星光喫茶洋食

食過一次中午，一次晚飯，又貴又唔好食！..Lunch還好一些，百幾至二百一個人，但份量少，味道一般，已經覺得唔太掂…..不過有次去到附近，周圍無位呢間有位，諗住試多一次，俾多次機會試下晚飯二大一小人食左700幾，根本唔知自己食左乜，牛扒蛋意粉，仲衰過樓下茶記，成份野又油又咸，另外家人食果份又係話d野又勁咸；食完一陣就肚餓….又貴又份量少又唔好食，間野真係純粹食環境，大家小心勿中伏，以後不再幫襯！！…查看更多

今日約左fd去試、 個fd明明同我講到左、 我行入去搵人啦、 個侍應問我幾位？我話已有位，入去望一望唔見人、然後條友同我講、入面個個都係2位以上、冇單人喎、仲叫我問清楚先好入去、話我攪錯餐廳、 然後我個fd係入面行出黎搵我、 佢只係坐左係一個隱蔽少少嘅位，你地冇睇清楚就寸寸貢咁唔想做生意咁。 態度極輕桃。 然後order野時 見個女侍應行過3次、 我叫左佢3次佢都可以扮聽唔到！真心佩服！ 到我行出去搵人落單、 同佢講話唔該想落單，嗰兩個女侍應夠膽只係望我一眼回應一句都冇，我行返埋位先有個跟住入嚟問我食乜！ 成間餐廳啲人好似又聾又啞咁。態度極差。 然後野食真心難食、 又貴。茶記都好過佢、 咖啡都完全唔掂。 2個人2個意粉 2杯野飲埋單$500蚊野食差、態度更差！ 真心唔駛再去、未去嘅千祈唔好去、 伏到要講粗口。 垃圾…查看更多

今次嚟到合和中心揀咗呢一間餐廳食午餐，因為見到佢啲相片已經覺得十分吸引，而且午市時間亦要排隊，我排咗一陣就入到嚟啦。我試咗佢嘅海膽魚飯配一杯凍橙味咖啡，啲汁配得都好好食，魚肉都很鮮甜，咖啡都很特別，感覺唔錯。另外，我點了三文治配薯條加一杯熱咖啡，三文治很香口，非常惹味，而且他的餐具十分精美，非常合適打卡，而且裏的餐點也適合一家大細來進食。今次的用餐體驗感覺不錯，我很喜歡這裏的環境，因為有穿越時空的感覺，而且喜歡拍照的我，覺得這裏很漂亮。…查看更多

用餐日期：2025年8月16日 下午14:00從來懶得Openrice寫評論，但今次遇到個好「不得了」嘅男侍應，決定要寫曬佢啲事跡出嚟特別表揚一番，俾大家欣賞吓依啲叫香港良好服務態度。即係咁 食物CP值唔高都算其中一個年紀稍大All Black油頭嘅男侍應真係好冇禮貌因為Lunch Set得4款甜品加配所以問佢可唔可以俾份甜品Menu佢就話Lunch Set上面已經有甜品 我哋話想睇吓有冇其他甜品佢就好唔情願咁去攞仲要好串咁問：「你哋淨係食甜品呀？」再插多句：「甜品散嗌貴好多嫁喎！」我心諗：Lunch Set甜品冇我哋想食嘅 問攞份甜品Menu睇吓其他甜品有咩問題？見我哋2個後生女仔就睇唔起 覺得我哋比唔起錢淨係食甜品？（就算真係淨係食甜品都係個人自由 有乜問題）係人都知單嗌甜品梗係貴過套餐加配 當我低能？ 🙄而家我又唔係比唔起 係咪嗌想食嘅甜品都唔得？ 跟住落單嘅時候好不幸又係依位侍應 我朋友問咖啡係咪Americano佢就好唔耐煩咁答：「我哋依度係日式餐廳只有日式咖啡 冇Americano嫁！你要就去隔離」跟住我哋笑笑口諗住用笑容化解尷尬 點知一望佢塊面毫無笑容 黑到呢重點係之後我朋友望到廚房整咖啡根本就係美式咖啡整法 真係好無語然後因為我哋嗌2個套餐但淨係要1個甜品 所以佢確認order時我強調咗一句：淨係要1件蛋糕但佢唔get我好心用意 又双串串貢：「咁梗係1件啦！」係人都知一個套餐梗係得1件啦而家2個套餐淨係要1件我先好心提醒 費事佢落錯單 真係好心着雷劈可笑嘅係之後佢幫我哋隔離檯對夫婦落單完全係兩個態度仲要好~~貼心咁講埋咖啡係日式咖啡 唔係美式 似係諷刺緊我哋😌只可以講依間唔會下次。#唯一可讚嘅係佢蛋糕嘅cream的確特別creamy同甜度好正IMG:3][IMG:3]…查看更多

