新香園 (堅記)

营业中

休息中

知道佢出名但都係覺得好好食！🤩🤩啲牛肉食落好新鮮好多汁🤩🤩炒蛋唔會老🤩加埋烘多士同鹹牛油好幸福🥰凍奶茶正常啦，少甜有少到。茶同奶好balanced不過得散叫就有啲貴🥲

茶檔的流行，我諗要數到上個世紀，店內的裝飾及陳設都是上個世紀，馳名的蛋牛治零舍不同記住一定要烘底。鮮牛撈麵真係唔係度度有，加上豬什麵可以說是及第麵，但有一樣要讚的紅豆冰設定了少冰，果然老闆嘅真材實料，只有紅豆同埋椰奶，最令人十分難忘的！就是飲完凍奶茶上，竟然留下店內的小寵物，問咗老闆佢話都唔知佢幾時跳落去，唔知佢住咗喺呢間鋪幾耐呢？食物真材實料及留下一份人情味！最後見到佢留低咗黑點在奶茶冰上，我都急急腳走啦！買單時竟然是計錯數的！

看到網評，今天早上專登去深水埗新香園一試，結果令人失望，我叫了牛腩麵，雞蛋鹹牛肉三文治，西多士，凍奶茶及凍檸茶，牛腩麵湯底太差，沒有腩汁，牛腩都是邊皮位置，河粉煮得時間太耐，出名的鹹牛肉三文治，基本上跟別的茶餐廳沒有分別，人家的麵包可能比他做得好，西多士太溥身，上碟太多油，是但北河街一間茶餐廳都比他做得好，兩杯飲品沒有茶味還要收$18一杯凍飲，今天早上總共買單$107，以餐廳環境，食物質素，夥計服務態度，一點也不值，只是網民吹噓，深水埗是但一間茶餐廳或麵店都會被它做得出色。

讀書時期，有同學仔住呢區，每次嚟搵佢下午茶都會食新香園嘅蛋牛治，有時夜晚玩完一輪凌晨時間再嚟食宵夜🤣🤣唔夠飽，仲會再嗌個豬手米加凍檸茶✨隔咗一兩年再嚟返新香園食，例牌叫咗個蛋牛治烘底，一定要加兩蚊烘底，成個包層次差好遠，多士外層會更加香同脆口。唔知係人大咗，定係真係牛肉餡少左，覺得味道上不差太遠，但口感上冇以前咁足料，炒蛋相對比以前老一啲，冇咁滑嫩，冇咗以前會不停想再嚟食嘅感覺。但總體來講都唔錯，經過食個下午茶都係個選擇，但就夏天唔坐得咁舒服，通常快快手食完就走🙊依家嚟再食，都係食個回憶感 ❤️

以往每個週末都會同老婆來食早餐，一般要兩份蛋牛治一杯凍啡共64元，因為朝早真係唔想食太多，今次遇到大媽硬係話唔夠最低消費每人25，希望老闆得閒幫大媽補習下數學啦！

深水埗仲有另一間人氣食店 - 新香園既蛋牛治，同T先生繼續在深水埗食嘢😆😆新香園裝潢保留舊式茶記既風貌，而我地唔洗等位就可以入座。食物種類都係茶記應有的，價錢上亦相宜，平民街坊價錢。📍馳名蛋牛治(烘底)貴為人氣食品，點都要試，仲要烘底，新鮮烘好的麵包，即係多士口感，烤到啡啡黃黃，食得到脆脆的口感；而牛肉用左碎牛肉混入蛋漿而煎成蛋餅，食得到牛肉經過調味下的口感，熱辣辣⋯放入口會有啲盪口既感覺，我覺得幾好食，但T先生期望係用罐頭咸牛肉煮的。📍法蘭西多士即叫即煎，新鮮滾熱辣，煎到金黃色，再配上糖漿一齊食，脆口而且好好味 西多士愈是普通就會愈食得出口感和味道，並非間間都煎得好食架。我幾like 📍紅豆冰T先生認為食西多士要飲紅豆冰喎～～ 呢杯不太甜，紅豆夠味而且腍，味道唔錯。事後食評：價錢取勝，西多士幾唔錯，呢3樣中我最like👍🏻價錢：4.5/5.0味道：4.0/5.0環境：3.0/5.0服務：3.5/5.0衛生：3.0/5.0

經過深水埗知道呢間舖頭好多年歷史呢間舖頭，係我咁多間餐廳裏面食得最多次嘅一間餐廳，起碼食超過30次，不過你哋有個心理準備如果有潔癖嘅人千祈唔好入去，因為佢裏面真係幾污糟，裝修又殘，坐又吾舒服，佢嘅豬手好淋好入味，而且佢個汁好食，感覺係好似唔需要用牙咬，但係佢啲肉同埋啲骨都會分開，而且啲豬手亦都啖啖肉，好出色，係我比較深刻印象嘅，第二我會食佢個西多，因為佢啲醬係有滿瀉嘅感覺，非常之多煉奶和牛油，而且你落埋糖漿，佢簡直係一個非常邪惡嘅食物，同埋佢炸得好香好脆，係真係好出色嘅，另外我好鍾意食佢嘅生滾粥，你一叫佢就會即刻喺出面嗰度即刻煮俾你食。好有心機，而且啲粥嘅口感好好好軟綿綿，所以我都好鍾意食，我係會經常去嘅一間值得推介嘅餐廳。

