星洲總廚 (大全街)

营业中

休息中

今日冇人揸旗決定食乜，忽然間諗起魚頭米線，就即刻動議要去星州總廚。去到坐底左响最入面的六人枱，都算坐得舒服。我就緊係點我的最愛魚頭米線啦，乜都唔洗講，靜係飲個奶白色嘅魚湯已經值回票價。魚頭炸至金黃色所以冇鯹味，外脆內嫩，足足有三大件。食魚頭首要條件係要識「選」骨，好似刨刀解牛咁將魚頭慢慢拆肉，再點埋個魚露加薑蓉食就鮮上加鮮！呢度除左魚頭外豬扒都非常出色，見好多食客都柯打就估到有幾掂，下次黎一定要試下佢個重量級豬扒。

行過總係排長龍，今日12點去到，已經有一半滿座！睇住餐牌，唸梗食海南雞好定叻沙好最後揀左厚切８安士豬扒叻沙豬扒真係勁厚切！炸得岩岩好，勁香脆個皮！入面既肉就keep住充滿水份叻沙完全唔辣，有蛋、豆卜、魚片、芽菜。個豬扒多到食唔哂！以呢個價錢，仲有湯／飲品配埋，真係好抵食呀！

平時好少去大角咀，是日去澳運站super park 玩，所以預先問定朋友呢頭有咩好野食。晚餐有好多選擇，多數60～70蚊，大大碟，好足料，好抵食。燒汁八安士厚切豬扒飯，豬扒勁大塊，好淋好嫩滑。海南雞味道 okay，好大碟。油飯好香好有雞味。小印度咖喱蔬菜烤雞配烤餅，烤雞係燒過先放落咖喱煮，食得好香，蔬菜亦好多。肉骨茶好重藥材味，天氣開始轉冷，補一下啱晒。😍跟餐足料例湯單點喇沙海鮮米線，好香椰奶味，微辣，好好味👍六個人，叫左4個晚餐加一個喇沙米線，埋單三百幾，大碟到食吾晒，又好味!👍👍👍

今日假日同屋企人食午餐，便去了座落大角咀大全街的星洲總廚。由於我們二點到餐廳，人流不算太多，餐廳環境充滿星加坡特色。我們點了以下午餐：A01 海南雞飯配雞油香飯$65，海南雞已去骨，好滑，雞油飯很香。A02 馬拉肉骨茶轉配米線$68，肉骨茶好大陣藥材味。A07 滿堂椰漿飯拼盤（檸檬草雞肉、小印度咖哩牛腩、星加坡叉燒）$68，可一次上幾種產品，唔錯。A10 招牌咖哩厚切豬扒飯（配星加坡咖哩）$60，豬扒大件夾抵食。套餐可配老火靚湯或指定飲品（同時選配以上+ $5)，老火湯，足料好味。飲品選了凍檸茶（加$3）、凍美祿（$加$6)及熱檸茶兩杯。總括而言，性價很高。

朋友問介紹大角咀搵食，呢間算係好食，唔貴 坐得舒服嘅舖，今次試了以下幾樣，海南雞飯配雞油香飯 $65.-，雞的製作唔錯，最值得介紹是厚切豬扒，外脆內肉不乾，招牌8安士厚切豬扒飯配紫蔥燒肉汁 $60.- ，滿堂椰漿飯拼盤 有三樣餸， 檸檬草雞肉，小印度咖哩牛腩，爐燒豬頸肉，$68.- ，椰漿飯有椰汁香味但不會太濃，招牌咖哩厚切豬扒飯 配星加坡咖哩 $60.- 各樣上枱都熱辣辣，睇得出廚房用心，還有怡保 凍白咖啡。。估唔到的美味。。