這次點了一道番茄慢煮豬肉義大利麵，上面還放了軟嫩的蛋。這道菜的味道非常好，番茄醬香濃，豬肉也很嫩，搭配上那顆柔軟的蛋，口感相得益彰，讓人忍不住多吃幾口。整體而言，這道菜帶有日式家庭料理的風味，讓人感到溫暖。另外，我們還點了一份蛋三明治，味道也不錯，帶有一點茶餐廳的風格，簡單直接。雞蛋布丁的口感稍微有些偏硬，沒有期待的軟嫩，並且蛋味也不夠濃郁。整體來說，這次的用餐經驗雖然有些小遺憾，但仍然有幾道菜讓我印象深刻。希望下次能嘗試更多菜品，期待能有更好的體驗！…查看更多

最近去咗灣仔的星光喫茶洋食，真係一個唔錯嘅選擇！環境靚靚，適合同朋友一齊放鬆。今次我試咗幾樣食物，感覺好滿足！😆清森帆立貝湯意粉🍝食落湯底清甜，帆立貝非常鮮美，意粉吸收咗湯汁，食落去每一口都有海味，真係好開胃和牛漢堡扒定食漢堡扒煎得啱啱好，肉質鮮嫩多汁，搭配埋特製醬汁，味道一流！一啖飯一啖肉，食完真係滿足到爆。嚟到呢度點少得甜品！試咗佢哋兩款招牌嘅甜品。分別係星光玉子布丁同草莓鮮奶油蛋糕。星光玉子布丁🍮布丁質感幼滑，食落有濃郁嘅蛋香味，配埋焦香嘅焦糖醬，甜度剛好。草莓鮮奶油蛋糕 🍰草莓鮮奶油蛋糕鬆軟，配上夾心嘅幼滑鮮奶油同新鮮草莓，係完美嘅甜品收尾。🤭無論係環境定食物，都覺得滿意，尤其係甜品。大家有機會同朋友一齊過嚟食下午茶係個唔錯嘅選擇😊…查看更多

暑假keep住嚟左合和呢邊玩活動，見到呢間星光cafe好似好受歡迎～但佢好似假日得lunch set menu , 冇得散叫，變咗如果想食輕食就唔係好啱喇～「🍛和牛漢堡扒定食&🥪肉醬芝士三文治」和牛漢堡扒牛肉味算濃，配埋牛肉汁送飯食唔錯～但係略嫌份量少左啲，個扒切2下食曬lu~而肉醬芝士三文治我會形容為✨高級版-「鹹牛肉蛋治」～熱辣辣送上，三文治又脆又厚，佢個肉醬茄味較濃，配埋厚蛋同芝士，係好食又邪惡👿「🍮星光玉子布甸&🍰草莓鮮奶油蛋糕」大推星光玉子布甸🍮✨呢個真係好有驚喜！佢係好古早味感覺～質地實在啲，蛋香味極濃，加超濃焦糖味～個種濃郁嘅感覺喺口內歷久不散～如果鍾意食重蛋嘅朋友一定好鍾意❤️另一個係🍰草莓鮮奶油蛋糕，整體都係偏實在～忌廉好厚實唔空氣，蛋糕味都香濃～🙊但士多啤梨酸左啲，同埋個人口味對奶油蛋糕偏好輕啲軟滑啲，所以就唔算太啱我喇～…查看更多