一直聽聞這家的鮮牛治物美價廉果真如此！！19蚊的鮮牛治+1蚊烘底真的太香了～～～（必須要烘底哈！！不烘打咩🙅）脆脆的多士表皮抹上融化的黃油夾在裡面的是多汁的鮮牛肉和雞蛋口感很不錯 是我喜歡的！！25蚊一碗的牛腩面的牛腩也很大坨他家就真的是物美價廉了吧～～來了深水埗其實還有很多地方可以逛很多文青雜貨小店 書店 咖啡店和黑膠唱片店什麼的！！吃完了順便逛了再走 美滋滋～！

深水埗出名多野食,新香園呢間老字號冰室裝修陳舊,足足開咗50年,不過依然好多人幫襯,而十個有九個都係幫襯佢嘅馳名蛋牛治🥪🌸蛋牛治 $22有別於一般茶記嘅蛋牛治,佢用嘅係新鮮牛肉而唔係咸牛肉/碎牛, 感覺更鮮味,三文治個麵包係薄底,加上烘左底關係,令到食落脆脆地,我覺得最好食係佢個三文治底😂識叫一定係要叫烘底呀🤭蛋相對平時嘅蛋牛治係較為少同薄身,但食落都有蛋汁﹍﹍﹍﹍﹍﹍﹍﹍﹍﹍﹍﹍📍新香園深水埗桂林街38號A地下

黎得呢間深水埗嘅名店就係想食佢嘅蛋牛治烘底同埋西多士，基本上枱枱都有叫包括我哋在內。四個人要咗兩份蛋牛治烘底再加一份西多士，跟住嗌咗四杯嘢飲，分別係紅豆冰、熱檸蜜、熱奶茶同埋凍奶茶。蛋牛治烘底真係好食，麵包烘得夠乾身，呢樣嘢真係好緊要，佢嘅免治牛肉煎蛋都做得唔錯，食得出啲牛肉幾新鮮。西多士熱辣辣當然好食，外層都幾脆口，牛油溶溶地再落糖漿雖然罪惡但係真係咁先至好食。另外想講佢個奶茶都好好飲，茶味夠香濃，奶嘅比例都剛剛好唔會搶走咗啲茶味。

行街之前食少少嘢打底。朋友建議呢間新香園，想試佢個蛋牛治。星期六1點半左右到門口，都有4、5組人等緊位好在大家都食得快，等15分鐘就有位喇。裡面位置唔多，幾張枱，要搭檯，同坐得迫啲，但我唔介意，反而覺得係一種風味。裝修格局都係傳統的茶餐廳感覺，格仔磚地板、開放式水吧。差個卡位啫好懷念舊香港～坐低嗌咗份烘底蛋牛治同西多士。烘得好靚，西多士都炸到靚靚金黃色。兩款都唔會好乾身，新鮮熱辣辣最好食。食完就去飲咖嘛嚕～

食碗豬潤牛肉麵，加蛋牛治。豬潤唔韌唔腥，出奇地爽口。牛肉夠腍，麵煮得爽，但本身質地一般。蛋牛治就招牌，每次都好食。甚至聽到有人叫蛋牛治走麵包，即係剩食滑蛋炒牛肉。新香園 (堅記) (深水埗)深水埗桂林街38號A地下

每次行完深水埗黃金商場睇嘢之後，我都會去呢間地道茶餐廳食個豬手麵同奶油多醫一醫肚呢度嘅侍應阿姐好搞笑 會見到有一個阿姨插着左支筆喺個頭度 佢落單都幾方便🤣另一個侍應，阿叔有時都會落錯單 但係喺呢啲地道茶餐廳 有時又覺得冇乜所謂🫢🫢呢間茶餐廳嘅價錢算平民價錢 但係質素又keep到 要求就唔會太高🤣豬手麵豬手好淋好容易咬開，最鍾意呢度嘅麵質地唔會好淋 夠彈牙奶油多煉奶同牛油比例岩岩好一定會叫烘底，又唔會乾 每次黎都必一定會叫黎食

元旦日晏晝食個tea。大哥沙嗲牛賣晒整個鮮牛滴兩滴汁，咁唔得掂喎..個湯仲一粒粒超唔順喉。呢碗野真係唔得👎蛋牛治食煎蛋鮮牛肉，岩岩整起就食，口感厚實，隻蛋仲有d燶邊脆。這個可以。南乳百手撈係招排，夠鹼香又夠淋，冇意外，上菜夠快夠熱。唯獨個沙嗲牛要擇日再試真。

天氣凍，想飲杯熱奶茶，行過深水埗，在一定要去新香園食一食個馳明蛋牛治同杯熱奶茶！馳明蛋牛治：即叫即整，牛肉是切碎俾你，不是用免治牛肉，所以特別有口感，同時食到牛肉的味道！包脆雞蛋香！熱奶茶： 即沖超熱，飲落出茶味，口內出奶味，沖得好好！不過雖然價錢貴左點，不過是值得食！