星洲總廚 (大全街)

营业中

休息中

係大角咀番工既好處係，午餐有好多好餐廳，已經食過好幾次，回頭率咁高當然有原因，午餐款式選擇多，味道唔錯，價錢合理，好似我地幾個人仲可以嗌多幾款試下。😋😋-呢個真係要隆重介紹，個名有啲長，星加坡叉燒香菇肉醬溫泉蛋撈麵。👍🏻👍🏻超級無敵多既肉醬充滿濃濃花生味，仲有好多叉燒、香菇同花生碎粒，撈埋溫泉蛋成個味道好豐富口感濕潤，豬頸肉又係勁香勁多唔洗講，呢兜野非常邪惡但真係好鬼好味，連我減緊肥都豁出去一口接一口呀。😭😭古早味福建蝦湯麵，湯底唔錯，四大隻新鮮彈牙蝦蝦同半熟蛋蛋，個麵去左邊？俾啲餸淹沒左囉。😂😂招牌8安士厚切豬扒飯，性價比奇高，豬扒有兩大塊，真係勁厚，煎到好香口但都係軟𣺉𣺉唔會韌。🥺🥺

星洲總廚喺大角咀區內應該都幾出名，次次黎到都要排隊等。今次中午黎食lunch，都等左起碼20分鐘先入到去。入到去間鋪就唔係好大，每次都坐滿咁滯，要同人搭檯坐。我今次就叫左小印度咖喱雞肉配烤餅。佢啲咖喱都幾香，而且又唔會好辣，岩哂唔食得辣嘅我。啲咖喱都幾大碗，裡面大概有5，6舊雞到。同平時食嗰啲咖喱雞唔同，佢嘅雞肉好似有煎過咁，塊皮脆脆地，幾好食。咖喱配埋烤餅真係一流唯一美中不足嘅係啲烤餅分量有啲少，食完之後仲有好多咖喱剩低。如果可以多翻啲就好。朋友叫左招牌咖喱厚切豬排飯，有得揀星加坡咖喱(較辣)或者小印度咖喱(少辣)。雖然menu寫小印度咖喱係少辣，不過其實我覺得一啲都唔辣。飯嘅分量唔算多，反而覺得豬排都幾多下。食完之後都好飽。雖然豬排係有少少肥，不過真係幾好食，完全明白點解依間鋪每到lunch time都咁多人排隊。下次值得再encore

之前食過兩次，呢間餐廳嘅出品都算係大角咀區有誠意，今晚紋青要打比賽，就黎食少少野先🌝前兩次都係食lunch set，較dinner set多選擇，呢度出名嘅厚豬扒同雞扒都請過，的確juicy 又有肉味🤤今次就試蝦麵同灣仔蝦麵店相比，灣仔湯底較重蝦味，都較濃。呢度就屬較輕嘅味道，蝦肉未算好新鮮。香煎檸檬草無骨雞，雞扒黎嘅，所以肉都香滑，呢度豬扒雞扒一向唔差👍🏻整體香口非常，配以青檸汁更refreshing 黎嘅話要預多少少時間呀，呢度人手真係少，埋單落單收錢上菜執枱都係得兩個姐姐，如果full house 落左單都要等下，今晚就等左40分鐘先上齊😴

情人節在app落左單，等左一小時，打去餐廳先話無餸（係整個訂單都無），又唔同app反映，打去先話無，極度不負責任！有無搞錯唔係大時大節先搞D咁嘅嘢呀，煮得再好食這樣開餐廳你叫人點去呀？打去又話唔關佢事，重賴app個系統問題！！一定黑名單這家餐廳！建議大家也不要在這家餐廳訂餐，隨時好像我這樣過了用餐時間才知道沒有的吃，宜家9點幾先再同老婆出去找野食！！最慘係D伙計完全無休做，話找老闆娘投訴她。。。

大角咀一係美食多，不同地方的特色餐廳都有。聽聞住附近的街坊也很喜歡這間星加坡菜，所以特意和家人一起來試試。海南雞雞肉嫩滑，這個最好吃。麵包咖喱雞肉，麵包烘得香脆，煎香的雞肉配咖喱一流。麥片蝦，炸得鬆脆，蝦大隻肉彈。肉骨茶香濃，藥材足料，豬肉鬆軟。串燒不錯！咖哩香辣，配鬆軟印度烤餅。另叫了湯～味道不錯