上次食完星洲總廚覺得都唔錯,今日咁岩又要經過附近,諗住再去翻灼啦,試下其他飯都好嘛,上次食飯時都雖然見到有好多人都係食咖哩,但好似都有分幾隻,唔太記得,今日黎到比上次多人左少少,今次叫左個海南雞飯！諗住試試佢味,我自己本身都幾鍾意食海南雞飯,一黎油飯香,二黎多汁點,岩晒重口味既我😆今次食海南雞飯都叫左油飯,不過呢到油飯唔算好香,雞望落既色水都幾好,雞肉都算滑,但配醬份量比較少,甜豉油唔太夠,辣味果隻醬個味唔太出,薑油又好似唔太香咁,認真一般,好彩d雞唔差

上次新蒲崗食海南雞飯，記起之前喺大角咀食嘅呢一間星洲總廚～ 呢間既海南雞飯都好正，不過我對上一次去就食左豬頸肉喇沙～ 都好正下😍😍佢menu好多野食，招牌就海南雞，又有越南野，泰國串燒等！我叫左喇沙都係另一個招牌~😊 佢俾好多豬頸肉，所以我覺得好抵食👍🏻👍🏻 仲要肉好軟，好彈牙，一咬就開！好重燒烤味，煎得好好，而喇沙就辣辣地，但好足料，超多餸👍🏻👍🏻 最好食係豆粕😍 吸哂湯味，一咬咇哂汁岀黎，正😍

清清楚楚寫在牆上，小食拼盤有6種食物，大$138，小$78，叫咗個小，得5種食物，問個侍應話小得5種，問佢點解，佢話餐牌張相係得5種，吹漲！唔該你地寫清楚D！避免誤會！

前排去咗大角咀試下食好野，同朋友去左呢間singapore style既星洲總廚～ 其實我覺得佢似食越南野或者泰國嘢多啲🤣🤣一入去見到環境都好靚，我同朋友揀咗角落嘅位置方便傾計！我朋友就叫咗佢嘅招牌海南雞飯😍 睇落好似幾好食，我就叫咗滿堂椰漿飯～ 一齊share食～ 等咗大概2分鐘左右我幾椰漿飯先到，見到有雞翼，叉燒同埋豬扒～ 不過賣相就一般好似三餸飯咁😅 味道方面，雞翼外皮好脆，但係裏面就比較乾！叉燒幾好味，但係切得大件左少少！有啲難咬，飯撈半熟蛋再配椰漿好特別！都值得一試！至於我朋友嘅海南雞飯就幾好食！不過雞就少咗啲～ 佢唔係好夠食🤣 呢度環境好啱小聚，傾下計幾好！唔會太嘈！亦都唔會太靜唔敢講嘢👍🏻

最近幫襯多咗大角咀呢一間星加坡餐廳，佢裏便環境都幾雅致，又唔似快餐店！睇得出店主有重視環境觀感😊佢有好多唔同嘅選擇，應該最出名係喇沙～ 但係我見好多人都叫海南雞飯，所以同朋友去都叫咗海南雞飯食！等嘅時候唔算好耐，大概8至10分鐘左右～ 餐廳好細心，將一碟碟既海南雞同飯，放係一個盤到俾客人😊！方便佢哋唔會食到周圍都係，而且好衛生！ 海南雞飯味道好好，啲肉超嫩，而且好多髀位，所以好好食！但係飯就唔似油飯，有啲遺憾～ 不過整體好好食，會再幫襯👍🏻

有個大角咀老友非常胃食，也因此很有口福，一直試倒不同的餐廳。繼上次好味墨魚餅漢堡後，我對老友非常有信心。以致幾乎在任何群體中都負責挑餐廳的我，竟也把重任完全交給朋友，樂得清閒。-決定來到這家星馬菜，餐牌款式雖不算多，但有好幾款都好吸引。最後集兩人喜好選了兩個share.當日老火湯是紅蘿蔔粟米豬骨湯，不算很老火，比起阿媽靚湯自然差得遠，但都叫多料，可接受。-小印度咖哩雜菜羊架配烤餅羊架出色，有羊味，不愛羶味者慎選。火候正好，淋淋地易食不痴牙。最可惜是我們倆個都不愛偏酸的印度咖哩。烤餅好正，外脆內軟 口感QQ, 香草味蒜味都濃，絕不是現成default貨色。個人覺得不加咖哩，吃原味更正。-豬頸肉叻沙睇相都記起的濃郁重口味，配菜有魚片芽菜豆卜，正常味道；溏心蛋半成功，竟因此沒有流走於湯中；豬頸肉軟淋入味，醬汁甜甜地，不錯。-看來開在大角咀的小店，都要有相當實力才能生存。

