星光喫茶洋食

营业中

休息中

晚飯時段打算與家人到這裡用餐，進餐廳後一位服務員接待時，皆因母親希望盡量不要坐冷氣出風較強烈的位置，希望能入座卡座。接代的服務員則細聲示意故意讓他的同事不要安排卡座給我們。雖然應是晚市用餐的繁忙時段，但餐廳內用餐客人了了可數。若然的確有人訂座，正常服務態度應是預先告知並詢問客人會否介意安排其他座位，而不是用竊竊私語的態度去作此安排，並讓我們看到，所以令我深感懷疑及不滿，若然真的有人訂座未能安排絕對欣然理解及接受。入座後，還是深感不滿，最後決定離開選擇到其他餐廳用膳。

喺合和商場行街發現呢間昭和風餐廳，見門面裝潢好吸睛又唔使等位，就入去食個下午茶兼打卡。齋睇menu雖然覺得價錢有少許偏貴，但咖啡茶不需另外收費所以都可以接受，不過我地都選擇咗加錢享用哈密瓜同夏威夷梳打雪糕(要加$38 x 2)，因為已經無幾多地方有呢種飲品。我地order咗“星光三文治”同“蜜糖牛油厚切多士”，當食物送上時我地不期然沉默對望，嗰份厚切多士其實只係一塊toast咗兼唔多厚嘅麵包，淋咗啲蜜糖再加一片牛油，咁就定價$78！就算我無揀梳打雪糕要咖啡，食塊麵包都要幾十蚊，個人就覺得真係好唔值！而跟三文治嘅薯條，唔熱唔脆但又唔係腍，極度難食！兩杯飲品，賣相精緻，因為佢地選用咗懷舊玻璃水杯，所以份量係偏少，幾啖就可以飲晒。唯一要讚嘅係佢個雲尼拿雪糕，真材實料，好食。我地諗，既然都伏咗，不如叫多個餐，試埋個士多啤梨蛋糕。件蛋糕好食，夠大件，有新鮮士多啤梨，忌廉幼滑唔漏，不過定價$98，抵唔抵，見人見智。呢個下午茶兩個人三個餐，食咗$427，仲貴過我地喺脆X穿飲嗰餐茶。

日本昭和主題Cafe今日嚟星光喫茶店打卡啦，必須同你地分享呢個雞蛋布丁同牛柳粒！先講講雞蛋布丁，一上桌，那賣相就超誘人，淡黃色QQ der~似啫喱一樣。用匙羹輕輕𢳂一羹，woo~入口即化，嫩滑都不得了，味道更絕！雞蛋香味特別濃郁，淡淡奶香，甜度都啱啱好，唔會好膩，吃完成個人開心晒！而牛柳粒方面，端上嚟嘅時候香氣撲鼻。牛柳煎得恰到好處，外焦內嫩，一刀切落去，肉汁四溢。肉質鮮嫩多汁，鹹香味濃，每一啖都超滿足。薯條脆卜卜，我一定配茄汁，大人細路都愛。總括嚟講，星光喫茶店嘅雞蛋布丁同牛柳都非常值得一試，環境又舒服，兩個閨蜜靜靜地傾吓偈一流呀！賣相：★★★★☆口感：★★★★☆環境 ：★★★★☆整體評分：★★★★☆星光喫茶洋食 (灣仔)灣仔皇后大道東183號合和商場4樓409-410號舖@939439_foodiehk

呢間餐廳所有嘢都超級靚張凳都零舍舒服，而且店員超級有禮貌，廚師會特登走嚟同你傾偈不過要坐卡位就要盡早訂位啦今次食咗炸雞玉子飯，份量超級大，咖喱味好香甜，可惜唔記得影相咖啡就冇乜特別，不過佢啲餐具真係好靚特別推介佢嘅甜品尤其是布甸焦糖味好出

同事大力推介這家彷彿好高檔的餐廳，這天中午就過來試一次。環境店內燈光昏暗，有些人會說這些情調。檯蠻大的，沙化椅子也很舒服，可是跟旁邊的座位只是一個花槽之隔，剛巧這次鄰座坐了幾個雞啄唔斷的女子，有夠嘈吵哦。食物午餐是set lunch，價錢是168元，有一個主食+沙律+飲品。時日有機沙律/蕃茄沙律就是普通沙律～和牛漢堡玉子咖喱日式咖哩超開胃，不會辣，一支匙羹就可以吃完，是懶人必選。北海道厚切煙肉蕃茄意粉朋友說好吃。飲品熱咖啡咖啡還可以，但更好的就是杯碟，非常俏麗的樣子！甜品草莓鮮奶油蛋糕 48元甜品有三款，看來主打就是這個蛋糕，奶油跟平時吃到的不大一樣，但整體來說又不覺得特別好吃...服務看來侍應沒有指定服務的檯，下單時和追加甜品時有些迷惘...整體來說還好，不過暫時就沒有衝動再光顧。

