星洲總廚 (大全街)

营业中

休息中

適逢聽日就係假期，我本身係返夜班嘅，咁我見佢 10:00先閂門，就決定晚上9:00嘅晚餐時間去食呢間餐廳。其實我之前都食過一次，但係當時因為同另一個走咗嘅同事一齊食，就因為冇好好咁樣仔細品評過佢，所以今次呢個食評都唔會加入上一次食過嘅嘢落去嘅。咁我今次個朋友好好人呀，佢專登走來搵我食晚飯，咁我就推介過呢間餐廳度食啦，朋友就叫咗個星加坡喇沙，個喇沙其實係足料嘅，見到上面都有魚蛋，一啲海鮮等等，但係驟眼望落去我略嫌佢金邊粉嘅份量唔係好多，但係反而啲芽菜會多啲，但係一般喺香港食過嘅餐廳好多都有呢個嘅情況出現，唔知係唔係因為我自己個人觀感定係點，就硬係覺得佢啲金邊粉嘅數量就唔係好多，但係如果金邊粉可以轉油麵（因為我係油麵愛好者）嘅話我諗我當時都係會揀返食喇沙嘅，我都有試食過幾啖嘅，就覺得佢嘅喇沙椰漿味道濃厚嘅，另外都食得出其實啲香料味都好足夠嘅，但係我覺得佢嘅辣可以再多少少，咁樣嘅話個喇沙就Perfect啦，因為我見其他網友都話佢個喇沙係好食嘅，咁呢個觀點我都同佢哋係一致嘅，所以我覺得佢個喇沙唔敢講話係全城最好食，因為我食過有其他嘅喇沙係好食過呢間嘅，但係我覺得可以作為一間午餐之選，因為畢竟佢

以前十分愛吃位於勝利道的一家海南雞飯，雖然之前水準下降，但偶爾也想吃下，可惜結業了一段時間。下班回家，突然想吃海南雞飯，就想起星洲總廚！之前來吃過喇沙，味道不錯，這次可以試試海南雞飯。海南雞飯餐跟老火湯或餐飲，老火湯火喉不錯，少味精。海南雞十分嫩滑，而且沒有紅色生肉，有雞味。醬汁除了海南雞專用甜豉油，還有薑蓉及辣醬，可以每咬雞都沾不同醬汁，各有特色。雞油飯有油香不油膩。大角咀美食有得多，一路走走總會找到好食的。

好味到痴線嘅「厚切炸豬扒」!好味到痴線嘅「厚切炸豬扒」!好味到痴線嘅「厚切炸豬扒」!區區一個下午茶, 一個35蚊嘅「招牌厚切炸豬扒出前一丁」配即磨咖啡, 想點?! 個豬扒好味道到痴咗線!!! 究竟要點整先可以整到咁好食? 真正啲外脆內滑、又淋又軟癸多汁; 而且肉質鮮美, 充滿豬肉香味!走入依間食店, 純粹係隨便路過、搵嘢食。係緣份嘅安排: 現今香港搵嘢食, 普通食肆根本好難遇到有心嘅好廚師。- - - 其他食物都出色: (1) 老火湯: 正, 溫馨, 家嘅味道。(2) 星加坡咖央多: 似樣, 但可以再濃味啲。(3) 涷奶茶: 好飲, 好香茶味, 亦好香糖味。(4) 即磨咖啡: 正常。(5) 爐燒豬頸肉煎雙蛋飯: 無得頂! 豬頸肉香脆, 有如义燒; 配以海南雞飯嘅「 傑醬油」, 非常開胃。服務一流, 有禮貌。地方舒適寬敞, 乾淨企理。依啲食店, 要不停幫襯!

今日友人載 P san 同我一齊黎到大角咀搵食, 本來想食另一間, 但因為疫情關係, 嗰間餐廳只做外賣, 所以轉咗嚟喱間試吓。喺餐廳門口拎飛仔, 等咗大約 15 分鐘就有位, 入去之前, 店員用探熱器幫我地量體溫, 再為我地帶位。 餐廳用屏風隔開每張枱, 枱與枱之間距離亦很寬闊, 坐得一啲都唔迫夾。坐低咗, 我同 P san 每人點咗一個晚餐, 一個馬拉肉骨茶套餐, 一個滿堂椰漿飯拼盤, 一杯紅豆冰同一杯三色奶茶, 我哋仲同友人點咗 8 串串燒同一個咖央多士 share 食。首先嚟嘅係 P san 點嘅三色奶茶, 最頂層係奶茶, 第二層白色係淡奶, 最底嗰層係椰糖, 飲落茶味濃, 可能因為用椰糖關係, 有一種同另外一啲餐廳唔同嘅味道同風味。跟住就到咖央多士, 咖央好香椰香同有少少蛋味, 唔甜, 仲新鮮整起, 熱辣辣, 唔算烘得好脆, 但佢配埋每塊都有一小塊鮮牛油, 更香更好味。到 P san 點嘅滿堂椰漿飯拼盤, 拼盤包括香茅雞肉, 咖哩牛腩同埋燒豬頸肉,  有小小失望嘅係因為無椰漿飯, 所以轉咗油飯。香茅雞肉係炸嘅, 炸得非常香口, 亦有好香香茅味, 雞肉 juicy 又入味; 咖哩

