新香園 (堅記)

营业中

休息中

-記得細個讀書嘅時候，每次同我媽去街市買完餸就會食一份蛋牛治，到同張生拍拖，佬味甚濃嘅佢竟然介紹我食哩度嘅西多士😂-蛋牛治烘底：新香園必食推介❤️即叫即做，烘底麵包夾住牛肉炒蛋，鐘意佢唔會好咸，食到有蛋汁同肉汁🥳 如果加少少辣椒油食，味道會再有層次啲🤪👍🏻-熱奶茶：茶味較突出，想要香滑口感嘅叫茶走會好啲，佢哋嘅奶茶重茶味，口感都比較淡啲。-南乳豬手米線：都係幾多人會嗌嘅食物🥳如果唔介意lur 骨嘅其實幾推薦😳豬手炆得好稔，好輕鬆就食到，滿滿嘅骨膠原❣️而且南乳味香但唔咸，真心可以一試👍🏻-不過地方比較細，坐得比較逼，想坐闊落啲嘅去汝洲街分店會好啲，或者不妨外賣蛋牛治都好滿足☺️❤️

深水埗出名多街坊小食🤓其中新香園蛋牛治係🐻嘅至愛之一❤️佢嘅蛋牛治夠膽講一句係全港數一數二最好食💯當然就要介紹俾大家啦🥴🌟蛋牛治（烘底）💰$21（烘底+$1）麵包烘得啱啱好，保持到麵包本身嘅軟綿同時帶點香酥😚內裡係混合煎香嘅雞蛋🍳 & 碎牛肉🐂與一般茶記不同，呢度嘅蛋牛治係用新鮮牛肉打碎而成，唔係用罐頭鹹牛肉雞蛋煎得剛剛好，外邊焦脆，內裏軟滑✅一口咬落去，充滿著蛋汁、牛肉味🥰脆香嘅多士，配上濕潤軟綿嘅蛋牛好食到唔識形容🤤咁多年黎新香園嘅蛋牛治依然保持到高水準👍🏻大家有時行過都可以買一份當小食記得加一蚊要埋烘底😜包你食到舔舔脷😋————————————————————————

深水埗新香園(堅記)過開黎買野,又無晚市,食返件蛋牛治烘底加招牌奶茶有成50幾年歷史既老店,港式經典風味呢間相信係其中一間呢一區最有代表性既美食最重要係水準多年保持到相同味道同澳牛類似,都係光速快餐,人多流量快點餐快食得快,收碟都快,高速的港式飲食文化烘底香脆,麵包中間仍有點軟綿口感雞蛋煎得微焦,混上鮮牛肉煎成,食到一口蛋汁同牛肉鮮味簡單新鮮就係好食奶茶亦係招牌,自家調既茶底,特別醇香不帶苦澀味地址： 深水埗桂林街38號A地下平均消費$40用餐時間約15分鐘

今次去食既係係深水埗好出名既新香園！新香園出名蛋牛治，一定要叫烘底呀～～新鮮熱辣辣，不過略欠味道唔係特別濃厚，唔似得出面街既蛋牛治通常偏鹹。勝在料非常多，女仔食一個都飽lu!

自己每一次去深水埗都有一個習慣就係食完腸粉之後就要過嚟食蛋治，佢哋喺呢條街對我來講即係有着不可分割嘅關係☺️佢哋嘅蛋牛治同坊間嘅蛋牛治唔同嘅地方就係佢哋係用鮮牛肉炒成，並唔係用罐頭嘅鹹牛肉，都算係獨有嘅風味。另外其實佢哋仲有粥品同埋豬手麵提供，呢兩樣野都係佢哋嘅特色，我自己就食個豬手，其實係整得幾淋同埋幾好食嘅。佢哋嘅奶茶都算係入口順滑，但係要提一提，大家如果食嘅話就要接受到佢嘅地方比較淺窄。要有心理準備

呢間茶餐廳好受街坊歡迎，不過衛生就差少少，佢地全部嘢食都係單點，唔會有套餐！-西多士 係傳統港式嘅西多士，味道不過不失，炸得都幾香脆👍🏻👍🏻-紅豆冰 紅豆足足佔左半杯，不過水既比例落得多，令紅豆冰比較淡味，好彩紅豆夠多，仲有少少甜味😶

一講起蛋牛治，一定第一時間諗起新香園，新香園既蛋牛治，好耐之前已經聽過，但係今次真係第一次去食😋佢呢度除左蛋牛治之外，豬手麵同埋紅豆冰好似都好出名，不過今次就冇食到la🙈下次有機會再試下。 1⃣️馳名蛋牛治（$21）（烘底+$1） 黎到呢度食蛋牛治，一定要嗌烘底！食落香脆帶牛油香🤤呢度既蛋牛治最特別既就係佢呢度既牛肉係用新鮮牛肉打碎而成，唔係用罐頭既牛肉，所以食落口更加有牛味，亦都唔會覺得過鹹！碎牛肉加埋蛋一齊煎，份量都有咁上下，蛋既邊邊位都煎到脆身😍而牛肉味道同蛋味都好夾！  

好耐無係深水埗食早餐，突然好想食蛋牛治就即刻諗起新香園！好一段時間無去發覺店裡無咩點變，只係枱與枱之間多左幾塊紙板隔住，成個感覺唔同晒了。搵左個無貼紙板既位，叫左份蛋牛治(烘底)加熱茶走。轉左用電子系統落單真係快左份多士烘到熱熱地加上熱辣辣既蛋牛真係好好食，杯奶茶好燙口好有風味除左俾現金而家好多左個選擇俾八達通方便左好多！但每樣只可以單點其實加埋晒都幾貴下，不過間中幫襯下都ok既真心: 如果有套餐我相信會更多人幫襯