估唔到早一個星期六食團年飯會咁full，本來諗住係奧海城食，但已經滿座。臨時臨急搵左呢間新加坡🇸🇬菜。店面細細，但我地8大三小都夠位。侍應幫我地拍左桌和椅。叫左一個四人餐和一個二人餐，另外再點白飯和菜。最好食係麥片蝦，好大隻，而且好香牛油味。炸既碎碎用黎撈飯一港。肉骨茶都好香濃，但又唔會好藥材味。麵包雞既雞扒皮脆多汁，雞肉都好入味。而麵包加牛油焗得脆卜卜魚湯娃娃菜都夠淋小食拼盤全部都係熱辣辣，即點即炸

行入大角咀內街，星洲總廚海南雞脾飯，油飯一粒粒唔會一舊野；魚湯娃娃菜魚味濃，小食拼盤樣樣出色，豬頸肉唔乾剛剛好呀二杯飲品加幾蚊雞，最後食多串豬肉串燒，好野味又有肉汁，比九龍城果啲好食。會再黎的！💗

昨天去奧海城後，想幫襯下小店，所以就去左呢間星加坡餐廳。平日好少食新加坡野，最多都係食下海南雞。所以今次都試下呢間海南雞質素如何。海南雞好滑，雖然骨位有少少血色，不過如果太熟就會”鞋”和韌。另外，隻雞都好多肉肥美。仲點左串燒。得六串串燒，我姨甥女已經食左兩串，見仲有一串，就不斷問邊個未食串燒，其實係佢自己好想食埋佢😂😂，可見串燒都唔錯，才能俘虜一位四歲妹妹既心。三色咖啡☕️幾特別，樣子都幾靚，味道ok。

星期六同屋企人黎食lunch, 估唔到星期六都有lunch set. 仲有好多款揀，價錢大約六七十蚊。lunch set會有得揀湯或者野飲，如果想兩樣都要就需要加5蚊今次個湯係粉葛湯，一飲就知係老火湯，好足料。我地有一碗咁岩比得小左湯，個侍應話轉頭比多碗我地，好開心，因為真係好好飲。😆媽咪就叫左個海南雞飯，我試左少少，個飯好有油香味，唔會太油膩。雞既肉質都算嫩滑，份量都好多，食極都食唔完咁。😛我自己就叫左豬扒喇沙，豬扒份量超多！！而且仲係半煎炸，熱辣辣，又林又juicy，不過略嫌有d油。喇沙湯底香濃，入面就有魚片豆卜芽菜半熟蛋。配料既份量都唔少，所以食每啖都有配料。真係好飽，食唔晒。

去慣啲人多嘅旺角銅鑼灣，今次碌咗去比較靜同埋小人啲嘅大角咀試新加坡菜做晚餐👀原來覺得成條街都好多火鍋店同隱世親民平價美食店🙆🏻‍♀️🙆🏻‍♂️.海南雞飯配油雞香飯🍲（包飲品）$65✅講起新加坡菜，點可以唔記得海南雞飯🐔呢～今次食到嘅海南雞🍗份量實際好多好多，疊起左兩層食極都食唔落，同傳統新架坡海南雞🐔比較肉質亦甚為嫰滑。呢款油飯🍚亦唔會太油膩，識落陣陣油香，自由配上三款蔥、豉油同辣醬，食落回味無窮✨配上一杯三色奶茶，性價比高🍹整體評分：7.5/10.招牌咖喱厚切豬扒飯🍛（包飲品）$60✅豬扒🥩非常厚實多肉，炸起黎又不太油膩,反而食落幾多肉汁又脆脆地，星加坡咖哩汁雖然係餐牌上有兩個辣椒🌶🌶，但對於幾食得辣嘅KY黎講就feel唔到種辣味，不過食得出咖哩味🥘依舊好香濃，咖喱汁撈飯配誘人嘅豬扒🐖令我非常之開胃，性價比同樣高😋整體評分：7.5/10.星洲總廚 (大角咀)大角咀大全街57號地下（港鐵奧運站A1出口，步行約6分鐘）.#hk #hkig #hkigfood #hkfood #food #couple #hkeat #eat #hkfood #hkfoodblogger #hkfoodpor