晚上喺灣仔shopping完＇同朋友去咗合和商場呢間餐廳食晚飯，好喜歡佢嘅日式懷舊佈置風格，原來佢係模擬返昭和年代嘅日式喫茶店氣氛，有好多位置都好啱打卡，有一個半圓形嘅大梳化位，如果有六個人左右就應該好啱坐，然後又有一啲喺窗邊嘅四人卡位，同埋大堂嘅餐枱座位，窗邊卡位佈置比較有特色，如果人數啱，建議可以訂呢啲卡位，我哋嗰日冇訂位，所以只能夠坐喺大堂中間，不過都OK舒服，因為全店嘅裝修都係走懷舊風格，不過其中一位朋友就覺得佢啲燈光太過昏暗，因為佢係用黃色嘅比較暗嘅燈泡，我自己覺得幾舒服，晚上嘅氣氛幾好，但係朋友就覺得應該要光一啲，會令佢覺得舒服啲，都冇所謂啦，各有各嘅喜好，我哋揀咗大蜆湯意粉，真係非常驚喜，因為嗰啲蜆隻隻都好飽滿，好好味，而且份量都好慷慨，我冇數過，不過都應該有10隻蜆左右，跟埋啲意粉個湯亦都唔算濃味，適合一般女士比較清淡嘅口味＇男士可能就會覺得濃一啲會好啲。另外食咗卡邦尼意粉，呢個冇乜特別，都係一般嘅忌廉煙肉蛋黃醬配料，味道不過不失啦，另一驚喜就係佢嘅厚玉子燒三文治，麵包炕得剛剛好，嗰邊微燶脆卜卜，厚肉子亦都非常之厚實，調味調得剛剛好，好有質素，再配薯條，份量好足，我哋冇特別叫飲品，因為要留肚再食甜品，佢有一個栗子撻，份量非常大，底係牛角酥，中間夾住蛋糕，面層係栗子醬，份量好大，一個人一定食唔晒，另外叫咗一個焦糖燉蛋，呢個份量都比普通餐廳嘅要大，味道就期望中咁樣，唔差，亦都冇乜特別嘅驚喜，因為我哋人唔多，所以已經冇辦法再叫其他嘅食物嚟試啦。我覺得視乎你喜唔喜歡呢一個比較昏暗燈光下嘅懷舊氣氛，如果你喜歡，呢個地方都係一個好值得嘅選擇，不過因為係日落後晚餐時分先至去，日間又唔知個氣氛會係點，感覺上都係舒適嘅，尤其是嗰啲卡位，都佈置得幾靚，可以試吓，食物嘅質素我認為都係合理嘅，大約係平均$200一個人，晚餐嚟講喺灣仔區都算係合理㗎啦。…查看更多

環境舒適漂亮，非常適合拍拖或家庭聚餐，食物色香味俱全，服務態度出色的好，待應年輕有禮，男的有型醒目有禮，女的漂亮醒目有禮，都笑容滿面，有位戴眼镜的侍應小姐，幫忙拍照非常有耐心，又拍得漂亮，很感激！下單的男待應講解很祥盡，不厭其烦，完全沒有不悦的表情，整體所有侍應年輕又出色，在香港很少有了，無輸環境食物服務，都是不可多得，絕對一定會再幫襯，我們的生日聚餐，很完滿，很快樂，謝謝你們!祝貴餐廳客似雲來，值得一路做下去！加油！…查看更多

灣仔 │ 討論度極高！昭和風復古Cafe☕️🍞👉🏻 行過合和商場無意中發現呢間日式懷舊風Cafe，外觀裝潢幾好，見人龍唔長所以試吓排隊食～📸 裝潢溫馨懷舊, 日式碗碟＋復古飲品造型好打卡🔖 入座後發現Menu價錢略高，網上睇完評論，特登避開叫麵包同意粉🤣🤣 ✽ 宮崎豚肉慢煮揚脆皮 $188炸得夠香脆，豚肉油脂分佈平均，肉質唔柴，外皮微焦。整體正正路路但份量唔算多🫣✽ 星光玉子布丁 $48布丁係整間餐廳中最值得一試！口感滑溜，蛋香濃，面層仲有Cream增添層次感，最後加粒車厘子點綴，視覺味覺都幾滿足🍮✨✽ 夏威夷梳打雪糕 $38呢類復古飲品而家真係越嚟越少見🍹👀勝在雪糕係真材實料雲呢拿味，配上氣泡感幾清爽 📷味道還可以📌 𝐼𝑁𝐹𝑂星光喫茶洋食 地址：灣仔皇后大道東183號合和商場4樓409-410號舖💟 可訂位或排隊✅ 建議只點甜品＋飲品拍照打卡，Chill下還可以⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ 🎀分享美食的純粹｜玩樂分享⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ …查看更多