來到大角咀原本想食個間台灣便當，點知太晏做完午試就轉食另一間黃店🤪 呢間就主要食星州菜！佢環境有啲似一般茶記，但菜式就係馬拉同新加波菜咁😀 咁一場來到梗係要食下個叻沙啦！-我就叫左個豬頸肉叻沙，想講佢真係我食過最多餸的叻沙😂有成8舊豬頸肉，每舊都燒過超香，仲要醃得好入味，面頭又有蜜糖🤤 每舊都好厚好滿足！到碗叻沙，竟然有一隻蛋，四五舊豆卜，同2粒魚蛋，真係未食粉麵都飽左🤣 佢的湯底濃，好香椰汁味，所以唔會太辣，但有叻沙的香味👍🏻有啲黑胡椒令到個湯更香。入面係米粉+油麵，係正宗的配搭啊！😍 配埋芽菜食，索晒啲湯，超滿足😌 我咁大食的女仔都食唔晒🙈 同行朋友的咖哩豬扒都好得架，塊豬扒超大塊！整體性價比好高，好正宗的黃店💛

星期六的中午，徒步由深水埗行去大角嘴覓食。巡了幾回，最終決定進店一試。首先，店員的態度友善，著我們探熱後便安排入座。看看菜單，算是多選擇，今日就試個豬勁肉叻沙！朋友就試肉骨茶！食物奉上時熱氣騰騰，叻沙的湯底夠濃咸美，麵質略軟，燒豬頸肉香噴噴，略咸。朋友的肉骨茶都入味，用料十足，油菜非常新鮮爽脆，配上白飯，整體來說是合格有餘。配餐飲熱咖啡也有驚喜，是高質的既磨咖啡。有空會再來幫襯！

今日去大角咀呢間星加坡餐廳食下午茶估唔到咁高質！要推介一下！星加坡三寶叻沙 $45叻沙湯底十分出色 好香濃 椰香味重所以唔辣 可能本身唔食辣所以超鍾意呢隻叻沙仲要好豐富 魚皮 魚蛋 豆卜 溏心蛋整碗都係滿滿材料 真係食到湯都飲埋架！星加坡咖央多士 $22下午茶食返件咖央多士都開心牛油處理得剛好 見到一整塊 但一咬即溶 加埋個醬配合 好夾呀 仲有烘底脆脆地更好好食中式例湯-蓮藕湯呢個湯隨餐附送 估唔到又咁多料 仲好好飲 唔似味精湯 真係好有煲出黎既老火湯咁

🍜 星加坡魚三寶叻沙 連飲品 HK$45材料好豐富，魚蛋、炸魚蛋、炸魚皮、雞蛋、豆卜。個人特別喜歡嘅係魚蛋真係特別大粒，而且幾彈牙。湯底椰汁味道幾重，整體算幾香。.🥛 馬拉三色奶茶 (特飲另加HK$10)奶茶用咗馬拉椰糖、黑白奶、西冷紅茶。😜點咗少甜少冰，所以甜度剛好，奶味道會比茶味重，個人覺得不錯。如果你習慣港式奶茶，茶味相對比較重嘅話，可能冇咁適合你啦!--📌 下午茶時段Weekday 14:30 - 17:30Weekend 15:30 - 17:30

我一直都鍾意食海南雞飯，食咗好多個餐廳嘅海南雞飯，都未發現到有正宗嘅，直至到我發現咗大角咀呢間星洲總廚。裡面覺得最好食嘅，佢嘅份量都幾多，絕對值68蚊呢個價（對比市面上面嘅來講）。如果佢唔俾嗰雞脾你嘅話呢，佢就會比半邊雞差唔多嘅份量，佢嘅刀工都比其他店好，擺盆度又有心思，絕對值得一試。另外，佢有其他嘅嘢食例如肉骨茶，但係肉骨茶我就唔係好鍾意啦，因為佢話呢個就要肥豬肉呢就搞到好肥膩，其他嘅例如豬扒炸豬扒同埋其他嘅嘢食都OK嘅。