大角咀真係太多野食,如果一間餐廳每次都食唔同野既話,可以一個月都唔會重覆,對於唔鍾意搵餐廳既人黎講應該唔錯今次黎食呢個星洲總廚,睇名都知道,係食新加坡菜,本身想試下海南雞飯既,不過第一次都係唔食油飯住,因為我對海南雞飯都有d要求,叫左個雜扒總會😋今日食個late lunch實在太肚餓,豬頸肉,雞翼,牛肉,太陽蛋,咩都有齊,本身叫雞翼但店員話無要轉雞扒,仲好,可以飽d,大雜會,同價錢成正比,餐廳都算清靜,另一搞笑既係好多人送外賣同拎外賣

朋友介紹話呢間星洲總廚幾好食，趁今日去開奧海城，就決定行過去大角嘴試下呢間餐廳。由奧運站沿天橋行過去大概10分鐘內就到啦，都算幾方便。餐廳裝潢都幾特別，有種特色小店的感覺，牆上貼滿好多星星🌟，可能就代表著新加坡(?)😆但係我覺得食物就一般，可能係咁岩我叫果個餐麻麻地。我點左滿堂椰漿飯拼盤(雞翼、牛腩、叉燒)，但係個飯完全無椰漿味，牛腩同叉燒都有d太乾，所以最後食左一半左右就無食啦。餐牌其他款式好似好食d，下次或者可以試下。

今晚去咗星洲總廚食晚餐，因為想食下海南雞飯！呢間係朋友屋企附近，所以就幫襯下餐廳嘅位置都幾方便，外面可以泊車，又有咪錶！門面都幾靚，入到去嘅裝修更加有心思，望到就好有食慾！位置都好寬闊，唔會坐得好迫我本來諗住叫海南雞飯，因為朋友極力推介，但係我見餐牌幾特別，對滿堂椰漿飯幾有興趣，所以就叫左，幾特別嘅原因係，見到個組合有雞翼叉燒同豬扒，個配搭好搞笑！後期店員話冇雞翼，所以轉咗做雞扒~我朋友就叫咗海南雞飯，佢嘅至愛！等咗大概15分鐘，海南雞飯就先到，見佢啲雞都好滑！椰漿飯之後亦都到咗，睇個賣相真係有少少失望，真係覺得係拼盤！將啲嘢放埋一齊，然後有飯~ 食落最好食係雞扒，但係都有少少乾嘅感覺！叉燒同豬扒就冇乜特別，椰漿亦都唔係太有椰汁味~ 所以有啲後悔叫咗！我朋友嘅海南雞飯就真係唔錯，我自己試咗一啖都覺得幾好食

今日黎到呢間星洲總廚，係食新加坡菜的，不過由於我未去過新加坡所以其實唔知道佢地既食物地唔地道，只係識分好食同唔好食🤣menu都幾多選擇，有set dinner亦都有二/四人套餐等等。我叫左海南雞飯，上枱其實都幾大碟，海南雞份量都幾多，食落雞肉都幾嫩滑幾香，有埋3個醬俾客人自己點。*張相影到份量好似好細，其實好大份架🙈我最深刻既反而係呢間餐廳既裝潢佈置，幾有特色同玩味。牆上面癡左好多星星，唔知係咪想代表「星」加坡呢？哈哈