母親節大日子，中午返完教會我哋無揀去飲茶，一支箭衝嚟灣仔合和星光喫茶洋食其實我就真係唔識呢間餐廳，只不過老婆話去就去，今日話晒係佢同外母話事！因為我哋一完咗崇拜就過嚟，12點半嚟到，雖然無Book，但都可以即刻有位本身餐廳嘅Setting 係比少人聚會，大多數都係4人檯，所以我哋一行5人就要坐4人檯加櫈，但坐落都無問題，因為有一個小朋友Lunch 嚟講都唔算平，不過呢到最緊要係食個裝修，充滿懷舊日式西餐廳感覺，加上精緻嘅餐具，係有少少入咗吉卜力美術館嘅感覺其實嘢食都OK嘅，海鮮意粉食材好新鮮，日式咖喱漢堡都好有水準，豬鞍扒煮得好嫩，仲有個炒牛肉意粉之類唔記得咗影最後我哋仲叫咗2個蛋糕4大1小，叫咗4個午餐Set加兩個蛋糕，埋單800 幾蚊，都算OK啦最緊要係母親節快樂～…查看更多

整體來說，食物選擇不多，也只能是剛好合格，是一家影相很開心，但不是專程去用餐的餐廳。環境很舒服，侍應們是非常友善，是香港少見的有禮呢！還望食物水準能提升一點，因為價錢也不算便宜，每個單品也平均百元多，但質素真的沒反映到這價值。希望再來之時食物有進步呢~~~~…查看更多

新開的昭和風喫茶洋食店店舖看起來很寬敞但實際座位非常擠迫每一台的間距也非常接近而且環境昏暗，很有壓迫感假日套餐包括免費飲品，但不能加錢配其他飲品，做法死板🍮星光玉子布丁 $88布丁賣相很好，Size比一般餐廳大Fuwa Fuwa 的質感，很香蛋味，是非常出色的布丁！🍞 岩手懸蟹肉薄餅吐司配日本薯條$138餐點與其名一樣，就是西式蟹肉薄餅的餡料，還有蕃茄醬和芝士等等，但薄餅換成了厚吐司，感覺挺特別，但薯條讓人非常失望，是凍了的麥當勞薯條質素🍹香橙烏龍茶味道清甜可口…查看更多

家中有位特別鐘情日本昭和年代的成員，所以今天特地帶他來這裡感受一下😉餐廳以昭和時代的飲食及裝潢元素為賣點😘提供多款和洋料理。午市套餐$168包沙律、主食、飲品（某些菜式需額外+💰）💫番茄沙律🥗，用了車釐茄和大番茄兩種。微酸的沙律醋與番茄甜味很平衡。💫黑毛豬鞍扒（野菜•薯蓉•芥未醬）豬鞍扒有一定的厚度👍🏻煮得恰到好處，不會柴😋除了薯蓉還另外配上一碟白飯😀💫海之幸鮮茄忌廉意粉肥美的蛤蜊肉質鮮甜、海鮮還有海蝦及帆立貝，醬汁是傳統日式料理…偏甜😘我喜歡🥰💫星光玉子布丁 🍮午餐+$38 ，可享用招牌甜品👍🏻震騰騰的布丁，頂部用了櫻桃和鮮奶油來裝飾，很懐舊風😘蛋香濃郁、口感軟滑，跟微甜的焦糖很夾😋💫咖啡是焙煎的，炭燒味濃😉環境舒適，服務周到，侍應們還會主動幫忙客人拍照📷…查看更多

食物質素很一般，價錢昂貴叫了三款食物：1）厚切煙肉金文筆芝士2）滑蛋厚切煙肉豚肉意粉3）肉醬芝士蛋三文治1）厚切煙肉金文筆芝士和滑蛋厚切煙肉豚肉意粉的汁基本上是一樣，都是羅宋湯底，感覺慳成本，沒有誠意。幸好厚切煙肉本身是好吃的2）肉醬芝士蛋三文治：本身麵包是好吃的，但蛋把麵包浸淋了，上菜時底層的麵包已經完全浸淋了，像糊了一樣，很難吃，138 加一，質素比茶記差3）北海道薯條：跟麥當勞薯條差不多，幼身的，麥當勞某程度上仲新鮮和脆口整體上這個價錢，這個質素，性價比很低。只會推薦單叫麵包。*甜品沒有試不作評論…查看更多