This used to be my top sandwich place but now I'm not so sure so that's why here's an updated opinion. Why was it worth the hype? Creamy scrambled eggs perfectly mixed with minced beef sandwiched between whit toast bread. Not anymore. This time around the filling was a bit dry, left in for way too long killing all the magic. The service was slow and the place wasn't busy so maybe they fell asleep on the job? I mean, they had one job. I can only console myself that the iced lemon tea was still re

這間餐廳已經係深水埗好耐喇，牛治出名到街知巷聞，好多區外人都慕名而嚟啊。今次喺早餐時段試一試，朝頭早大約七點已經落咗order啦，餐廳內冇乜人，大約5分鐘到就已經可以外賣拎走喇。翻食指數

呢一間以前讀書都會間唔時過黎食，過左咁多年，環境都好似冇變過咁，唯一唔同就係中間多左膠板，隔開啲人。豬手麵以前就冇食過，不過不嬲都知呢間出名豬手麵。以前唔係好食豬手，人大左，好似接受既野多左咁，今日一場黎到，就食豬手！▧ 南乳豬手米米粉底就麻麻地，有點浸左好耐既感覺，食落少少鞋，唔滑身。不過南乳豬手就炆得好淋，好入味，係唔錯既。湯底就唔太突出，都還好。▧ 蛋牛治呢個就真係由以前都而家都咁好味，上手熱辣辣，多料，烘底又香，正。整體黎講，唔貴，好食，正要提提就係，老字號餐廳，見到會員工同熟客係咁傾計，比人感覺幾親切。

係深水埗搵美食，第一站早餐去咗著名既新香園(*•̀ᴗ•́*)و ̑̑佢既豬手麵同蛋牛治算係深水埗名物，再嚐久違既味道老字號餐廳，難得員工態度親切，會同熟客有傾有講，呢一番茶記景象已經好少見(*бωб)▣ 南乳豬手米本應叫豬手麵，但口快叫錯咗米粉，米粉麵質似乎放咗好耐漲哂( ´∵｀)但南乳豬手維持水準，炆得好淋，好入味♥︎▣ 蛋牛治烘底三文治，牛油，加蛋牛餡料，完美😋蛋牛都係維持水準，蛋牛餡料有一定厚度，滿足！▣ 熱奶茶個人覺得一般般，茶底味道嘛嘛

《製》#新香園（堅記）《號》#奶醬多《貝》$11《案》✎「漸近中原，辱書尤數，喜出望外。」——蘇軾《與李之儀書》✎為蛋牛治湊夠低消，意外收得滋味一碟，可謂喜從天降。《品》🔸又是極熱，麵包薄而烘至極脆極熱，金黃均勻；🔸熱力溶化奶醬，使其微微流動，緩緩滴落⋯⋯🔸奶醬濃稠密度高，並無浸腍方包；🔸嚼最後一口，清脆聲仍不絕耳，包體之脆更甚於蛋牛治。🔸份量適中，花生香、奶甜味平衡；🔸偏甜但絕對不過分，正屬其應有之味。🔸尋常食材，製出非凡滋味，莫名感動。—————————————————————————🔎#老饕鑑鹹_上上品🗂#老饕品_港式；#老饕喫_西多與治📍#老饕赴_深水埗🗺️深水埗桂林街38號地下

：「夜幕低垂，唯有桂林街一處，燈火通明。一間永不打烊的茶記，一份$22蛋牛治烘底，慰藉多少，風塵僕僕夜歸人。」《製》#新香園（堅記）《號》#蛋牛治（轉滑蛋、烘底）《貝》$22 +$1《案》✎「花開堪折直須折，莫待無花空折枝。」✎——杜秋娘《金縷衣》✎食物不等人，老饕全速留影；而有人堅持要打一通電話，然後為被牛油浸軟的烘底方包捶胸頓足，活該。《品》♨起首必提其熱度，內餡新鮮即製，滾滾熱辣；♨麵包烘烤至燙手，滿足無上！♨凡是熱食，就理應熱氣騰騰如此！——————————————————————————【包體】♦️烘底功夫了得，兩面一片金黃，幾無留白；♦️張口咬下——「咔嚓！」——怎一個「爽」字了得！——————————————————————————【內餡】🔸炒製略嫌乾，「轉滑蛋」簡直妙！🔸蛋汁使內餡濕潤嫩滑，口感與乾脆麵包形成強烈對比——🔸舌尖被粗糙包體擦過，隨即被溫潤蛋汁所包覆，一品！♦️蛋生熟合度，香濃嫩滑，汁多味美。♦️新鮮牛肉剁碎，軟綿不老，鮮味無窮；♦️兩者水乳交融，比例合度，分佈均勻，口口如一🔸熱融牛油使內餡味道與香氣更上一層樓，直要皺眉讚嘆。🔸為保麵包乾爽，豎直而食，得一手融油，無妨

深水埗實在太多好嘢食有時喺對面食完腸粉都會忍唔住過嚟食返件三文治又或者直情喺呢度食件三文治再食碗豬手麵呢度嘅蛋牛治同出邊嘅好唔同因為佢係用鮮牛肉做嘅所以我覺得佢比坊間嘅蛋牛三文治係好食自己就鍾意烘底嘅多士，咁炒蛋同牛肉口感會再突出啲調味亦都唔會過鹹，呢個亦都係我鍾意食嘅原因唔係好鍾意食罐頭鹹牛肉嘅味道餐廳其實仲有豬手麵都好好食唔覺唔覺原來餐廳已經開咗好多年，一路都係做開街坊生意可以咁多年都保持到水準都幾難得！