個女跟姑姐去咗睇Disney on ice我同老公四圍行食晚飯等佢見合和大廈那邊有新商場，就去嗰邊食晚飯見到呢間「星光喫茶洋食」裝修幾靚，門口又有人排隊，我哋都排埋一份當時已經8點鐘，排咗一陣就有位喇餐廳最吸引我係門口嘅花園裝飾，仲有個許願池仔，餐廳入面有昭和風裝修，部份餐具亦用了昭和風，不過枱與枱之間距離稍嫌太近了我哋點咗：🍝 明太子帆立貝和風意粉 $168有青森帶帆立貝、明太子、菇、翠玉瓜和洋蔥，個汁甜甜地，意大利粉軟硬度適中，好入味，帆立貝鮮味，整體非常不錯🐷 日本青椒厚切炸豚肉 $188見個名寫住厚切，另外餐牌有一張相寫住滿足感，豚肉賣相好好，炸得好酥脆、個汁酸酸地開胃得來又帶點青椒味道，點知咬落去，個厚切豚肉唔知去咗邊！淨係見到薄薄豬肉，整體有兩塊薄薄豚肉扮厚切豚肉，有啲嬲咗😤幸好味道不錯！覺得廚師好犀利，可以假裝成厚切豚肉，實屬廚藝了得！🍵 凍抹茶鮮奶 $54睇餐牌，似乎是有啲花臣，可以玩吓攪抹茶，實際上就咁一個玻璃杯上，感覺有啲Over-priced （餐牌相片有冰？）最後，想點個招牌布甸🍮，竟然sold out連草莓蛋糕也沒有了整體環境靚，食物味道OK ，不過價錢有點貴

同事farewell，揀咗新合和星光🌟喫茶洋食，同事第一☝️次去蕩失路，我帶路。一早book枱，但店員太遲⌛️睇whatsapp，8位轉9位睇漏咗，不過加返張主席位櫈ok，個位喺大廳轉入個水池位，旺中帶靜。每個餐都$168，新lunch menu，我叫咗蟹肉芝士🧀三文治🥪，配沙律🥗走汁，配熱咖啡☕️。沙律新鮮，蕃茄甜，三文治🥪大份，原來有蛋，但唔滑，蟹🦀肉同芝士🧀份量少，薯條🍟幼身啱我。咖啡☕️杯靚，齋啡自己落糖奶。可簽卡。祝同事一路順風 ✈️

星期六12:30嚟到，好在唔使等位。入面嘅位置都唔算好闊。不過坐到個花花位隔離，影相幾靚。Lunch menu $168+10%想食其他款式就要加錢。感覺上唔係太抵喎！欣賞佢啲杯碟都好靚，又真係幾日式嘅。不過我哋叫咗咖啡後上，佢一嚟就上咗。要扣少少分！我揀咗帶子意粉，味道實在很一般！沒有驚喜。不過帶子就有好多粒。朋友揀咗漢堡扒重點係呢一個布甸！真係好軟滑，震震震！$38整體嚟講，呢個價錢都可以接受，味道只會形容為不過不失。但係甜品就冇令人失望既。不過希望佢會換Menu，因為新鮮感嘅嘢，過咗熱潮就冇㗎啦。服務都OK，店員有禮貌！食完90分鐘就會嚟埋單，唔會俾你坐得來。原來出邊已經有唔少人等緊位，所以都係理解的。

裝修100分 餐具 傢俬 燈飾都非常精緻價錢偏貴 服務尚可食物質素強差人意 份量少意粉醬太水 🙅‍♀️🙅‍♀️🙅‍♀️三文治賣相麻麻 包又油， 薯條太油又唔脆建議嗌飲品 影相打卡即可📸

合和中心日式復古餐廳，點左signature嘅布甸🍮，真係好香牛奶味，入口即化，令人忍唔住想自己一個獨食。這款布甸不僅質地細膩，還帶有濃郁的奶香。除此之外，餐廳的意粉也有少少辣，非常開胃，辣味恰到好處。杯碟方面更是展現出濃厚的日式風味，無論是碗碟的設計還是擺盤，都讓人感受到一種溫馨的氛圍，非常適合打卡📸，拍出來的照片都特別吸引眼球。即使他們有提供套餐項目，但價格卻貴到少離地，整體而言，價錢偏貴💸。這裡的氛圍雖然不錯，但感覺食一次就足夠了。這是一個適合朋友聚會或休息閑聊的好地方。

