店到 轉大店由菲林卷 不用排隊都現在時時刻刻都排長龍幾乎全部產品都食過芝麻醬芝麻雪糕芝麻油…………………………..豆漿奶凍………..芝麻係好香好味……..好吃我都介紹過好多身邊嘅人要去食但服務員既態度作為熟客仔都真係有啲失望相當離譜……………….相當相當失望………..賺錢係好緊要但服務都相當重要如果不願意花時間改善服務的問題明白工作辛苦但不耐煩 既服務態度 有啲有點那個服務態度真的期待你們找番真心.

未成為網紅前一直多次購買芝麻醬，當時真材實料足，無添加，味道濃郁，可惜現在爆紅後，芝麻醬明顯偷工減料👎👎👎，芝麻醬不再是醬，只算是芝麻汁，明顯溝入大量油，減少芝麻糧。店主賺錢多了反而要減低成本。專誠排隊20多分鐘購買後得到此品質，對店主非常失望😞😞😞😞

約咗啲舊同事食飯，喺大角咀行出嚟太子行到熱死辣辣，見未夠鐘諗起呢度有間舖頭專賣芝麻嘢，就專登過嚟食雪糕涼快一下。可能係平日嘅夜晚，唔算多人排隊，都係大概10個人到好快就可以買到雪糕，難得唔使點排隊就買咗雪糕同埋芝麻卷。雪糕第一啖咬落去吸有驚喜，驚喜在於個醬真係好濃，反而雪糕就感覺冇乜特別，但係上面個芝麻醬實在太濃味，直頭想返轉頭淨係買樽醬。買嘅時候問個售貨員啲芝麻卷可以擺幾耐，佢話即晚要食咗佢唔可以放隔夜。咁食完飯就即刻啪埋佢，芝麻卷真係要新鮮食，如果唔係就會變硬，佢呢隻芝麻卷唔會太甜，但係個芝麻嘅味就唔算好出，可能係之前雪糕嗰醬實在太出色，有少少比下去。如果唔想排得咁犀利，真係唔好假期先嚟，呢啲非繁忙時間食又幾好。

經過就聞到芝麻味超濃！既然要排一陣隊，就一次過試埋黑芝麻軟雪糕、流心黑芝麻布甸，夠晒香滑，唔甜，有濃濃既nuts 味，大愛❤️性價比好高，黑芝麻雪糕上面嘅醬超好食。Smell the intense sesame aroma when passing by, tried the black sesame soft serve and the molten black sesame pudding at once. They are super creamy, not too sweet, and have a rich nutty flavor. I absolutely love it ❤️ The cost performance is really high, and the sauce on top of the black sesame ice cream is delicious.

有朋友介紹同我講呢度嘅芝麻雪糕好吸引。同埋朋友喺呢一間店到買咗一樽陳皮燉檸檬俾我沖嚟飲，試完之後都好好飲。所以決定嚟呢度食吓佢個芝麻雪糕，嗰日嚟排隊，突然間斷咗電，但係好彩個雪糕機冇停，咁就可以試到佢個雪糕。佢啲雪糕係非常之滿，因為會加到落個雪糕筒嘅底，而且非常厚實，超級濃嘅黑芝麻味。真係好香濃，已經食咗兩次，同埋非常之飽肚。另外佢有個芝麻醬，但係唔係好似佢雪糕嗰芝麻醬咁，唔知整法係咪唔一樣。下次去埋荃灣店試先，因為好近。