今日朋友帶左我尼E到食飯，其實我都係第一次食新加坡菜，有D期待嫁最後都冇失望，仲出奇地好食，又唔係好貴，一定會再去多次我叫E個好似係叻沙雞排，雞排的份量其實好多，而且唔會好鞋唔會好韌，個皮好香少脆最後食晒D雞好飽，食唔晒D麵不過係個雞排有DD油溏心蛋好味，口感好正麵的湯底都好香濃好味，唔會太鹹，平時唔飲湯底的我都飲左幾啖D麵幾彈牙，吸晒湯底的味佢成碗的份量都好多，下次應該完全空肚去食，可能會食得晒

小店總係有驚喜，佢個8安士厚切豬扒喇沙好吸引，好多人點，我差點失控都左，之前跳3堂舞就前功盡廢咖哩牛腩+烤餅都好邪惡，但食少d粒，牛肉又補蛋白/鐵質，無咁罪惡感覺， 個烤餅幾乾身，唔係超油果隻，點解咁多芫荽? 好在無咩味，牛腩稔滑，咖哩汁味道剛好，唔會搶晒食材味道天氣咁凍更係叫肉骨茶補補佢，味道偏甜少少，藥材味唔會過濃，一字骨幾甘香，個醬油幾好味，唔會食完勁口乾，油炸鬼脆ga, 唔係翻炸再翻炸或者稔晒個熱檸檬薏米水非常好飲，有凍既，平時無咩檸檬味，呢度酸酸甜甜好開胃

我其實都幾得意，突然想食乜就會立即去食，今日好想食玉骨茶，甘就去左呢度食，環境幾好，屬於坐得舒服，服務都合格，價錢亦屬於大眾化😊玉骨茶套餐玉骨茶➕米粉➕油炸鬼➕菜➕餐茶=68👍味道不過不失，但吳係太正宗既玉骨茶，如果你無食過正宗既玉骨茶無比較，就當一碗湯就👌，但如果當玉骨茶就吳合格😂我唸我都會再去食既，食物質素不是太差，服務同環境都舒服既，下次我會再食其他嘢，最多吳食玉骨茶😀😀😀😀😀

大角咀真係好多野食每一間都好出色 有時花多眼亂唔知食咩好今晚經過呢間小店 見佢開左一排晚晚都好多人 今晚一於試下店內環境唔算好大我地一人叫左一個晚餐招牌咖哩厚切豬扒飯咖哩可以揀新加坡咖哩或者小印度咖哩我就揀左小印度 冇咁辣但其實都有啲辣豬扒真係好厚 炸得好香 好有口感加$10 飯仲可以轉薄餅另外叫左海南雞飯配雞油香飯加$8轉左脾位雞肉好嫩滑 雞油好香跟餐仲有熱飲薏米水奶茶估唔到呢間小店質素唔錯價錢合理抵食 好有驚喜

今日難得又輪到我揸旗，緊係要拉大隊黎食星洲豬扒！呢度除左魚頭米線好味外，其4oz特大豬扒亦係相當出位。十二點半去到幾乎已經全場爆滿，好在近門口仲有最後一張六人枱夠我地坐！一坐底我唔理三七廿一幾歹叫返個重量級香茅豬扒飯，有新加坡式咖哩同埋小印度咖哩任君選擇，我就揀左小印度果然無令人失望！豬扒炸至金黃香脆，豬扒厚切得黎鬆軟，真係豬扒界嘅極品，最仲要係豬扒係有骨，唔係無性格得夠肉嘅豬扒，咬咬下會有骨比你吮下，等你食豬扒得黎都唔敢咁掉以輕心！值得一提係呢度嘅飲品相當有特式，只要加區區$9蚊就可以飲到美祿恐龍，真係唔飲對唔住自己！