前排上ig見人推介呢間靚靚餐廳，即刻bookmark咗合和商場新開後都未嚟過～第一次嚟覺得環境幾大，不過人流比較少，顯得十分冷清夜晚7點到，餐廳大約5-6成滿，唔算太多人～所以入到去都有得坐靚靚卡位今日同1個女仔朋友嚟食，嗌咗2個主菜、1個甜品同2杯飲品望落價錢都偏高，但喺呢個新地標同環境嚟講算合理嘅～希望味道同份量會合乎返呢個價啦岩手縣蟹肉三文治 $168本身睇相係冇薯條嘅～上菜後先知有咁多薯條，同埋原來蟹肉係分開，而唔係夾晒喺三文治內，可以食幾多夾幾多蟹肉味道幾鮮香，配埋蛋同芝士都唔違和因為三文治比較厚實，加埋脆卜卜嘅薯條，已經令人好滿足滑蛋厚切煙肉豚肉意粉 $168意粉上鋪滿一厚滑蛋，賣相勁吸引不過食落偏普通意粉無乜味，應該有蕃茄醬但缺少酸酸甜甜嘅蕃茄味～煙肉豚肉都唔似有煎香過，感覺無乜誠意唯一讚賞係面頭嘅滑蛋係又滑又有蛋香嘅意粉濃味啲會更加分抹茶鮮奶 $52睇相見到抹茶同鮮奶分開2個杯，以為有得自己刷抹茶咁開心，原來圖片只供參考飲茶抹茶香味好出，鮮奶口感都偏濃厚～加埋2塊脆餅好有儀式感呢飲落都幾大杯，飲到我都有少少飽柑悅特飲 $54朋友就飲呢杯～佢話只係一杯甜甜嘅梳打，無咩柑橘

合和果開咗咁耐,終於有機會嚟.本來以為有好多嘢食選擇,點知行咗一個圈都只係得幾間餐廳.見到呢間裝修咁靚,尤其企理,就決定試吓.餐廳分咗兩個部份,一邊係好少女風,有好多花做裝飾,另一邊就係懷舊日本風,連侍應嘅衣着同埋杯碟都好有懷舊日本風味.我諗無論係hightea打卡,食飯慶祝,總有一個風格係啱你.嘢食方面,揀咗一個昭和特色-小女子鰹魚湯意粉同埋拿玻里德國腸意粉.小女子鰹魚湯意粉好特別,有唔同嘅魚乾同埋配料,好唔好食就真係好睇你嘅口味.反而個拿玻里得個腸意粉有少少辣,食落幾開胃.價錢唔算平,但裝修精緻,都可以一試.

星光喫茶係新商場Hopewell Mall 24年11月開幕既新派日式復古咖啡廳☕, 餐廳開幕冇耐就嚟幫襯, 當時openrice未有得book, 要靠打電話去book抬餐廳大致分3個區域🍽有☕bar抬, 大sofa卡位, 同充滿🌸🌹🌷花花裝飾既少女風打卡位當日我book左3pm坐大sofa卡位, 因為卡位客人未埋單同朋友坐住bar抬先, 負責bar抬個日藉👩🏻‍🍳女廚師用廣東話同我地傾計, 好nice坐左陣終於可以坐返大sofa位餐廳空間好寬落, 環境同氣氛好好, 好適合嚟傾計既地方當時Lunch Set提供款式唔算好多, $168已包沙拉菜, 主菜, 飲品我地揀左咖哩牛肉飯 , 同蟹肉意大利飯 咖哩飯雖然menu圖示係辣, 其實係bb辣, 味道正常同份量足夠的蟹肉意大利飯就普通少少, 但味道同份量OK的我地由3pm 傾到5pm, 決定追加多份甜品本來想試🍓草莓蛋糕, 但賣晒啦, 揀左一份🍮布丁(+$38) 一齊share最後我地坐到近6pm就嚟開始晚市了, 真係要走人再有機會，會想試佢地d咖啡同甜品😄

2024年11月8日開章第一天，已經來光顧。2個月才在openrice作登記實在有點遲。遲到總比沒到好，補完這篇飲食紀錄。開章前，已經留意到其日系昭和風的裝修，故此一早已經book mark呢間餐廳。^開章前已經留意這張通告^最吸引之處莫過於這個水盆。作為試食大將軍，灣仔本陣出現新鋪，當然要痛首迎擊！出擊！首先當然係店鋪^紅色地𥖁，加上啡色木材，白色牆打造日系昭和風咖啡廳^最近興《王牌酒保》^拱形窗是大正、昭和風的特色。唯窗連接大廈牆身不能更改，故改為假天花式設計。眼前角落相信為VIP設計，當天被數為小資女所預約。^華而不實的掛衣架XD去過日式居酒屋一定見過^真皮Sofa, 反正就是第一個客人坐上去😛軟林林超舒服^餐牌如上，餐牌選擇不多。明顯走格調為主。價錢亦較對面街🐶會餐廳貴。^頭盤選擇了沙律，出乎意料比想像中更要細份^蟹肉飯真的有蟹肉。^草莓蛋糕也比想像中的細小。整體而言，餐廳是吃環境。食物水準不過不失，CP欠奉。「流連小餐店裡望大時代過去。」偶爾與心愛的人，在城市中飲杯咖啡，吃個午餐享受這種時光。

我們兩個人偶然光顧了這間餐廳，未見過這個牌子但抱着一試的心態。叫了兩個燒牛肉的感覺午餐，非常好味。招呼也不錯。環境有點中古日式的感覺。我們已經來了兩次，覺得食物都好，雖然不是頂尖級數。在灣仔有這個地方已經不錯了。加上價錢合理，可以再來。