嚟過呢間餐廳食過幾次晚餐，決定要寫一篇食評讚下佢個炸豬扒🐷星期一至五有dinner set，我叫左豬扒喇沙，個set$64包湯或飲品。塊豬扒炸到岩岩好，好juicy又唔會太乾，而且份量非常多，喇沙味道都唔錯，唔會話好濃味亦都唔會太淡，又唔會話好辣，喇沙入邊仲跟左一隻半熟蛋，兩粒魚蛋同幾舊豆卜。仲有值得一讚嘅就係有一位男侍應真係非常有禮貌。不過我中午打去問當晚會唔會營業，接聽電話個位就非常冇禮貌禮貌，佢當時既回覆係”梗係開，開緊啦，點解會唔開”。。。其實而家疫情嚴重，真係有好多餐廳係唔做晚市，我只係打去問一問費事摸門釘但係就遭受到冇禮貌嘅對待。。

喺好短嘅時間內重臨大角咀! 本來係約咗朋友試另一間餐廳, 可惜又輸比附近嘅返工人士.. 只係12點已經企滿人等位, 呢區真係好旺! 😲結果由街頭行到街尾, 又帶咗朋友黎呢一間餐廳喇! 今日好多人, 等位耐過上次, 好彩得兩個人容易少少! 😝Set lunch咁多嘢揀, 上次食完雞飯今次要試另一款熱門菜式... 好大塊豬扒! 我同我朋友一人叫咗一份 豬扒炸得好香口, 炸粉唔算厚, 醃得好入味, 食三塊已經夠晒飽叻沙個湯都好重椰香味, 有糖心蛋, 魚片, 芽菜, 豆卜, 呢份厚切豬扒叻沙係受歡迎嘅, 睇見餐廳入邊八成客人都有叫呢碟, 抵食夾大件, $64 set lunch 抵!

近排多左係大角咀食野發現都幾多抵食既小店當然都係繼續支持黃店💛——————————————————————肉骨茶既湯料十足湯底係以馬來西亞既做法中藥味滿滿，但唔會太重藥材而難以入口肉排亦滲有濃濃既湯味另配上大大油菜n白飯！飽肚燒出黎味道幾香口沙嗲汁內有大大粒花生沙嗲味不會太辣但油多了點而個人覺得肉質有小小韌個人十分喜歡尼個咖央多！味道相比係新加坡食過的更合我意咖央醬既椰漿味十分適中麵包烘得岩岩好，十分脆身重點咖央醬上夾有整片牛油中和咖央既甜邪惡但好好食叻沙既顏色幾靚但湯底唔太夠味道，椰香味重點會更好魚蛋都算彈牙米線口感還不錯另配以厚切豬扒！飽肚感十足而且超厚肉，肉質紮實得黎彈牙抵食一杯凍一杯熱甜度適中吧

近手年大角咀多咗好多食店，經過一段時間某啲食店已經改頭換面，呢間主打星州菜嘅餐廳，第一次幫襯係食下午茶，因為覺得價錢唔貴，味道亦唔錯，所以再試吓晚餐。如果我冇記錯，初初開業時見佢餐牌上有胡椒蟹、蝦⋯etc，但而家好似冇咗🤔，換嚟比較大眾化嘅食材。今次叫咗咖喱羊扒同牛腩，其實咖喱味道唔錯，係牛腩唔夠＂淋＂，羊扒有啲羶；可能食啦沙會穩陣啲，唯獨是餐廳坐位太密，而且窄，會令食客感到唔舒服，反而影響生意⋯其實餐廳繁忙時間可以set用膳時間80-90分鐘，將每枱隔開少少⋯反正唔係fine dining 餐廳，大家都係食完嘢坐一陣就走，咁咪仲好。

呢個時勢就算啲野幾好食，服務差都唔會想再幫襯。服務唔係話講聲唔好意思就叫好，入去安排好座位都係其中一環，成日要調位，仲要搭枱同其他人膊頭貼膊頭。真心，唔會再幫襯！p.s.: 1.野食唔係特別好食，味道ok，牛腩韌。 2.職員全程令人精神繃緊。

在奧運做完運動，肚餓餓，要搵啲好野醫肚！係大角咀好多好野食，行行下見到餐廳幾多人，梗係入去試下！見到好多人叫set dinner,我都要試下！我樣樣都想試，最後叫左拼盤椰漿飯。有雞扒、豬頸肉同咖喱牛腩。牛腩好腍，咖喱唔太辣，幾適信怕辣的人。豬頸肉和炸雞扒就一般，不過份量好多，夠醫飽我朋友就叫左炸豬扒飯，豬扒值得一讚熱辣辣，炸得唔會好乾，好多肉汁，份量又係大大份晚餐送熱飲或老火湯，係紅蘿蔔粟米加肉，無味精見到好多人都叫泰式拉茶同肉骨茶，下次一定要試！