暖心芝作

米芝蓮🏆軟雪糕🍦🖤特濃黑芝麻軟雪糕 $28🤗喺暖心芝作得到米芝蓮冇耐，有一晚喺旺角食完晚飯就行咗去太子買，當時喺門外排咗近一個鐘～❤️雪糕一到手就聞到好大陣黑芝麻味，食落係好純粹嘅黑芝麻味，再加埋芝麻醬都唔會太甜🫡…查看更多

今日要去太子做嘢，做完嘢食完個lunch之後經過呢間門口見好多人排隊，於是走去八卦吓賣啲咩見到原來係賣芝麻產品嘅嘢有芝麻菲林卷同埋有軟雪糕🍦食見天氣今日唔係好熱於是排隊買嚟試吓!排左差唔多10分鐘，都算好快到我！（前面都排左10幾人）一路排一路見到10個有九個都係買軟雪糕食，終於輪到我，行到去櫃面聞到好香芝麻味！唔試又自可，一試很難忘！！！非常香濃同香滑同埋好好食絕對下次可以再encore 同埋試吓其他嘢！…查看更多

暖心芝作太子分店，店面唔算大，但成日都好多人排隊。佢哋主打各種黑芝麻美食，今次試吓佢哋招牌特濃黑芝麻雪糕，聽個名都已經好吸引。黑芝麻醬帶少少光澤，一望就知芝麻比例十足。第一啖入口，黑芝麻香味即刻爆開，香濃得嚟唔會膩，味道層次好豐富！！雪糕質地好細滑，入口即融，芝麻香氣慢慢滲出，真係每啖都充滿濃濃嘅芝麻味。芝麻磨得好幼，冇粒粒沙感，反而帶出一種好順滑嘅口感，好冧又有少少堅果嘅回甘。其他仲有黑芝麻布甸都好吸引！…查看更多

今日去開太子，見到路邊有條好長嘅隊喺度排緊，八卦想上前睇，未行到已經聞到好濃烈嘅芝麻味😳😳😳本人係芝麻嘅狂熱愛好者，見到即刻心心眼，一定要買返一個黎試下。芝麻雪糕上面仲額外，淋咗一層黑芝麻醬，連個雪糕筒都係黑芝麻味，真係不得了！店家仲好貼心，準備咗雪糕防滴漏嘅紙托比大家自取，今次冇食到成手都係😆除咗最受歡迎嘅芝麻雪糕，仲有好多其他芝麻嘅製品。門口都見到佢嘅石磨機不停運轉。另外仲想買佢嘅芝麻卷，點知已經賣完！唯有下次再嚟啦！…查看更多

晚飯後，專程去咗排隊食黑芝麻軟雪糕。用了20分鐘時間排隊，最終食到啦。 老實說，最香只是軟雪糕上的黑芝麻醬，是很香，但軟雪糕唔夠芝麻香。下次會試買一樽黑芝麻醬， 仲要試試菲林芝麻卷，芝麻丸。…查看更多

今次我特意去試下芝麻卷，真係好暖心！下午三點去，店外已經排咗好多人，等咗差唔多半個鐘，心裡其實都有啲緊張，唔知值唔值得等。最後一咬，哇，果然冇失望！芝麻卷外形靚靚，表面有金黃的芝麻，咬下去，外皮酥脆，裡面係香滑的芝麻餡，味道濃郁，真係好有層次感。我最鍾意嗰種芝麻香味，唔會太甜，啱啱好。每一口都好滿足，感覺好像食緊一份暖心小食。雖然要排隊，但我覺得值得！整體嚟講，芝麻卷係一個唔錯嘅選擇，特別適合下午茶時間，配杯茶更係無敵！下次再想試其他口味，但原味芝麻卷真係贏得我心，絕對推介！…查看更多

第一次嚟，諗住淨係買芝麻卷試下見到鋪頭外有個牌寫明買芝麻卷唔洗排雪糕條隊但又無明確標示要排邊個位置一行去前面就即刻比其他隊排嘅人指責都係排同一條隊⋯同個店員講出問題佢又9唔搭8講唔出排邊度如果係咁好心就收起個牌啦…查看更多

最近我在一家冰淇淋店試了他們的黑芝麻軟雪糕，只有這一款，其他口味都沒有。老實說，這款雪糕真的讓我驚喜！它的口感非常滑順，入口即化，感覺就像在吃雲朵一樣。雖然只有黑芝麻一種口味，但它的味道卻非常濃郁。每一口都散發著濃厚的芝麻香氣，甜度恰到好處，不會讓人覺得膩。這樣的單一口味讓我感受到黑芝麻的純粹，簡直是芝麻愛好者的夢想！我特別喜歡它的香氣，讓我想起了童年時光。這款雪糕的顏色也非常吸引，深邃的黑色讓人忍不住想嘗試。雖然只有一種口味，但它的品質絕對不打折扣。我想說，這款黑芝麻軟雪糕真的是一個很好的選擇，簡單卻又讓人感到滿足，值得一試！…查看更多

曾經聽聞太子附近有間人氣嘅黑芝麻甜品店，常常大排長龍，是日屋企人恰巧路經，外賣了杯布甸回來，終於有機會一嚐滋味。流心黑芝麻布甸～～充滿濃濃嘅黑芝麻味，布甸質感幼滑，中間呈流心狀，美味可口。…查看更多

呢間芝麻相當出名，有唔少芝麻產品，今次試左雪糕，雪糕量都唔少，上面霖上濃濃的芝麻醬，相當打卡。雪糕的芝麻味濃郁，質感很滑很軟，甜度控制相當好，芝麻醬令口感更豐富。因為食過晚飯才去，到店時已快關門，鐵閘都拉左一半，但都仍要排隊，朋友話平日要排半條街，咁晚飯後人潮散左先買就較理想了。。…查看更多

是日打風下午落波所以唔係咁多人排隊，幸運地只是等了一等買到了雪糕、傳聞熱賣的"菲林"和芝麻糊。先講雪糕，只係雪糕上的醬有芝麻味，雪糕就無乜味喇，成為$28；而菲林就唔夠芝麻味，比較遜色，成為$25；至於芝麻糊雖然香但好鬼甜，成為$30。整體來說不過不失啦! 唔可以講絕對好食，如果要排上15分鐘以上就唔係好值。還有，店員態度麻麻地。…查看更多

本來想去深水埗某某糕點店買芝麻卷，可惜佢哋啲芝麻卷仍未復工，忽然醒起附近有另外一間有芝麻產品嘅「暖心之作」，即刻轉場去買今日買左芝麻卷和芝麻糊，因為諗住帶回家食，所以買了凍芝麻糊。嘩，不得了！凍嘅芝麻糊雪凍左都仲很香、濃，滑，芝麻味很濃，唔會太甜芝麻卷就名過於實吧！很淡嘅芝麻味，唔濃但有點甜，只覺普普通通提外話，他們的購買方法非常唔friendly,每人只可以買一盒芝麻卷可以理解，但我同時想買兩款產品就要分開排兩次就非費時…查看更多

養生甜品之選🍥.ᐟ‪‪.ᐟ價錢親民，芝麻控必試呀平時排長隊，咁啱見吾使排隊即買！小編吾係芝麻控都會覺得好香濃好滑口♡~芝麻糊用石蘑熬製，入口香滑濃厚，芝麻味突出但唔會太膩！揀左凍食，口感更加棉密芝麻菲林卷口感好得意，有咬口得黎微微煙韌，唔會太甜，口感層次豐富，好似食緊甜品版腸粉咁✨有冇都中意捲開咁食！芝麻養生功效🤍:富含維他命E、鈣質、鐵質，有助抗氧化、養顏同補血～仲可以潤腸通便、改善皮膚乾燥，係女生同長者都啱食嘅天然好物♡°. ⑅♡⑅ °. +. °. ⑅♡⑅ °. +. °. ⑅♡⑅ °. °. ⑅♡⑅ °. +★ 石蘑芝麻糊 $30 ♥︎♥︎♥︎♥︎♥︎★ 芝麻菲林卷 $25 ♥︎♥︎♥︎♥︎♥︎°. ⑅♡⑅ °. +. °. ⑅♡⑅ °. +. °. ⑅♡⑅ °. °. ⑅♡⑅ °. +📍暖心芝作 (太子)太子汝州街23號地下B號舖Follow @foodrooling_hk ₍˄•༝•˄₎◞✩︎…查看更多

而家夏天天氣咁熱，最適合食返杯雪糕，食完拉麵見到隔籬嗰度咁多人排隊，即刻覺得勁吸引，舖頭都傳來陣陣嘅芝麻香。🤩🤩🤩見到佢有啲傳統嘅菲林卷極都有芝麻雪糕，個樣勁吸引，即係要買番杯試吓。價錢唔貴，而家周圍嘅雪糕，基本上都係咁上下價錢，以佢真係有啲芝麻醬喺上面，都值得。佢杯雪糕轉咗好多個圈，一食落去真係可以感受到有啲磨碎咗嘅芝麻粒粒，成質感S好好，又有色又有味👍👍👍 面頭嘅芝麻醬，令到成個味道進一步昇華，仲可以順便俾人試埋佢嘅芝麻醬味道，芝麻醬都可以喺舖頭裏面買。…查看更多

🍦 黑芝麻控嘅天堂呢間主打黑芝麻嘅特色店，人氣真係高到誇張！每次去幾乎都見到門外排長龍，唔少人專程慕名而來，就係為咗一杯濃到爆表、香氣撲鼻嘅黑芝麻雪糕。🪨 一踏入門口就被吸引住—店外擺放咗一部傳統石磨機，慢磨黑芝麻過程公開，芝麻香直衝鼻尖，喺遠處都感受到嗰份天然香氣。🍨 雪糕本身口感極之軟滑，芝麻味非常濃郁，頂層仲淋上即磨黑芝麻醬，味道有層次、有深度，一試難忘！🖤 除咗招牌雪糕，店舖仲推出多款黑芝麻創意甜品，包括黑芝麻菲林卷、豆漿、布甸等等，款款都玩出芝麻嘅新演繹。不過對我嚟講，始終最令人回味都係嗰杯經典黑芝麻雪糕。…查看更多